---
type: BookChapter
work_id: '409'
book_url: https://nasa.misia.sk/books/1840
book_markdown_url: https://nasa.misia.sk/books/1840.md
language: rw
position: 51
canonical_url: https://nasa.misia.sk/book_chapters/5529
markdown_url: https://nasa.misia.sk/book_chapters/5529.md
markdown_source: converted
translations:
  rw: https://nasa.misia.sk/book_chapters/5529.md
---

# EBARUHA ERIKWETOROORA okw`ikumi-n`ebiri 2010

## Nabi otaremwa kuhikiriza eki Ruhanga amutumire

*“MUKAMA yagira ati, Ebi bagambire byona, bihikire. Ndyabaimukiza**nabi nkaiwe omuribo omuri beene waabo, nte ebigambo byangye**omukanwa ke, abagambire ebi ndimuragiira byona. Kandi weena oryanga kuhurira ebigambo byangye ebi arigamba omu iziina ryangye, ndyakimutura.”*(Eky`ebiragiro 18:17-19)

Okuraganisibwa oku ahatariho kubanganisa nikukwatira kimwe ahari MUKAMA waitu omukundwa kandi omujuni. Omu kanwa ke hakaba harimu ebigambo bya Ruhanga byonka-buri kaire, omuri buri mwanya, tihariho mugane na gumwe tihariho kigambo na kimwe ekyabaire kiri ekye nkawe, ngaaha, okwihaho ekigambo kya Ruhanga ekirikweera kyonka. N`ahabw`ekyo oku kwehanangiriza kuhandikirwe: *“K**andi weena oryanga kuhurira ebigambo byangye**ebi arigamba omu iziina ryangye, ndyakimutura.”*(orunyiriri rwa 19)

Yohaana omubatiza akabuzibwa yaaba yabaire ari Nabi ogwe (Yohaana 1:21): *“Naiwe nabi Oriya?”*Yabagarukamu ati; *“Ngaaha.”*Omurunyiriri rwa 45 nitureeba okugarukamu kwa Filipo arikujuriza nabi ogwe: *“Tureebire ou Musa yaahandiikireho omu biragiro, kandi akahandiikwaho na baanabi…”*

Petero akashobororera Abayudaya obuhereza bwa MUKAMA waitu ati: *“Buzima kwo Musa akagira ati, MUKAMA Ruhanga aryabaimukiza nabi nkaanye okuruga omuri beene waanyu; ogwo ebi aribagambira byona, omuntu weena otarimworobera aryahwerekyerezibwa, aihwe omu bantu.”*(Ebyakozirwe 3:22-23)

Stefano nawe akajuriza okuraganisibwa oku omu maisho gabanyamurwa abakuru: *“Kandi Musa ogwo niwe yaaraguriire Abaisraeli ati: Ruhanga aryabaimukiza nabi omuri beene waanyu, nk`oku yaanyimukize…”*(Ebyakozirwe 7:37). Yesu Kristo, MUKAMA waitu, akaba aine obuhereza bw`omutaano kandi akatumwa nk`omwaana w`omuntu kandi Nabi. Kyina ekyabaire kiruga omukanwa ke kikaba kiri ekigambo kya Ruhanga ekitakaremwa kandi hatariho kindi kyona. Ekyahandikirwe okuruga omu ky`ebiragiro 18:18-19 nikibaasa kukwata ahari nabi ondiijo, n`obu yakuba Musa neinga eliya nangwa n`obu yakubaire ow`eishe-emwe Branham.


## Chapter navigation

- [Previous chapter](https://nasa.misia.sk/book_chapters/5528.md)
- [Book contents](https://nasa.misia.sk/books/1840.md)
- [Next chapter](https://nasa.misia.sk/book_chapters/5530.md)

## Available translations

- [Kinyarwanda](https://nasa.misia.sk/book_chapters/5529.md)

## Source

- [Canonical HTML page](https://nasa.misia.sk/book_chapters/5529)
- [Markdown representation](https://nasa.misia.sk/book_chapters/5529.md)