---
type: BookChapter
work_id: '890'
book_url: https://nasa.misia.sk/books/1764
book_markdown_url: https://nasa.misia.sk/books/1764.md
language: gu
position: 200
canonical_url: https://nasa.misia.sk/book_chapters/5132
markdown_url: https://nasa.misia.sk/book_chapters/5132.md
markdown_source: converted
updated_at: '2020-09-10T21:28:32Z'
translations: {}
---

# JIWHEYẸWHE PO TITÒ ETỌN PO HLAN GBẸTỌ LẸPO

## NADO SẸSINWHENA

To azán Alẹ̀nù Yọ́yọ́ tọn lẹ mẹ, Jesu Klisti yín mimọ to JIWHEYẸWHE de; sọlé Ewọ ma tlẹ yín omẹ devo de gọ́na JIWHEYẸWHE, ṣigba dopo to azọ́n Etọn he É dóna wà lẹ mẹ, kẹdẹdi Ovi Gbẹtọ tọn. Whenuena Sitefani pọ́n hlan olọn, é dọ, dọmọ: *“…Pọ́n, yẹn mọ olọn lẹ hùn, po OVI GBẸTỌ TỌN po to ote to adusilọ**JIWHEYẸWHE**tọn mẹ.”* (OWALỌ 7:56). Jesu Klisti dóna yín onú susu: Lẹngbọvu JIWHEYẸWHE tọn, Yẹwhenọ Daho, Ovi gbẹtọ tọn po onú devo mọhunkọ tọn lẹ po, dilé mí ná túnmẹ Etọn do. To whepoponu yè mọ ẹn tọ JIWHEYẸWHE de, É to azọ́nwà, kẹdẹdi jlọjẹ titò daho whlẹngán tọn.

É dóna lẹzùn onú nẹlẹ po na ofligọ̀ mítọn tọn wutu. To Owé HEBLU 12:2 tọn mẹ, mí hia dọ, dọmọ: *“…Bo nọ p**ọ́n hlan Jesu he yín dòdó po opòdo yise mítọn tọn po, mẹhe na ayajẹ he yè zé do nukọn etọn wutu é doakọ́nna osatin lọ, mahò owinyan lọ pọ́n, bo sọ sinai to adusilọ ofin**J**IWHEYẸWHE**tọn tọn ji.”*Omẹ dopolọ he Stefani mọ kẹdẹdi Ovi Gbẹtọ tọn, wẹ Johanu mọ to zọnlinzin to ṣẹnṣẹn zogbántin sika tọn ṣinawe lẹ tọn (OSỌHIA 1:12-20). Stefani mọ Ẹn to olọn mẹ, Johanu mọ Ẹn to aigba ji to agùn mẹ. Omẹ dopolọ wẹ Yẹwhenọ Daho, mẹhe go yè sọgan doalọ gbọn madogán agbasa mítọn lẹ tọn dali (HEBLU 4:15). Ewọ wẹ owhẹ̀yídọtọ he to vẹvẹ̀ to otẹn mítọn mẹ to azinpo lẹblanu tọn kọ̀n.

É sọgan sọawúhia Saul to hinhọn ablanọ daho lọ mẹ, whenuena é jei Damasku, dilé yè wlán ẹn do to Owé OWALỌ 9:3-6 tọn mẹ. Whenuena Saul kànbiọ, dọ, *“Hiẹ mẹnu wẹ, O**KLUNỌ**?”*OKLUNỌ sọ dọmọ, *“ Yẹn Jesu mẹhe hiẹ to homẹkẹndo wẹ…”*Mẹnu wẹ Ewọ lo? Etẹwẹ Ewọ yín? Fie wẹ É te? Mẹde mọ En di Ovi Gbẹtọ tọn to JIWHEYẸWHE de to ofin ji; mẹdevo mọ Ẹn to Ofin Lẹblanu tọn kọ̀n di Yẹwhenọ Daho, he to ovẹ̀vivẹ basi na mí, mẹdevo sọ mọ Ẹn to zọnlinzin to zogbántin sika tọn ṣinawe lẹ ṣẹnṣẹn. Podọ, dogọ́ yè sọ mọ Ẹn to hinhọ́n ablanọ he vànukun na Saul de mẹ. E ma sọ vọ̀ do finẹ: Johanu wlán wé, whenuena é tin to Osó Patmọsi tọn ji dọ, é mọ Ẹn taidi kinnikinni whẹndo Juda tọn he to gbigbó. Enẹ godo é mọ Ẹn taidi Lẹngbọvu de he yè ko hù. Mí sọgan to nukọnyí bo na to ohódọ dogbọn awúsọhiamẹ Etọn lẹ dali. To enẹ lẹpo mẹ, É gbẹ́sọ to dopolọ yín. Azọ́n susu wẹ É to wiwà. Ṣigba eyín mí gọ̀wá dòdó azọ́n lẹ lọ tọn mẹ, É nasọ gọ̀ mí wá OKLUNỌ JIWHEYẸWHE Madopòdo de. Mí ma nọte to awúsọhia vivẹ Etọn lẹ kẹdẹ mẹ gba, ṣigba mí sọ yọ́nẹn dọ, whenuena onú lẹpo na wá pipé mẹ, mí na mọ Ẹn dolé É te. OKLUNỌ sọgan do Éde hia dolé e jlo É do, bo ma nasọ kànbiọ mẹde whẹpo do basi i.


## Chapter navigation

- [Previous chapter](https://nasa.misia.sk/book_chapters/5131.md)
- [Book contents](https://nasa.misia.sk/books/1764.md)
- [Next chapter](https://nasa.misia.sk/book_chapters/5133.md)

## Source

- [Canonical HTML page](https://nasa.misia.sk/book_chapters/5132)
- [Markdown representation](https://nasa.misia.sk/book_chapters/5132.md)