---
type: BookChapter
work_id: '873'
book_url: https://nasa.misia.sk/books/1786
book_markdown_url: https://nasa.misia.sk/books/1786.md
language: rn
position: 29
canonical_url: https://nasa.misia.sk/book_chapters/5228
markdown_url: https://nasa.misia.sk/book_chapters/5228.md
markdown_source: converted
updated_at: '2020-10-29T12:39:19Z'
translations:
  rn: https://nasa.misia.sk/book_chapters/5228.md
---

# EBARUHA ERIKWETORORA OKW`IKUMI-OKW`IKUMI N`EBIRI 2014

## Obwiire bw`aha muheru

Omushana gujwiire omu bwaire bw`omwebazyo. Naburinyegyesa yoona haza erikushngwa omu byahandikirwe, ekyererezi ekitari kya buriijo nikyakira kimwe, kandi nitubaasa kutamburira omu mushana gw`ekigambo ekishuuruurirwe. *“Ahakuba Ruhanga, owaaragiire ati: Omushana gujwe omu mwirima, Ogwo niwe yaajwire omu mitima yaitu kutuha okushoborokyerwa ekitiinisa kya Ruhanga ekirikureeberwa omuri Yesu Kristo.”*(2 Abakorinso 4:6) Amiina.

MUKAMA akatwaara omuhereza we kandi nabi ahanyima y`okumariira omurimo oguyabaire atumirwe, kwonka akatusigira ekigambo ekishuurirwe. Nibwo butumwa obuhikire ahari buri nshonda yoona y`ensi. Ruhanga We weenka Ayerendiire buri kimwe kyoona, kandi MUKAMA naija kumariira n`abetsirwe niyo kanisa okuhitsya aha kiro ky`okwiija kwe kandi agyemurikire omu maisho ge etaine kamogo (Abaefeso 5:27; Abakolosai 1:22; n`ebindi n`ebindi).

Ruhanga akanyeheera omugisha gw`kuba aha nteerane z`oweish-emwe Branham omuri Bugirimaani hamwe n`omu USA. Ndi kareebi owa huriire kandi nkareeba obuhereza bwa Branham bw`omutaano. Ningaruka manya ngu hariho ebindi bintu bimwe ebi yabaire natekyereza ngu nibiza kuhikirira. Otakafayo: Burikimwe kyoona eki Ruhanga yateekateekire Omugore nikiza kubaho ahabw`okuba ebi Ruhanga yaraganitse omuri We byona ni “Eego” hamwe na Amiina (2 Abakorinso 1:18-22). Obutumwa Bwe bukaba buri obw`omugasho kandi buri kwetengwa aha batorainwe. Nyowe nyine okushemererwa okukira abandi bona ngu Ruhanga Omwetsigwa akanyikiriza ngu mbase kureeba okutwaarwa omu kicu kw`oweishe-emwe Branham obwiire obu yabaire natwihwaho omukwezi kwa ikumi n`ebiri 24, 1965. Nkaba ndi Bugirimaani kandi nkaba ntakahuriire aha kintu kyona ekiri kukwatagana na butaandu eyamubeireho okwezi kwa ikumi n`ebiri ebiro 18, kandi nabwe tindabasize kumanya kintu kyona ekiri kukwatagana n`okufa kwa nabi okwabeireho omu kwezi kwa ikumi n`ebiri ebiro 24 omu kaire ako. MUKAMA waitu nawe akatwarwa omu kicu (Ebyakozirwe 1:9); ahakutwarwa, Omugore nawe naija kutwarwa ahaiguru omu bicu kubugana MUKAMA (Abatesolonika 4:17), kandi n`abaanabi babiri nabo nibaija kutwarwa omu iguru omu kicu.(Okushuuruurirwa 11:12).

Nikimanyirwa kimwe munoonga omunsi yoona ngu nkaba nimpurizana munonga n`oweishe-emwe Branham n`obuhereza bwe okumara emyaka 10. Kandi nabwe baingi nibamanya omugabo ogu Ruhanga yampaire ahabw`embabazi Ze ahabw`okutwara obutumwa omu maisho. Ruhanga akakitebeekanisa omu muriingo gw`okugira ngu ahanyima y`okutwarwa kwa nabi ninye wabiire ow`okubanza kutwara obutumwa Buraaya (Europe), Asia hamwe na Afirika, kandi otwariremu hamwe n`ensi yoona ahabw`okuba Ruhanga akanyetumira.

Ahabw`okugira ngu n`eki mukimanye, obu Branham yabaire akiri omunsi, ensi ekaba etakahurira ga kintu kyona kiri kukwata aha butumwa. USA ogitire aha rubaju, hakaba hariho amahanga ashatu goonka omu ab`eishe-emwe babiire nibateera entambi z`amaraka g`amatebezo g`ow`eishe-emwe Branham: omuri Edimonton, Canada, hamwe n`oe`eishe-emwe Henry Martin ou ow`eishe-emwe Branham yampaire endagiriro ye (Address); omuri South Africa hamwe n`ow`eishe-emwe Sydney Jackson; hamwe n`omuri Krefeld. Akaba ari ow`eishe-emwe Branham we wenyine owangambiire omu kwezi kwa mukaaga ebiro 11, 1958 0muri Dallas, Texas, “ow`eishe-emwe Frank nooza kugaruka Bugirimaani n`obutumwa obu” Akaba ari ow`eishe-emwe Branham owagarukire omu ki Ruhanga yabaire andagirire omu kwezi kwa ikumi n`ebiri 3, 1962, ari kugira ati: “Ow`eishe-emwe Frank, borekire kugabura eky`okurya okuhitsya obu orakitungye kyona.” MUKAMA ku yaherize kwetwarira entumwa Ye nibwo butumwa obwabiire nibubasa kutebeekanisa okwija kwa kabiri kwa Kristo, ahabw`okuba eky`okurya kyona kikaba kyaherize kubaikwa.

Ruhanga akatwaara nabi we Musa; akagaruka yatwara na Eliya hamwe n`ow`eishe-emwe Branham. Musa akaikirizibwa kureeba ensi eyabaire eraganitsibwe ayemereire aha rushozi Nebo (Eky`ebiragiro 32:44-52), kwonka omutwe gw`abana ba Israeli bakahika omunsi egyo eyabaire eraganitsibwe bari ahansi y`obwebembezi bwa Yoshua. Ekyabaire kiri eky`omugasho munoonga ahari Yoshua kikaba kiri eshanduuko y`endagaanoahabw`okuba omur`iyo nimwe habaire harimu ekiggambo eki Ruhanga yashuurire nabi. Nikwokiri ahari itwe omubwire obu; nitutwaara ekigambo ekishuurirwe okutaha omunsi ey`araganitsibwe, abaana b`endagano boona nibaikiriza ekigambo ky`endaganonibatebwaho akamanyitso k`Omwoyo Owaraganitsibwe (Abaefeso 1:13). Tihariho eizooba na rimwe obu Ruhanga arita akamanyiso ke k`Omwoyo Orikwera aha muntuori omu nshobi.

Okubanza hakaba hariho ekanisa emwe y`obutumwa omuri buri rureembo, okuhiika nk`omu myaka y`enshanju. Oburi hati endeembo nyiingi zijwiire amakanisa agari kweyeta ngu n`ag`obutumwa bwa Branham. Nobasa kutehyeereza nguhariho abaikiriza abarikwanga kuteerana na bagyenzi baabo omu kushaba hanu omunsi, abo abatakwenda kuba hamwe omu kushaba nainga shi okwirira bakaabasa kuba hamwe aha bugyenyi bw`Omwana gw`Entaama? Ekyo nimpamiza kimwe ngu tikikabasika!

Kwonka hati, ahanyima y`okushoma akatabo aka, abantu boona abari haihi n`abari hare omu okwetoroora ensi baine omugisha gw`okutereeza enteekateeka yaabo hamwe n`okusharamu. Oburi hati ky`orekirwe butunu, nk`omu biro bya Musa, oba nitubarirwa omu kanisa ya betsirwe nainga shi yaba nitwenda kukora nk`oku Dasani na Koora bakozire nari nk`oku byabiire biri omu biro bya Paulo, hamwe na Himenaayo na Fileeto (2 Timoseo 2:15-18). Oburi hati nabwe ni kyeyoreka yaba omwebembezi wa bantu ayangire ogwo ou Ruhanga atumire ako kaire, nka Diotorefe owayangire entumwa Yohaana enyimaho nk`ekyokureberaho. Kireebe nk`oku kiri eky`okutangaaza omwebembezi w`ekanisa kwanga entumwa Yohaana (3 Yohaana 9-10)! “ni ba Diotorefe bangahi” abariho ebiro ebi abakwerengirira ngu ni ba pasita kwonka bataratirweho Ruhanga? Tikiri kuguma gari amazima ebiro byona eki MUKAMA waitu yagambiire abo abu yayetsire kandi akatuma? ***“Buzimazima nimbagambira nti: Oyakiira omuntu weena ou ntuma, biri niinye ayakiire, kandi onyakiira, biri ayakiire Ogwo owantumire*.*”*** (Yohaana 13:20)*.*Eki ni OKU NIKWO MUKAMA ARI KUGIRA.

Nimanya ngu Omucunguzi wangye abaho; ningaruka manya ngu ebaruha eziri kwetoroora ezinkuhandiika tinkuzihandiika ngu zibe ninye zagatsira, kwihaho zihandikiirwe ekanisa ahabw`okutumwa Ruhanga. MUKAMA We weenka naija kweteraho oburyo okurebeeka ngu okugarurwa butsya kw`enkubo ibiri kwabaho omu Mugore, nk`oku kyabaire na Yubu (Yubu 42; Yakobo 5). Akaire kiriire haihi. N`obundaabe nyine amaani makye omu mubiri kandi ndi kurwaragurika, mbatsize kukora nk`oku kiri kubatsika omu buhereeza bwangye nk`oku MUKAMA yandagiriire kandi mbatsize kukwatanisa n`ekyahandikirwe omuri 2 Timoseo 4:2 ***“Ogume obuurire ekigambo kya Ruhanga, ogambe n`obweziriki omu bunaku oburagiirwe n`obutaragiirwe…”***Ekyahandikiirwe eki n`eky`omugasho gw`omutaano ahariinye ahabw`okuba MUKAMA We weenka akandagiira kukishoma omu mwaka gwa 1980 kandi ngu mburiire ekyo kyonka ekihandikirwe omu kigambo. Ow`eishe-emwe Branham nawe aka ekyahandikirwe ekyo nikyo kimwe omu nshonda y`ekanisa ye (Tabernacle) omuri Jeffersonville omu mwaka gwa 1933.

Obujurizi bwangye nibwo nk`obwa Paulo: “*Mumanye ngu titurikwegambaho nk`abakama, kureka nitugamba Yesu Kristo ku niwe MUKAMA, kandi itwe turi abahuuku baanyu ahabwa Yesu.”*(2 Abakorinso 4:5).

Okugaruka kwa Yesu Kristo kuri haihi obumanyiso bw`emperu ni bukyoreka. Nahabw`ekyo Matayo 24:14 eriyo nehikirira: *“Kandi engiri egi ey`obukama eryagambwa omu nsi zoona okuba eky`okuhamya aha mahanga goona; obwo nibwo emperu erihika.”*

Turi omu kaire k`omugiigi gw`aha muheru omu kicweeka ky`okumariira Kristo atakagarukire. Buri kimwe kyoona ekyaragurirweho omu bunabi bwa Baibuli, kazibe entaro, emisisa, enjara, obwiire bw`ebintu kwehanika, ebibi ebikubaho biteteekateekirwe, n`ebindi n`ebindi biriyo nibihikirira turikubireeba. MUKAMA akatwikiriza kumanya eki: *“Kandi ebi ku biritandiika kubaho, mureebe ahaiguru, mwimutsye emitwe yaanyu, ahakuba okucungurwa kwanyu kuryaba kuri haihi.”*(Luka 21:28).


## Chapter navigation

- [Previous chapter](https://nasa.misia.sk/book_chapters/5227.md)
- [Book contents](https://nasa.misia.sk/books/1786.md)
- [Next chapter](https://nasa.misia.sk/book_chapters/5229.md)

## Available translations

- [Runyankole](https://nasa.misia.sk/book_chapters/5228.md)

## Source

- [Canonical HTML page](https://nasa.misia.sk/book_chapters/5228)
- [Markdown representation](https://nasa.misia.sk/book_chapters/5228.md)