--- type: BookChapter work_id: '409' book_url: https://nasa.misia.sk/books/1840 book_markdown_url: https://nasa.misia.sk/books/1840.md language: rw position: 47 canonical_url: https://nasa.misia.sk/book_chapters/5525 markdown_url: https://nasa.misia.sk/book_chapters/5525.md markdown_source: converted translations: rw: https://nasa.misia.sk/book_chapters/5525.md --- # EBARUHA ERIKWETOROORA okw`ikumi-n`ebiri 2010 ## Chapter 1 Endamutsyo z`omutaano ahari imwe mweena, abaishe-emwe na baishe-emwekazi abakundwa omunsi yoona, n`ekyahandikirwe okuruga omuri 1 Abatesolonika 2:13: *“Kandi hoona ekitusiimira Ruhanga obutosha n`eki, ahakuba kumwahuriire**ekigambo ky`engiri ya Ruhanga eki twabagambiire**, mwakyakiira; kandi timwakyakiira nk`ekigambo ky`abantu, kureka nk`ekigambo kya Ruhanga ekirikukora omuri imwe abarikwikiriza.”* Okuruga obu nayeetwa, Ruhanga ow`obushoboroozi bwoona abaire hamwe naanye haihi okumara emyaka nka makumi ataano omungyendo zangye z`okuburira aheeru omu mahanga 155, kandi amahanga ikumi n`ataano ahari ago n`agabasiraamu. Nk`oku kyabaire ahari Elieza, Ruhanga atwiire nampereza embabazi hoona ahunkuza (Okutandika 24) kandi Ruhanga ayetsire abantu okuruga omu mahanga goona abari kwikirizibwa nk`oku ebyahandikirwe birikugira. Boona abakubarirwa aha kanisa y`omugore nibaija aha iziba nk`oku Rabeeka yakozire okunywa amaizi g`amagara kandi akarya n`omugaati gw`amagara. Omwoyo Orikwera nabebembera omu mazima goona okurabira omukurangirira engiri. Okuruga omu biro bya Abrahamu, Ruhanga taraterireho omuhanda aba Israeli bonka, kureka akaguretaho n`ekanisa. Okurabira omuri Abrahamu, owaikirize Ruhanga obu yabaanza kumubugana kandi akamworobera (Okutandika 22:1-9), amahanga goona ag`omunsi gakahebwa omugisha: *“Ndyaha omugisha abarikushabira omugisha, n`orikukyeena ndyamukyeena; kandi omuri omuri iwe enganda zoona ez`omunsi nimwo ziriheerwa omugisha.”*(Okutandika 12:3; Abarooma 4:17; Abagalatia 3:6-14; n`ezindi). Omuri Isaaya 49:6 nitushoma: *“Okuba omuhereza wangye ow`okwimutsya enganda za Yakobo, n`okugarura Abaisraeli abahonokireho, n`ekintu kikye munoonga;**kureka ndyakugira omushana gwokujwera abanyamahanga, okujuna kwangye kubone kuhika ahamuheru gw`ensi**.”* Okurugira kimwe aha kutandika, Ruhanga ayetenga okwikiriza hamwe n`okworooba, ebirikuretera okukwatanisa nawe. Obutaikiriza hamwe n`obutorooba nibitanuura nabatoreinwe na Ruhanga. Ekyo nitukirebera aha baana ba Israeli kandi hamwe n`omukanisa. Kandi nabwe n`okuramya kwa`baikiriza n`okwabusha. MUKAMA We wenka akegambira eki omundagaano ye n`abaana ba Israeli: *“Abeihanga eri nibampa ekitiinisa ky`ahaminwa, kwonka emitima yaabo endihare. Bandamiza busha, ahakuba okwegyesa, okubegyesa kuba okw`ebiragiro by`abantu.”*(Matayo 15:8-9). Okurabira omuri nabi Yeremia, MUKAMA Ruhanga akagira at, *“Kureka eki nikyo kiragiro eki nabahaire, ningira nti: mworobere eiraka ryangye, naanye ndyaba Ruhanga wanyu, naimwe mube abantu bangye, kandi mugyendere omu mitwarize yoona ei ndikubaragiira, mubone kuba gye.”*(Yeremia 7:23). Kandi, akabehanangiriza n`ebigambo ebi: *“Nimubaasa mutakugira muti: turi abanyabwengye; kandi ebiragiro bya MUKAMA niitwe tubiine? Haza kunu ekraamu y`abahandiki embeihi ebihindwire eby`ebishuba.”*(Yeremia 8:8). Ekigambo nk`ekyo kishemereire kututetemesa kuhikira kimwe aha mutima: Burijo bwona kuhabaho ebiragiro hamwe n`enyikiriza z`emigunjano ebikozirwe abantu, obwo nibwo buri kuramya kwona kuba kuri okwa busha. MUKAMA naayetaaga ngu boona abakuramya boona abamazima bamuramize omu mwoyo n`omumazima. N`wkiragiro kya Ruhanga. *“Kwonka obunaku nibwija kandi bwahikire obu abaramya abamazima bariramizamu Isheboona omu mwoyo n`omu mazima; ahakuba Isheboona asherura abari nk`abo kumuramya. Ruhanga n`omwoyo; kandi abamurumya**bashemereire kumuramiza omu mwoyo n`omumazima**.”*(Yohaana 4:23-24). Eki kishemereire kutwaarwa nk`ekintu kikuru munonga, omu mazima agahikire kimwe ag`ekigambo: okuramya oku kuhikire nikubaho naabo abari omu kigambo ekyamazima kandi bari n`omumwoyo wa Ruhanga. Okurabira omukwetegyerereza kimwe, buri kuramya kwona oku omuntu ayetereireho n`okwabusha kandi tikwine na mugasho aha bwokuba boona beiniire enyegyesa zaabo ahabwaabo (Mako 7:6-9). Omu bwiire obu ekyo nikikwata ahari buri kanisa, buri kigombe ky`ediini, kandi nahai buri diini yoona ahabw`okuba bari mayiro nyingi okuruga aha kurangirira kwa Baibuli okwa bandize hamwe n`ebyabaire nibikorwa kandi babasize kwihaho amazima bayeteraho enyegyesa zaabo aha bwabo hamwe n`ezindi nyikiriza z`emigunjano. Okwikiriza kw`omuntu okuhikire otwariremu n`omuntu buntu kwebuganira na Ruhanga akamwehera okujunwa, nk`oku kyabaire ahari Abrahamu, nikyo Ruhanga arikumanya. Okwikiriza okuhurire kusimbire emizi omu bi Ruhanga yaraganitse, kandi kureetaho okworoba kandi kutugaita hamwe na Ruhanga. Omu ndagaano eyabandize, emitima ekatsigara etahindukire; ekigambo kikaba kihandikirwe aha bishate by`amabaare. Omu ndagaano entsya, ahabwa maani g`obukyunguzi, Ruhanga nahereza omutima omutsya-omwoyo arikwera-kandi hamwe n`amagara agatahwaho amatsya ahari abo abarikiwikiriza kandi bakatunga okujunwa okurabira omuri Yesu Kristo. N`oburi hati nikikwata aha kwikiriza okwa mazima okw`ebyahandikirwe hamwe n`okworobera kimwe Ruhanga hamwe n`ekigambo kye. Engiri e`yebiro n`ebiro kandi eyabandize, nk`oku yaburirwe entumwa ahabwokutumwa MUKAMA owazokire, oburi hati eriyo neburirwa omu mahanga goona nk`ekyokuhamya (Matayo 24:14). Omu bwiire bw`embabazi kuhwaho, abo abarikwikiriza kwetwa okurugayo nibaza kugarurwa aha kutandika, aha nyegyesa y`entumwa. Kandi ogwe nigwe musingye gwonka ogwa mazima ogwa baibuli. (Ebyakozirwe 2:4; Abaeffeso 2:20). Ekyo kyonka eki Ruhanga araganisse okurabira omuri ba nabi beye omundagaano enkuru yoona kandi n`ebyahandikirwe okurabira omu byahandikirwe omu ndagaano entsya. Entumwa Petero akakitusigira omu muringo ogu: *“kandi nabo bakashuruurirwa, baamanya ngu ti habwaabo bonka, kurekan`aha bwanyu, baaragura ebigambo**ebi mugambirwe, omu biro ebi abantu abaabuuriire ebigambo birungi**ahabw`omwoyo Arikwera owaatumirwe naaruga omu iguru; kandi ebigambo ebyo na baamaraika nibeetenga kubyetegyereza.”*(1 Petero 1:12) Ruhanga akataho entebekanisa y`okujuna n`omusingi gw`ensi gutakabaireho. Akaba nayenda abaana ab`obwojo hamwe na`bobwishiki nahabw`ekyo okurebekyera omumwaana, ow`omujigaijo omu baishe-emwe baingi okurabira omuri We wenka tuhairwe okuhindurwa abaana (Abagalatia 4:4). Ruhanga ahaire okuraganisa oku arikuhikiriza okurugiria kimwe ahakutandika, kandi hamwe n`ezindi ndagaano eziriyo nizihikirira hati, Yesu Kristo atakagarukire. Boona abaana ba Ruhanga abamazima barinka Isaaka abaana b`endagaano; nibaikiriza ekigambo ekyaraganisibwe kandi batunga n`omwoyo owaraganisibwe (Abarooma 9:8; Bagalatia 4:28; Abaefeso 1:13). Ekanisa y`omugore oburi hati eriyo neyetwa okuruga omu mahanga goona erikuza omu kigambo ekyaraganisibwe kandi eriyo netekateekwa aha bwokwija kwa kishwera.   ## Chapter navigation - [Book contents](https://nasa.misia.sk/books/1840.md) - [Next chapter](https://nasa.misia.sk/book_chapters/5526.md) ## Available translations - [Kinyarwanda](https://nasa.misia.sk/book_chapters/5525.md) ## Source - [Canonical HTML page](https://nasa.misia.sk/book_chapters/5525) - [Markdown representation](https://nasa.misia.sk/book_chapters/5525.md)