---
type: BookChapter
work_id: '928'
book_url: https://nasa.misia.sk/books/1784
book_markdown_url: https://nasa.misia.sk/books/1784.md
language: rn
position: 29
canonical_url: https://nasa.misia.sk/book_chapters/5218
markdown_url: https://nasa.misia.sk/book_chapters/5218.md
markdown_source: converted
updated_at: '2020-10-23T21:48:36Z'
translations:
  rn: https://nasa.misia.sk/book_chapters/5218.md
---

# Ebaruha erikwetorora - Okwakana 2015

## Ruhanga namanyisa eki agamba kandi agamba eki amanyisa

Nabi Danieli akagambirwa: *“Kwonka iwe Danieli shweka ahari ebyo bigambo, ekitabo okiteerane n`akamanyiso, okuhitsya aha mperu. Baingi baryairuka nibakora oku n`oku, n`okimanya kuryayeyongera.”*(Danieli 12:4).

Turi omu bwiire bwa`hamuheru. Ekitabo ekyabaire kishwekirwe kishuurirwe, eby`abaire birimu byoona hati bishuurirwe. Nitusiima Ruhanga ahabw`okuba tihakiro nakimwe ekikibohirwe n`akamanyiso ahabw`okuba *“Entare y`omu ruganda rwa Yuda, ekitsitsa kya Daudi, akasingura; n`ahabw`ekyo naabaasa kushuuruura ekyo kitabo n`okubambuura obumanyiso bwakyo mushanju.”*(Okushuuruurirwa 5:5)

*“Kandi yangira ati: Otakoma ebigambo by`obunabi eby`omu kitabo eki n`akamanyiso, ahakuba obunaku buri haihi.”*(Okushuuruurirwa 22:10)*.* Omu shuura ya 5 ekitabo kikaba kikibohirwe n`akamanyiso.

Obuteeka bwa Ruhanga omu ntebeeanisa Ye y`okujuna omu kigambo bukatworekwa omu bwijwiire. Nitubasa kuta b`amaraika mushanju b`ekanisa omu myanya yaabo ebashemereire (Okushuuruurirwa 2+3), ba maraika b`okucwa omushango abakomiirwe omu mugyera gwa Fulati (Okushuuruurirwa 9) kandi n`aba maraika mushanju b`okuteera enzaamba (Okushuuruurirwa 8-11). Nabyo nitubasa kubita omu myanya y`abyo eishemereire. Ahari itwe, amazima g`omu byahandikirwe nigareebwa butunu MUKAMA ku arishuuma nka Maraika w`endagaano (Okushuuruurirwa 10) nari ba nabi babiri ku baryaija (Okushuuruurirwa 11) nari ebiri kukwaata ahari ba maraika mushanju hamwe n`ebibonaboneso (Okushuuruurirwa 16). Eego, ahabw`embabazi ze okushuuruurirwa kwoona kw`ebyo byoona ebyabaireho bitumanyisiibwe kandi byatworekwa omu buteeka bwabyo, omu muriingo oguri kwetegyerezibwa hatari nk`omu migigi ey`enyima.

N`obu kirabe kiri kityo, kishemereire kugaruka kugambwaho ogundi murundi omu eiziina rya MUKAMA Yesu Kristo: oku n`okurugayo hamwe n`okweteekateeka kw`ekanisa y`Omugore. N`obu twakumanya enaama zoona kwonka tutagire kukunda kigambo okwa mazima kw`ekigambo, **na buri kigambo**, obwe nituba tuteekateekire, n`obu kwakuba okukunda okuboneka kwe. Egi niyo ntanisa eri rwagati yabaishiki ab`obwengye hamwe n`abaishiki aba shema. Omu mazima aha muheru gw`obwire bw`okumarira, hati ekirikukirayo obukuru n`kugarura busya okwijwire nk`oku ekigambo kirikugira, okushemereire kubaho okugaruka kwa MUKAMA omukundwa kandi kishwera kutakabaireho. Abatoreinwe nibakwata ekigambo n`amaani kuhika aha muheru kandi tibarikubasa kubeihwa beihwa nvunuurwa. Nibaikiriza ngu obutumwa obw`amazima obuhamize kimwe aha byahandikirwe ebiri kwera, ni butebeekanisa okugaruka kwa Kristo okwa kabiri; Kandi nibaza kusiima MUKAMA n`omu butahwaho aha bw`obuhereza bw`ekinabi obw`ow`eishe-emwe Branham hamwe n`okuta kurungi ebyahandikirwe omumwanya gw`abyo nabyona ebyabaireho omuntebekanisa y`okujuna. Ahari abo abaine omugisha eki nikibakwataho: *“*… *amaisho ganyu gaine omugisha, ahabw`okuba nigareeba, n``amatu ganyu ahabw`okuba nigahurira.”*


## Chapter navigation

- [Previous chapter](https://nasa.misia.sk/book_chapters/5217.md)
- [Book contents](https://nasa.misia.sk/books/1784.md)
- [Next chapter](https://nasa.misia.sk/book_chapters/5219.md)

## Available translations

- [Runyankole](https://nasa.misia.sk/book_chapters/5218.md)

## Source

- [Canonical HTML page](https://nasa.misia.sk/book_chapters/5218)
- [Markdown representation](https://nasa.misia.sk/book_chapters/5218.md)