---
type: BookChapter
work_id: '890'
book_url: https://nasa.misia.sk/books/1764
book_markdown_url: https://nasa.misia.sk/books/1764.md
language: gu
position: 187
canonical_url: https://nasa.misia.sk/book_chapters/5119
markdown_url: https://nasa.misia.sk/book_chapters/5119.md
markdown_source: converted
updated_at: '2020-09-10T21:28:24Z'
translations: {}
---

# JIWHEYẸWHE PO TITÒ ETỌN PO HLAN GBẸTỌ LẸPO

## YẸN WẸ

To Owé JOHANU 8:24 tọn mẹ, OKLUNỌ mítọn dọhó, dọ, *“Enẹwutu wẹ yẹn dọ hlan mì, dọ, Mì na kú to ylando mìtọn mẹ: na eyín mì ma yise dọ yẹn lọ wẹ, mì na kú to ylando mìtọn mẹ.”*Eyín mí ma yise dọ, “YẸN WẸ” Ewọ wẹ Mẹhe flí mí gọ̀, mí na kú to ylando mítọn lẹ mẹ. To azán Mọse tọn lẹ mẹ, “YẸN WẸ” dọhó. *“Mọse sọ dọ hlan J**IWHEYẸWHE**, Dayi e go, whenuena yẹn wá ovi Islaẹli tọn lẹ de, bo na dọ hlan yé, J**IWHEYẸWHE**Otọ́ mìtọn lẹ tọn ko do mi hlan mì; bọ yé na dọ hlan mi, Etẹ wẹ oyín etọn? Etẹ wẹ yẹn na dọ hlan yé? J**IWHEYẸWHE**sọ dọ hlan Mọse, YẸN WẸ MẸHE TIN NẸ: ewọ sọ dọmọ, Lé wẹ hiẹ na dọ hlan ovi Islaẹli tọn lẹ, YẸN NA YÍN ko do mi hlan mì de.”*(EKSỌDUSI 3:13-14).

To vivọ dọ mẹ, OKLUNỌ mítọn zán ohógbè Alẹ̀nù Hóhó tọn dopolọ to Alẹ̀nù Yọ́yọ́ mẹ. É dọ, dọmọ: “YẸN WẸ Aliho lọ, Nugbo po Ogbẹ̀ po. YẸN WẸ Fọ́nsọnkú. YẸN WẸ Akla Ogbẹ̀ tọn. YẸN WẸ Hinhọ́n aihọn tọn” po onú he pò lẹpo po. To Owé JOHANU 8:57-58 tọn mẹ, mí hia dọ, *“Enẹwutu Jù lẹ dọ hlan ẹn dọ, owhè towe ma yì kande-ao, hiẹ ko sọ mọ Ablaham? Jesu sọ dọ hlan yé, dọ, Nugbo, nugbo, wẹ yẹn dọ hlan mì, whẹ́po yè ji Ablaham, YẸN TIN.”*“YẸN” dopolọ wẹ dọhó hẹ Ablaham podọ hẹ Mọse.

To Owé ISAIA 44:6 tọn mẹ, OKLUNỌ dọ, dọmọ: *“…YẸN WẸ omẹ tintan, YẸN WẸ omẹ godotọ; J**IWHEYẸWHE**de ma tin to godo ṣie.”*Ohógbè dopolọ sọ yín mimọ to Owé ISAIA 48:12 tọn mẹ, dọ, *“…YẸN LỌ WẸ; YẸN WẸ omẹ tintan, YẸN WẸ omẹ godo tọn ga.”*To Alẹ̀nù Hóhó mẹ, OKLUNỌ JIWHEYẸWHE Lọsu dọhó dogbọn Ede dali, dọmọ, YẸN WẸ omẹ tintan podọ omẹ godotọ; to adà ṣie mẹ, JIWHEYẸWHE devo de ma tin. To Alẹ̀nù Yọ́yọ́ mẹ, OKLUNỌ mítọn dọhó to Owé OSỌHIA 1:17-18 tọn mẹ, dọ, *“…A savò blo. YẸN WẸ nukọntọ, godotọ: YẸN WẸ ogbẹ̀nọ lọ, YẸN sọ lẹzùn oṣiọ; do ayi e go, Yẹn sọ tin to ogbẹ̀ kakadoi, Niṣẹ…”*

To Alẹ̀nù Hóhó mẹ, OKLUNỌ JIWHEYẸWHE – *Yahweh*dọ, “YẸN WẸ omẹ tintan podọ godotọ”, to Alẹ̀nù Yọ́yọ́ mẹ, OKLUNỌ Jesu sọ dọ, dọmọ, “YẸN WẸ omẹ tintan podọ godotọ”. Eyín yé omẹ awe lẹ gbọnvo do yénọzo go, mí dóna mọdona omẹ tintan podọ godotọ nugbo lọ, to yé omẹ awe lẹ ṣẹnṣẹn. To Owé OSỌHIA 1:8 tọn mẹ, eyín dindọ̀ndopọ dagbedagbe dolé, dọ, *“O**KLUNỌ**dọmọ, YẸN WẸ ALFA, YẸN WẸ OMẸGA, odòdó, opòdo, mẹhe tin, bo ko tin, bo sọ ja, Gánhunupo.”*E ma yín onú jonọ de, dọ, OKLUNỌ Jesu dlẹn alọ do Ede Lọsu dọ, Gánhunupo. Lala, e ma yín onú jonọ de gba. E na yín onú jonọ de whenuena É dọ onú devo! E yọ́n talala nado hòdo nugbo gbọn Ohó, podọ núdohiamẹ Gbigbọ Wiwé tọn dali. *Yahweh*Alẹ̀nù Hóhó mẹ tọn wẹ Jesu Alẹ̀nù Yọ́yọ́ mẹ tọn. É to dopolọ yín kakadoi. Mí dóna yise to kunnudidè Etọn mẹ, kẹdẹdilé mí mọ do to Owé Wiwé mẹ. JIWHEYẸWHE ma sọ tindo ojlo nado wlán Biblu Yọ́yọ́ devo de gba. Ohó he É dọ to egbè wẹ Ohó he É ko dọ dai. É ma sọ tindo ojlo nado vọ́ onú de jlado gba. Míwlẹ wẹ yín mẹhe dó hùdo vọ́jlado tọn.


## Chapter navigation

- [Previous chapter](https://nasa.misia.sk/book_chapters/5118.md)
- [Book contents](https://nasa.misia.sk/books/1764.md)
- [Next chapter](https://nasa.misia.sk/book_chapters/5120.md)

## Source

- [Canonical HTML page](https://nasa.misia.sk/book_chapters/5119)
- [Markdown representation](https://nasa.misia.sk/book_chapters/5119.md)