--- type: BookChapter work_id: '409' book_url: https://nasa.misia.sk/books/1840 book_markdown_url: https://nasa.misia.sk/books/1840.md language: rw position: 52 canonical_url: https://nasa.misia.sk/book_chapters/5530 markdown_url: https://nasa.misia.sk/book_chapters/5530.md markdown_source: converted translations: rw: https://nasa.misia.sk/book_chapters/5530.md --- # EBARUHA ERIKWETOROORA okw`ikumi-n`ebiri 2010 ## Reka tugarukye tukigambe ogundi murundi MUKAMA Ruhanga agarukire yaheereza okundi kuraganisibwa okurikwetegyerezibwa ahabw`obuhereza obw`ahamuheru kandi oburi kukirayo omuhendo: *“Reeba, ndyabooherereza nabi eliya, ekiro kya MUKAMA ekikuru kandi ekirikutinisa kitakaizire. Niwe arihindura emitima y`abazaire bakagarukana n`abazaire baabo, ngu ntakaija nkaitsa ensi omukyeeno.”*(Malaki 4:5-6). Nk`oku gari amazima ngu emitima yabaikiriza ab`endagaano enkuru ekahindurwa okugaruka aha kwikiriza kwa baana b`endagaano ensya okurabira omu buhereza bwa Yohaana omubatiza (Luka 1:16+17), nikwo n`emitima y`abaana ba Ruhanga ehindirwirwe hati okugaruka aha kwikiriza kwaba shwenkuru entumwa. N`ekyamazima ngu Ruhanga taine kyaribaasa kukora atabandize kukishuuruurira bairu be, banabi (Amos 3:7) kandi ekigambo kya Ruhanga ekyo nigo mazima omukanwa ka nabi owamazima (1 Abagabe 17:24). Buri kimwe kyona ekiine akakwate n`entebekanisa ya Ruhanga y`okujuna kikaragurwa baanabi, kandi Ruhanga akihikirize kandi n`oburi hati akiriyo nakikora. MUKAMA waitu akagira omuri Luka 24:44, *“… ngu byona bishemereire kuhikirizibwa ebyampandiikirweho omubiragiro bya Musa n`omu bya baanabi n`omuri Zaaburi.”* Katureebe eby`omubwiire bwaitu. Nimpamya, ngu buri omwe weena nakimanyira kimwe ngu Yohaana omubatiza akaba ari nabi owaraganisibwe (Isaaya 40:3; Malachi 3:1; Matayo 11:10; Luka 3:1-20). N`obu kiraabe kiri kityo, nabwe naitwe nitukimnya ngu omu bwiire bwaitu Ruhanga ahikirirze ekiyaraganise okutuma nabi orikushuushwana na Eliya ekiro kya MUKAMA ekirikutinisa kitakaizire (Malachi 4:5-6). Okuraganusa oku kwiniire kimwe akakwate n`entebekanisa ya Ruhanga y`okujuna okuhikira kimwe obu aba nyamahanga barihwaho embabazi kandi n`ekyomugasho muhango munonga ngu na MUKAMA waitu we wenka akakihamya omuri Matayo 17:11 hamwe n`omuri mako 9:12. Ebi byombi bibiri ebyagambwaho n`amazima; Yohaana akaizira omu Mwoyo n`omubushoborozi bwa Eliya, nahabw`ekyo, MUKAMA akajuriza obu buhereza bwa Yohaana omubatiza nk`obwahweire (Matayo 17:12; Mako 9:13). Kandi akagaruka yaranga ngu Eliya aryaija okurabira omuri we ebintu byona biryagaruka butsya MUKAMA waitu atakagarukire (Ebyakozirwe 3:17-21). Nyowe nk`omuntu nkabaasa kwerebera obuhereza obwe obw`omutaano omu nterane z`omuri Bugirimaani hamwe n`omuri America. Oku nokwo MUKAMA ARIKUGIRA eri kuruga omukanwa ke ekaba nerenga emirundi rukumi ekigambo ekyarwirwe ekya Ruhanga. Ahatari kuhangusya ebigambo, omuntu nabaasa kugira ngu tihakabaho ga nabi entumwa yoona ow`obuhereza bwe bwabaire buri obw`omutaano nk`obw`ow`eishe-emwe Branham. Ntwiire nimpandiika ahari eki okumara emyaka makumi ana ehungwiire kandi mbasuze kworeka n`omushana gwakyo okurugira kimwe omu byahandikirwe ebirikweera.  Eizooba rimwe ow`eishe-emwe Branham akabuuza ekibuzo, **“Obutumwa niki?”** Reero yagumizamu yahereza na ansa: **“Okugaruka aha kigambo; okugaruka aha nyegyesa y`entumwa!”** Ahakuba ni OKU NIKWO MUKAMA ARIKUGIRA. Eliya akaba ashemereire kubanza kwiija kandi akagarura byona busya kandi akabigarura omu buteeka bwabyo bw`obwa Ruhanga. (Matayo 17:11; Mako 9:12). Eki n`ekyahandikirwe ekihikiriire nitukyerebera. N`obu kiraabe kiri ngu Ruhanga aktwaara ogwe ou yabaire atumire, obutumwa tukabusigaza kandi obwe butumwa bukankwatsibwa ahabw`okutuma Ruhanga. Ow`eishe-emwe Branham akareeba okwimukibwa omu mwoyo (revival) omu mugore okutwarwa kutakabaireho. **“Hati mwetegyereze omugore w`omwoyo ku aritandika kwimukibwa****omu mwoyo, ku aritandika kugaruka kwetereeza n`ekigambo kya Ruhanga, garuka oyetegyereze (Noreeba?), oku ebyahandikirwe, omu biro ebyo****ngu nihaija kubaho obutumwa****bw`okweyerera kimwe okugira ngu bubaase kutwaara omugore…”** (Okwaikumi nakumwe 25, 1965). Omu mazima, ebyahandikirwe biriyo nibihikirira turi kubyerebera na maisho gaitu kandi turi omugigi oguhairwe omugisha ngu tubaase kwerebera eki nikihikirira, Kristo atakagarukire. N`ahabw`ekyo, nobu kiraabe kiri kityo, n`ekintu ekihandikiire kimwe n`ebitwaruga kugambaho, nikikwata aha buhabe ngu ow`eishe-emwe Branham ariyo nahindurwa nka Yesu kristo, ngu ariyo nahindurwa ekyatari kandi ariyo nayorekwa nka Ruhanga, kandi hariho nabarikugira ngu buri kigambo kyona ekyamurugire omu kanwa ngu kishemereire, kuba kiri ekigambo kya Ruhanga. Bahindwiire ow`eishe-emwe Branham eky`okubuuriraho; Eego, bamuhindwiire omuntu owayehangireho ediini eye nkawe okugirangu tibakiburiira okuruga omuri Baiburi, okwihaho nibaburira okuruga omumatebezo ge. N`obu baraabe nibetwaara ngu nibagamba ahari “Nabi” hamwe “n`obutumwa” babasize kushohoza obutumwa obwabandize. (Abagalatia 1). Nk`oku kyahandikirwe ahari Eliya, eki nakyo kishenereire kugaruka kugambwa aha ow`eishe-emwe Branham. *“Elia ak`ari omuntu nkaitwe…”*(Yakobo 5:17a). akaba aine omukazi, akaba aine abaana, akaba ari omuntu nk`omwe omuri itwe. Engyendo ze zokuza kuhiiga nizeyongyera kuhamya ngu akaba ari omuntu. Ekyo kintu ekyabaire kirengire ebyo buhangwa (supernatural) tikirarugire owa William Branham, okwihaho kikarugira kimwe owa Ruhanga. Omucunguzi waitu akagamba nka nabi kandi nk`omwana w`omuntu, *“Emirimo eyinkora tinye ngikora kureka tata otuura omuriinye, Niwe akora emirimo Ye.”*Okwe nikwo kibaire n`obwiire bwaitu. Ahari buri savisi yoona y`okutamba, ow`eishe-emwe Branham akaba ajuriza Yohaana 5:19: *“Buzimazima nimbagambira nti: Omwana tabaasa kukora kintu kyona ahabwe, kureka eki areeba ishe naakora; mumanye ngu ebi Ruhanga akora byona, n`omwana nawe nibyo akora.”*Abantu baingi abaizire omunterane z`ow`eishe-emwe Branham bakabaasa kwererbera n`agaabo goona oku ow`eishe-emwe yabaire ataine kyarikwebasiza – namunonga omu bwiire obu yabaire nashabira abarwaire. Kwonka obwe ekyo ekyabaire kitari kyaburiijo (Supernatural) kikabaho nk`oku kyabaireho omu buhereza bwa MUKAMA waitu: ekyererezi, enyomyo y`omuriro, bikaba bishuuma kandi maraika wa Ruhanga akaba amwemerera aha mukono gwa buryo, kandi akaba ayorekwa ebyo byona ebyabaire nibikwata aha bantu abu yabaire aba naaza kushabira. Omu bujurizi bwe, akagira ati: **“****Omukutandika****mraika wa MUKAMA akambonekyera kandi****yangambira****nk`oku ndagume ndikuhereza, ngu ndyareeba ekyerezi kandi mpurire n`eiraka ririkugamba naanye kandi ndyagaruka ndeebe n`okworekwa”** (Full Gospel Businessmen`s voice). Tari William Branham owakozire ebyo bintu ebirengire eby`obuhangwa, okwihaho ni Ruhanga ow`obushoboroozi bwona ou ekitinisa kishemereire kugarukira ahabw`obutahwaho bwona.Orubaju rumwe, nitureeba ow`eishe-emwe Branham nka nabi owaragwirweho omu bwiire bwaitu, owabaire nareeba okworekwa kandi owabaire akunda kugira ngu, “ OKU NIKWO MUKAMA ARIKUGIRA,” kandi kikaba nk`oku yakigamba. Kandi aha rundi rubaju, n`obu kiraabe kiri kityo, akaba ari omuburizi kandi emirundi mingi akaba akira kwegambaho ati: omuntu otaine kyaari kyona, omusiisi ojunirwe ahabw`embabazi. Eky`obusaasi, ab`eishe-emwe bakegyereza kubi kandi bavunuura kubi ebigambo bye, kandi batari kwebuuza eki ekigambo kya Ruhanga kirikugamba, bakerukiraho enyegyesa azaabo ahabwaabo ezitaine kakwate n`ebyahandikirwe – obwe bo baine ekigambo kyabo ngu: “Nabi kagira ati!” omu muringo ngu, obwe tibarakyurikire bukyurika ebyo ebyagambirwe ow`eishe-emwe Branham kwonka haza obwe barikweretaho n`okuhwerekrerera, okwihaho bakakyurika n`ebugambo bya MUKAMA waitu hamwe n`ebigambo ebi Paulo hamwe n`baandi batusigiire omu byahandikirwe (2 Petero 3:16). ## Chapter navigation - [Previous chapter](https://nasa.misia.sk/book_chapters/5529.md) - [Book contents](https://nasa.misia.sk/books/1840.md) - [Next chapter](https://nasa.misia.sk/book_chapters/5531.md) ## Available translations - [Kinyarwanda](https://nasa.misia.sk/book_chapters/5530.md) ## Source - [Canonical HTML page](https://nasa.misia.sk/book_chapters/5530) - [Markdown representation](https://nasa.misia.sk/book_chapters/5530.md)