“Okwiha ahakutandika nkaranga eby’emperu naiha omubiro by’ira nindaanga ebitakabeireho ningira nti: enaama yangye eryahama mpikirize ebinamarire kukora byoona.” (Isaaya 46:10)

Nkabikiriza ba baiburi nituhamibwa ngu Ruhanga naija kumarira entebakanisa ye ey’okujunwa omu muringo gw’kitinisa. Enyimaho mukamawaitu Yesu Kristo akagambira abaikiriza ati “… kumurireeba Yerusaleemu eyehinguririzibwe engabo, obwo muryamanya ngu okuhwerekerera kwayo kuri haihi. Obwo abo abariba bari Buyudaaya bahungire aha nshozi nabariba bari omururembo bashohore…” (Luka 21:20-21). Yeimwe, mwetegyreze eki! Bakakora eki baheza kureeba amahe girira hihi norureembo. Omunyabyafaayo rugambwa wakaire ako, Josephusi Flavius, akahandiika ngu abo boona ababaire nibikiririza omuri masiya bakaruga Yerusaleemu etakacwekyerezibwe omu mwaka gwa 70AD.

Mukama waitu akagumizamu nagamba aha bintu ebirikuza kubaho turi kwiririra emperu. Akagamba aha bubonero omwizooba hamwe n’omukwezi, okushoberwa hamwe n’obusasi omumahanga, emisisa hamwe nenjara. Akashuba yagamba arikumanyisa Israeli, “Kumurireeba omutiini … reero neimwe kumurireeba ebi byoona bya hikirira, mumanye ngu obukama bwa Ruhanga bwirire haihi (Luka 21; Matayo 24). Naitwe murembe ogurareebe ebi byoona nibihikirira.

Hati Mukama nashuba agambira abikiriza abamazima- abo abarikwikiriza kandi bakorobera ekigambo kye kandi bakazoora amaisho kureeba obunabi bw’omu baiburi nibuhikirira, “Kumurihurira okuhajana kwona ahari Yerusaleemu, mwetegereze. Ngu obwo nibwo bwiire obu abaikiriza boona abamazima barishohora kandi bakahunga kuruga omu dini ya Baburoni bakagarukira mukama hamwe n’ekigambo kye kyaraganisibwe!” Tutwire omu kaire ak’omutaano munoonga obu obunabi bwoona obwomuri baiburi buriyo nibuhikiririra omu maisho gaitu. Burikimwe kyoona nikyoreka okugaruka kwa Kristo, okuhatariho muntu weena nari kintu kyoona ekyakubasa kukuzibira.

Sitaani akaba atakabaasa kwekiika omu ntebekanisa ya Ruhanga omwiguru; akaba atakabasa kuzibira entebekanisa ya Ruhanga omuri Paradiso. Sitaani akaba atakabasa kuremesa entebekanisa ya Ruhanga omuri Israeli, tarakibasize n’obuyateireho enkora y’okwita abaana babayudaaya boona – Musa we akaguma ahurire, ahabwokuba akaba yatekatekirwe omurimo gwokuba nabi. Omuzigu tarabasize kusingura obu Miriamu na Arooni bacwereire omuhereza wa Ruhanga omushango kandi bakamubuza yaaba ariwe weenka ou Ruhanga arikugambiramu (Okubara12). Tarabasize kushisha entebekanisa ya Ruhanga na Israeli obu Koora na Dasani hamwe nabandi bebembezi 250 bakaimuka kurwanisa Musa, baretaho kwebaganisamu omu ihaanga rya Israeli (Okubara 16). Eego, niwe wenka ou Ruhanga yabonekyeire aha rushaka rutari kusya kandi ou Ruhanga yabaire atekatekyeire kuba nabi nokutumwa okw’omutaano! Nobu araabe yabugaine ebizibu baingi akakora okutumwa kwe okuhitsya obu yahikire nabaana ba Ruhanga aha nsharo yensi eyaraganisibwe (Ekyebiragiro 34). Rero Ruhanga akagumizamu nentebekanisa ye na Yoshua.

Sitaani tarabasize kushisha entebekanisa ya Ruhanga obu Herudi yaita abaana boona abari ahansi ye myaka ebiri aha bwokuzaarwa kw’omucunguzi. Sitaani tarabasize kuzibira kyoona ekyabaire kiri omunteekateka ya Ruhanga, nobu Yuda yarebize mukama waitu. Burijo Ruhanga aguma ateire amaisho ge aha bintu byoona ngu entebekanisa ye ebase kwaana ebijuma. Encwamu ye egumaho ebiro byoona. OKU NIKWO MUKAMA ARIKUGIRA, “Ndyayombeka ekanisa yange aha rukiri oru, n’amareembo g’okuzimu tigari gibasa” Hatari kubanganisa egumire aha mazima kuhitsya obu erareebeke etaine kabara koona nari shi omufunya omu kubaho kwe omukitinisa (Abaefeso 5:27)

Nabegesa abebishuba nobubarabe babire bayeyorekire omu biro by’entuma bakaba batakabasa kwemerera omu muhanda gw’okujunwa. Omumuringo nigwo gumwe ba nabi bebishuba abri kweyoreka omu mukaire aka akahamuheru tibarikuza kusingura omu kuremesa entebekanisa ya Ruhanga. Entumwa Petero akahandiika nagira ati “kwonka hakba haimuka nabaanabi ab’ebishuba omu ihanga rya Israeli, nkoku omuriimwe haribamu abeegesa ab’ebishuba, abari taasya omu mubonano enyegesa eri kuhabisa…” (2 Petero 2:1) Akoreka butunu akabi akarimu. Nahanyima y’entumwa Paulo aherize kuraanga enaama ya Ruhanga, hariho abashaija abaimukire batandikaho ebirikuhabisa, obwe bari kwiha abantu abamwe aha mazima ngu babakuratire (Ebyakozirwe 20:17-32) Nokuhitsya na hati abaikiriza abamwe omumuringo nigwo gumwe nibihwa omukanisa bazibirwa kukurata Yesu Kristo ngu bakuratire abantu buntu abarikubaretera enyegesa ezigwire.

Omubutumwa bwe kanisa ya Efeso Maraika we kanisa akgambirwa ngu “kandi kuwayetegerize abeyetwa entumwa, haza bataribo, okashanga bari ab’ebishuba”. (Okushuuruurwa 2:2) Tutire aharubaju ebyomuntu arikugamba omukuburira kwe, okuburira kwe kwenjiri kukurabe kutarikwikirizana nenyegesa ze ntumwa (Ebyakozirwe 2:42), obwe kurigirira omu bujurizi obwe byahandikirwe ebiri kwera nabanyabishuba.

Omubutumwa bw’kanisa ya Perugamo, Ruhanga akeereka okwetomboita kwa maani “… okwe oyineyo abarikwikiriza enyegesa ya Balaamu…” (Okushuuruurwa 2:14) Nikireebwa butunu ngu enyegesa za Balaamu zikaba nizitaniira kimwe ne nyegesa z’entumwa. Oriya nabasa kukireeba nk’ekyabaire kitari kubasika ngu omuzugu akaba yaherize kutaha omukanisa kurigira kimwe aha kutandika kugira ngu azibire entebekanisa y’okujunwa. Kurugirira aha bujurizi bwe byahandikirwe, ekanisa ya Yesu Kristo n’omwanya gw’okureebwamu obwa Ruhanga omunsi n’omubiri gwa Kristo empagi kandi omusingi gwa mazima (1 Timoseo 3:15). Tihariho kishuba ekiri kukomooka omu mazima (1 Yohana 2:21), burijo kituura kiri okucurika amazima. Ekyokureberaho eishomo niribasa kuba riri erya baiburi, konka ekyabantu barikurigambaho nari bari kurihandikaho kube kutaine kakwate n’ebyahandikirwe. Okwe nikwe kyatandikire omukibanja Edeni: Sitaani ekaguma neishomo, konka etaine mazima.

Omubutumwa ahari maraika omuri suatira nitushoma ahabundi busasi, “konka nyine ekindikufa naiwe, ogumisirize omukazi Yezebeli, orikweyeta naabikazi kandi oyegesa abahuku bangye … (Okushsuuruurwa 2:20) Nikimantwa butunu ngu Ruhanga akaba ateireho entumwa, banaabi hamwe nabegyesa nabaandi omukanisa ye, konka batari banaabikazi nainga entumwakazi hamwe nabegyesakazi. Kandi obwe kikaba kyaherize kubaho omu bwire bw’entumwa ngu omukazi akeyoreka nka naabikazi kandi omwegyesakazi, arikubiiha abahuuku ba Ruhanga. Kikaba kiri ekigyendererwa ky’omubi kurigira kimwe ahakutandika kubeiha abantu ba Ruhanga.

Kurabira omuri naabi Ezekieli, Ruhanga akaba yatugambiire abusaasi obutari kubaasa kwemerwa obu enkozesa mbi y’ebiconco by’omwoyo erikuteeka aha bantu; kiriyo nikiita n’emyoyo y’omuhendo. OKU NIKO MUKAMA ARIKUGIRA, “naiwe mwana w’omuntu we, teera ekitsyori bahara b’abantu baawe abari kuhanuura ebi barikugunja omu mitima yaabo,obahanurire ebiribaho noogira oti: oku niko mukama RUHANGA arikugamba naagira ati: baryareeba enaku, abakazi ababaziira engisha, bakazijweeka abantu boona omubujwariro bw’enyerere, bakakora n’ebitambaara by’okwetwekyerera ebyabantu aba buri rugyero, nibahiiga amagara gaabo! Nimwija kuhiiga amagara g’abantu bangye mukize agabandi, ngu mubone kwetungira amagoba?” (Ezekieli 13:17-18)

Omukanisa ya Suatira, omuzigu akakozesa omukazi owabaire aine ekiconco ky’obunaabi okuhabisa abahuuku ba Ruhanga abashemerereirwe ekoconco ekyo. Bakabaiwha ahabwokuba bakaba bataine kiconco kyokugyeza emyoyo. Nabashaija ababaire baine obujunanizibwa omukanisa bakamureba nk’owamani tibabasa kureeba ngu bo bonyini kandi aha muheru amakanisa agu babaire bakwatsibwe, bakaba batsigireho ekitinisa kye kigambo kya Ruhanga. Ekiconco ky’obunaabi tikirikuhindura mukazi nabikazi nainga omwegyesa we by’omwoyo. Abashiki bana ba Filipo bakaba baine ekiconco kyo bunaabi (Ebyakozirwe 21) konka bakaba batari ba nabikazi.

Banaabi boona abaateirwe Ruhanga omukanisa nibamwe ahabuheereza butane (Abaefeso 4:11). Ekiconco ky’obunaabi nikimwe aha biconco mwenda by’omwoyo (1 Abakolinso 12). Omundagaano enkuru nitushoma ahari nabikazi Miriamu (Okuruga 15), nabikazi Debora (Abaramuzi 4), na nabikazi Hirida (2 Abagabe 22) hamwe na nabikazi ou Isaaya yatweire kuba omukazi we (Isaaya 8:3), koonka tihariho nomwe omuri abo owabaire aine obuhereza omukanisa. Nikyo kimwe na nabikazi Anna, orikugambwaho omu kitabo kya Luka 2:36-38. Ebintu byoona ebikwatorine n’entabakanisa ya Ruhanga y’okujunwa bikashuuruurirwa abairu be ba Nabi hamwe n’entumwa (Abaefeso 3:5; Okushuuruurwa 10:7; a.o). Obuhereza n’ebiconco bishemereirwe kutebekanisibwa kurungi omu muringo gw’obwa Ruhanga kandi bashemereire kubireka omu mwanya gwaabyo.

Sitaani obutosha ayenda ngu ateganise ahu omwoyo wa Ruhanga ariyo nakora ekintu ky’omutaano omu kanisa. Kandi buri kaire akikora n’ebigyendererwa nibyo bimwe: Okucwecereza omuringo gw’obwa Ruhanga, kureta ebibuzo hamwe n’okuhindura eki Ruhanga yagamba, hamwe nokureta akavuyo n’okugaya abahuuku ba Ruhanga kugira ngu ateganise omurimo hamwe n’entebakanisa ya Ruhanga. Nobu kirabe kiri kisyo, enama ya Ruhanga eryagumaho ebiro byoona. Ekanisa ya Yesu Kristo terikuza kusingurwa amani g’okuzimu. Omugore w’omwana gw’entama nabasa kubaihwa ahabwa kaanya, nkoku owishaimwe Branham yarebire omukworeekwa konka tarikubasa kubaihwa. Naija kugarurwa aha muramwa, naija kuba ayetekatekyire kandi ayezibwe kuba aha mbaga y’omwana gw’entama. (Okushuuruurwa 19).

Sitaani okukira munoonga nayimusya orutaro aha kanisa eya mazima hamwe nahari Israeli ahabwokuba byiine ekicweka nebigyendereirwe by’omutano omuntebekanisa y’okujunwa. Ensi ekaba etarabase kuhurira omwana nomwe ofiire omuri Misiri kuri Musa yabaire atatekatekyirwe kuba nabi wa Israeli kuruga aha kuzaarwa. Hakaba hataribaho omwana weena ayisirwe ahari Beterahimu kuri omwana wa Ruhanga yabaire atazarirwe yo.

Katuranzyeho kakye omu bwiire obuturimu: Sitaani ekareka ababurizi b’enjiri bamaani hamwe na makanisa omu busingye. Hakaba hariho omushaija omwe weenka owabaire aine kuraba omu bigyezo by’amani, nangwa n’ebigyezo akabibugana omukanisa ye.

Akaba ari William Branham, owatoreinwe kuruga obu yazaarwa (Yeremiya 1:5) kandi akehayo ahari Ruhanga okuhitaya aha muheru gw’amagara ge. Ahamyaka mushanju ye yobukuru, akahurira ereika rirukugamba nawe okruga omukasorora riri kuruga ahaiguru y’omuti, “Otarireesa, nainga okusiinda, nainga okushiisha omubiri gwaawe omu muringo gwoona. Ahabwokuba haryabaho omurimo gworikora ku orikura”. Akaba ari nabi owaraganisibwe n’obuhereza bwinire kimwe akakwate n’entebekanisa ya Ruhanga y’okujunwa omu bwaire bwa hamuheru. Okurwanisibwa kukaruga omubebembezi ba madini gatari gamwe nagamwe, kandi bakaimuka kumurwanisa ahabwokuba we, nk’omushaija owabaire atumirwe Ruhanga, akaburira enjiri y’amazima, enyegyesa za baiburi, bona nka madini gaabo ezibabaire batakabaasa kwikiriza.

Okurwanisibwa okwa maani kukabaho obu omwe owabaire ari munywani we omuri haihi omukutandika obu yamuhababira omu kitongore eky’omunda ekyabaire nikishororaza emishoro. Owaishemwe Branham omu bwaire obwo akaba atarikumanya ntwaza y’ensi ahabwokuba we akaba namanya eby’omwoyo omu bukama bwa Ruhanga. Omunterene ze, abantu bakaba bateiremu obupapura bwa banka bwokutungiraho sente (cheques) kandi bukozirwe omwizina rye bukahebwayo nk’ekihebwayo. Obwo bupapura bwa banka akaba abutaho omukono kandi sente ezo zikozesebwa kushashura omuntu owabaire agira oruterane. Reero ekibokisi kyoona ky’obwo bupapura bwa banka bakimuretera, rero bamujunana ahabwokokozesa sente we nk’omuntu atashashwiire mushoro gwoona. Sente ezabaire zirikubateza omutwe ni emitwaro makumi atano ya doora za Amerika. Abekitongore ekyomunda ekishoroza mushoro (I.R.S) bakaba nibabanja sente eziri kureenga emitwaaro makumi ashatu omu mishoro eye nyima. Pasipoti ye bakagimwaka kandi tiyaikirizibwa kushohora eihanga. Okucondooza kukagyenda omumaisho kumara emyaka etaano. Akagambaho nanye ahanshonga ezo kandi yanyereka n’okushasha kwe aha bwokutabasa kwakira kurarikwa kwangye kwija omunterane omuri bugirimaani hamwe na David Duplessis. Oruzindiko oru yabaire atebekanise orwokuza Sdney, Austraria, omu mwaka gwa 1959 narwo rukaba rwine kwemerera ahabwokuba akaba atarikubasa kuruga omuri Amerika. Akagumizamu yanyaturira enama eizina ry’owaishemwe owaizire kushashura sente ziri kwingana emitwaaro makumi ana ya doora haza ari kuzimushashurira, sente ezikirizibweho looya hamwe n’ekitongore ky’omunda kishoroza mishoro (I.R.S).

Omukwezi kwa ikumi na kumwe ebiro 28, 1963, owaishemwe Branham, aha bintu ebindi ebiyagambireho nanye, akangambiraho enshonga ye yemishoro, akagira, “Emyaka etano ehingwire, ntwiire ninyebuza niki ekishobire. Nkahurira omu mutima gwangye orikusha ngu bakwatsire ekintu bampondahonda, kandi ntari kubasa kumanya ekyo kintu niki. omubwaire obwo obwokumpondahonda … na gavumenti ekantaho okucondooza … nkaba nimbajibwa gavumenti emitwaro makumi ashatu ya doora za Amerika. Bakaba batari kubasa kunyikiriza kushohora, nkaba nyine kuguma omwihaanga… hati, nkahurira orikushwa ngu bampondahonzire, omu myaka egi ena nari etaano ehingwire…” Omushaija wa Ruhanga nkogu owamani kuriyarekire kukora okwetwa kwe okwine akakwate n’entebekanisa ya Ruhanga y’okujunwa (Malachi 4:5-6; Matayo17:11; Mako 9:12), sitaani ekaba etaramukwateho. Ogundi murundi akajira ati “Ntwire nimpurira ogwe mutwaro ogurikukirayo oburemezi. ndizire. nshabire. nayatura n’ebibi byangye. Nkore ki? Nkozire ki ekyo?”

Nanabi Yeremiya egi embera enyimaho akagirabamu obu abantu be babire nibanushisha kandi bakenda n’okumuhababira. Oku niko kyahandikirwe ngu, “Ahakuba nimpurira baingi nibahwihwiitsa okutiinisa kuri embaju zoona! Banywani bangye ab’ahamara abategyereize okugwa kwangye, nibagira bait, muregye, naitwe nitwija kumurega, Shana akaabeihwabeihwa, tubona kumusingura, tumuhoora.” (Yeremia 20:7-13) Eki nikihika ahari buri muhereza weena wa Ruhanga. Eihari nirigyema abantu kuretaho okubaganisibwa omu by’edini, nkoku kyabaireho na Kaini owabaire ari omwana ow’omubi. (1 Yohaana 3:12) Mukama waitu akaragura aha biri bibaho aha nshonga egi nagira ati, “Kandiobunaku buryahika, omuntu weena oribeita aryateekateeka ngu nakorera Ruhanga.” (Yohaana 16:2) Nitubasa kugamba ahari ebi byoona ebihandikirwe omu byahandikirwe, konka kuturikubanza twabirabamu nibwe turikumanya obusaasi obubirimu.

Nitubaasa kugaamba aha kugwa kwa Lusaferi hamwe n’abakuratsi be, abuyashuumire nabo kuruga omwiguru. Nitubasa kugamba ahari Hawa nokuyabeihabeihirwe, nitubasa kugamba ahari Adamu, owajemire kandi nawe yabarirwa omubagwiire. Nitubasa kushuba tugaambe ahabyabeireho omu bwaire bwe ntumwa omu makanisa, tushuba turebaho enyimaho namunoonga ahabutumwa mushanju aha makanisa, kandi hati enshonga enkuru eriho tiyebihingwiire. Enshonga yaitu enkuru ni ebi Ruhanga ariyo nakora hati hamwe n’omuringo ogu sitaani yashensheire omukanisa kuteganisa entebekanisa ya Ruhanga y’okujunwa omu kicweka eki ekyahamuheru.

Abaingi omuri rimwe nimukijuka emigisha mingi eyabaireho omu myaka eya nkaaga nangwa n’omu myaka eya nshanju oweishemwe Branham arugire kuhumura akatwarwa omukitinisa, obutumwa bwa hamuheru bukagyenda omu maisho n’obusinguzi okuruga omu mwanya ogu kugyeenda omunsi yoona, nkoku Ruhanga yakitebekanise kare okuruga omu butahwaho bwoona. Ekanisa ekeyongyera kukura omu mwoyo hamwe n’omukweyongyera kw’abisheimwe. Emigisha ya Ruhanga ekaba ehurirwa omu magara g’abantu kandi ereebwa n’omuburi ruterane. Omukaire ako, muama obumwe akaba agamba naitwe kandi ashuuruura enama ezo omu kigaambo kye, nkoku yabeire yazishuuruurire omuhereza we kandi naabi. Abantu bakaruga enshonda n’enshonda kuhurira obutumwa obutafungwire, ekigaambo eky’amazima, n’okubaho hamwe na mukama owazokire.

Eki kiri “omu muringo ogugumire kushoborora”, Nobu kirabe kiri kisyo, tikarashemize muzigu na kakye. Nahabwekyo, omu mwaka gw’enshanju kugwabire niguhwaho, omubi akaimutsya orutaro rw’amaani aha murimo hamwe naha kanisa, kugyezaho kumaraho enkwatanisa. Nkoku kiri na Hawa okuhinduraho akagambo kamwe omu kigaambo nkoku kiri omukutandika eshura 3 kikaretera abantu boona kutaha omu kugwa, nkoku oweishemwe Branham yakihamize emirundi miingi. aha sitaani akagyezaho ngu agwise omurimo gwa Ruhanga obutarigarika kwiimuka kurabira omu kanwa yaabo abayetaanisa n’ekanisa, obwo bari kukozesa kubi kandi bakacurika ebyahandikirwe kuruga aha ryeki kuza aha ryeki kandi barikukozesa n’ebyahandikirwe naabi Branham. Ekigyendereirwa ekikuru kikaba kiri kumaramu ekitinisa kandi n’okushisha omuhereza ou Ruhanga yatebekanise kutwara ekgaambo kye. Emishango eyabire eteine buhame ekampangwaho nk’owabeire nahakanisa Kristo (antichrist), ekitingwa, kandi owabaire nabuzabuza omugore wa Kristo. Nkoku kyabeire nikiteekateekwa ngu nibuza kumukorwaho, byoona bijanjire enyima ye. Owisheimwe Paulo

“Emirimo yaabo nekituuro ekirangaire,
Bagobya nendimi zaabo,
obushegu bwencwera buri omuminwa yaabo,
Akanwa kaabo kaijwire okucyeena n’obushaarizi,
amaguru gaabo garahukira okusheesha eshagama,
okuhwerekyereza n’enaku biri omu mihaanda yaabo,
n’omuhanda gw’obusingye tibarikugumanya.
Tibata mutima aha kutina Ruhanga.” (Abarooma 3:13-18)

Kugira ngu ahikirize ekigyendereirwe kye, sitaani akatahirira obushweere arikukozrsa kubi kandi arikuvunura kubi 1 Abakolinso 7. Nobugurabe guri nk’omucwe gwa burijo, omukazi eowabaire ayetaniise kuruga aha kanisa ahonaaho akagambiriraho omushaija we “nimbasa okutaana naiwe nyine kuguma nyeeka, ekyo nikyo entumwa Paulo yagambireho omu 1 Abakorinso 7.” Ekyo kikaba kiri ekishuba kya sitaani kiine akakwaate n’entebekanisa y’okucwecereza. Nobu kirabe kiri kisyo, ogwe tigwo muringo ogukihandikirwemu nakakye, kandi enyima y’orunyiriri rwa 11 hariyo orunyiriri rwa 10, kihandikirwe ngu, “kandi abashwire nabashweirwe nimbaragira, nkooka tinye, kureka mukama waitu, omukazi arekye kutaana na iba”. Ogu akaba Atari ntumwa Paulo owabeire nagaamba kureka akaba ari mukama. Ekyo kigaabo tikiri kwetegyerezebwa gye? Tikirikwikirizana n’ebyahandikirwe ebindi ebirikugamba ahaishomo eri? Tikirikuteebana neki Branham yayegyeise ekikwatirine n’ekimukama yaragirire namunoonga omwitebezo rye “okushwera n’okushenda?”

Omurunyiriri rwa 11 nitugambirwa ngu kukyokuba kyaherize kubaho, kandi ku araabe yateine nawe akugumire aho atashwerwa ondiijo, nari shi agarukane na iba…”, Hatari kugira ngu omu biro by’omumisho naza kucwamu kutaana ninga shi okurangirira okushenda, kwihaho kyaba kyaherize kubaho obwe ashemereire kuguma weenka nari shi akgarukana na iba omukuru. Tihariho bindi ebyahandikirwe ebikwatirine neishomo eri ebibabasize kutaho omutima. Sitaani ekakozesa ekyahandikirwe kimwe kyoonka, erikukozesa omugisha gw’omuzaano n’ebigaambo ebi “okutaana hamwe n’okusheenya”

Boona abarikwendakuba ekicweeka aha kutwaara, bashemereire kuruga ahari eki kishuba ky’asitaani ekibahamireho, oba babaihabeihirwe ebibahurire ninga shi ebi abantu bahandikire; bashemereire kukomororwa bakahinduka aba obugabe kuruga omuri obwo burgo. Omuringo nigumwe gwoonka entebekanisa y’obwa Ruhanga omukanisa, amaka hamwe n’obushweere nibibasa kugarurwa omu buteeka okutandika na 1 Abakorinso 11:3, “Kwonka ninyenda ngu imwe mumanye ku omutwe gw’omushaija ari Kristo, n’omutwe gw’omukazi ari iba, kandi omutwe gwa Kristo ku ari Ruhanga.”

Nkoku aba Israeli ababire barumwa enjoka z’obushegu buri kubabiira bakaba nibeteenga kuhanga amaisho enjoka y’omuringa kugira ngu batungye okukizibwa, omumuringo nigwo gumwe tweena abu sitaani atiremu obushegu bwaayo oburi kwiita omu kwikiriza tushemereire kuhanga amaisho Kristo omucunguzi waitu, ahabwokuba niwe weenka owayatsire sitaani omutwe. Kurabira omukureeba kwoonka omu kwikiriza barikureeba omujuni owabambirwe nigwo muringo ogubakubaasa kukizibwa okuruga omu bushegu bw’omwoyo oburi kwita (Yohaana 3:14-17)

Kikaba nikirebeka ngu byoona ebyekanisa yaitu n’obuhereza ngu byahwaho. Nibwo twabeire tuherize kwombeka ebyobeko bibiri, nkoku mukama yabaire aragyirire omukwezi kwa mushanju 18, 1976 obu amaani goona g’okuzimu gacwirwe busha. Nobukirabe kyabaire kityo Ruhanga tarikirize sitaani ngu ashazemu entebekanisa ye (Ruhanga) Rero yatuhereza okutandika okutsya. Mukama Ruhanga akagumizamu omurimo nkoku okukunda kwe kwabaire kuri. Okuruga obwe miliyoni nyingi z’abantu okwetorora ensi yoona bahurire ekigambo ky’amzima emyooyo etari kubasa kubarwa ejunirwe kandi baingi baihwa omukubuzabuzibwa kw’omwoyo. Okutebekanisa omugore kukagumizamu nkoku ekigaambo ekyashuurirwe kiri.

Ahanyima ye myaka mikye sitaani akashuba yatandikaho orutaro rwa kabiri: omukwezi kwa 8, 25, 1987, omuntu omwe akampababira ahari ofisi ye by’emishoro ngu nyine emishoro einabire nyagire. Ahanyima y’okurirwa kw’omushango nkashanga ngu omuntu owakozire ekyo n’omuntu owabeire nakirayo kuba haihi nanye. Obwire obwingi abanyabiragiro nibikiririza omu bantu ey’omuka yaawe ngu kubakukutabariza ebi barikukugambaho namazima. Nyowe ekinabire ntari kumanya abandi abntu mukaaga bakareetwa nk’abajurizi- abaishemwe ababire bashomireho omukanisa yangye. Ebyagambirwe omukanwa omukooti orwokubanza okwaikumi 31, 1989 (okwijuka ekiro eky’okugarura ebintu busya ekyabaireho omu bwaire bwa Martin Luther), abashaija mukaaga, abashorooza b’omushoro hamwe n’abakuru omuri polisi okuruga Dusseldorf, bakahika ahuturi kuramiza (mission center) zitakahikire shaha ibiri omukasheshe. Bakakyebera omubishengye by’abantu, hamwe n’omuri za ofisi, batwaara ebihandiiko byoona babipanga omu bibokisi babisindika aha kigari. Nkaba ni njunanwa emishango 19. Ekyarugiremu eiramizo ryeitu eryabaire ritari kushubura (non –profit) ahonaho rikemerezebwa. Bakaba nibenda ngu tushashure sente za Bugirimaani eziri kwingaana 340,000 DM kushashura omushoro gw’okutwikiriza kukora emirimo nk’ekigoombe ekyetongweire (Corporation tax) hamwe na sente ezindi eziri kwingana 220,000 DM kushashura omushoro gw’ebintu ebitwabire twine (property tax). Tukaba tutakabasa kutunga sente ezo. Kurugirira omu magezi g’omuntu, kikaba nikirebeeka ngu ekanisa yaitu n’obuhereza bwaheeru byahika aha muheru, ogundi murundi.

Hatariho kubanganisa kwoona akaba mukama weenka owayebembeire mukuru w’emishoro omuri Krefeld kuntonganirira, kurebeka ngu tinaza mu kihome nkoku kyabaire kitebekanisibwe. Ahabw’ekitinisa kya Ruhanga, nimbasa ngu omu bwaire bwegyo myaka yoona y’okucondooza tindashsrizemu rugyeendo rwange na rumwe rwokuza kuburira engirir aheru kandi nkabasa kugumizamu n’okweta kwangye omubwesigwa ahari mukama. Omukutangaala kwa mani okwa boona ababire nibacondooza, balooya hamwe n’encwero z’emanja (courts), ahanyima y’emyaka mingi y’okucondooza nabwo tihariho na kimwe ekibarebire ekyabaire kishobire, nobuhakuba omu byangye ebinabeire ninkora nk’omuntu neinga eby’ekanisa ei twabeire nitushabiramu (mission center). Omukwezi kwa ikumi nebiri 1999 kooti enkuru omuri Dusseldorf ahamuheru ekarangirira “nyowe okutagira mushango” nyebereireho.

Tihaine owokumanya ebinarebiremu omuri egyo myaka yoona eyokucondooza okwe. Emirundi mingi nkaba mbugana abari kunjunana. Obwiire bwingi nkaba nyine kukorogaana na balooya hamwe na ofisi enshoroza mishoro. 

Kandi nabwe, aha muheru tukashuba twareeba butsya okworekwa kw’obusinguzi bwa mukama. Ruhanga akaba atarimu muhereza we weenka na naabi William Branham omu bwiire bw’myaka etano obuyabaire nacondoozibwa, nanye nkaba ndi nawe omu myaka emiingi eyokujezibwa kwange okwa maani. Sitaani akgyezaho naage goona kushisha obwesigye obwabaire buri omuri ogwe owabaire aine ekigambo rero ngu azibire okujanjara kw’obutuma obutafungwaire obwahamuheru. Akaba atakabasa kusingura ahabwokuba ogwe owa OKU NIKWO MUKAMA ARIKUGIRA owo kwamukaga 11, 1933, nahati ariho ahurire: “Nkoku Yohaana, omubatiza, yatumirwe kutebekanisa okwija kwa Kristo kw’okunza, obutumwa obwakuheebwa nibuza kutebekanisa okugaruka kwa kabiri kwa Kristo.” Obutumwa obu nibwo ndikugumizamu kutwaara omumaisho ahabwobushoborozi bwokweetwa nokutumwa kwangye kwobwaruhanga okuruga obu owaishemwe Branham yahumura.

Ahanyima y’okuganira kwangye nogwo owambehereire, nangwa nomukuganiira okwe Rev. Pearry Green akaba ariho, omuntu ogwe akashumbusha ekanisa yaitu sente ezitwasisire yatuha 30,000 EUR. Noburi hati tihariho kabonero koona kaakworeka ngu tumwiniire ekibi ninga shi okwefuza. Nikyo kyabaire kiri ekya ahamuheru? Tihariho kugaruka omubuteeka ogundi murundi? Nituza kuguma twangire embabazi ezi Ruhanga yatuhaire? Nikimanyisa ngu eki Ruhanga yagambire omundagaano enkuru tikakikora omu ndagaano entsya, okukira munonga obu yagira ngu, orikugaya ishe nari nyina akyenwe! (Ekyebiragiro 27:16; Mako 7:10). Okushisha eizina n’okwita emyoyo nikuza kugumizaamu omukurebeka kw’okugaruka kwa Kristo okwirire haihi? Obuzigu nibuza kugumizamu moaka aha muheru gwenyini? Abantu abatari kubasa kuramukanya nibabasa bata kugira ngu beteekateekyeire okutwaarwa (rapture)? Eri eizooba ninyehanangiriza abo boona abari kwikiriza obutumwa bwa Ruhanga kutandika kushaba n’okusiiba, kungira ngu Ruhanga abase kuzibira okutahirira kwoona kw’omuzigu reero amariire omurimo gwe gwembabazi omumuringo gw’okutangaaza.

Tindikuyoomba kandi tindikucwera muntu weena orubanja. Ninyesimira omu ryeki ngu tihariho kunyomesereza kwoona okw’omuntu okwamazima (Matayo 5:10-12). Kuhabire hariho noomwe aharibo owamazima, ogwe mukama weenka akabaire yakozire enshobi omukutandiika obuyantuma. Ruhanga namanya byoona, nahabwekyo, buryomwe hati ashemereire kucwamu yaaba aikiriza ekigaambo kya Ruhanga ninga ebyo ebyabashekerizi. Entumwa Paulo akaherezaayo eshuura egi yoona erikweetwa 2 Abakorinso 11, kushuba kugamba aha bigyezo ebiyabeire ashemerere kurabamu nkoku yakikozire omushuura ya 6. Hati nanye nimbasa kurangirira nk’okuyakikozire omu bwire bwe, “Kwonka mukama akanyemerera haihi, yangumy; ngu mbone kugambira kimwe ekigaambo kya Ruhanga abanyamahanga boona bakihurire: kandi nkashahurwa omukanwa k’entare” (2 Timoseo 4:17).

Omukanisa eyokubanza entumwa hamwe nabakuru bakaba baine obujunanizibwa bw’okusharamu aha nyegyesa yoona. (Ebyakozirwe 15, a. o.) ahabwokuba Ruhanga ataire obuhereza obutari kushana omukanisa kandi obuhereza obu buhairwe ahabwokweza abaikiriza. Okugumizamu, hakaba hariho ekanisa emwe yoonka omuri buri rureembo. Okwebaganisamu gutuura guri omurimu gw’omuzigu. Ahabikwatirine n’okugaruka kwa Yesu Kristo okwiriire haihi, kishemereire kuhamibwa ngu abaikiriza b’okubanza bakaba nibemberwa omwoyo orikweera Kandi tihaine owa baire ari hare na mugyenzi we, bakaba bataine abo abari kweyeta abeishemwe, kandi hatariho nyegyesa z’ebishuba. Hati turiyo nitureeba ngu turiyo nitugarurwa aha musingi ogw’abandize. Egyo niyo nshoonga ahabwenki okwebaganisamu kwoona haza kuretsirwe enyegyesa ezihangire, kushemereire kuhweraho kimwe haza enyegyesa ezitafungwiire eza baiburi zirangirirwe.

Obumwe bw’ekanisa n’obwomuheendo munoonga. Mukama waitu akagira ngu “obugabe nari enju … nari kukira munoonga ekanisa kuyakwebaganisamu…” kandi “ogwe weena Atari aha rubaju rwangye, n’omuzigu wangye: kandi nogwo otashoroza nanye atatanisa.”

Omu bwiire obu owaishemwe Branham yabaire ari omubiro by’akabi kahaango, akashaba abeishemwe kuhayo okuraganisa oku, “Nindaganisa n’omutima gwangye gwoona kuguma nimpagira Tabirinakuru ya Branham omuntebakanisa zaayo zoona nkokuzebembeirwe oweishemwe kandi omusumba Rev. William Branham. Nindaganisa kuntarirogota ahari oweishemwe Branham ninga shi kurogota ahantebekanisa ze. Kandi ndyaguma mpunamise ogwe weena ori kukora ebintu nkebyo. ninza kwemerera nawe omu bubi ninga omu burungi nk’okuwe arikwemererera Ruhanga. Amina.”

OKU NIKWO MUKAMA ARI KUGIRA, nagambira abe: “Reeba, nkusharwire aha bigaanja by’engaro zangye,orugo rwawe ruryaguma omumaisho gangye obutoosha.

Abombeki baawe nibarahutsya kukwombeka; kandi abacwecerezi baawe n’baakugizire amatoongo nibaija kukurugamu.

Imutsya amaisho gaawe, oreebe; Bariya boona nibeeteerana kwiija ahariiwe…” (Isaaya 49:16-18)

“Okwiha ahakutandika nkaranga eby’emperu naiha omubiro by’ira nindaanga ebitakabeireho ningira nti: enaama yangye eryahama mpikirize ebinamarire kukora byoona.” (Isaaya 46:10)

Nkabikiriza ba baiburi nituhamibwa ngu Ruhanga naija kumarira entebakanisa ye ey’okujunwa omu muringo gw’kitinisa. Enyimaho mukamawaitu Yesu Kristo akagambira abaikiriza ati “… kumurireeba Yerusaleemu eyehinguririzibwe engabo, obwo muryamanya ngu okuhwerekerera kwayo kuri haihi. Obwo abo abariba bari Buyudaaya bahungire aha nshozi nabariba bari omururembo bashohore…” (Luka 21:20-21). Yeimwe, mwetegyreze eki! Bakakora eki baheza kureeba amahe girira hihi norureembo. Omunyabyafaayo rugambwa wakaire ako, Josephusi Flavius, akahandiika ngu abo boona ababaire nibikiririza omuri masiya bakaruga Yerusaleemu etakacwekyerezibwe omu mwaka gwa 70AD.

Mukama waitu akagumizamu nagamba aha bintu ebirikuza kubaho turi kwiririra emperu. Akagamba aha bubonero omwizooba hamwe n’omukwezi, okushoberwa hamwe n’obusasi omumahanga, emisisa hamwe nenjara. Akashuba yagamba arikumanyisa Israeli, “Kumurireeba omutiini … reero neimwe kumurireeba ebi byoona bya hikirira, mumanye ngu obukama bwa Ruhanga bwirire haihi (Luka 21; Matayo 24). Naitwe murembe ogurareebe ebi byoona nibihikirira.

Hati Mukama nashuba agambira abikiriza abamazima- abo abarikwikiriza kandi bakorobera ekigambo kye kandi bakazoora amaisho kureeba obunabi bw’omu baiburi nibuhikirira, “Kumurihurira okuhajana kwona ahari Yerusaleemu, mwetegereze. Ngu obwo nibwo bwiire obu abaikiriza boona abamazima barishohora kandi bakahunga kuruga omu dini ya Baburoni bakagarukira mukama hamwe n’ekigambo kye kyaraganisibwe!” Tutwire omu kaire ak’omutaano munoonga obu obunabi bwoona obwomuri baiburi buriyo nibuhikiririra omu maisho gaitu. Burikimwe kyoona nikyoreka okugaruka kwa Kristo, okuhatariho muntu weena nari kintu kyoona ekyakubasa kukuzibira.

Sitaani akaba atakabaasa kwekiika omu ntebekanisa ya Ruhanga omwiguru; akaba atakabasa kuzibira entebekanisa ya Ruhanga omuri Paradiso. Sitaani akaba atakabasa kuremesa entebekanisa ya Ruhanga omuri Israeli, tarakibasize n’obuyateireho enkora y’okwita abaana babayudaaya boona – Musa we akaguma ahurire, ahabwokuba akaba yatekatekirwe omurimo gwokuba nabi. Omuzigu tarabasize kusingura obu Miriamu na Arooni bacwereire omuhereza wa Ruhanga omushango kandi bakamubuza yaaba ariwe weenka ou Ruhanga arikugambiramu (Okubara12). Tarabasize kushisha entebekanisa ya Ruhanga na Israeli obu Koora na Dasani hamwe nabandi bebembezi 250 bakaimuka kurwanisa Musa, baretaho kwebaganisamu omu ihaanga rya Israeli (Okubara 16). Eego, niwe wenka ou Ruhanga yabonekyeire aha rushaka rutari kusya kandi ou Ruhanga yabaire atekatekyeire kuba nabi nokutumwa okw’omutaano! Nobu araabe yabugaine ebizibu baingi akakora okutumwa kwe okuhitsya obu yahikire nabaana ba Ruhanga aha nsharo yensi eyaraganisibwe (Ekyebiragiro 34). Rero Ruhanga akagumizamu nentebekanisa ye na Yoshua.

Sitaani tarabasize kushisha entebekanisa ya Ruhanga obu Herudi yaita abaana boona abari ahansi ye myaka ebiri aha bwokuzaarwa kw’omucunguzi. Sitaani tarabasize kuzibira kyoona ekyabaire kiri omunteekateka ya Ruhanga, nobu Yuda yarebize mukama waitu. Burijo Ruhanga aguma ateire amaisho ge aha bintu byoona ngu entebekanisa ye ebase kwaana ebijuma. Encwamu ye egumaho ebiro byoona. OKU NIKWO MUKAMA ARIKUGIRA, “Ndyayombeka ekanisa yange aha rukiri oru, n’amareembo g’okuzimu tigari gibasa” Hatari kubanganisa egumire aha mazima kuhitsya obu erareebeke etaine kabara koona nari shi omufunya omu kubaho kwe omukitinisa (Abaefeso 5:27)

Nabegesa abebishuba nobubarabe babire bayeyorekire omu biro by’entuma bakaba batakabasa kwemerera omu muhanda gw’okujunwa. Omumuringo nigwo gumwe ba nabi bebishuba abri kweyoreka omu mukaire aka akahamuheru tibarikuza kusingura omu kuremesa entebekanisa ya Ruhanga. Entumwa Petero akahandiika nagira ati “kwonka hakba haimuka nabaanabi ab’ebishuba omu ihanga rya Israeli, nkoku omuriimwe haribamu abeegesa ab’ebishuba, abari taasya omu mubonano enyegesa eri kuhabisa…” (2 Petero 2:1) Akoreka butunu akabi akarimu. Nahanyima y’entumwa Paulo aherize kuraanga enaama ya Ruhanga, hariho abashaija abaimukire batandikaho ebirikuhabisa, obwe bari kwiha abantu abamwe aha mazima ngu babakuratire (Ebyakozirwe 20:17-32) Nokuhitsya na hati abaikiriza abamwe omumuringo nigwo gumwe nibihwa omukanisa bazibirwa kukurata Yesu Kristo ngu bakuratire abantu buntu abarikubaretera enyegesa ezigwire.

Omubutumwa bwe kanisa ya Efeso Maraika we kanisa akgambirwa ngu “kandi kuwayetegerize abeyetwa entumwa, haza bataribo, okashanga bari ab’ebishuba”. (Okushuuruurwa 2:2) Tutire aharubaju ebyomuntu arikugamba omukuburira kwe, okuburira kwe kwenjiri kukurabe kutarikwikirizana nenyegesa ze ntumwa (Ebyakozirwe 2:42), obwe kurigirira omu bujurizi obwe byahandikirwe ebiri kwera nabanyabishuba.

Omubutumwa bw’kanisa ya Perugamo, Ruhanga akeereka okwetomboita kwa maani “… okwe oyineyo abarikwikiriza enyegesa ya Balaamu…” (Okushuuruurwa 2:14) Nikireebwa butunu ngu enyegesa za Balaamu zikaba nizitaniira kimwe ne nyegesa z’entumwa. Oriya nabasa kukireeba nk’ekyabaire kitari kubasika ngu omuzugu akaba yaherize kutaha omukanisa kurigira kimwe aha kutandika kugira ngu azibire entebekanisa y’okujunwa. Kurugirira aha bujurizi bwe byahandikirwe, ekanisa ya Yesu Kristo n’omwanya gw’okureebwamu obwa Ruhanga omunsi n’omubiri gwa Kristo empagi kandi omusingi gwa mazima (1 Timoseo 3:15). Tihariho kishuba ekiri kukomooka omu mazima (1 Yohana 2:21), burijo kituura kiri okucurika amazima. Ekyokureberaho eishomo niribasa kuba riri erya baiburi, konka ekyabantu barikurigambaho nari bari kurihandikaho kube kutaine kakwate n’ebyahandikirwe. Okwe nikwe kyatandikire omukibanja Edeni: Sitaani ekaguma neishomo, konka etaine mazima.

Omubutumwa ahari maraika omuri suatira nitushoma ahabundi busasi, “konka nyine ekindikufa naiwe, ogumisirize omukazi Yezebeli, orikweyeta naabikazi kandi oyegesa abahuku bangye … (Okushsuuruurwa 2:20) Nikimantwa butunu ngu Ruhanga akaba ateireho entumwa, banaabi hamwe nabegyesa nabaandi omukanisa ye, konka batari banaabikazi nainga entumwakazi hamwe nabegyesakazi. Kandi obwe kikaba kyaherize kubaho omu bwire bw’entumwa ngu omukazi akeyoreka nka naabikazi kandi omwegyesakazi, arikubiiha abahuuku ba Ruhanga. Kikaba kiri ekigyendererwa ky’omubi kurigira kimwe ahakutandika kubeiha abantu ba Ruhanga.

Kurabira omuri naabi Ezekieli, Ruhanga akaba yatugambiire abusaasi obutari kubaasa kwemerwa obu enkozesa mbi y’ebiconco by’omwoyo erikuteeka aha bantu; kiriyo nikiita n’emyoyo y’omuhendo. OKU NIKO MUKAMA ARIKUGIRA, “naiwe mwana w’omuntu we, teera ekitsyori bahara b’abantu baawe abari kuhanuura ebi barikugunja omu mitima yaabo,obahanurire ebiribaho noogira oti: oku niko mukama RUHANGA arikugamba naagira ati: baryareeba enaku, abakazi ababaziira engisha, bakazijweeka abantu boona omubujwariro bw’enyerere, bakakora n’ebitambaara by’okwetwekyerera ebyabantu aba buri rugyero, nibahiiga amagara gaabo! Nimwija kuhiiga amagara g’abantu bangye mukize agabandi, ngu mubone kwetungira amagoba?” (Ezekieli 13:17-18)

Omukanisa ya Suatira, omuzigu akakozesa omukazi owabaire aine ekiconco ky’obunaabi okuhabisa abahuuku ba Ruhanga abashemerereirwe ekoconco ekyo. Bakabaiwha ahabwokuba bakaba bataine kiconco kyokugyeza emyoyo. Nabashaija ababaire baine obujunanizibwa omukanisa bakamureba nk’owamani tibabasa kureeba ngu bo bonyini kandi aha muheru amakanisa agu babaire bakwatsibwe, bakaba batsigireho ekitinisa kye kigambo kya Ruhanga. Ekiconco ky’obunaabi tikirikuhindura mukazi nabikazi nainga omwegyesa we by’omwoyo. Abashiki bana ba Filipo bakaba baine ekiconco kyo bunaabi (Ebyakozirwe 21) konka bakaba batari ba nabikazi.

Banaabi boona abaateirwe Ruhanga omukanisa nibamwe ahabuheereza butane (Abaefeso 4:11). Ekiconco ky’obunaabi nikimwe aha biconco mwenda by’omwoyo (1 Abakolinso 12). Omundagaano enkuru nitushoma ahari nabikazi Miriamu (Okuruga 15), nabikazi Debora (Abaramuzi 4), na nabikazi Hirida (2 Abagabe 22) hamwe na nabikazi ou Isaaya yatweire kuba omukazi we (Isaaya 8:3), koonka tihariho nomwe omuri abo owabaire aine obuhereza omukanisa. Nikyo kimwe na nabikazi Anna, orikugambwaho omu kitabo kya Luka 2:36-38. Ebintu byoona ebikwatorine n’entabakanisa ya Ruhanga y’okujunwa bikashuuruurirwa abairu be ba Nabi hamwe n’entumwa (Abaefeso 3:5; Okushuuruurwa 10:7; a.o). Obuhereza n’ebiconco bishemereirwe kutebekanisibwa kurungi omu muringo gw’obwa Ruhanga kandi bashemereire kubireka omu mwanya gwaabyo.

Sitaani obutosha ayenda ngu ateganise ahu omwoyo wa Ruhanga ariyo nakora ekintu ky’omutaano omu kanisa. Kandi buri kaire akikora n’ebigyendererwa nibyo bimwe: Okucwecereza omuringo gw’obwa Ruhanga, kureta ebibuzo hamwe n’okuhindura eki Ruhanga yagamba, hamwe nokureta akavuyo n’okugaya abahuuku ba Ruhanga kugira ngu ateganise omurimo hamwe n’entebakanisa ya Ruhanga. Nobu kirabe kiri kisyo, enama ya Ruhanga eryagumaho ebiro byoona. Ekanisa ya Yesu Kristo terikuza kusingurwa amani g’okuzimu. Omugore w’omwana gw’entama nabasa kubaihwa ahabwa kaanya, nkoku owishaimwe Branham yarebire omukworeekwa konka tarikubasa kubaihwa. Naija kugarurwa aha muramwa, naija kuba ayetekatekyire kandi ayezibwe kuba aha mbaga y’omwana gw’entama. (Okushuuruurwa 19).

Sitaani okukira munoonga nayimusya orutaro aha kanisa eya mazima hamwe nahari Israeli ahabwokuba byiine ekicweka nebigyendereirwe by’omutano omuntebekanisa y’okujunwa. Ensi ekaba etarabase kuhurira omwana nomwe ofiire omuri Misiri kuri Musa yabaire atatekatekyirwe kuba nabi wa Israeli kuruga aha kuzaarwa. Hakaba hataribaho omwana weena ayisirwe ahari Beterahimu kuri omwana wa Ruhanga yabaire atazarirwe yo.

Katuranzyeho kakye omu bwiire obuturimu: Sitaani ekareka ababurizi b’enjiri bamaani hamwe na makanisa omu busingye. Hakaba hariho omushaija omwe weenka owabaire aine kuraba omu bigyezo by’amani, nangwa n’ebigyezo akabibugana omukanisa ye.

Akaba ari William Branham, owatoreinwe kuruga obu yazaarwa (Yeremiya 1:5) kandi akehayo ahari Ruhanga okuhitaya aha muheru gw’amagara ge. Ahamyaka mushanju ye yobukuru, akahurira ereika rirukugamba nawe okruga omukasorora riri kuruga ahaiguru y’omuti, “Otarireesa, nainga okusiinda, nainga okushiisha omubiri gwaawe omu muringo gwoona. Ahabwokuba haryabaho omurimo gworikora ku orikura”. Akaba ari nabi owaraganisibwe n’obuhereza bwinire kimwe akakwate n’entebekanisa ya Ruhanga y’okujunwa omu bwaire bwa hamuheru. Okurwanisibwa kukaruga omubebembezi ba madini gatari gamwe nagamwe, kandi bakaimuka kumurwanisa ahabwokuba we, nk’omushaija owabaire atumirwe Ruhanga, akaburira enjiri y’amazima, enyegyesa za baiburi, bona nka madini gaabo ezibabaire batakabaasa kwikiriza.

Okurwanisibwa okwa maani kukabaho obu omwe owabaire ari munywani we omuri haihi omukutandika obu yamuhababira omu kitongore eky’omunda ekyabaire nikishororaza emishoro. Owaishemwe Branham omu bwaire obwo akaba atarikumanya ntwaza y’ensi ahabwokuba we akaba namanya eby’omwoyo omu bukama bwa Ruhanga. Omunterene ze, abantu bakaba bateiremu obupapura bwa banka bwokutungiraho sente (cheques) kandi bukozirwe omwizina rye bukahebwayo nk’ekihebwayo. Obwo bupapura bwa banka akaba abutaho omukono kandi sente ezo zikozesebwa kushashura omuntu owabaire agira oruterane. Reero ekibokisi kyoona ky’obwo bupapura bwa banka bakimuretera, rero bamujunana ahabwokokozesa sente we nk’omuntu atashashwiire mushoro gwoona. Sente ezabaire zirikubateza omutwe ni emitwaro makumi atano ya doora za Amerika. Abekitongore ekyomunda ekishoroza mushoro (I.R.S) bakaba nibabanja sente eziri kureenga emitwaaro makumi ashatu omu mishoro eye nyima. Pasipoti ye bakagimwaka kandi tiyaikirizibwa kushohora eihanga. Okucondooza kukagyenda omumaisho kumara emyaka etaano. Akagambaho nanye ahanshonga ezo kandi yanyereka n’okushasha kwe aha bwokutabasa kwakira kurarikwa kwangye kwija omunterane omuri bugirimaani hamwe na David Duplessis. Oruzindiko oru yabaire atebekanise orwokuza Sdney, Austraria, omu mwaka gwa 1959 narwo rukaba rwine kwemerera ahabwokuba akaba atarikubasa kuruga omuri Amerika. Akagumizamu yanyaturira enama eizina ry’owaishemwe owaizire kushashura sente ziri kwingana emitwaaro makumi ana ya doora haza ari kuzimushashurira, sente ezikirizibweho looya hamwe n’ekitongore ky’omunda kishoroza mishoro (I.R.S).

Omukwezi kwa ikumi na kumwe ebiro 28, 1963, owaishemwe Branham, aha bintu ebindi ebiyagambireho nanye, akangambiraho enshonga ye yemishoro, akagira, “Emyaka etano ehingwire, ntwiire ninyebuza niki ekishobire. Nkahurira omu mutima gwangye orikusha ngu bakwatsire ekintu bampondahonda, kandi ntari kubasa kumanya ekyo kintu niki. omubwaire obwo obwokumpondahonda … na gavumenti ekantaho okucondooza … nkaba nimbajibwa gavumenti emitwaro makumi ashatu ya doora za Amerika. Bakaba batari kubasa kunyikiriza kushohora, nkaba nyine kuguma omwihaanga… hati, nkahurira orikushwa ngu bampondahonzire, omu myaka egi ena nari etaano ehingwire…” Omushaija wa Ruhanga nkogu owamani kuriyarekire kukora okwetwa kwe okwine akakwate n’entebekanisa ya Ruhanga y’okujunwa (Malachi 4:5-6; Matayo17:11; Mako 9:12), sitaani ekaba etaramukwateho. Ogundi murundi akajira ati “Ntwire nimpurira ogwe mutwaro ogurikukirayo oburemezi. ndizire. nshabire. nayatura n’ebibi byangye. Nkore ki? Nkozire ki ekyo?”

Nanabi Yeremiya egi embera enyimaho akagirabamu obu abantu be babire nibanushisha kandi bakenda n’okumuhababira. Oku niko kyahandikirwe ngu, “Ahakuba nimpurira baingi nibahwihwiitsa okutiinisa kuri embaju zoona! Banywani bangye ab’ahamara abategyereize okugwa kwangye, nibagira bait, muregye, naitwe nitwija kumurega, Shana akaabeihwabeihwa, tubona kumusingura, tumuhoora.” (Yeremia 20:7-13) Eki nikihika ahari buri muhereza weena wa Ruhanga. Eihari nirigyema abantu kuretaho okubaganisibwa omu by’edini, nkoku kyabaireho na Kaini owabaire ari omwana ow’omubi. (1 Yohaana 3:12) Mukama waitu akaragura aha biri bibaho aha nshonga egi nagira ati, “Kandiobunaku buryahika, omuntu weena oribeita aryateekateeka ngu nakorera Ruhanga.” (Yohaana 16:2) Nitubasa kugamba ahari ebi byoona ebihandikirwe omu byahandikirwe, konka kuturikubanza twabirabamu nibwe turikumanya obusaasi obubirimu.

Nitubaasa kugaamba aha kugwa kwa Lusaferi hamwe n’abakuratsi be, abuyashuumire nabo kuruga omwiguru. Nitubasa kugamba ahari Hawa nokuyabeihabeihirwe, nitubasa kugamba ahari Adamu, owajemire kandi nawe yabarirwa omubagwiire. Nitubasa kushuba tugaambe ahabyabeireho omu bwaire bwe ntumwa omu makanisa, tushuba turebaho enyimaho namunoonga ahabutumwa mushanju aha makanisa, kandi hati enshonga enkuru eriho tiyebihingwiire. Enshonga yaitu enkuru ni ebi Ruhanga ariyo nakora hati hamwe n’omuringo ogu sitaani yashensheire omukanisa kuteganisa entebekanisa ya Ruhanga y’okujunwa omu kicweka eki ekyahamuheru.

Abaingi omuri rimwe nimukijuka emigisha mingi eyabaireho omu myaka eya nkaaga nangwa n’omu myaka eya nshanju oweishemwe Branham arugire kuhumura akatwarwa omukitinisa, obutumwa bwa hamuheru bukagyenda omu maisho n’obusinguzi okuruga omu mwanya ogu kugyeenda omunsi yoona, nkoku Ruhanga yakitebekanise kare okuruga omu butahwaho bwoona. Ekanisa ekeyongyera kukura omu mwoyo hamwe n’omukweyongyera kw’abisheimwe. Emigisha ya Ruhanga ekaba ehurirwa omu magara g’abantu kandi ereebwa n’omuburi ruterane. Omukaire ako, muama obumwe akaba agamba naitwe kandi ashuuruura enama ezo omu kigaambo kye, nkoku yabeire yazishuuruurire omuhereza we kandi naabi. Abantu bakaruga enshonda n’enshonda kuhurira obutumwa obutafungwire, ekigaambo eky’amazima, n’okubaho hamwe na mukama owazokire.

Eki kiri “omu muringo ogugumire kushoborora”, Nobu kirabe kiri kisyo, tikarashemize muzigu na kakye. Nahabwekyo, omu mwaka gw’enshanju kugwabire niguhwaho, omubi akaimutsya orutaro rw’amaani aha murimo hamwe naha kanisa, kugyezaho kumaraho enkwatanisa. Nkoku kiri na Hawa okuhinduraho akagambo kamwe omu kigaambo nkoku kiri omukutandika eshura 3 kikaretera abantu boona kutaha omu kugwa, nkoku oweishemwe Branham yakihamize emirundi miingi. aha sitaani akagyezaho ngu agwise omurimo gwa Ruhanga obutarigarika kwiimuka kurabira omu kanwa yaabo abayetaanisa n’ekanisa, obwo bari kukozesa kubi kandi bakacurika ebyahandikirwe kuruga aha ryeki kuza aha ryeki kandi barikukozesa n’ebyahandikirwe naabi Branham. Ekigyendereirwa ekikuru kikaba kiri kumaramu ekitinisa kandi n’okushisha omuhereza ou Ruhanga yatebekanise kutwara ekgaambo kye. Emishango eyabire eteine buhame ekampangwaho nk’owabeire nahakanisa Kristo (antichrist), ekitingwa, kandi owabaire nabuzabuza omugore wa Kristo. Nkoku kyabeire nikiteekateekwa ngu nibuza kumukorwaho, byoona bijanjire enyima ye. Owisheimwe Paulo

“Emirimo yaabo nekituuro ekirangaire,
Bagobya nendimi zaabo,
obushegu bwencwera buri omuminwa yaabo,
Akanwa kaabo kaijwire okucyeena n’obushaarizi,
amaguru gaabo garahukira okusheesha eshagama,
okuhwerekyereza n’enaku biri omu mihaanda yaabo,
n’omuhanda gw’obusingye tibarikugumanya.
Tibata mutima aha kutina Ruhanga.” (Abarooma 3:13-18)

Kugira ngu ahikirize ekigyendereirwe kye, sitaani akatahirira obushweere arikukozrsa kubi kandi arikuvunura kubi 1 Abakolinso 7. Nobugurabe guri nk’omucwe gwa burijo, omukazi eowabaire ayetaniise kuruga aha kanisa ahonaaho akagambiriraho omushaija we “nimbasa okutaana naiwe nyine kuguma nyeeka, ekyo nikyo entumwa Paulo yagambireho omu 1 Abakorinso 7.” Ekyo kikaba kiri ekishuba kya sitaani kiine akakwaate n’entebekanisa y’okucwecereza. Nobu kirabe kiri kisyo, ogwe tigwo muringo ogukihandikirwemu nakakye, kandi enyima y’orunyiriri rwa 11 hariyo orunyiriri rwa 10, kihandikirwe ngu, “kandi abashwire nabashweirwe nimbaragira, nkooka tinye, kureka mukama waitu, omukazi arekye kutaana na iba”. Ogu akaba Atari ntumwa Paulo owabeire nagaamba kureka akaba ari mukama. Ekyo kigaabo tikiri kwetegyerezebwa gye? Tikirikwikirizana n’ebyahandikirwe ebindi ebirikugamba ahaishomo eri? Tikirikuteebana neki Branham yayegyeise ekikwatirine n’ekimukama yaragirire namunoonga omwitebezo rye “okushwera n’okushenda?”

Omurunyiriri rwa 11 nitugambirwa ngu kukyokuba kyaherize kubaho, kandi ku araabe yateine nawe akugumire aho atashwerwa ondiijo, nari shi agarukane na iba…”, Hatari kugira ngu omu biro by’omumisho naza kucwamu kutaana ninga shi okurangirira okushenda, kwihaho kyaba kyaherize kubaho obwe ashemereire kuguma weenka nari shi akgarukana na iba omukuru. Tihariho bindi ebyahandikirwe ebikwatirine neishomo eri ebibabasize kutaho omutima. Sitaani ekakozesa ekyahandikirwe kimwe kyoonka, erikukozesa omugisha gw’omuzaano n’ebigaambo ebi “okutaana hamwe n’okusheenya”

Boona abarikwendakuba ekicweeka aha kutwaara, bashemereire kuruga ahari eki kishuba ky’asitaani ekibahamireho, oba babaihabeihirwe ebibahurire ninga shi ebi abantu bahandikire; bashemereire kukomororwa bakahinduka aba obugabe kuruga omuri obwo burgo. Omuringo nigumwe gwoonka entebekanisa y’obwa Ruhanga omukanisa, amaka hamwe n’obushweere nibibasa kugarurwa omu buteeka okutandika na 1 Abakorinso 11:3, “Kwonka ninyenda ngu imwe mumanye ku omutwe gw’omushaija ari Kristo, n’omutwe gw’omukazi ari iba, kandi omutwe gwa Kristo ku ari Ruhanga.”

Nkoku aba Israeli ababire barumwa enjoka z’obushegu buri kubabiira bakaba nibeteenga kuhanga amaisho enjoka y’omuringa kugira ngu batungye okukizibwa, omumuringo nigwo gumwe tweena abu sitaani atiremu obushegu bwaayo oburi kwiita omu kwikiriza tushemereire kuhanga amaisho Kristo omucunguzi waitu, ahabwokuba niwe weenka owayatsire sitaani omutwe. Kurabira omukureeba kwoonka omu kwikiriza barikureeba omujuni owabambirwe nigwo muringo ogubakubaasa kukizibwa okuruga omu bushegu bw’omwoyo oburi kwita (Yohaana 3:14-17)

Kikaba nikirebeka ngu byoona ebyekanisa yaitu n’obuhereza ngu byahwaho. Nibwo twabeire tuherize kwombeka ebyobeko bibiri, nkoku mukama yabaire aragyirire omukwezi kwa mushanju 18, 1976 obu amaani goona g’okuzimu gacwirwe busha. Nobukirabe kyabaire kityo Ruhanga tarikirize sitaani ngu ashazemu entebekanisa ye (Ruhanga) Rero yatuhereza okutandika okutsya. Mukama Ruhanga akagumizamu omurimo nkoku okukunda kwe kwabaire kuri. Okuruga obwe miliyoni nyingi z’abantu okwetorora ensi yoona bahurire ekigambo ky’amzima emyooyo etari kubasa kubarwa ejunirwe kandi baingi baihwa omukubuzabuzibwa kw’omwoyo. Okutebekanisa omugore kukagumizamu nkoku ekigaambo ekyashuurirwe kiri.

Ahanyima ye myaka mikye sitaani akashuba yatandikaho orutaro rwa kabiri: omukwezi kwa 8, 25, 1987, omuntu omwe akampababira ahari ofisi ye by’emishoro ngu nyine emishoro einabire nyagire. Ahanyima y’okurirwa kw’omushango nkashanga ngu omuntu owakozire ekyo n’omuntu owabeire nakirayo kuba haihi nanye. Obwire obwingi abanyabiragiro nibikiririza omu bantu ey’omuka yaawe ngu kubakukutabariza ebi barikukugambaho namazima. Nyowe ekinabire ntari kumanya abandi abntu mukaaga bakareetwa nk’abajurizi- abaishemwe ababire bashomireho omukanisa yangye. Ebyagambirwe omukanwa omukooti orwokubanza okwaikumi 31, 1989 (okwijuka ekiro eky’okugarura ebintu busya ekyabaireho omu bwaire bwa Martin Luther), abashaija mukaaga, abashorooza b’omushoro hamwe n’abakuru omuri polisi okuruga Dusseldorf, bakahika ahuturi kuramiza (mission center) zitakahikire shaha ibiri omukasheshe. Bakakyebera omubishengye by’abantu, hamwe n’omuri za ofisi, batwaara ebihandiiko byoona babipanga omu bibokisi babisindika aha kigari. Nkaba ni njunanwa emishango 19. Ekyarugiremu eiramizo ryeitu eryabaire ritari kushubura (non –profit) ahonaho rikemerezebwa. Bakaba nibenda ngu tushashure sente za Bugirimaani eziri kwingaana 340,000 DM kushashura omushoro gw’okutwikiriza kukora emirimo nk’ekigoombe ekyetongweire (Corporation tax) hamwe na sente ezindi eziri kwingana 220,000 DM kushashura omushoro gw’ebintu ebitwabire twine (property tax). Tukaba tutakabasa kutunga sente ezo. Kurugirira omu magezi g’omuntu, kikaba nikirebeeka ngu ekanisa yaitu n’obuhereza bwaheeru byahika aha muheru, ogundi murundi.

Hatariho kubanganisa kwoona akaba mukama weenka owayebembeire mukuru w’emishoro omuri Krefeld kuntonganirira, kurebeka ngu tinaza mu kihome nkoku kyabaire kitebekanisibwe. Ahabw’ekitinisa kya Ruhanga, nimbasa ngu omu bwaire bwegyo myaka yoona y’okucondooza tindashsrizemu rugyeendo rwange na rumwe rwokuza kuburira engirir aheru kandi nkabasa kugumizamu n’okweta kwangye omubwesigwa ahari mukama. Omukutangaala kwa mani okwa boona ababire nibacondooza, balooya hamwe n’encwero z’emanja (courts), ahanyima y’emyaka mingi y’okucondooza nabwo tihariho na kimwe ekibarebire ekyabaire kishobire, nobuhakuba omu byangye ebinabeire ninkora nk’omuntu neinga eby’ekanisa ei twabeire nitushabiramu (mission center). Omukwezi kwa ikumi nebiri 1999 kooti enkuru omuri Dusseldorf ahamuheru ekarangirira “nyowe okutagira mushango” nyebereireho.

Tihaine owokumanya ebinarebiremu omuri egyo myaka yoona eyokucondooza okwe. Emirundi mingi nkaba mbugana abari kunjunana. Obwiire bwingi nkaba nyine kukorogaana na balooya hamwe na ofisi enshoroza mishoro. 

Kandi nabwe, aha muheru tukashuba twareeba butsya okworekwa kw’obusinguzi bwa mukama. Ruhanga akaba atarimu muhereza we weenka na naabi William Branham omu bwiire bw’myaka etano obuyabaire nacondoozibwa, nanye nkaba ndi nawe omu myaka emiingi eyokujezibwa kwange okwa maani. Sitaani akgyezaho naage goona kushisha obwesigye obwabaire buri omuri ogwe owabaire aine ekigambo rero ngu azibire okujanjara kw’obutuma obutafungwaire obwahamuheru. Akaba atakabasa kusingura ahabwokuba ogwe owa OKU NIKWO MUKAMA ARIKUGIRA owo kwamukaga 11, 1933, nahati ariho ahurire: “Nkoku Yohaana, omubatiza, yatumirwe kutebekanisa okwija kwa Kristo kw’okunza, obutumwa obwakuheebwa nibuza kutebekanisa okugaruka kwa kabiri kwa Kristo.” Obutumwa obu nibwo ndikugumizamu kutwaara omumaisho ahabwobushoborozi bwokweetwa nokutumwa kwangye kwobwaruhanga okuruga obu owaishemwe Branham yahumura.

Ahanyima y’okuganira kwangye nogwo owambehereire, nangwa nomukuganiira okwe Rev. Pearry Green akaba ariho, omuntu ogwe akashumbusha ekanisa yaitu sente ezitwasisire yatuha 30,000 EUR. Noburi hati tihariho kabonero koona kaakworeka ngu tumwiniire ekibi ninga shi okwefuza. Nikyo kyabaire kiri ekya ahamuheru? Tihariho kugaruka omubuteeka ogundi murundi? Nituza kuguma twangire embabazi ezi Ruhanga yatuhaire? Nikimanyisa ngu eki Ruhanga yagambire omundagaano enkuru tikakikora omu ndagaano entsya, okukira munonga obu yagira ngu, orikugaya ishe nari nyina akyenwe! (Ekyebiragiro 27:16; Mako 7:10). Okushisha eizina n’okwita emyoyo nikuza kugumizaamu omukurebeka kw’okugaruka kwa Kristo okwirire haihi? Obuzigu nibuza kugumizamu moaka aha muheru gwenyini? Abantu abatari kubasa kuramukanya nibabasa bata kugira ngu beteekateekyeire okutwaarwa (rapture)? Eri eizooba ninyehanangiriza abo boona abari kwikiriza obutumwa bwa Ruhanga kutandika kushaba n’okusiiba, kungira ngu Ruhanga abase kuzibira okutahirira kwoona kw’omuzigu reero amariire omurimo gwe gwembabazi omumuringo gw’okutangaaza.

Tindikuyoomba kandi tindikucwera muntu weena orubanja. Ninyesimira omu ryeki ngu tihariho kunyomesereza kwoona okw’omuntu okwamazima (Matayo 5:10-12). Kuhabire hariho noomwe aharibo owamazima, ogwe mukama weenka akabaire yakozire enshobi omukutandiika obuyantuma. Ruhanga namanya byoona, nahabwekyo, buryomwe hati ashemereire kucwamu yaaba aikiriza ekigaambo kya Ruhanga ninga ebyo ebyabashekerizi. Entumwa Paulo akaherezaayo eshuura egi yoona erikweetwa 2 Abakorinso 11, kushuba kugamba aha bigyezo ebiyabeire ashemerere kurabamu nkoku yakikozire omushuura ya 6. Hati nanye nimbasa kurangirira nk’okuyakikozire omu bwire bwe, “Kwonka mukama akanyemerera haihi, yangumy; ngu mbone kugambira kimwe ekigaambo kya Ruhanga abanyamahanga boona bakihurire: kandi nkashahurwa omukanwa k’entare” (2 Timoseo 4:17).

Omukanisa eyokubanza entumwa hamwe nabakuru bakaba baine obujunanizibwa bw’okusharamu aha nyegyesa yoona. (Ebyakozirwe 15, a. o.) ahabwokuba Ruhanga ataire obuhereza obutari kushana omukanisa kandi obuhereza obu buhairwe ahabwokweza abaikiriza. Okugumizamu, hakaba hariho ekanisa emwe yoonka omuri buri rureembo. Okwebaganisamu gutuura guri omurimu gw’omuzigu. Ahabikwatirine n’okugaruka kwa Yesu Kristo okwiriire haihi, kishemereire kuhamibwa ngu abaikiriza b’okubanza bakaba nibemberwa omwoyo orikweera Kandi tihaine owa baire ari hare na mugyenzi we, bakaba bataine abo abari kweyeta abeishemwe, kandi hatariho nyegyesa z’ebishuba. Hati turiyo nitureeba ngu turiyo nitugarurwa aha musingi ogw’abandize. Egyo niyo nshoonga ahabwenki okwebaganisamu kwoona haza kuretsirwe enyegyesa ezihangire, kushemereire kuhweraho kimwe haza enyegyesa ezitafungwiire eza baiburi zirangirirwe.

Obumwe bw’ekanisa n’obwomuheendo munoonga. Mukama waitu akagira ngu “obugabe nari enju … nari kukira munoonga ekanisa kuyakwebaganisamu…” kandi “ogwe weena Atari aha rubaju rwangye, n’omuzigu wangye: kandi nogwo otashoroza nanye atatanisa.”

Omu bwiire obu owaishemwe Branham yabaire ari omubiro by’akabi kahaango, akashaba abeishemwe kuhayo okuraganisa oku, “Nindaganisa n’omutima gwangye gwoona kuguma nimpagira Tabirinakuru ya Branham omuntebakanisa zaayo zoona nkokuzebembeirwe oweishemwe kandi omusumba Rev. William Branham. Nindaganisa kuntarirogota ahari oweishemwe Branham ninga shi kurogota ahantebekanisa ze. Kandi ndyaguma mpunamise ogwe weena ori kukora ebintu nkebyo. ninza kwemerera nawe omu bubi ninga omu burungi nk’okuwe arikwemererera Ruhanga. Amina.”

OKU NIKWO MUKAMA ARI KUGIRA, nagambira abe: “Reeba, nkusharwire aha bigaanja by’engaro zangye,orugo rwawe ruryaguma omumaisho gangye obutoosha.

Abombeki baawe nibarahutsya kukwombeka; kandi abacwecerezi baawe n’baakugizire amatoongo nibaija kukurugamu.

Imutsya amaisho gaawe, oreebe; Bariya boona nibeeteerana kwiija ahariiwe…” (Isaaya 49:16-18)