---
type: BookChapter
work_id: '890'
book_url: https://nasa.misia.sk/books/1764
book_markdown_url: https://nasa.misia.sk/books/1764.md
language: gu
position: 190
canonical_url: https://nasa.misia.sk/book_chapters/5122
markdown_url: https://nasa.misia.sk/book_chapters/5122.md
markdown_source: converted
updated_at: '2020-09-10T21:28:27Z'
translations: {}
---

# JIWHEYẸWHE PO TITÒ ETỌN PO HLAN GBẸTỌ LẸPO

## KINKLÁN SỌN JIWHEYẸWHE GO

E blawú ṣigba nugbo wẹ, gbẹtọ ma pégo nado mọdona JIWHEYẸWHE podọ aliho he mẹ titò Etọn lẹ nọ yín ṣiṣẹ̀ te. Azọ́n JIWHEYẸWHE tọn wẹ nado tindo visunnu po viyọnnu lẹpo po É po to madopòdo mẹ. Gbẹtọ yín didè nugbo sọn bibẹ́nu nado tindo kọ̀ndopọ po JIWHEYẸWHE po, podọ nado nọ̀gbẹ̀ kakadoi. Adam yín núdidá titegbè de sọn ojlo mẹ. Ewọ wẹ yè ná aṣẹpipa nado dùgán to onú lẹpo ji to aigba ji. To nugbo de mẹ, e ma yín núzínzán ede titi tọn gba. Mí sọgan mọ: owanyínyín, gbèmimá, po núhe pò lẹ po, ṣigba tónúsisè wẹ núhe yè biọ nado tindo kọ̀ndopọ pipé po JIWHEYẸWHE po. Gbẹtọ paṣẹ to aigba ji, ṣigba zé ede whè to OKLUNỌ yínyín Gánhunupo tọn mẹ. Whenuena ojlẹ gbèmimá tọn wá nado mágbè, wẹ OKLUNỌ ná aṣẹdai he dóna yín aidego to awúbibọ mẹ (GENẸSISI 2:15-17). Mí dóna do yise dọ Adam po Evi po do ko sétonu na ohó OKLUNỌ tọn. Ṣogan eyín didohia hlan gbẹtọ nado tẹnpọ́n nado mọ nuhe na jẹgodo etọn, gbọn enẹ mẹ yé hẹn kọ̀ndopọ yetọn po JIWHEYẸWHE bú. Owanyínyín he tin to núdátọ po núdidá po ṣẹnṣẹn yín vivasúdo bọ kinklan yí tẹnmẹ.

Yè ma dọ hlan mí dogbọn ojlẹ he mẹ Adam po Evi po tin matin tukla hẹ kọ̀ndopọ JIWHEYẸWHE tọn gba. Jẹnukọnna aijijẹ lọ ylando matin, azọ̀n matin, awúfiẹsa matin, avi matin, okú ma sọ tin, na yè dè mí nado nọ̀gbẹ to madopòdo mẹ, JIWHEYẸWHE ko dè aliho nado hẹn mí gọ̀wà ninọ̀mẹ nugbo lọ mẹ.

Omẹ tintan he jẹagọdo JIWHEYẸWHE wẹ angẹli he yè nọ ylọ dọ Lukifẹli. To Owé ISAIA 14:12 tọn mẹ, mí hia dọ, *“Nawẹ hiẹ flẹ́ sọn olọn do, hiẹ Lukifẹli, sùnwhlẹvun afọnnu tọn! Nawẹ yè sán we liai do, hiẹ he hẹn akọta lẹ zùn madogánnọ!”*To Owé EZEKIẸLI 28:13 tọn mẹ, ohógbè dopolọ yín alọ dlẹn do dọ, *“Hiẹ tin to Edẹni mẹ ojipa J**IWHEYẸWHE**tọn lọ…” “Hiẹ wẹ kẹlubi yíamìsisá do dè…” “Hiẹ yín mẹpipé to aliho towe lẹ mẹ sọn azán he gbè yè dá hiẹ, kaka yè do mọ mawàdódó to hiẹ mẹ.”*

Núdidá ehe yín agọjẹdo JIWHEYẸWHE go tọ. É ma yínwanna nado zé ede whè to JIWHEYẸWHE nukọn gba, é jlo nado zé ede daga, whenuena é ko kinklan ede sọn JIWHEYẸWHE go, wẹ é ṣẹ̀ azọ́n wà nado klán gbẹtọ sọn JIWHEYẸWHE go. Na Satani yín núdidá gbigbọnọ, é ma sọgan blú gbẹtọ adavo é biọ odàn mẹ. Odàn to whenẹnu, ma yín kanlin he nọ lìn to aigba ji gba, ehe é lẹzùn to godo he yè hòdẹ̀do é (GENẸSISI 3:14). E bọawúna odàn nado dọhó susu hẹ Evi, kẹdẹdi to Owé GENẸSISI 3 tọn mẹ. Evi yín pinplán biọ núdindọ̀n lọ mẹ, ehe to whelẹponu tindo ohókànbiọ. JIWHEYẸWHE yọ́n onú he É dọ, bo sọ dọ onú he É yọ́nẹn. Ṣigba odàn lọ dọ̀nnú hẹ Evi, dọmọ: *“Mì ma na kú dandan gba.”*Evi ṣẹ̀ Ohó JIWHEYẸWHE tọn hòpọ́n ji. Mọwẹ Satani nọ wà po dopodopo mítọn lẹ po do. Eyín gbọdemẹ ylankan de nado hò Ohó JIWHEYẸWHE tọn Wiwé pọ́n.

JIWHEYẸWHE na avasè sisosiso de Adam, dọmọ, *“Ṣigba sọn atin yinyọ́n dagbe po oylan po lọ tọn mẹ hiẹ ma na dù: gbêgbe hiẹ dù enẹ tọn mẹ hiẹ na kú dandan.”*(GENẸSISI 2:17). Satani dọ lẹ́jẹ Ohó lọ tọn gbọn odàn mẹ hlan Evi, dọ, *“Mì ma na kú dandan gba.”*(GENẸSISI 3:4). Dinvie, ogbèmimá lọ dóna yín bibasi, podọ mẹhe nasọ yise to e mẹ. Yè hẹn Evi yín madogánnọ, to whenẹnu wẹ Evi yín bublú. To tẹndodoponẹ mẹ, é sisẹ Adam do osẹ́ngbigba lọ mẹ, podọ kọ̀ndopọ he tin to JIWHEYẸWHE po gbẹtọ po ṣẹnṣẹn yín vivasúdo. Sọn whenẹnu, núyíwà gbẹtọ tọn lẹpo yín kinklán sọn JIWHEYẸWHE go to gbọdemẹ Satani tọn glọ. Mẹdepope he yè ji do aihọn he mẹ yín ovi okú tọn. Núdepope matin to aihọn mẹ he hú okú gba.

To osẹ́ngbigba godo, OKLUNỌ yàn Adam po Evi po sọn ojipa Edẹni tọn mẹ, na yé ma nado dù sọn atin ogbẹ̀ tọn lọ mẹ, bo nọ̀gbẹ̀ to ylando mẹ kakadoi gba. E to dandan dọ, yè ni flí mí gọ̀ whẹ́po mí nido tindo ogbẹ̀ madopòdo. JIWHEYẸWHE Lọsu wẹ doaṣọ̀na Adam po Evi po to kanlinyú de mẹ; bọ ohùn yín kinkọ̀n dai, bo to didohia dọ owhẹ̀dọgbọ wá gbọn kinkọ̀n dai ohùn tọn dali. Azán daho avọsinsán tọn de tin. Whenuena Klisti to kúkú, É gblọn hlan mẹhe ylọ Ẹ, dọ, *“Nugbo wẹ yẹn dọ hlan we, egbè wẹ hiẹ na nọ̀ hẹ mi to Paladisi mẹ.”*(LUKU 23:43). Sọn whenẹnu to Kalvali, omẹ lẹpo sọgan biọ Paladisi mẹ gbọn yise to avọsinsán Jesu Klisti tọn dali.

Mẹdepope he yín jiji to aihọn he mẹ yín kinklán sọn JIWHEYẸWHE go. Mí omẹ pó na ko wà kẹdẹdilé Adam po Evi po wà do; enẹwutu, mí omẹ pó wẹ wàylan to JIWHEYẸWHE nukọn, podọ mí omẹ pó wẹ sọ do hùdo ofligọ̀ tọn. Núyíwà agùn tọn lẹ, he yè to zínzán, enẹ lẹ ma tindo núde po whlẹngan mítọn po gba. Yé sọgan yín jijlẹdo amà ovõtin tọn he Adam po Evi po zán do sú omẹ́ yéde tọn go. Kẹdẹdilé OKLUNỌ mọ núyíwà gbẹtọ awe nẹlẹ tọn do, to godo mẹ, yé jẹagọdo gbèdidè Ohó Etọn tọn, mọdopolọ wẹ É mọ gbẹtọ lẹpo do, sọn whẹnuena mí omẹ po jẹ osẹ́n mẹ bo sọ wà ylando do.

To owhè fọtọ́n donu awe tintan mẹ, omẹ pẹvide wẹ OKLUNỌ do Ede hia hlan, taidi Enọku, Noa, Ablaham. Gbẹtọ lẹ wlé alihò yétọn lẹ bo to bosiọ sẹ̀n. To Mọse whenu, JIWHEYẸWHE de Islaẹli nado yín omẹ Etọn. Yè na osẹ́n yé bọ onú lẹpo tin to titò mẹ, kẹdẹdi lé OKLUNỌ biọ do to ojlẹ nẹ mẹ. avọsinsán lẹ ma sọgan na fligọ̀ kakadoi; ylando yétọn lẹ yín núsinyọndo poun. Yé dọhó do avọsinsán daho Lẹngbọ JIWHEYẸWHE tọn go he na zé ylando aihọn tọn lẹ yì. Ewọ na dè ehe ko klán mí sọn JIWHEYẸWHE go sẹ̀. Osẹ́n lọ to dandan mẹ, na gbọn e dali mí sọgan tindo budisi ylando (LOMUNU 3:20), podọ to enẹ godo mí dóna mọdona núhe wutu yè do whlẹn mí gán. Gbigbọ JIWHEYẸWHE tọn nọ hẹn mí nado dù to ylando ji, podọ nado payi osẹ́n he sinyẹnawu na mí lẹ go, to whenuena mí to didọ, dọmọ, mí ma pégo nado yìn osẹ́n podọ mí ko jẹsẹ́n mẹ. Ojlẹ nẹ lọ mẹ wẹ, dopodopo mítọn nọ mọ pinpẹn mẹ ofligọ̀zọ́n tọn.

Kinklán gbẹtọ tọn dogbọn tólivivẹ yetọn dali, ma sọgan glọ́nalina titò madopòdo JIWHEYẸWHE tọn po gbẹtọ po gba. Dogbọn osẹ́nmẹjijẹ dali, mí yín kinklán sọn JIWHEYẸWHE go, ṣigba gbọn owhẹ̀dọgbọ dali wẹ mí sọ yín gigọ̀wá kọ̀ndopọ mẹ po JIWHEYẸWHE po. Agbọ́mapé JIWHEYẸWHE. É dè aliho nado hẹn mí gọ̀wá Ede de. É flí mí gọ̀; É gbawhàn okú po okútomẹ po tọn, bo ná mí ogbẹ̀ madopòdo. Mí ma tindo aliho de nado dọ̀nsẹpọ́ JIWHEYẸWHE gba. Enẹwutu wẹ É do wá nado dè aliho na mí nido dọ̀nsẹpọ́ Ẹ. Omẹ popo dóna mọdona dọdai Owé ISAIA 40:3 tọn mẹ tọn, dọ, *“Ogbè mẹde tọn to awhádo to zùngbo mẹ, dọ, mì jla aliho**O**KLUNỌ**tọn do, mì basi aligbo jijlọ to ozùnmẹ na**J**IWHEYẸWHE**mítọn.”*To afọ etọn 9-10 mẹ, mí hia dọ, *“Hiẹ wẹndagbenọ Jelusalẹm tọn, zé ogbè towe doaga po huhlọn po: zé e doaga, a dibu blo; dọ hlan otò Juda tọn dọ, mì p**ọ́n J**IWHEYẸWHE**mìtọn. Dayi e go, O**KLUNỌ**J**IWHEYẸWHE**na wá po alọ sinsinyẹn po, awà etọn na dugán nẹ́.”*To Owé ISAIA 35:4 tọn mẹ, mí hia dọ, *“Mì dọ hlan yé he ayiha yetọn gọ́na obú lẹ dọ, mì wlekli, dọmọ, mì dibú blo: pọ́n, J**IWHEYẸWHE**mìtọn na wá po ahọsúyí po; ewọ na wá bo nasọ whlẹn mì.”*To Owé ISAIA 52:10 tọn mẹ, mí hia dọ, *“O**KLUNỌ**ko do awà wiwé etọn hia to nukọn akọta lẹpo tọn; aihọn lẹpo nasọ mọ whlẹngan J**IWHEYẸWHE**mítọn tọn.”*

JIWHEYẸWHE Lọsu wẹ yín mẹflitọ lọ. Eyín nukunnumọjẹgo hézéhézé to Owé Alẹ̀nù Hóhó tọn lẹ mẹ. E ma yín whladopo gê wẹ mí mọ Otọ́ de to hódọ hlan Ovi de to olọn mẹ to ogbla ojlẹ owhè 4,000 tọn mẹ. Kẹdẹdi Gbigbọnọ de, É ma sọgan dọ́ okú pọ́n gba. Enẹwutu, É dóna sọawúhia to gohọ̀ agbasanọ tọn de mẹ. Ehe wẹ yín ojlọjẹ dopo gê he yè nado flí mí gọ̀, podọ nado gọ̀ mí wá dòdónu otẹn he mẹ mí jai sọn.


## Chapter navigation

- [Previous chapter](https://nasa.misia.sk/book_chapters/5121.md)
- [Book contents](https://nasa.misia.sk/books/1764.md)
- [Next chapter](https://nasa.misia.sk/book_chapters/5123.md)

## Source

- [Canonical HTML page](https://nasa.misia.sk/book_chapters/5122)
- [Markdown representation](https://nasa.misia.sk/book_chapters/5122.md)