---
type: BookChapter
work_id: '409'
book_url: https://nasa.misia.sk/books/1840
book_markdown_url: https://nasa.misia.sk/books/1840.md
language: rw
position: 56
canonical_url: https://nasa.misia.sk/book_chapters/5534
markdown_url: https://nasa.misia.sk/book_chapters/5534.md
markdown_source: converted
translations:
  rw: https://nasa.misia.sk/book_chapters/5534.md
---

# EBARUHA ERIKWETOROORA okw`ikumi-n`ebiri 2010

## Okusibuura kwa Paulo

Ahanyima y`engyendo ze ishatu obwe ari omu buhereza bwaheeru okurabira omuri Asia hamwe na Greece, Paulo akenda kuhitsya ebigambo bye by`okusibuurana aha b`eishe-emwe atakagarukire Yerusaleemu kandi yayeta abakuru b`ekanisa okuruga Efeso okwija Mileti. Okwe akabaasa kubiguririrayo omutima gwe. Akaba yaherize kandi nabwe n`okubagambira enaama ya Ruhanga yoona hati obwe arikubehenangiriza ngu beriinde kandi bongyere barinde n`ekisibo eki omwoyo arikweera yabahindwiire abareberezi baakyo. Akabehanangiriza kuzoora amaisho ahabw`okuba akamanya ngu omuribo omukanisa haryaimukamu ab`eishe-emwe abaribaretera enyegyesa egwiire okugira ngu babaase okureeta abeegi babakuratire kandi babaase n`okushonshomera entaama nk`emishega.

Entumwa Paulo akagaruka yasibuura ekanisa ey`omuri Rooma omu shuura ya 16:24-27, obwe ari kumanya obujunanizibwa bw`okburira; akagamba aha naama eyabaire esherekirwe okurugira kimwe aha kuhanga kw`ensi, kwonka oburi hati enaama egyo ebasize kushuuruurwa ebyahandikirwe ebirikwera. Ekigyendereirwe kikuru ky`entumwa Paulo, nk`oku yakigambire omu shuura ya 1:5, kikaba kiri okworobera okwikiriza omu b`eishe-emwe boona okuruga omu mahanga goona kandi n`okugira ngu abareete ahari Kristo nk`ekanisa y`omugore oshugeine, kandi oteine kyarikuhanwaho (Abaefeso 5).

Omu muringo nigwo gumwe, naanye mbasize kuburiira obutumwa obwatusigirwe ekigambo kya Ruhanga ekitafungwiire, omunsi yoona hati okumara haihi emyaka nka makumi ataano. Nk`omumagezi agangye, nimbaasa kuba ntakozire mu buteeka bwaabyo, kwonka rurara y`omwoyo, *“eri ekigambo kya Ruhanga,”*terabasize kuruga omu kanwa kangye okuraba omuri egyo myaka yoona. Mbasize kutwaara omu maisho ahatari kuruha kwona okutumwa kwangye oku MUKAMA yankwasize okwongyera ahari ekyo, omu bwetsigwa mbasize kworobera eki Ruhanga yandagiire omuri 2 Timoseo 4:1-5. MUKAMA akabanza yahereza ow`eishe-emwe Branham omuri Jeffersonville ekyahandikirwe reero ahanyima naanye MUKAMA yakimpereza omuri Marseille kandi ekyaragwiirwe hanu kihikirire, kandi nabwe ngu: *“Ahakuba ebiro biryaija, obu abantu baryanga kuhurira enyegyesa y`amazima; kwonka ahabw`okugira amatu agarikubarya baryayekanyisiza abeegyesa abari kwegyesa nk`okwetenga kwabo oku kuri…”*Tihariho murundi nagumwe ogu nabasiize kusigaho ekigambo, okwihaho nkakiburira omu bunaku *“oburagiirwe n`obutaragiirwe,”*ahabwamazima “*agatuura omuri itwe, kandi agariguma naitwe ebiro byona.”*(2 Yohaana 2)

Oburi hati nkuzire tinkumanya rugyendo runsigeize kugyenda okuruga hati. N`ahabw`ekyo, ninyenda kushaba ab`eishe-emwe aahereza boona omunsi yoona okuzoora eriisho, okugumira omu mazima g`ekigambo ekihikire kandi bariise entaama za Ruhanga ekyokurya ky`omwoyo ekitafungwire.

Nkwatanisize na Paulo, nimbasa okugira ngu, *“Ekitsigaire mbiikiirwe ekirunga ky`okuhikiirira eki MUKAMA omucwi w`emanja ohikiriire arimpa aha kiro ekyo, kandi tiinye nyenka, kureka boona abarikukunda okugaruka kwe.”*(2 Timoseo 4:8) Kiryaba kinshemereire okugira ngu mbasize kukora buri kimwe kyona nk`oku okukunda kwa Ruhanga kuri kandi nk`oku MUKAMAyandagiriire kukora; Ekyo ninkikiriza mpamire.

MUKAMA abasize kweeta abe okuruga omu mahanga goona, babasize kwiija kwikiriza nk`oku ebyahandikirwe birikugira, n`abaana ba Ruhanga aboogibwe n`eshagama y`omwana gw`entaama, kandi barikwebemberwa omwoyo arikwera okutaaha omu mazima goona. Bazairwe obwa kabari omu matsiko agatahwaho, kandi bagarwirwe butsya n`omwoyo arikwera, batungire okwetwa kwona kandi tihakiriho kyona eki Ruhanga arikubajunaana. Sitaani kandi omuregi wa b`eishe-emwe, asingwiire, kandi okwikiriza kwaitu n`obusinguzi obubasize kusingura omubi hamwe n`ensi okutwariza hamwe.


## Chapter navigation

- [Previous chapter](https://nasa.misia.sk/book_chapters/5533.md)
- [Book contents](https://nasa.misia.sk/books/1840.md)
- [Next chapter](https://nasa.misia.sk/book_chapters/5535.md)

## Available translations

- [Kinyarwanda](https://nasa.misia.sk/book_chapters/5534.md)

## Source

- [Canonical HTML page](https://nasa.misia.sk/book_chapters/5534)
- [Markdown representation](https://nasa.misia.sk/book_chapters/5534.md)