--- type: BookChapter work_id: '95' book_url: https://nasa.misia.sk/books/1889 book_markdown_url: https://nasa.misia.sk/books/1889.md language: rn position: 19 canonical_url: https://nasa.misia.sk/book_chapters/5761 markdown_url: https://nasa.misia.sk/book_chapters/5761.md markdown_source: converted translations: rn: https://nasa.misia.sk/book_chapters/5761.md --- # Ebaruha erikwetoroora - Okwa kataano/Okwa mukaaga 1998 ## Amaani nigimutsya emitwe yaago Turi kushoma ebihandiiko by`obunabi nitureeba ngu amaani agarikwiija kuretaho okucwekyereza oku otakubaasa kwiikiriza gaimukize emitwe yaago. Omu Kushuuruuriwa 9, kutandikira aha mushororongo gwa 13, nitugambirwa ekirikwiija kubaho obu enzaamba ya mukaaga eriteerwa. Ba Maraika bana ab`okucwa emaanja ababoheirwe aha mugyera omuhango **Furaati***»bateekateekyeirwe eshaaha n`ekiro n`okwezi n`omwaka ngu baite ekicweka kya kashatu eky`abantu.«* omuntu weena ari kureeba aha maapu y`ensi yoona naija kureeba ngu omugyera Furaati niguraba omuri Syria hamwe na Iraq, guri kwegaita ahari “Persaian Gulf.” Tweena nitwijuka orutaro rw`omuri “Gulf” hamwe “n`omuyaga gw`ihaamba”. Omu kaire kakye akahingwiire kikaba eky`obutoosha ngu amaani aga agari kwebembera abazigu ba Israeli nigatebeekanisa okucwekyereza okwo. Omu Kushuuruurirwa 16 omugyera **Furaati**nigugambwaho ogundi murundi, *»Maraika owa mukaaga yaashuka orwabya rwe aha mugyera muhango, Furaati; amaizi gaagwo gaayoma, ngu omuhanda gushemezibwe ahabw`abagabe abarikuruga oburugwa-izooba.«* (Omushororongo gwa 12). N`eky`amazima, eki nikiija kubaho bwanyima y`okutwaarwa kw`omugore w`ekanisa, obu Abagabe b`ensi yoona barirundanirwa ahabw`orugaamba orw`eizooba erya amaani erya Ruhanga Nyamuhanga (emishororongo 12-16). Eky`amazima, okutwaarwa (Rapture) kushemereire kuba kuri haihi. Omu byahandiikirwe eby`obunabi hona naho nitugambirwa aha by`okurwanisa eby`emibazi ebirikwiija kukozesibwa ahari Israeli, kwonka uhanga omu kaire ako Naija kutaahatahaamu Atyo ahiindure ekintu kyoona kandi akireke kyehuure aha bazigu ba Israeli. *»Kandi eki nikyo kibonaboneso eki MUKAMA ariteeza amahanga goona agarirwanisa Yerusaalemu;****emibiri yaabo eryajunda bakyemereire, amaisho gajundire omu binonko byago, n`endimi zibajundire omu kanwa.«***(Zek. 14:12). Ekibuuzo nikikirizibwa: Amaani aga kugaraabe giimukize emitwe yaago (kandi tihariho kureebuuza nari emihiingo erikwiija kugakwaata), okwetegyereza enshonga kushemereirekuba haihi kuta? Okuhikira aha nshonga: Oktwaarwa (Rapture) kushemereire kuba haihi kuta? Omugyera **Furaati** nigumwe aha migyera ena eyabaire eri omu paradise – omusiri Edeni (Okutandika 2:10-14). Okwe, ahu ekibaya ky`obuntu kyabaire kiri, ahu paradise yabaire eri, MUKAMA Akakora endagaano na Abrahamu kandi yaaha eitaka kuruga omu kagyera akakye aka Misiri okuhitsya **Furaati**aha mbibo ye ebiro n`ebiro (Okutandika 15:18), okwe abazigu ba Israeli tibarikwetenga ensi eyaraganisiibwe kwonka nibeenda kucwekyereza abantu ba Ruhanga. Hati bareetiire ensi kuta omutima aha kubaho kwaabo. Kwonka tibarikwiija kusingura nangwa n`okwegaita aha maani goona ag`amahanga ageeteriine. MUKAMA Ruhanga wa Israeli naija kucwamu orwo orugaamba orw`amaani (Ezekieli 38:22-23). Ensharisharo z`ensi ya Israeli nizoreekwa Ruhanga Wenyini nk`oku kiri kushangwa omuri Yoshua 1:4 hamwe n`ahandi: okuruga Lebanon okuza aha mugyera **Furaati** kandi n`okuza omu Nyanja empaango, eri kweetwa Mediterranean. Nikireebwa butunu ngu abazigu ba Israeli nibagaamba aha busingye omu buryaarya, bakugyezaho kubaganisa ensi eyaraganisiibwe kandi nibahakanisiiza kimwe abantu abatoreinwe ababiiki ab`obuhangwa ab`okuraganisa kwa Ruhanga (Abarooma. 9:4). Omu muriingo nigwo gumwe nikwo n`abazigu ba Ruhanga baakuhakanisa Ekanisa y`endagaano entsya. Boona abari aba Kristo biine okuraganisa kwa Ruhanga. Abatsigara tibiri kubakwataho. Omuzigu naarwanisa abo abakugaruka omu nsi eyaraganisiibwe hamwe n`omukigambo eky`araganisiibwe. Ow`eishe-emwe Branham, owabaire ari omushaija atumirwe kuruga ahari Ruhanga omu kaire kaitu, akakagamba Ekigambo ky`omugasho munoonga, naaba ninyijuka, **»Ruhanga nabaasa kuha Israeli omugisha yaba eri omu nsi eyaraganisiibwe.« omu muriingo nigo gumwe Ruhanga nabaasa kuha abantu be okuruga omu mahanga omugisha baaba bari omu kigambo ky`obunaku obu.** Ebirikukwata aha bintu bya kaire akaha muheru MUKAMA waitu akarabura emirundi miingi, »Imwe abrikushoma, mwegyendesereze«. Akagaruka yaagira, »kumurireeba ebi bintu …!« Akaragura aha birikuza kuhika ahari israeli kandi yagaruka yaaragura engyenda y`ekanisa, n`ahabw`ekyo nikwo kiri. Abo abakushoma Ekigambo kya Ruhanga, reka bateho omutima, reka bahurire. *»Orikushoma ebigambo by`obunabi obu aine omugisha, kandi baine omugisha abarikubihurira, bakata omutima aha bihandiikirwemu; ahabw`okuba obunaku buri haihi.«* (Okushuuruurirwa 1:3) N`ekyaazima turi omu biro by`epmeru. Kwonka nooha orikukyetegereza? Nooha arikureeba ngu eky`amaani hati n`okuhikirira kw`obunabi bwa Bibuli – butari bunabi bwiingi obu kuheebwa omu nteerane z`abakarizimatiki ahu abantu bakuha obunabi obw`ebiteekateeko byabo nkabo kandi baakoreka ebigyendererwa hamwe n`okutebereza kw`emitima yaabo? Hati oburemeezi bushemereire kuteebwa aha kigambo ky`obunabi ahu ebintu byoona biragwiirwe. Entumwa Petero akagira ngu twine kuhurikiriza Ekigambo ky`obunabi ekirikwengyeengyeta nka ekyerereezi omu mwirima (2 Pet. 1:19-21). Akaire kaasisirwe, Israeli eriyo n`ejaguza jubili ya 70. Omu 1948, ahu bwanyima y`emyaka 2,000 israeli rikaba ihaanga, ekaba eri jubili ya 69. Abaikiriza aba mazima omu Bayudaaya niboreka okweteenga kwaabo okw`amaani aha kisiika eky`obusaasi ngu nibeenda kureeba okwiija kwa Massiya hamwe n`okugaruka kwombeka Hekalu. Ruhanga n`obwaraabe Atakugyendera aha mbara yaitu y`obwiire, kandi nk`oku turikumanya akaire kaitu kari emyaka ena nari mushanju enyima, nitureeba twaba nitushoma ebihandiiko by`obunabi, ngu akaire ak`okuhikiriiza byona ebyaragwiirwe ebyiine akakwaate na Israeli biri omu nkora kandi n`okugaruka kwa Kristo kuri haihi. Okweeta okw`aha muheru kuriyo nikubaho, *»Reeba, Kishwera yaija!«* Hati tushemereire kwetebekanisa kumubugana. Okweeta okw`aha muheru kuriyo nikubaho okurugirira aha Kigambo ekyaraganisiibwe, n`ahabw`ekyo omugore naija kurugayo omuri byona ebitaine kakwaate n`ebyahandiikirwe kandi akeezibwa akaba mugore-kigambo. Omugore ni kigambo omu mubiri, kandi aha kwiija kwe naija kushanga mugore-kigambo. Twiine kwetegyereza eki Ruhanga ariyo naakora hati, kutari kuburira n`okugamba aha bintu ebyakozire omu kaire kakye akahingwiire nari ebyarikwiija kukora omu maisho. Kakaba katuura kari akamanyiso k`abaikiriza ab`amazima ngu omu kaire kaabo baaketegyereza eki Ruhanga yabaire naakora. Buri kimwe kiikiriziibwe kandi obunaku ku burahiike kiri kandi kiryahikiriziibwa okuhitsya aha muheru. Ruhanga Naata ebintu ebituri kutwaara omu butahwaho omu mitima yaitu n`okushuuruurirwa okw`obwa Ruhanga. N`obu twakuba tutakwetegyereza omu kubanza eki Arikukora, nitukiikiriza ahabw`okuba kiri nk`oku Ekigambo kiri. Tushemereirwe ahabw`eki ekitwiine, nka okwarikukora ebintu byona nk`oku Yaraganiise. Kandi nitwetegyereza ngu tihariho n`omwe ashemereire kugaita nari kwihaho aha Kigambo kya Ruhanga. Ruhanga Ariyo naakora, juba nikwiija kuba okukora kwe okw`aha muheru. Nk`oku kyabaireho aha kwiija kwa Kristo okw`okubaanza, nan`omukwiija kwe kwa kabiri kutakabeireho Ayoheriize omuntu ow`okugarura ebintubyona butsya (Matayo 17:11) hamwe n`okuhiindura emitima y`abana ba Ruhanga okugaruka aha b`ishebo entumwa, nka oku Yohaana yaahindwiire y`aba ishebo ab`endagaano enkuru okuza omu baana b`endagaano entsya (Luka 1:16). Boona abaine okuraganisa nibiikiriza kndi baine akakwate n`okweetwa, omu kugarurwa butsya – okutebeekamisa kandi n`omukumariira kw`omugore w`ekanisa. Hati niko kaire ngu boona abaine akakwate n`omugore wa Kristo bareetwe omu bigyere bimwe na kishweera hamwe n`Ekigambo ky`akaire aka. Reeka abo abakushoma bafeyo kandi abo abakuhurikiriza bakore ekishemereire.    ## Chapter navigation - [Previous chapter](https://nasa.misia.sk/book_chapters/5760.md) - [Book contents](https://nasa.misia.sk/books/1889.md) - [Next chapter](https://nasa.misia.sk/book_chapters/5762.md) ## Available translations - [Runyankole](https://nasa.misia.sk/book_chapters/5761.md) ## Source - [Canonical HTML page](https://nasa.misia.sk/book_chapters/5761) - [Markdown representation](https://nasa.misia.sk/book_chapters/5761.md)