---
type: BookChapter
work_id: '890'
book_url: https://nasa.misia.sk/books/1764
book_markdown_url: https://nasa.misia.sk/books/1764.md
language: gu
position: 192
canonical_url: https://nasa.misia.sk/book_chapters/5124
markdown_url: https://nasa.misia.sk/book_chapters/5124.md
markdown_source: converted
updated_at: '2020-09-10T21:28:28Z'
translations: {}
---

# JIWHEYẸWHE PO TITÒ ETỌN PO HLAN GBẸTỌ LẸPO

## NUGBONỌ YÍNYÍN

To Yise egbè tọn me, mì sọgan sè dọ yẹwhehódọtọ lẹ nọ dọhó do dona ji, bo sọ nọ hòdẹ̀ dọmọ, “Na dona JIWHEYẸWHE Otọ́ tọn, po JIWHEYẸWHE Ovi tọn po, podọ JIWHEYẸWHE Gbigbọ Wiwé tọn ni nọ̀hẹ mì.” Ṣigba mí mọdona dọ ohógbè he yín Otọ́, Ovi, podọ Gbigbọ Wiwé ma yín zinzán gbèdé to asiko depope mẹ gbọn yẹwhegán lẹ po apọsteli lẹ po dali gba. Nugbo, JIWHEYẸWHE wẹ Otọ́ mítọn, ṣigba mì ma sọgan mọ gbèdé ohógbè he yín “JIWHEYẸWHE Ovi”, ṣigba mì sọgan mọ “OVI JIWHEYẸWHE TỌN.” Mọdopolọ wẹ Gbigbọ Wiwé. Mí ma mọ dopo to Owé Wiwé mẹ bọ mẹde dọhó, dọ, “JIWHEYẸWHE Gbigbọ Wiwé” gba. E ma yín “JIWHEYẸWHE Gbigbọ Wiwé” wẹ pàváva to osìnnukuntaji gba, ṣigba GBIGBỌ JIWHEYẸWHE TỌN wẹ pàváva to osìnnukuntaji (GENẸSISI 1:2).

E sinyẹnawu talala nado mọdona etẹwutu onú lẹpo do yín zìnzìn do odò podọ otasọdona. E ma yín “JIWHEYẸWHE GBIGBỌ WIWÉ” wẹ jẹte do Messia lọ ji whenuena yè baptizi I gba, poun yèdọ GBIGBỌ JIWHEYẸWHE TỌN jẹdo É ji (MATIU 3:16). E ma yín “JIWHEYẸWHE Gbigbọ Wiwé” wẹ ṣinyọn oyẹ̀ Malia ji gba, ṣigba, kẹdẹdilé yè wlán ẹn dọ, *“Angẹli lọ sọ gblọn bo dọ hlan ẹn, dọ, GBIGBỌ WIWÉ na wá oji we, huhlọn Gigogán tọn nasọ ṣinyọn oyẹ̀ oji we: enẹwutu ga onú wiwé he tin nado yín didètọ́n sọn hiẹ mẹ, OVI JIWHEYẸWHE TỌN wẹ yè na nọ ylọ ẹ.”*(LUKU 1:35). Ohógo he yín “JIWHEYẸWHE”, yín mimọ bo sọ yín zinzán to whenuena yè to alọ dlẹn do Otọ́, na apájlẹ de, mí nọ mọ ohógbè he yín “Donanọ wẹ JIWHEYẸWHE podọ Otọ́…”, ṣigba gbèdé e ma yín Ovi kavi Gbigbọ. Bé Gbigbọ Wiwé yín omẹ võ wẹ, whenuena yè ylọ ovi lọ dọ, “Ovi Gbigbọ Wiwé tọn”, na Gbigbọ Wiwé wẹ ṣinyọn oyẹ̀ Malia ji. Nado dọ poun, Gbigbọ Wiwé wẹ Gbigbọ JIWHEYẸWHE tọn, podọ Ovi JIWHEYẸWHE tọn wẹ awúsọhiamẹ gbaungba Otọ́ Lọsu tọn.

To Owé JOẸLI 2:28 tọn mẹ, JIWHEYẸWHE dọ, dọmọ: *“Yẹn na túntún Gbigbọ ṣie jẹgbonu do agbasalan lẹpo ji.”*Ṣisẹ̀ ohó nẹ lọ tọn yín mimọ to Owé OWALỌ 2 tọn mẹ. JIWHEYẸWHE ma túntún omẹ devo de jẹgbonu gba, ṣigba to vlẹkẹsi de mẹ, É túntún Gbigbọ Etọn jẹgbonu, kẹdẹdilé É ko dọ do. To Owé OWALỌ 1:4-8 tọn mẹ, Jesu dọhó dogbọn opagbè Otọ́ tọn dali. Ṣigba ehe yín alọkẹyí wẹ pagbè Gbigbọ Wiwé tọn. É ma dọ poun dọ, É na do Gbigbọ Wiwé hlan gba (JOHANU 16:7), ṣigba É dopagbè gigọ̀wá Ede tọn tọn (JOHANU 14:18). Awelẹ yín nugbo. To azán Pẹntikọsti tọn gbè, É nọ̀ Yisenọ lẹ mẹ gbọn Gbigbọ mẹ. Dinvie, Klisti tin to mí mẹ to ninọ̀mẹ Gbigbọnọ de mẹ, he yín tódido gigo tọn (KOLOSINU 1:27).

To yẹwhehó etọn tintan mẹ, Pita dlẹn alọ do nújijọ̀ daho enẹ to Owé OWALỌ 2:33 tọn mẹ, dọ, *“Enẹwutu mẹhe yè ko yí adusilọ J**IWHEYẸWHE**tọn do zé daga, bọ é ko sọ mọ opagbè Gbigbọ Wiwé tọn yí sọn Otọ́ de, é túntún ehe jẹgbonu, ehe mí to mimọ, bo sọ to sisè to dinvie.”*E bọawu titegbe nado mọdona, ṣigba núyọ́nẹntọ lẹ hẹn sinẹnawu na omẹ lẹpo. Johanu Baptizi ko dọ dọpọ́n he lọ tọn po ohógbè helẹ pó, dọmọ, *“É na baptizi mì po Gbigbọ Wiwé po.”*(MATIU 3:11). Núplọ́nmẹ nugbo apọsteli lẹ tọn wẹ yín dọ, Klisti JIWHEYẸWHE tin po mí po, podọ gbọn Gbigbọ Wiwé he nọnọ̀ mí mẹ tọn dali. To Owé JOHANU 4:24 tọn mẹ, OKLUNỌ dọ, dọmọ: *“Gbigbọ wẹ J**IWHEYẸWHE**.”*Enẹwutu wẹ É túntún jẹgbonu sọn Gbigbọ Etọn mẹ. To Owé 2 KỌLINTINU 3:17 tọn mẹ, Paul wlán dọ, *“O**KLUNỌ**lọ wẹ Gbigbọ lọ.”*Etẹwẹ mì na dọ dinvie ló? Gbigbọ wẹ JIWHEYẸWHE, OKLUNỌ lọ wẹ Gbigbọ lọ, Gbigbọ Wiwé wẹ Gbigbọ lọ. Ṣigba Gbigbọ dopo gê wẹ tin, he yín Gbigbọ JIWHEYẸWHE tọn.

Eyín Owé Wiwé dọ, dọmọ, “Gbigbọ JIWHEYẸWHE tọn”, kavi “Gbigbọ OKLUNỌ tọn”, kavi “Gbigbọ Wiwé”, onú dopolọ wẹ É to didọ. Eyín mí hia dogbọn Otọ́, Ovi kavi Gbigbọ Wiwé tọn dali, bọ eyín mí gọ̀yì pọ́n dòdónu onú lẹpo tọn, mí mọ asisanuvò dopolọ he yín JIWHEYẸWHE Gánhunupo. Ovi lọ po Gbigbọ Wiwé po ma sọgan yín kinklán sọn JIWHEYẸWHE go gba. To Ovi lọ mẹ, JIWHEYẸWHE vọ́ mí doai to kọ̀ndopọ mẹ po É po; gbọn Gbigbọ Wiwé mẹ, mí tindo kọ̀ndopọ po É po. Ovi lọ dọ, dọmọ, “*Yẹn jẹgbonu sọn O**t**ọ́ de wá.”*(JOHANU 16:28). Mọdopolọ wẹ É dọ gbọn Gbigbọ Wiwé dali dọ, *“…Gbigbọ nugbo tọn lọ, mẹhe jẹgbonu sọn O**t**ọ́ de wá…”*Mọdopolọ wẹ Ovi podọ Gbigbọ Wiwé ma sinai to amiọnlọ kavi adusinlọ Otọ́ tọn mẹ gba, ṣigba yé sọn Otọ́ mẹ wá. Enẹ wẹ kàndeji nugbo Biblu mẹ tọn.


## Chapter navigation

- [Previous chapter](https://nasa.misia.sk/book_chapters/5123.md)
- [Book contents](https://nasa.misia.sk/books/1764.md)
- [Next chapter](https://nasa.misia.sk/book_chapters/5125.md)

## Source

- [Canonical HTML page](https://nasa.misia.sk/book_chapters/5124)
- [Markdown representation](https://nasa.misia.sk/book_chapters/5124.md)