--- type: BookChapter work_id: '409' book_url: https://nasa.misia.sk/books/1840 book_markdown_url: https://nasa.misia.sk/books/1840.md language: rw position: 50 canonical_url: https://nasa.misia.sk/book_chapters/5528 markdown_url: https://nasa.misia.sk/book_chapters/5528.md markdown_source: converted translations: rw: https://nasa.misia.sk/book_chapters/5528.md --- # EBARUHA ERIKWETOROORA okw`ikumi-n`ebiri 2010 ## “Kandi itwe omwoyo ou twahairwe ti w`ensi egi, kureka n`omwoyo oruga ahari Ruhanga ngu tubone kwetegyereza ebi Ruhanga atuheera busha.” (1 Abakorinso 2:12) N`embabazi za Ruhanga ezigumire kushoboroora okureeba ngu nitubaasa kuta ekigambo ky`amazima omu mwanya gwaakyo nk`oku ebyahandikirwe biri kugira ab`eishe-emwe boona abari kuhereza MUKAMA bakwatanise naitwe omu kugabura ekyokurya ky`omwoyo eky`ekigambo ekyashuurwirwe, kandi tukwatanisize hamwe nitubaasa kugira nka Paulo tuti, *“… nk`oku twasimirwe Ruhanga kukwatsibwa engiri, nikwo tugamba, ti habw`okushemeza Ruhanga ocaaka emitima yaitu.”*(Abatesalonika 2:4) Tihariho nabi weena nainga entumwa kureka MUKAMA wenka nk`owu Ruhanga ayetumiire, tindikuza kugyezaho bugyezaho, kwihaho ninekwa kurangirira enaama ya Ruhanga yoona omu bwiire obu. *“Mbwenu turi**entumwa**omu mwanya gwa kristo, Ruhanga naashusha nk`ori kweshengyereza abantu omuri itwe. Naitwe nitubeshengyereza omu iziina rya Kristo, mugarukane na Ruhanga.”*(2 Abakorinso 5:20). Abaikiriza ab`amazima nibashemerererwa enyegyesa ey`entumwa-kandi eye kinabi kandi besiima munonga ahabwobuhereza oburiyo nibugyenda omu maisho hati, oburi kubagarura aha kigambo kya Ruhanga ekyabandize. Ogwe weena otarikwikiriza kandi akakiira ekigambo ky`amazima omuri buri ishomo, kandi nabwe kyaba nikikwata aha kugaruka kwa Kristo kw`emiringo etarikushushwana, omuntu nk`ogwe ari nk`oku Paulo yahandikiire Timoseo, *“… aba ayekunzire, kandi ataine ki ari kumanya; arwaire endwara y`empaka n`okuhakana aha bigambo, ezirugwamu eihari n`okutongana n`okugamburana n`okurengyerera, n`empaka z`abantu abasiisikaire obwengye, abaihiirweho amazima…”*(1 Timoseo 6:4-5). Aha bantu nkaabo Ruhanga naboherereza ekirikuhabisa eky`amaani okugira ngu basingwe orubanja ahabwokwikiriza enyegyesa z`ebishuba ekitari kindi okwihaho ebishuba (2 Abatesalonika 2:12). Nk`oku kigambirwe emirundi mingi enyima, ogundi omurundi 2 Yohaana, orunyiriri rwa 7, rushemereire n`ahanu kuhamisirizibwa: ogwe weena otari kwikiriza ngu MUKAMA ogwe owazokiire omu mubiri (Yohaana 20) kandi akatemba omu iguru ari omu mubiri (Luka 24:50), kandi aryagaruka ari omu mubiri (Ebyakozirwe 1:9-11), tagwire bugwa kwonka omunyegyesa eyebishuba okwihaho naaba atahirirwe omwoyo gw`omuzigu wa Kristo. *“Ahakuba hariho abarikuhabisa baingi abaizire omunsi, abatarikwikiriza ngu**Yesu Kristo akaija aine omubiri. Orikugamba atyo n`omuntu orikuhabya abandi, kandi ni anti-kristo.**”*(2 Yohaana 1:7) Okwao nikwo kihandikirwe omuri Scofield Bible, eyabaire neshomwa ow`eishe-emwe Branham kandi naanye eindikushoma: *“… ogwe weena otarikwatura ngu**Yesu Kristo akaija ari omu mubiri**. Ogu n`omubeihi kandi n`omuzigu wa Kristo (anti-christ)”*Ahanyuma y`okuzooka kwe, Yesu we weenka akagira ati, *“Mureebe engaro zangye, n`ebigyere byangye,**mumanye ngu niinye buzima**: munkoreho, mureebe, ahakuba omuzimu tigugira mubiri n`amagufa, nk`ebi mwandeeba nabyo.”*(Luka 24:39). *“…Yesu ogwo owaabaihwaho akatwarwa omu iguru,**nikwo arigaruka nk`oku mwamureeba naatemba omu iguru**”*(Ebyakozirwe 1:11). Yohaana akagumizamu yagira ati: *“Omuntu weena ku ariija ahi muri, ataine nyegyesa egyo mutari mutaasya omu nju, n`obu kwakuba okumuramutsya.”*(2 Yohaana 10) Eego, tushemereire kwegyendesereza munonga, ahakuba tihakabahoga ebishuba omu murimo gwa Ruhanga omu myaka enkumi ibiri ehingwire nk`omu bwiire bwaitu. Kandi nangwa abamwe nibaruga omuri itwe: *“kandi n`omuri imwe haryarugamu abantu abarikugamba eby`obuhabe, niboosya abeegi ngu babakurate.”*(Ebyakozirwe 20:30) Enyegyesa zaabo enkuru n`ezi: 1. Ngu okugaruka kwa Kristo kukabaho kare (kwaherize kubaho). 2. Ngu okutwarwa (rapture) kukabaho obu obumanyiso bwabamburwa. 3. Ngu obwire bw`embabazi bukahwaho. 4. Ngu eshagama tekiri aha kitebe ky`embabazi. 5. Ngu okuzooka n`okutwarwa (rapture) bikabaho omu mwoyo kandi byona byaherize kubaho. Kandi ekiihuro kya MUKAMA tikishemereire kugumizamu nikijukwa. 6. Ngu okwe okurikwetwa “okushurururwa” ngu kwamazire kuhindura abamwe abarikukwiriza okutaaha omu millennium. 7. Ngu tibutumwa, kureka entumwa oine okutebekanisa okwija kwa Kristo okwakabiri. 8. Eki barikigamba ngu n`amazima kandi obwe kitahikire kiri ngu: nk`oku Yesu Kristo yabeire ari omunsi obu Yohaana yabeire nahereza, nahabw`ekyo omu miring nigwo gumwe ngu Yesu Kristo akaba nateekwa kuba ari omunsi omu bwiire obu ow`eishe-emwe Branham yabeire nahereza. Enyegyesa nyingi kandi ezitari mubyahandikirwe ziriyo nizihangwaho. Omu kwezi kwa ikumi n`ebiri ebiro 4, 1965, hari kuburayo ebiro makumi abiri obwe ow`eish-emwe Branham akaruga omu mubiri akagamba ebigambo ebi omu itebezo: “okutwarwa” kandi akashoma omuri 1 Abatesolonika 4 okugyendera kimwe okuhika omuri Matayo 25, obwe arikugamba aha biriyo nibibaho omu biro ebi: **“Nobutumwa oburi kuza kurundanira hamwe abantu. Obutumwa nibwebembere. Hati, ‘n`obwire bw`okusimuura amatabaaza. Mwimukye musimuure etabaaza zanyu.’ … ‘Reeba kishweera yaija. Mwimukye musimuure etabaaza zaanyu.’ Kandi ekyi bakakikora. Bamwe aharibo bakashanga bateine majuta goona omutabaaza zaabo. Noreeba? Konka obu n`obwiire bw`okusiimuura amataabaza. Obu n`obwiire bwa Malaki 4 … n`obwiire bwa Luka 17. Obwe bunabi bwona kuwakubuta omu buteeka bw`ebyahandikirwe eby`omu bwiire obu, nitubureeba butunu.”** Eego, nitureeba kurungi eki ow`eishe-emwe Branham yagambire ahari Matayo 25, Luka 17 hamwe na Malaki 4. Obwe nibwe butumwa, eiraka ry`ahamuheru, erikugambirwa abo abariho omu bwiire obu. Amiina! Omu muringo nigwo gumwe nitureeba ngu 1 Abatesalonika 4 ekiri omu biro by`omumisho. Eki nakyo nitukigamba ahabw`ekigambo kya MUKAMA: MUKAMA aryayeimukira ashuume naaruga omu iguru agambe munonga n`eiraka eririkuragiira, eiraka rya maraika omukuru hamwe n`enzamba ya Ruhanga. Obwe kiryabaho ngo abo abafereire omuri Kristo baryazooka kandi abo abariba bakihuriire omuri Kristo baryahindurwa batwarwe nawe. *“Mumanye ngu omubiri ogu gujunda gushemereire kujwara okutajunda, kandi omubiri ogu ogufa gushemereire kujwara okutafa. Ogujunda ngu kuguriba gwajwaire okutajunda, kandi n`ogufa ogu kuguriba gwajwaire okutafa, obwo ekigambo ekyahandikirwe kiryahikiirira ekirkugira kiti, Okufa kumizirwe okusingura.”* (1 Abakorinso 15:53-54). Mikaeli hamwe na bamaraika be nibarwaana orutaro rw`ahamuheru hamwe n`ekijoka aha kutwarwa kw`omwaana w`obwoojo: *“ekijoka ekyo ekihango ekya ira, ekiri kwetwa omuregi kandi Sitaane orikugobeza ensi yoona, yanagwa ahansi hamwe na baamaraika be.”*(Okushuurirwa 12:1-12) Aha muheru, Mikaeli aryaimuka ahabwa Israeli: *“omu bunaku obwo Mikaeli, omukuru rugambwa oreeberera abantu baawe, aryaimuka habeho obunaku abantu baawe baryajunwa, weena ou eiziina rye ririshangwa rihandikirwe omu kitabo.”*(Danieli 12:1) Hatsigaireyo edakiika ishatu ngu ow`eishe-emwe Branham ahezeyo eitebezo rye, ow`eishe-emwe Branham akagira ati, **“Noyenda kuza omukutwarwa? Nibangahi abarikwetenga kuza kuza omukutwarwa, gira oti, ‘Ruhanga, ninyenda kuza aha kutwarwa n`omutima gwangye gwona!”** Abo boona abarikugira ngu okutwarwa kukabaho omu mwaka gwa 1963 bashemereire kushwara! Kihandikirwe ngu Enoka akatambura kurungi na Ruhanga. Akaba aine obujurizi ngu ashemeize Ruhanga, Enoka yabura ahabw`okuba Ruhanga akamutwara. (Abaheburaayo 11). Kandi aba boona abaroosi “b`okutwrwa” bakiri hanu, hamwe n`abakuratsi baabo! Kanekyobusaasi iwe okw`ekorera “Okutwarwa” okwaawe aha bwaawe! Ekindi ekibarikugamba ngu kiri aha “kushuuruurirwa okw`omutaano okw`ebihind mushanju” nakyo n`ekyobusaasi. Eki yohaana yaragiriirwe nahati kikiriho kandi tikikahindukaga. *“koma n`akamanyiso ebyo bigambo ebyagambwa ebirikuhinda mushanju, otabihandiika”*(Okushuurirwa 10:4) obwo bwonka MUKAMA ku arishuuma nka maraika w`endagaano obwo nibwo ebihinda mushanju birishohoza amaraka gabyo. Konka ekyo kitakabaireho naija nka kishwera arikutwara omugore omuka. Nituhendera eishomo eri hatariho kutaaha munda munonga n`ebyokwija kwa Yesu Kristo kwa kabiri ebiteine buhamizo n`enyegyesa ezigwiire. Titurakuratire migane egunzirwe amagezi g`obuntu, okwihaho nitwikiriza ekigambo kya Ruhanga nk`oku kihandikirwe. Ahakugaruka kwa MUKAMA waitu omukundwa, ebyahandikirwe byoona ebirikukwata aha kwija kwe nibyiija kuhikirira ebicweka igana ahari igana. Ekintu nikyo kimwe ekirikukwata aha ndiijo miring y`okwija kwe. Amiina! Buri kimwe kyona ekyabaire kiri omu buhereza bw`ow`eishe-emwe Branham kikahikirira kandi kyahwa. Akatumwa n`obutumwa oburikushuuruura entebekanisa ya Ruhanga y`okujuna kandi obutumwa obwe buriyo nibutebekanisa ikwiika kwa Kristo okwa kabiri. Kandi abo boona abari kushangwa omu kanisa y`omugore bariyo nibetwa kurugayo kandi bariyo nibatekateyerwa ekiro ky`ekitinisa ky`okugaruka kwa Yesu Kristo okwa kabiri MUKAMA waitu omukundwa kandi omujuni waitu. (Abafilipi 2:16). Eki nikimanyisa ngu ekanisa ya Yesu Kristo nereetwa omu kwikirizana na Ruhanga hamwe n`ekigambo kye omuri buri kashonda koona, nk`oku kyabaire kiri na baikiriza aba mazima ab`okubanza. Okurugira kimwe aha kutandika, hakabaho hatariho b`eishe-emwe b`ebishuba n`obu zakuba enyegyesa z`ebishuba; okwihaho, ekanisa ekaba eyombekirwe aha musingi gw`entumwa hamwe na baanabi. Ruhanga we wenka ateireho obuhereza omukanisa okugira ngu ekanisa ebaase kwezibwa. Buri kanisa yoona eya Baiburi eine kuba nekomooka omu kwimukibwa (revival) okwaretsirweho Omwoyo arikwera nk`oku kyabaire kiri aha kiro kya Pentekoti, nahabw`ekyo ekanisa yo yonka nehinduka omusingye kandi enyomyo y`amazima (1 Timoseo 3:15). Ekanisa eyamazima n`ekintu ekihuriire, omubiri gwa MUKAMA, kandi we nk`omutwe gwaayo niwe agiineho obushoborozi. Oku nikwo eshemereire kuba n`oburi hati omukugarurwa obutsya okuhikire. Oku nikwo kitaaha obutoosha ngu ekigambo ekyamazima kikaba kibanza kyaburirwa, reero obwe hakurataho envunuura mbi. MUKAMA nabyaara ekigambo; reero omubi nawe abyaara envunuura embi. *“Omusiri n`ensi; embibo enungi nibo baana b`obukama; enkyenzi n`abaana b`omubi…”*(Matayo 13:38). Omuntu o`amaziima otumirwe okuruga ahari Ruhanga naaburiira ekigambo; abo abari kuburira batetsirwe Ruhanga nibajanjaaza envunuura mbi. Ab`eishe-emwe kubarikuza ahansi y`omubi (Sitaani) batandika kubyaara enyegyesa nsya, ekizarukamu okwebaganisamu. Nibetuma kandi batuma nabaandi babaha emyaanya etari emwe n`emwe bekomaho abantu hamwe n`enyegyesa zaabo, obwe babaiha aha kigambo kya Ruhanga babata omu kushuuruurirwa kwaabo okw`omutaano. Oku nikwo amakanisa garikutandikwaho agatari mukukunda hamwe n`omu kigambo kya Ruhanga. Tibiri bihangirwe ebizairwe Omwoyo nk`omubiri gwa MUKAMA, kwihaho n`ekigombe ky`ediini nk`ebindi byoona. Omukanisa eya bandize, hakaba hariho ekintu kimwe eki boona baine ekirikushushwana nk`ekya yanne hamwe na yambere hamwe na Dasani: Nibaimuka omushana nigujwa nk`abagayi aha mushaija wa Ruhanga ou MUKAMA we wenka yayeyeteire. Nibakora kyona ekiri kubasika okushiisha eiziina rye hamwe n`ekitinisa kye kandi bamwanga. Aha nshonga egi, ow`eishe-emwe Branham akagira ati, **“Nibagyezaho okushiisha eiziina; Nibagyezaho okushiisha buri kimwe kyona, hakuba tikiri kindi kyona, kwihaho n`eitima. Eitima rikatandikira omuri Kaini kandi nikyeyoreka ngu rikaba riri eitima, kandi n`oburi hati nikwo kiri obu ow`omubiri arikubugana hamwe n`owonwoyo.”** (Okwakana 18, 1965) Nikwo byabeire byaherize kuba n`omubiro by`entumwa, kandi n`oburi hati nikwo kiri. Eky`okureberaho ekirungi ni Diotorefe, owabaire atakabaasa kugyezaho ngu ayakiire entumwa Yohaana (3 Yohaana). Entumwa Yohaana ajahandiika ati: *“Tihariho ekindikushemerererwa okukira eki, okuhurira ngu abaana bangye nibagyendera omu mazima.”*(Orunyiriri rwa 4). Amazima obutwire bwona gaguma gari amazima, kandi n`ekishuba kiguma kiri ekishuba, kandi ogwe weena ori owa Ruhanga niwe ahurira ebigambo bya Ruhanga. (Yohaana 8:47). Oku kwehanangiriza okwahairwe MUKAMA waitu naitwe nikutukwataho: *“Mwegyendesereze hatakagira omuntu weena owabahabya.”*Tihakabahoga obwire obu okwehanagiriza kwe kwabaire nk`okwa eri zooba nk`oku kiri nka hati: *“omu biro ebyo omuntu weena ku aribagira ati: Reeba, Kristo ari aha! Narishi, ari hariya, mutarimwikiriza.”*N`ekigambo eki nakyo kiine kuba nikihikirira. Kihandikiirwe kurugayo omu kaire aka ahabw`okuba aho nikigira kiti: *“…**kyaba nikibasika, babone kuhabisa n`entoore**. Reeba, naabibagambira**bitakahikire. N`ahabw`ekyo ku barigira bati: reeba, ari omu ihaamba,**mutarizayo, nari ngu ari omukishengye; mutarikiiriza. Nk`oku omurabyo**gurabiza oburugwa-izooba gukahika oburengyerwa-izooba,**nikwo n`okwija**kw`omwana w`omuntu kuriba**.*(Matayo 24:23-27). Nitugarura Ruhanga ekitinisa obutwiire bwoona ahabw`ekigambo kye eky`amazima kandi ekirikwetegyerezibwa! Kandi abantu boona nibagira ngu: “Amiina!” ## Chapter navigation - [Previous chapter](https://nasa.misia.sk/book_chapters/5527.md) - [Book contents](https://nasa.misia.sk/books/1840.md) - [Next chapter](https://nasa.misia.sk/book_chapters/5529.md) ## Available translations - [Kinyarwanda](https://nasa.misia.sk/book_chapters/5528.md) ## Source - [Canonical HTML page](https://nasa.misia.sk/book_chapters/5528) - [Markdown representation](https://nasa.misia.sk/book_chapters/5528.md)