---
type: BookChapter
work_id: '928'
book_url: https://nasa.misia.sk/books/1784
book_markdown_url: https://nasa.misia.sk/books/1784.md
language: rn
position: 31
canonical_url: https://nasa.misia.sk/book_chapters/5220
markdown_url: https://nasa.misia.sk/book_chapters/5220.md
markdown_source: converted
updated_at: '2020-10-23T21:48:37Z'
translations:
  rn: https://nasa.misia.sk/book_chapters/5220.md
---

# Ebaruha erikwetorora - Okwakana 2015

## Ebikubaho MUKAMA ku atsinda nk`entare?

Katugarukye tukigambe ogundi murundi ngu n`ogwe owa aha muheru nawe akyetegyereize: ogwe weena orikwikiriza nk`oku Baibuli eri kugamba omu byahandikirwe ebiri kukurataho nikiza kumushuuruurirwa. Omu kushuuruurirwa 10 MUKAMA naija n`ekitabo ekishuurirwe nka maraika w`endagaano, yaata ekigyere ekye kya buryo aha nyaanja n`ekya bumosho ahansi, yagamba n`eiraka rihaango **nk`oku entare etsinda****.**Ekigaambo kikuru omu kyahandikirwe eki ni “okutsinda”.

Omu itebezo “The breach” omu kwezi kwa kashatu ebiro 17, 1963 ow`eishe-emwe Branham akashoma okushuuruurirwa 10:1 reero ahanyima yagira ngu **“Wayeetegyereza ogwe ni Kristo (wareeba?), ahabw`okuba we omu ndagaano enkuru akeetwa Maraika w`endagaano, kandi hati ariyo nayizira kimwe aha bayudaaya, ahakuba yamazire n`ekanisa… ekanisa eherize kutwaarwa.”**

N`okuhikirira kw`ekicweka kya kabiri kya Malaki 3:1: “*…kandi MUKAMA, ou murikusherura, aryaija omuri hekalu ye kitaraariire;****n`entumwa y`ndagaano****ei murikushemererwa, reeba neija; nikwo MUKAMA ow`amahe arikugira.”*

Ebikuza kuba aha ba Israeli abikiriza nabyo bikaba byaherize kuragurwaho omu kigaambo ky`obu nabi. Reero obwe n`eki ekyahandiikirwe nakyo nikiza kuhikirira “*MUKAMA naatsinda naayema Saayuuni, Naimutsya eiraka rye ari Yerusaalemu,**kandi eiguru n`ensi nibitengeta. Kwonka MUKAMA niwe buhungiro bw`abantu be, Ekigo kigumire****eky`Abaisraeli****.”*(Yoeli 3:16)

*“Baryakuratira MUKAMA,**Atsinde nk`entare**; Eego, aryatsinda, Abaana be baije nibatetema, nibaruga oburengyerwa-izooba.”*(Hosea 11:10).

*“Akagira ati:**MUKAMA naatsinda naayema Saayuuni, Naimutsya eiraka rye ari Yerusaalemu**; Amariisizo g`abariisa nigacura, Omutwe gwa Karumeeli niguhotoka.”* (Amosi 1:2)

We ku ariheza kutsinda nk`entare, akaire nikija kuba kahika ak`ebihiinda mushanju kugaamba (Okushuuruurirwa 10:3). Yohaana kuyayenzire kuhandiika ebi yagambirwa, eiraka okuruga omu iguru rikamugira riti, *“Koma n`akamanyiso ebyo bigambo ebyagambwa ebirikuhinda mushanju; otabihandiika.”*(Orunyiriri rwa 4). Kanshabe Ruhanga ahereze buri omwe okushuuruurirwa okuri kwera kuhereza ekintu eki ekitinisa, ahabw`okuba ni “OKU NIKWO MUKAMA ARI KUGIRA”

Maraika w`endagaano, ori kuta ekigyere kye kya bumosho ahansi n`ekindi ekya buryo aha nyaanja reero akatsinda nk`entare nayeereza omukono gwe omu mwanya reero ayerahira we wenka abaho ebiro byoona *“tiahakiriyo bundi bwiire”*… omu kitabo kya nabi Danieli 12:7 nikigamba aha kurahira haza obwe kwine obwiire bwakwe obu pimirwe kandi bugufu: *“…**naahurira naarahira Ogwo otura ahuriire ebiro byona**,**ngu biryamara obunaku n`obunaku bubiri n`ekicweka ky`obunaku**; kandi ngu, ku bariheza kusheenyagura amaani g`eihanga eririkwera,**ebyo byona biryahikiirira**.”*Amiina! Ahabw`ebyo byona ebyashoboororwa, nitugambirwa omu kigaambo ky`obu nabi ngu okuruga omu bwiire obw`endahiro eryaba emyaka eshatu n`ekicweka okuhisya obu byona biri hikirira omu bwiire obw`ahamuheru. Omuri Danieli 7:25 nitushoma ekintu nikyo kimwe aha myaka eshatu n`ekicweka ekiri kukwata aha b`Israeli kandi Okushuuruurirwa 12:14 aha runaku kandi n`obunaku kandi n`ekicweka ky`obunaku nk`oku kiri omuri Danieli 12:7.

Aha nshonga egi, nikyetegyerezibwa kurungi ngu tikirikukwata aha kanisa y`omugore orikuba yaherize kutwaarwa (raptured), kureka nikikwata aha bwiire bw`ebibonaboneso kandi nahari Israeli. Nabi Danieli akagambirwa ati, *“naija kukushobororera**ebiriba aha bantu baawe omu biro bya bwanyima**; ahabw`okuba okwo kworekwa n`okw`ebiro ebiriija.”*(Danieli 10:14*)*. N`ebyo ebyahandikirwe ebiri kukurataho, tikiri kuguma kurambika gye ebyo byona omu mwanya gwabyo kandi n`omubuteeka bwa Baibuli. Ahabw`okugira ngu tikiri kukwata aha kanisa y`Omugore, kureka aha bantu ba Israeli tikiri kwetengyesa itwe okwemereza emitima aha bweki. MUKAMA naija kureeberera abantu be okuhika aha muheru.


## Chapter navigation

- [Previous chapter](https://nasa.misia.sk/book_chapters/5219.md)
- [Book contents](https://nasa.misia.sk/books/1784.md)
- [Next chapter](https://nasa.misia.sk/book_chapters/5221.md)

## Available translations

- [Runyankole](https://nasa.misia.sk/book_chapters/5220.md)

## Source

- [Canonical HTML page](https://nasa.misia.sk/book_chapters/5220)
- [Markdown representation](https://nasa.misia.sk/book_chapters/5220.md)