---
type: BookChapter
work_id: '1806'
book_url: https://nasa.misia.sk/books/1854
book_markdown_url: https://nasa.misia.sk/books/1854.md
language: gu
position: 41
canonical_url: https://nasa.misia.sk/book_chapters/5659
markdown_url: https://nasa.misia.sk/book_chapters/5659.md
markdown_source: converted
translations:
  gu: https://nasa.misia.sk/book_chapters/5659.md
---

# Owé he yè to mimá pé To osùn wiawetọ owhè fõ e lán kòtọ (12/2020) mẹ

## Owhè Kande-gbàn Ko Juwáyì

To Azán Pẹntikọsti tọn gbè, yèdọ to owhè fọtọ́n-fẹnẹ-kantọ̀n e lán kòatọ́n-nukun-ẹnẹtọ (1949) mẹ, wẹ yẹn jo gbẹ̀zán ṣie hlan OKLUNỌ Jesu po dàsin lẹnvọjọ tọn po, bo yí baptẹm Gbigbọ Wiwé tọn. Sọn whenẹnu, yẹn sọgan pọ́n lé gbẹ̀zán ṣie yín donanọ to yise mẹ dó po OKLUNỌ po. Gbọn ojọmiọn Jiwheyẹwhe tọn dali, yẹn ko to yẹwhehó Ohó Jiwheyẹwhe tọn tọn dọ sọn Owhè fọtọ́n-fẹnẹ-kantọ̀n e lán gbàn-nukun-awetọ (1952) mẹ, yèdọ to Agùn Pẹntikọsti tọn mẹ. Podọ to owhè fọtọ́n-fẹnẹ-kantọ̀n e lán gbàntọ́ntọ (1955) mẹ, yẹn yì opli he Nọvisunnu Branham basi to otò Kalṣule tọn, to Janma tọn po mẹ. Yẹn sọ do ayi e go to opli tintan mẹ, dọ, ewọ yín omẹ Jiwheyẹwhe tọn bo sọ tindo devizọ́n gbọnvo he tindo kànṣiṣa po Titò Whlẹngan Jiwheyẹwhe tọn po to asiko mítọn mẹ.

**F****ọ****to he to od****ò****fin****ẹ****to didohia opli he y****è****basi to ot****ò****Hal****ẹ****stadi****ọ****ni Zuli****ṣ****i t****ọ****n m****ẹ****, to Suzalandi, s****ọ****n azán k****ò****t****ọ****j****ẹ****k****ò****at****ọ́****n-nukun-dopot****ọ****os****ù****n****ṣ****idopot****ọ****t****ọ****n m****ẹ****, to owh****è****f****ọ****t****ọ́****n-f****ẹ****n****ẹ****-kant****ọ̀****n e lán gb****à****nt****ọ́****nt****ọ** **(20-26/06/1955) m****ẹ****; f****ọ****to devo s****ọ****to didohia opli he y****è****basi to ot****ò****Kal****ṣ****ule t****ọ****n, to Janma m****ẹ****fie N****ọ****visunnu Branham d****ọ****y****ẹ****whehó te s****ọ****n azán wiawet****ọ****j****ẹ****f****ọ****t****ọ̀****n-nukun-****ẹ****n****ẹ****t****ọ****os****ù****n****ṣ****inat****ọ̀****nt****ọ****t****ọ****n m****ẹ****, to owh****è****f****ọ****t****ọ́****n-f****ẹ****n****ẹ****-kant****ọ̀****n e lán gb****à****nt****ọ́****nt****ọ****(12-19/08/1955) m****ẹ****. **

Gohọ̀ he tin to otò Kalṣule tọn mẹ gọ́na gbẹtọ hú fọtọ́n-fọtọ́n donu ao. 

To owhè fọtọ́n-fẹnẹ-kantọ̀n-gbàn e lán atọ̀ntọ (1958) mẹ, to awadaṣonmẹ Jiwheyẹwhe tọn glọ́, mí to yẹwhehó he Nọvisunnu Branham dọ to kasẹti ji dètọ́n do ogbè devodevo lẹ mẹ, lé wẹ agùn mẹdekannujẹ tọn sọawúhia jẹnukọn dó, podọ enẹ godo azọ́nwhé devizọ́nwiwà tọn. To azán awetọ osùn ẹnẹtọ, owhè fọtọ́n-fẹnẹ-kẹnnẹ e lán awetọ (02/04/1962) tọn mẹ, wẹ yẹn mọ oylọ ṣie yí gbọn awhágbè OKLUNỌ tọn dali, ehe Nọvisunnu Branham mọ ṣiṣẹ̀ etọn to azán atọ̀ntọ osùn wiawetọ, owhè fọtọ́n-fẹnẹ-kẹnnẹ e lán awetọ (03/12/1962) tọn mẹ, mọwẹ é sọ ná mi anádemẹ he sọgbe do enẹ go dó. 

To owhè fọtọ́n-fẹnẹ-kẹnnẹ e lán ẹnẹtọ (1964) mẹ, yẹn tọ́nwhẹn tintan devizọ́n ṣie tọn biọ otò Indian tọn mẹ, bo dlá Jelusalẹm pọ́n to whenuena yẹn lẹ́gọ̀já. To bibẹ́nu owhè fọtọ́n-fẹnẹ-kẹnnẹ e lán ṣinẹnẹtọ (1966) tọn mẹ, yẹn bẹ́ gbejizọnlin devizọ́nwiwà tọn to otò he bọdo to otò mítọn go lẹ mẹ, podọ to enẹ godo yì otò lẹpo mẹ. Dogbọn yẹwhehódidọ ṣẹ́ju kò tọn didọ to Hladio mẹ tọn dali to otò Lusẹnbọlgi tọn mẹ, he yẹn nọ basi to afọnnu osẹgbè lẹpo tọn, sọn owhè fọtọ́n-fẹnẹ-kẹnnẹ e lán ṣinawetọ (1967) mẹ jẹ owhè fọtọ́n-fẹnẹ-kẹnnẹ e lán fọtọ̀n-nukun-atọ̀ntọ (1978) mẹ, yẹn dọnsẹpọ́ gbẹtọ susu to otò Janma tọn mẹ bo sọ pégo nado ylọ yé wá oplitó to otò dahodaho alọpãlọpa lẹ mẹ. Susu Yisenọ lẹ tọn dùalè pipli donanọ nẹlẹ tọn he yé basi po Nọvisunnu Branham po. Gohọ̀ daho lẹ gọ́na to otò Suzalandi tọn po otò Ọstlia tọn po mẹ, podọ to otò Janma tọn mẹ. Enẹlẹ wẹ owhè dona susu tọn to ahọludu Jiwheyẹwhe tọn mẹ. 

To owhè fọtọ́n-fẹnẹ-kẹnnẹ e lán fọtọ̀n-nukun-ẹnẹtọ (1979) mẹ, kẹdẹdilé e jọ po Evi po dó to Jipa Edẹni tọn mẹ, Kẹ̀ntọ lọ yì nukọn to hódidọ mayise tọn mẹ gbọn ohókànbiọ dali, dọ, “Bé Jiwheyẹwhe dọhó hlan ẹn nugbo?” Enẹwutu wẹ yè oylọ devizọ́n lọ na ohókànbiọ, podọ kaka e nado plán agùn lọ biọ vàsúdo mẹ. Ṣigba OKLUNỌ Jiwheyẹwhe lọ sọawúhia to awhàngbigba Kalvali tọn mẹ, bọ mẹdidè lẹ ma jai biọ omọ̀ mẹklọtọ lọ tọn mẹ gba, podọ devizọ́n lọ sọ to nukọnyì kaka jẹ dinvie.

Dogbọn owhè fõ e lán kòtọ (2020) tọn dali, yè hẹn mi nado dóalọtena titò owhẹntintọ́n devizọ́nwiwà ṣie tọn. Kẹdẹdilé yè hẹn mí omẹ po nado mọdona dó, e ma tlẹ sọgan yín bibasi na nújijọ Kolona vailọsi tọn wutu. Na owhẹ̀jijọ dopolọ tọn wutu, mí ma sọgan basi piplimẹ aihọn lọ blébu tọn to asiko he lọ mẹ. Mí dopẹna Jiwheyẹwhe dọ, mí pégo nado gọ́alọna Yisenọ hú fọtọ́n to aihọn lẹpo mẹ po Ohó Jiwheyẹwhe tọn po to agùn pẹvipẹvi lẹ mẹ sọn owhè fọtọ́n-fẹnẹ-kẹnnẹ e lán wiẹnẹtọ (1974) tọn mẹ. Núhe OKLUNỌ degbèna mi, ko yín hinhẹnṣẹ̀, dọ: “Bẹ́ gbẹtọ lẹ plidopọ́ hlan mi, na yé nido sè Ohó ṣie.”

**Y****è****d****è****f****ọ****to awe hel****ẹ****to owh****è****f****ọ****t****ọ́****n-f****ẹ****n****ẹ****-k****ẹ****nn****ẹ****e lán f****ọ****t****ọ̀****n-nukun-dopot****ọ****(1976) m****ẹ****, dopo s****ọ****n ot****ò****Zuli****ṣ****i to Suzalandi m****ẹ****, pod****ọ****awet****ọ****s****ọ****n ot****ò****Hebl****ọ****ni to Janm****ẹ****m****ẹ****, to didohia d****ọ****, Jiwhey****ẹ****whe dona susu to did****ọ****Ohó Et****ọ****n t****ọ****n** **m****ẹ****.**

Kẹdẹdilé Jiwheyẹwhe ko dèaliho na bẹ́plidopọ́ po mimá núdùdù gbigbọnọ lọ tọn po dó, mọwẹ É ko sọ basi dọ owẹn godo he yè ylọ jẹgbonu po núgọ̀donútẹn mẹ tọn po sọgan yín sisè dinvie gbọn jẹhọn mẹ (internet). Gbọn ojlo Jiwheyẹwhe tọn dali, yẹn na nọ dọyẹwhehó to osẹgbè he gbọn godo osùn lẹpo tọn, e ko sọ yín yinyọ́n dọ to otò Zuliṣi tọn mẹ, to osẹgbè lẹ to ogàn ao mẹ to afọnnu lẹ, sọlé e jẹ dọ, mí ni bẹ́ to ogàn awe mẹ to whèjai, to ogàn dopolọ mẹ to azán dopolọ gbè kẹdẹdi to osẹgbè tintan osùn lẹpo tọn to otò Klefẹdi tọn mẹ to Janma, popolẹpo na yín lilápé gbọn jẹhọn mẹ (internet), bo nasọ yín tuntunmẹ ode bọdo ode go biọ ogbè alọpãlọpa lẹ mẹ, bo nasọ yín sisè to apáwhé he yè yọ́nẹn lẹpo to aihọn lẹpo mẹ.

Dogọ́, mí sọ to yẹwhehó he yè dọ sọn owhè fọtọ́n-fẹnẹ-kẹnnẹ e lán kò (1980) mẹ lẹ tọn má pé, to osẹ̀jẹ azán etọn ẹnẹtọ lẹpo gbè (Wednesday), po whèjai azán godo osẹ̀ tọn (Saturday) lẹpo po, kẹdẹdilé e te to afọnnu osẹ̀gbè tọn to ogàn dopolọ mẹ dó. Yè sọ tunmẹ yé do ogbè vòvo lẹ mẹ na Yisenọ lẹ, podọ agùn he tin to aihọn lẹpo mẹ tindo kànṣiṣa nado nọ sè gbọn jẹhọn mẹ (internet).

Na nọvisunnu yẹwhehódọtọ lẹ ni to nukọnyì to opli lẹ mẹ to fie e jẹ dọ, yé ni nọ̀. Fidepope he Yisenọ lẹ bẹ́ yédelẹ plidopọ́ do to aigba ji to Oyín Jesu Klisti tọn mẹ, OKLUNỌ lọ tin to gblagbla yetọn mẹ (MATIU 18:20). Enẹwutu, yẹn mì dọ mì ni hẹn do ayiha mẹ bo sọ yí i sè. Na ojlẹ lọ ko wá dinvie, yèdọ whenuena Yisenọ nugbo lẹpo, to fidepope to aigba ji na plidopọ́ to odẹ̀ mẹ na OKLUNỌ Jiwheyẹwhe nido sọgan hẹn gbèsisọ wá mẹfligọ̀ lẹ mẹ, podọ awuwiwlé Agùn Asivun lọ tọn to ofi lẹpo.

Yé mẹhe yise to núdohiamẹ Ohó lọ tọn lẹ mẹ to dinvie tin to Awhli núyọ́nẹntọ lẹ mẹ, bo sọ tindo dọpọ́n awuwiwlé godo tọn lọ tọn kẹdẹdi Agùn Asivun lọ tọn, enẹwutu wẹ yè do wlán ẹn dolé dọ, *“… yé m**ẹ**he wléawu l**ẹ**bi**ọ**h**ọ̀**m**ẹ**h**ẹ* *ẹ**y**ì**al**ọ**wle h**ù**nwh**ẹ**k**ọ̀**n; y**è**s**ọ**sú oh**ọ̀**n.” (*MATIU 25:10). Owéfọ sọn Owé OSỌHIA 19:7 tọn mẹ tin na ehe dolé, dọ, *“… Asi (Asivu) et**ọ**n ko s**ọ**s**ọ́**nu do ogo.”* Asivu lọ tindo fligọ̀ pipé gbọn Ohùn Lẹngbọvu lọ tọn mẹ (MATIU 26:28), yèdọ klándowiwé pipé gbọn Ohó Jiwheyẹwhe tọn dali (JOHANU 17:17), bo sọ hiadogona gbọn Gbigbọ Wiwé dali jẹ fligọ̀zán agbasa etọn tọn whenu kẹdẹdi Ohó lọ to Owé EFESUNU 1:13 tọn mẹ, dọ, *“M**ẹ**he go m**ì**wl**ẹ**dotudo ga, ehe godo m**ì**ko s**è**ohó nugbo t**ọ**n l**ọ**w**ẹ**ndagbe whl**ẹ**ngan m**ì**t**ọ**n t**ọ**n; pod**ọ**ehe godo m**ì**ko yise ga, m**ẹ**hem**ẹ**y**è**yí Gbigb**ọ**Wiwé opagb**è**t**ọ**n do dohia m**ì**go te.”*

Yẹn pọ́n hlan godo to owhè susu he wáyì lẹ mẹ bọ yẹn sọ dopẹ dọ, Jiwheyẹwhe ko vọ́ Ohó anádemẹ tọn lọ dọ hlan mi whlásusu. É ko wàzọ́n dahodaho lẹ to gbẹtọ susu gedegede lẹ mẹ bo sọ hẹn yé wá yise nugbo lọ ji. Taidi Simeoni to Owé LUKU 2:29 tọn mẹ, yẹn sọgan dọ po ayiha nugbo tọn de po dọ, “OKLUNỌ È, dinvie wẹ a ni jo devi towe do ni yì to jijọho mẹ, kẹdẹdi ohó towe. Na nukun ṣie lẹ ko mọ dọ, omẹ lẹpo ko sè owẹn nugbo lọ he jẹnukọnna kọlilẹ́wá Klisti tọn awetọ to aigba lẹpo ji.”

Na owhè he já tọn, mí to nukundó owhè nugbo Jubile tọn de, ehe OKLUNỌ mítọn dọ to Owé LUKU 4 tọn mẹ, ehe mẹ omẹ lẹpo na gọ̀ nútindo he Jiwheyẹwhe ko ná lẹpo yí: *“… Bo s**ọ**lá m**ẹ**dekanj**ẹ**gb**ọ**n aigba l**ọ**ji j**ẹ**t**ò**m**ẹ**nu et**ọ**n l**ẹ**po de: é na yín jubile de hlan m**ì**; m**ì**l**ẹ**bo nas**ọ**l**ẹ́**g**ọ̀**om**ẹ**dopodo hlan nútindo et**ọ**n k**ọ̀**n, pod**ọ**m**ì**nas**ọ**l**ẹ́**g**ọ̀**om**ẹ**dopodopo hlan whédo et**ọ**n de.” (*LEVITIKU 25:10).

*“Pod**ọ**mí y**ọ́**n**ẹ**n d**ọ**onú l**ẹ**po w**ẹ**to az**ọ́**nw**à**dop**ọ́**na dagbe hlan yé he yinwanna Jiwhey**ẹ**whe, y**è**d**ọ**hlan yé he yín m**ẹ**yiyl**ọ**l**ẹ**k**ẹ**d**ẹ**di l**ẹ**ndote et**ọ**n. Na m**ẹ**he é y**ọ́**n**ẹ**n j**ẹ**nuk**ọ**n, ew**ọ**w**ẹ**é ko d**è**nado yín m**ẹ**k**ọ**ndop**ọ́**hlan apajl**ẹ**Ovi et**ọ**n t**ọ**n, na ew**ọ**nido yín pl**ọ́**nji to m**ẹ**m**ẹ**sunnu susu**ṣẹ**n**ṣẹ**n. Pod**ọ**m**ẹ**he é d**è**, yé w**ẹ**ew**ọ**yl**ọ**ga; pod**ọ**m**ẹ**he é yl**ọ**, yé w**ẹ**é s**ù**wh**ẹ**na ga: m**ẹ**he é s**ọ**s**ù**wh**ẹ**na, yé w**ẹ**é pagigona ga.” (*LOMUNU 8:28-30).

Dinvie, mì flin mi po nọvisunnu yẹwhehódọtọ he pò lẹpo po to odẹ̀ mìtọn lẹ mẹ.

To sinsẹ̀n Etọn mẹ,

*N**ọ**visunnu Frank*


## Chapter navigation

- [Previous chapter](https://nasa.misia.sk/book_chapters/5658.md)
- [Book contents](https://nasa.misia.sk/books/1854.md)

## Available translations

- [Gungbe](https://nasa.misia.sk/book_chapters/5659.md)

## Source

- [Canonical HTML page](https://nasa.misia.sk/book_chapters/5659)
- [Markdown representation](https://nasa.misia.sk/book_chapters/5659.md)