--- type: BookChapter work_id: '890' book_url: https://nasa.misia.sk/books/1764 book_markdown_url: https://nasa.misia.sk/books/1764.md language: gu position: 6 canonical_url: https://nasa.misia.sk/book_chapters/5116 markdown_url: https://nasa.misia.sk/book_chapters/5116.md markdown_source: converted updated_at: '2020-09-10T21:03:27Z' translations: de: https://nasa.misia.sk/book_chapters/1468.md sk: https://nasa.misia.sk/book_chapters/1198.md --- # JIWHEYẸWHE PO TITÒ ETỌN PO HLAN GBẸTỌ LẸPO ## NUKUNNUMỌJẸNÚGO HÉZÉHÉZÉ Nado tá hinhọ́n do núhe mí to na dohia ji, mí dóna mọdona mẹhe JIWHEYẸWHE to hódọ hlan whenuena É to núdá, dọmọ, *“Gbọ mí ni basi gbẹtọ to boṣiọ mítọn mẹ…”*(GENẸSISI 1:26). Mí ma jlo tùnmẹ devo to ohógbè he mẹ gba, mí jlo gblọndo he ma dó diho sọn Ohó JIWHEYẸWHE tọn lọsu mẹ. To ofi, núdindọn daho de tin na ogbẹ̀ lọ blébu: Whetẹnu podọ fie wẹ dopo to yẹwhegán lẹ mẹ kavi dopo to apọsteli lẹ mẹ hia kavi ná anádemẹ omẹ susu tọn to ohógbè he mẹ? To Owé JOB 38:4-7 tọn mẹ, OKLUNỌ kanbiọ afànumẹ Etọn, dọmọ: *“Fie wẹ hiẹ te whenuena YẸN (e ma yín mí gba) dó odòdó aigba tọn lẹ ai? Dọtọ́n, eyín hiẹ yọ́n wuntùntùn. Mẹnu wẹ dodógbo ojlẹ etọn lẹ tọn, eyín hiẹ yọ́nẹn? Kavi mẹnu wẹ dlẹn okàn do e ji? Eheji yè hẹn oslò etọn lẹ nado biọ? Kavi mẹnu wẹ dó zannu lọnglọnẹn etọn tọn; whenuena sunwhlẹvu afọnnu tọn lẹ to hanji dopọ́, bọ visunnu J**IWHEYẸWHE**tọn lẹpo to abóbódo na homẹhùn?”*Ehe sọgan yín yinyọ́nẹn gbọn gbẹtọ lẹpo dali. Whenuena JIWHEYẸWHE dá aigba, awhànpa olọn tọn lẹpo tin to finẹ bo sọ abóbódo na homẹhùn. E ma yín JIWHEYẸWHE kẹdẹ wẹ to finẹ gba, mọ É ma sọ tin to núde mẹ hú dopo gba; É ma dọhó hlan Ede kavi hlan JIWHEYẸWHE devo de gba, na JIWHEYẸWHE de ma tin gọ́na ẹn gba. É dọhó hlan angẹli lẹ, bo ylọ yé taidi visunnu JIWHEYẸWHE tọn lẹ, he tin to nukọn Etọn lẹ. To Owé GENẸSISI 11:7 tọn mẹ, OKLUNỌ sọ dọhó whladopo dogọ́ do omẹ susu ji, dọmọ: *“Mì t**ọ́nyì, mì gbọ mí ni jẹte yì, bo wlu ogbè yetọn to finẹ, na yé nido yọ́n ogbè yénọzo tọn ba blo.”*To finẹ OKLUNỌ to ohódọ hlan yé omẹ he lẹdo É lẹ. Afọ etọn atọ́ntọ (5) tá hinhọn do ohó lọ ji, *“OKLUNỌ sọ jẹte wá nado mọ tòdaho lọ…”*Podọ dogọ́ É yín mimọ lẹ́do É gbọn awhànpa olọn mẹ tọn lẹ dali. Yewhegán Mikaia dọ na mí kunnudidè huhlọnọ dogbọn ohó he lọ tọn dali, dọmọ: *“Yẹn mọ OKLUNỌ aisínsín to ofìn etọn ji, awhànpa olọn tọn lẹpo ṣite to alọ adusi etọn ji podọ to amiọn etọn ji”*(2 OTANNUGBO 18:18). To ohó he mẹ, eyín didohia hézéhézé omẹ he OKLUNỌ to hódọ hlan. É to hódọ hlan awhànpa olọn tọn lẹ he nọte to nukọn Etọn. Yẹwhegán Isaia wlán dogbọn dọpọ́n huhlọnnọ etọn lẹ tọn dali, dọ, *“To owhè he mẹ Ozia ahọlu kú te, yẹn mọ OKLUNỌ sinai to ofìn he yì aga ji, ehe f**ọ́n yì ji, aṣọvọ̀ etọn gọ́ tẹmpli mẹ. Selafin lẹ nọte to aga etọn…Odé dawhà hlan awetọ, dọmọ, Wiwé, wiwé, wiwé, wẹ OKLUNỌ Awhànpa lẹ tọn; aihọn lẹpo gọ́na gigo etọn.”*(ISAIA 6:1-3). Nújijọ̀ helẹ ma dó hùdo tunmẹ devo de tọn. Yé họ́nwun hézéhézé. Mí mọ vogbingbọn he tin to angẹli lẹ ṣẹnṣẹn, he dó ninọ̀mẹ di gbẹtọ, po kelubimi lẹ po, podọ selafin lẹ. Ehelẹ wẹ núdidá huhlọnnọ he tindo awa lẹ, he to OKLUNỌ pà to ojlẹ lẹpo mẹ. Angẹli lẹ nọte to nukọn Etọn; yé omẹ pó wẹ gbigbọ devizọ́nwiwà tọn (HEBLU 1:14). Yé wẹ mẹhe JIWHEYẸWHE dọhó hlan to Owé ISAIA 6:8 tọn mẹ, dọmọ, *“Mẹnu wẹ Yẹn na dohlan, mẹnu wẹ na yì na mí?”*Ohógo he yín “mí” ma tin gbèdé to kọ̀ndopọ mẹ na omẹ devo de to JIWHEYẸWHE yínyín mẹ gba. Enẹ ma sọgan jọ̀ gbèdé; linlẹn he dọ, dọ, JIWHEYẸWHE yín omẹ atọ̀n ma yín núde hú nùzándo JIWHEYẸWHE yínyín go. É ma yín omẹ atọ̀n gba, ṣigba omẹ dopo gê wẹ, podọ É ma sọ yín omẹ dopo he tindo ota atọ̀n gba. Mọ É ma sọ yín “azọ́n yẹwhe atọ̀n” tọn gba, kẹdẹdile núyọ́nẹntọ dinvie tọn lẹ to didọ do. JIWHEYẸWHE do Ede hia hlan yé mẹhe yise to É mẹ lẹ. Yé kẹalọyí opagbè Etọn lẹ, bọ onú lẹpo wá hinhọ́nnu na yé gbọn Ewọ dali.Yẹwhegán Alẹ̀nù Hóhó mẹ tọn lẹ kavi apọsteli Alẹ̀nù Yọ́yọ́ mẹ tọn lẹ, dopo to yé mẹ ma dọ̀nnú dogbọn JIWHEYẸWHE tọn dali gba. Núdindọ̀n he lọ bẹ́ to owhè kanwe-kó donu atọ̀n whenuena Klisti ko yì godo, whenẹnu núyọ́nẹn Glẹkinu lẹ tọn podọ linlẹn Lomunu lẹ tọn dogbọn yẹwhe yetọn lẹ dali, yín hinhẹn wá nado hẹn Yise jẹagọ. Ehe yè nọ ylọ di “Seminali lẹ” tẹnpọ́n nado tunmẹ JIWHEYẸWHE yínyín kẹdẹdi linlẹn zédoai yetọn tọn. Finẹ wẹ núplọ́nmẹ JIWHEYẸWHE atọ̀n tọn wá ai mẹ te. E blawu, agùn lẹpo wá sinai do linlẹn núyọ́nẹn gbẹtọ tọn lẹpo ji, yé ma yise to kunnudidè nugbo yẹwhegán lẹ tọn po apọsteli lẹ tọn po mẹ gba. Núplọ́nmẹ jẹagọ dogbọn JIWHEYẸWHE yínyín dali, yín alọkẹyí taidi onú dagbe de hlan omẹ lẹpo, bọ oyọ́nẹn nugbo JIWHEYẸWHE tọn tọn wá lẹzùn onú ylankan de hlan yé. JIWHEYẸWHE ma sọgan nọ̀ alọ he ji gbẹtọ lẹ jlo do gba, JIWHEYẸWHE tin to lé É te tẹgbẹ. Gbẹtọ lẹ nọ basi yẹwhe lẹ, ṣigba OKLUNỌ gbẹ́ sọ to JIWHEYẸWHE yín, *dopolọ to osọ, egbé, podọ kakadoi*(PSALM 102:27; po ISAIA 48:12 po, podọ HEBLU 13:8). JIWHEYẸWHE ma má Ede gba, mọ É ma sọ diọ gba. Jù nugbo de ma sọgan kẹalọyí linlẹn JIWHEYẸWHE atọ̀n tọn gbèdé. Enẹ lọ ma sọgan jọ̀ gbèdé, na JIWHEYẸWHE atọ̀n ma tin to Owé Wiwé lẹ mẹ gba. JIWHEYẸWHE sọawúhia to alọ susu mẹ, kẹdẹdi titò daho Etọn. ## Chapter navigation - [Previous chapter](https://nasa.misia.sk/book_chapters/5115.md) - [Book contents](https://nasa.misia.sk/books/1764.md) - [Next chapter](https://nasa.misia.sk/book_chapters/5117.md) ## Available translations - [Deutsch](https://nasa.misia.sk/book_chapters/1468.md) - [Slovensky](https://nasa.misia.sk/book_chapters/1198.md) ## Source - [Canonical HTML page](https://nasa.misia.sk/book_chapters/5116) - [Markdown representation](https://nasa.misia.sk/book_chapters/5116.md)