---
type: BookChapter
work_id: '928'
book_url: https://nasa.misia.sk/books/1784
book_markdown_url: https://nasa.misia.sk/books/1784.md
language: rn
position: 25
canonical_url: https://nasa.misia.sk/book_chapters/5214
markdown_url: https://nasa.misia.sk/book_chapters/5214.md
markdown_source: converted
updated_at: '2020-10-23T21:51:22Z'
translations:
  rn: https://nasa.misia.sk/book_chapters/5214.md
---

# Ebaruha erikwetorora - Okwakana 2015

## Chapter 1

**“Yesu Kristo tahinduka; oku abaire ari nyomwabazyo, n`eri izooba nikwo ari, kandi nikwo ariguma ebiro byona.” **(Abaheburaayo 13:8)

**Ebaruha erikwetorora** **Okwakana 2015**

Endamutsyo za aha mutima ahari abaishe-emwe hamwe na banyaanya-itwe okwetoroora ensi yoona omu iziina rya MUKAMA waitu Yesu Kristo n`ekyahandikirwe kuruga omu Baheburaayo 9:28:

*“Nikwo na Kristo, ku yaaherize kuheebwayo rimwe kwekorera ebibi bya baingi,****aryareebeka omurundi gwa kabiri, ti habw`ebibi, kureka ahabw`okujuna abariba bamutegyereize****”*

Okwiija kwa Kristo okw`akabiri nikwo kugaruka kwe okwaraganitsibwe (Yohaana 14:1-3). Nagaruka ahabw`abacungwirwe boona **abamutegyereize.** Nagaruka ahabw`abo boona abacungwirwe kandi **abetekatekyeire**: *“…ababaire beeteekateekire baataaha nawe omu nju omu bugyenyi…”* (Mataayo 25:10)*.* Nagaruka ahabw`abo boona abacungwirwe **abarikukunda okubooneka kwe**. Kandi abo boona abari kukunda okuboneka kwe nibaza kuheebwa ekiruunga ky`okuhikirira eky`araganitsibwe (2 Timoseo 4:8).

**Okugaruka kwa Kristo kwiriire haihi**. N`eky`omugasho munoonga kugira ngu ebi bintu bishatu omu mazima bishangwe omuri itwe: okumurindirira, kuba twetekatekire kandi n`okukunda okuboneka kwe. Tutwiire omu bwire bw`okwetwa kurugayo nk`oku 2 Abakorinso 6:14-18 hari kugira: “*N`ahabw`ekyo mubarugyemu, Mubeetaaniseho; nikwo MUKAMA arikugira…”* Obunabi bw`ahamuheru buriyo nibuhikiriira omu biro byaitu. N`obunaku bwa kaire akagambirwe MUKAMA waitu, “…*kandi ebi ku biritandika kubaho, mureebe ahaiguru, mwimutsye emitwe yaanyu, ahakuba okucungurwa kwanyu kuryaba kuri haihi”*(Luka 21:28-36)*.* Ahabw`embabazi ze, twine okuhaburwa kw`omuri baibuli okurabira omu kigambo ky`obunabi kaandi nitubasa kwetegyereza gye obumanyitso bw`emperu omu nshonda zoona. Akaari, akaari k`okusimura nikeyongyera buri kaire kandi kariyo nikagyenda omu nsi yoona kugira ngu boona abari kwikiririiza omuri baibuli batsimukye barugye omu turo tw`omwoyo: *“Reeba, kishweraa yaija! Mushohore tumubugane.”*(Matayo 25:1-10).

Obu hati nibwo buutumwa oburiyo nibutebekanisa okwija kwa Kristo okw`akabiri. Abaikiriza nibo baishiki abashugaine abari kushemeza etabaaza zaabo. Abaishiki ab`obwengye tibarikufa aha tabaaza zaabo zonka, nk`okugira ngu bagire ekyererezi, okumurikirwa; kureka nibafayo munoonga aha kweteekateeka okwijwiire habw`okwikiriza hamwe n`okwecureeza haamawe n`okwijura amajuta g`omwoyo okuba niyo nshonga erikukirayo obukuru. Omuhandiki w`ekyeshoongoro akakishooborora ati: “Turi enyabya, mukama Ori kwera, kwonka twijwire amaani gaawe…” okwegaita kw`ebembiirwe Omwoyo kw`omugore w`omunsi hamwe na kishwera ow`omwiguru kuriyo nikugyeenda omu maisho omu kukunda okuhikire hamwe n`okwikirizana naburi kigambo kyoona ekya Ruhanga.


## Chapter navigation

- [Book contents](https://nasa.misia.sk/books/1784.md)
- [Next chapter](https://nasa.misia.sk/book_chapters/5215.md)

## Available translations

- [Runyankole](https://nasa.misia.sk/book_chapters/5214.md)

## Source

- [Canonical HTML page](https://nasa.misia.sk/book_chapters/5214)
- [Markdown representation](https://nasa.misia.sk/book_chapters/5214.md)