---
type: BookChapter
work_id: '873'
book_url: https://nasa.misia.sk/books/1786
book_markdown_url: https://nasa.misia.sk/books/1786.md
language: rn
position: 25
canonical_url: https://nasa.misia.sk/book_chapters/5224
markdown_url: https://nasa.misia.sk/book_chapters/5224.md
markdown_source: converted
updated_at: '2020-10-29T12:39:17Z'
translations:
  rn: https://nasa.misia.sk/book_chapters/5224.md
---

# EBARUHA ERIKWETORORA OKW`IKUMI-OKW`IKUMI N`EBIRI 2014

## Engiri y`akaire n`etebekanisa okwiija kwa Kristo okwa kabiri

Aka n`akaire akari kukirayo obukuru ahabw`ekanisa ya Yesu Kristo.

Okuraganitsibwa okuri kuruga omuri Malaki 4:5-6, kandi obwe kwinaire kimwe akakwate n`entebekanisa ya Ruhanga y`okujuna kandi kukagaruka kukahamibwa na MUKAMA waitu omuri Matayo 17:11 hamwe n`omuri Mako 9:12, kubasize kuhikirira omu bwiire bwaitu kandi turi kwerebera. Omu muriingo ogwe, enyegyesa zoona zibasize kugarurwa obutsya omu muriingo oguhikire nk`oku zabaire ziri omu kutandika, nahabw`ekyo amaisho agari kubireeba gaine omugisha. Ebigambo bya MUKAMA waitu, *“n`ekyamazima Eliya aryabanza kwiija, ashemeze byona”,*bihikiriire, nabasa kugaruka kukihamya n`oburi hati: *“Eliya akaija kandi yashemeza byona”.*

Okurugirira omu kyaraganitsibwe omuri Maraki 3:1, Yohaana Omubatiza akatebekanisa okwija kwa Kristo okw`okubanza nk`omuntu owabaire atumirwe kuruga ahari Ruhanga. MUKAMA waitu akakihamiza omuri Matayo 11:10: *“kandi ogwo niwe owahandiikirweho ngu, Reeba, nintuma entumwa yangye, ekubandize; niyo erishemeza omuhanda gwawe.”*Omu muriingo nigwo gumwe, William Branham akaija yareebeka omu bwiire bwaitu nk`omuntu owabaire atumirwe kuruga ahari Ruhanga okurugiirira omuri Malaki 4:5-6 kandi yareeta obutumwa bw`okugarura butsya okutebeekanisa okwiija kwa Kristo okwa kabiri. N`okushuuruura kw`enaama zoona ez`Omukigambo okuhikirira kimwe aha kubambura kw`obumanyitso mushanju- okutwariza hamwe: okwanjura kw`entebekanisa ya Ruhanga y`okujuna. Kuri entumwa eterabeireho n`obutumwa tibwakubeireho “*Buzimazima MUKAMA RUHANGA takora kintu kyona, Atabandize kukishuuruurira bairu be baanabi”.*(Amosi 3:7)

Oburi hati n`obu kirabe kityo, ekibuuzo tikiri ngu yaaba nitwikiriza ngu Malaki 4:5-6 ehikiriire. Hati enshonga enkuru eri ngu yaaba nitwetegyereza ebi entumwa eyegitse omu mateebezo gaayo. Nitusiima Ruhanga ahabw`okugira ngu nitwkiriza buri kigambo kyona ahabw`embabazi Ze. MUKAMA waitu agira ati, “*Bwanyima Yesu yaagambira Abayudaaya abaanwikiriize ati: Ku muraahamire aha kigambo kyangye, nimuba muri abeegi bangye buzima; Kandi muryamanya amazima, n`amazima garyabahindura ab`obusingye.”* (Yohaana 8:31-32).


## Chapter navigation

- [Previous chapter](https://nasa.misia.sk/book_chapters/5223.md)
- [Book contents](https://nasa.misia.sk/books/1786.md)
- [Next chapter](https://nasa.misia.sk/book_chapters/5225.md)

## Available translations

- [Runyankole](https://nasa.misia.sk/book_chapters/5224.md)

## Source

- [Canonical HTML page](https://nasa.misia.sk/book_chapters/5224)
- [Markdown representation](https://nasa.misia.sk/book_chapters/5224.md)