---
type: BookChapter
work_id: '409'
book_url: https://nasa.misia.sk/books/1840
book_markdown_url: https://nasa.misia.sk/books/1840.md
language: rw
position: 55
canonical_url: https://nasa.misia.sk/book_chapters/5533
markdown_url: https://nasa.misia.sk/book_chapters/5533.md
markdown_source: converted
translations:
  rw: https://nasa.misia.sk/book_chapters/5533.md
---

# EBARUHA ERIKWETOROORA okw`ikumi-n`ebiri 2010

## Ruhanga naaza kushemeza byona

*“Ninsiima Kristo Yesu MUKAMA waitu owampaire amaani, ahabw`okuba akanteekateekaho kuba omwetsigwa yampa omurimo gw`okumuheereza…”*(1 Timoseo 1:12)

Nimpandiika nk`omuntu ou ahbw`embabazi za Ruhanga nabasize kutunga okujunwa okwijwiire nk`okwabaireho aha kiro kya Pentekoti omu mwaka gwa 1949 omuri Elim assembly ahari Bachstreet omuri Hamburg. Nimpandiika nk`omuntu otwiire ndikuburiira okurugira kimwe omu mwaka ogwa 1952, otwiire ndikuvunuura amatebezo g`ow`eishe-emwe Branham okurugira kimwe omu mwaka gwa 1959, kandi otwiire nintambura omu ngyendo z`okuburiira aheeru omunsi yoona okurugira kimwe omu mwaka gwa 1964. Nimpandiika nk`omuntu owabaire nimanya ow`eishe-emwe Branham kandi owayegambiire nawe, owantambwiire nawe omu motoka ye, owariire nawe ebyokurya aha meeza emwe, kandi nk`ogwe ou n`okuhitsya na hati okibikire ebaruha ze 21 okurugira kimwe omu mwaka gwa 1962 okuhikira kimwe omu mwaka gwa 1965. Kwonka ebyo byona nibusha kuwakugyerenisa n`obujunanizibwa obu kwatireine n`okutumwa kwangye oku MUKAMA we wenka yanyehereire, kandi oku ow`eishe-emwe Branham yabasize kuhamya emirundi ebiri omu maisho g`abajurizi. Mbasize kukora okwo kutumwa kwangye n`obweigwa, kandi nyine amashemererwa mingi munonga ahabw`ebijuma ebibasize kuzaruka omu kuburiira kwangye kw`ekigambo omu myaka eyenyima ehingwiire. Ekirikukirayo okunsaasa munonga n`akavuyo akateine buryo akari omuri omuri abo abari kwebembeza ow`eishe-emwe Branham. Omuzigu tarasingwiire busingura omu kutabangura omu iguru, n`omu kibanja Edeni kandi n`omuri Israeli, kwihaho omuzigu agarukire yatabangura “n`obutumwa obwahamuheru.” Sitaani obutwiire bwona aretaho akatabanguko buri Ruhanga kwaimuka kukora omu muringo gw`omutaano, nk`oku kyabaire aha kwija kwa Kristo kw`okubanza obu abaana omuri Betilehemu ahamwe n`ebicweka ebyetirwire obu batsirwe ngu ahabw`okuba kikaba kyaraganisibwe ngu omujuni niyo arizarirwa (Miika 5). Kandi hamwe n`omukanisa y`omundagaano etsya Sitaani akakora omurimo gw`okucwekyereza emigigi ya makanisa: Omu biro bikye abegyesa b`ebishuba bakashensheramu n`enyrgyesa yaabo eya Balamu hamwe n`eyekinikolaiti kandi hagaruka harebekaho n`enyegyesa ya Yezebeli owabasize kubaihabeiha abahereza ba Ruhanga arikweyoreka nka Nabi omukazi kandi nk`omwegyesa. (Okushuuruurirwa 2:20)

Omu biro byaitu naitwe, Sitaani akozire kyona ekirikubasika okugira ngu abase kuhwerekyereza ekanisa egyo eyabatsize kwetwa okuruga omu diini okurabira omu buhereza bw`ow`eishe-emwe Branham kandi n`oburi hati ekanisa egyo ekyayetwa kurugayo kandi ekyayebemberwa nk`oku ekigambo kirikugira n`oburi hati. Hanu aha mwanya ogu, ahu obutumwa buriyo nibutwarirwa omunsi yoona naho omuzigu akahegyezamu okugira ngu naho abase kuhahwreyereza. Okurumbwa okuri kurigira kimwe okuzimu kukaba aha mwanya ogu Ruhanga we wenka yayetoraniire ahabw`okubiika ebyokurya kandi hamwe n`okubigabura. Namunonga okurugira kimwe omu mwaka gwa 1979, omuzigu abasize kuta emyoyo y`omuhendo mingi ahansi y`obutegyeki bwe eyabandize kuteera amabega ekigambo ekyamazima ekyabaire nikiburirwa reero ahamuheru gwa byona, bateera n`ekanisa amabega.

N`obu kirabe kiri kityo, okukunda kwa Ruhanga kukyayeyongera kuhikirira. Ekigambo kye ekyamazima, ekiriyo nikitwarwa omunsi yoona, nikihikiriza ekyo eki kyatumirwe kukora omubatoreinwe, abatakabaasa kubeihabeihwa. Omucunguzi ariyo nareberera abo abuyacungwiire, kishweera nawe ariyo nareberera omugore. MUKAMA waitu omukundwa naza kumaririza omurimo gwe. Naaza kugira ekanisa eteine ibara nari omufunyo. Ndamatiire aha kyaraganisibwe, ngu ahamuheru gwa byona, omutwe muhango gw`abantu nibaza kuba betekatekiire okutwarwa, nk`oku nakyorekirwe omu kwezi kw`okubanza 1981. Reka nshabe entaama zoona ezhabire zitungye omuhanda gw`okugaruka omu kisibo kandi zigaruka naha muriisa omurungi juba okugira ngu n`ogwo owahamuheru nawe abase kutahamu obwe reero na kishwera abase kwiija kwakiira omugore we.


## Chapter navigation

- [Previous chapter](https://nasa.misia.sk/book_chapters/5532.md)
- [Book contents](https://nasa.misia.sk/books/1840.md)
- [Next chapter](https://nasa.misia.sk/book_chapters/5534.md)

## Available translations

- [Kinyarwanda](https://nasa.misia.sk/book_chapters/5533.md)

## Source

- [Canonical HTML page](https://nasa.misia.sk/book_chapters/5533)
- [Markdown representation](https://nasa.misia.sk/book_chapters/5533.md)