--- type: BookChapter work_id: '798' book_url: https://nasa.misia.sk/books/1982 book_markdown_url: https://nasa.misia.sk/books/1982.md language: rn position: 4 canonical_url: https://nasa.misia.sk/book_chapters/6033 markdown_url: https://nasa.misia.sk/book_chapters/6033.md markdown_source: converted translations: en: https://nasa.misia.sk/book_chapters/3071.md rn: https://nasa.misia.sk/book_chapters/6033.md --- # Ebaruha erikwetorora Okwa - Kashatu/Okwa kana 2014 ## N`oha owakubaasa kukyetegyereza? Omu itebezo **“Ekigambo eky`agambirwe…”** (ekicweeka kya 2) okwabeireho omu kw`akashatu 18, 1962, ow`eishe-emwe Branham akashoboroora nk`oku yabeire areebire ensi hamwe n`omushaija ajwiire ebiri kwera. Nk`oku kyaabire kikira kuba kiri omu biro by`enyima, akaba ayekiindikiire omwenda gugweriire orubaju rumwe, ogwabiire gurimu embibo y`engano ei yabiire nabiba. Ahanyima y`ekyo, omuzigu akamukuratira atyo yaabibamu embibo y`enkyenzi. Byombi engano hamwe n`enkyenzi zaakura hamwe. Ekyaanda kukiizire byombi byahoonga. Ahanyima enjura yahonaaho yaagwa: Engano yagaruka yaayemerera kandi yaasiima Ruhanga munonga!; n`enkyeezi nazo zaayemerera nazo zaasiima Ruhanga munonga! Ow`eishe-emwe Branham yaakitangaarira. Akaba naabaasa kukyetegyereza ngu engano ekaba neyesiima, kwonka akaba atarikubaasa kukishoborookyerwa ahabw`enki enkyenzi zabaire ni zihiimbisa Ruhanga. Atyo MUKAMA Yaamugira ati, **“Shoma Abaheburaayo 6.”** Aho ni kigira kiti: “*Eitaka ku rihaaga enjura erigwireho kaingi, ryamera emboga ezishemereire abu rihingiirwe, Ruhanga ariha omugisha; kwonka ku rimera amahwa n`amatojo, riba ritakiine mugasho, riri haihi n`okukyeenwa; n`omuheru gwaryo kuri okwokibwa.”*(emisho. 7-8) Aha nikigamba n`aha bantu abaabiire baragizireho Ruhanga, abaabiire bararorizeho n`aha maani g`obusingye oburiija hamwe n`Omwoyo Orikwera, kwonka kandi bakagwa bakaruga aha kwiikiriza bakagaruka n`okubaamba Omwana wa Ruhanga aha musharaba. Hariho abaikiriza ababaire bahuuriire aha Kigambo kya Ruhanga eky`omuhendo kandi bakaikiriza obutumwa, kwonka kandi bakagwa baabirugaho kandi baatakabaasa kugaruka kwiimuka. Eki Ekigambo nakyo kiriyo ni kiihikirira: *“… ahabw`okuba eizooba rye arijwisiza ababi n`abarungi, kandi agwisiza enjura abahikiriire n`abatahikiriire.”*(Mat. 5:45b) Omu bwiire bwa MUKAMA waitu, Abahandiki baakagyeeragyeranisa We n`obuhereza bwe ahari Belezebuli. Omu kubagarukamu, akabagira ati, *“Ou tutakwatanisa, n`omuzigu wangye; kandi otataaruura hamwe naanye, ataataanisa.”*(Mat. 12:22-37) Bwanyima y`ekyo habaho okucwa orubanja: *“Nikyo ndikubagambira nti: Abantu baryasaasirwa ekibi kyona n`okurogota kwona, kwonka okurogota aha Mwoyo Orikwera n`ekibi ekitarisaasirwa.”*(omush. 31) Reero, byona ebiri kutsigara n`okucweebwa orubanja. Ruhanga Naakitweegamiza: *“Ebigambo byawe ebi ogamba nibyo birikwihisaho orubanja, naris hi nibyo birikusingisa orubanja.”*(omush. 37) N`abaikiriza bangahi ab`abapeentekooti abacumwiire aha buhereza bw`oweishe-emwe Branham? Ni bangahi abariyo ni bashiisha hati? Ow`eishe-emwe Branham akagira ngu, “Noobaasa kubatizibwa n`Omwoyo Orikwera omu kyaanga ky`akabiri kwonka ogume otazairwe bw`akabiri omu magara.” Ekiri kuretaho entaniso n`ekikaky`embibo. Enjura n`eyoherezibwa kuzaana ekicweeka kyaayo omu egi enshonga y`amaani: Orujuma rw`engano ni rufa, kwonka amagara agari omu rujuma orwo nigabaasa kwihwayo obutagasi bw`omushana (Yoh. 12:24) *“… embibo ei obiba temera kureka yaaheza kufa…”*(1 Abakorinso 15:36) Ekigambo ky`aba kitaakiirwe, omusiri gw`omutima nigumera amahwa n`amatojo g`omukyeeno. Buri mbibo n`eyezaara.Ku yaayekoriire omukyeeno gw`obugomi hamwe n`ogw`okugwa, MUKAMA waitu yajwaara ekiruunga ky`amahwa (Yoh.19) *“… yaayecureeza, yaayoroba okuhika aha kufa, kandi okufa okw`aha musharaba.”*(Abafilipi 2:8) Embibo enungi n`Ekigambo ekibibirwe omu mitima y`abaikiriza (Mak. 4:14; Luk. 8:11). N`abaana b`obukama bwa Ruhanga, abu Paulo yaagizire, *“Kwonka kitushemereire kusiima Ruhanga obutoosha ahabwanyu, B`eishe-emwe abarikukundwa MUKAMA, ahakuba Ruhanga akabatooranira okujunwa iranaira**ahabw`okwezibwa Omwoyo n`okwikiriza amazima**…”*(2. Abatesalonika 2:13) Kwonka Sitaani, omuzigu, naabiba envunuura ye embi nk`oku yaakikozire omu musiri Edeni, kandi n`ahabw`ekyo abaana b`omubi ni bareebeka nk`abanyadiini. Egi n`embibo y`omubi, ei ow`eishe-emwe Branham yaaburiireho omu itebezo ryoona. Entumwa Yohaana ekahandiika: *“Ahakuba obu nibwo butumwa obu mwahuriire okwiha iranaira, ngu tukundane, turekye kuba nka Kaini owaabaire ari ow`Omubi, akaita omurumuna. Mbwenu akamwitira ki? Ahabw`okuba emicwe ye ekaba eri mibi, kandi ey`omurumuna ekaba eri ey`ohikiriire.”*(1 Yoh. 3:11-12) Ti hariho omu ndagaano Enkuru nari omu ndagaano Ensya ahu Kaini ahandiikirwe nk`omwana w`omuruzaaro rwa Adamu (Okut. 5; 1 Obusingye 1; Luk. 3). Nk`oku kiri kityo, amaziina g`embibo ey`omubi tigakabaasa kuhandiikwa omu kitabo ky`amagara. Kaini na Abeeli bombi bakaba nibaikiriza; bombi baakombeka amatambiro; bombi bakahayo ebihoongwa. Kwonka ebikorwa bya Kaini bikaba biri omu buhangwa bwe obw`enzaarwa. Akaba ainemu eihari na rwango omuri we ebyamureteire kuba omwiitsi. Nk`oku kyabeire kiri enyimaho omu buhangwa bwa Haawa, embibo zoombi ez`omwoyo nizireebwa omu Kanisa*. “Ekyo nikyo kimanyisa abaana ba Ruhanga n`abaana ba Sitaane; wenaotakora by`okuhikiirira ti wa Ruhanga, n`obu yaakuba otakunda mwene ishe.”*(1 Yoh. 3:10) *“Wenaorikwanga mwene ishe n`omwtsi; kandi nimumanya ngu tihariho mwitsi oine amagara agatahwaho omuriwe. Aha niho tumanyira Rukundo, ahakuba Yesu akahayo amagara ge ahabwaitu; nitwe tushemereire kuhayo amagara gaitu ahabwa beene waitu.”*(1. Yoh 3:15-16) Wena otaine Kaini nka mwiine ishe takabaasa kuba Abeeli. Obutashushana omu buhangwa bw`embibo ezo ibiri nikweeyoreka: Abamwe nibahiiganisa, abanda nibaahiganisibwa; abamwe ni baanga, abandi nibaangwa; abamwe ni baita, abandinibaitwa. Abamwe ni bakunda omu muringo gwa Kaini kandi ni bakuunda kushiisha amaziina g`abandi, abamwe nibahayo amagara gabo ahabwa beine ishebo omu Rukundo ya Ruhanga. Oku niko kiri buzima. Buri mbibo n`eyeshusha. Eryo niryo iteeka ry`okuzaarwa omu kyaanga ky`obuhangwa hamwe n`eky`Omwoyo. Abeeli niwe muntu w`okubanza kwiitwa.kandi kiri kityo ahabw`okuba Sitaane akasingura omu kubeihabeiha Haawa obwe arikwongyeraho Ekigambo kimwe aha ki Ruhanga Yabaire Agaambire. Gyeragyeranisa Okut. 2:16: “*Omuti gwona ogw`omu kibanja**noikirizibwa kuryaho nk`oku orikwenda**…”*n`Okut. 3:1: “*… N`eky`amazima, Ruhanga akagira ngu**mutarirya**aha muti gwona ogw`omuri eki kibanja?”* Twiine kukyetegyereza ngu okwohibwa kwoona obutoosha kutura kuri aha Kigambo nk`oku kyabaire kiri omu musiri Edeni n`abwanyima aha Mucunguzi waitu. Sitaane akamuhikirira na: *“Ki kahandiikwa …,”* kwonka Omucunguzi waitu yaamugarukamu, *“Nabwe kikahandiikwa.”*Eky`okugarukamu ekihikire obutoosha nikibasika n`ekyahandikirwe ekihikire ekiri kukwata aha nshonga egyo. Eshaara yaitu eshemereire kuba eri: *“Otatutwaara omukwohibwa…”*(Mat. 6:13) Abo boona abarikugira ekibaayongyera aha Kigambo kya Ruhanga bakahabisibwa kandi bakaruga aha kigyendererwa (Okush. 22) Ahari Ruhanga tihariho kuramuririza; eky`amazima ti birikwikirizibwa, kandi ti kiri kumara kugira ngu, “Ninyikiriza obutumwa.” Abo abari kujaanjaaza “okushuuruurirwa kwabo kw`omutaano” kutari kwa Baibuli nabo niboreka ngu ni bikiriza omu muringo nk`ogu. Yesu Kristo, MUKAMA waitu, akagira, *“Ogwo ori kunyikiriza nk`oku ebyahandikirwe biri kugamba…”* kutari nk`oku abantu baakubyevunuura. Omu 2 Abatesalonika 2 Paulo akagamba gye ahabw`enkyi abantu bakugwa omu mutego gw`omuzigu kandi bakahaba: *“… ahabw`okuba bakanga kukunda amazima … Ngu boona abataraikiriize mazima, bakashemererwa okutahikiirira, basingwa orubanja.”*(2 Abatesalonika 2:10,12). Ari kugaamba n`endyarya z`aba Farisaayo, MUKAMA waitu Akagira, *“Owa Ruhanga ahurira ebigambo bya Ruhanga; imwe eki mutabihuririra n`ahabw`okuba timuri ba Ruhanga.”*(Yoh. 8:47) Kwonka akabahemura na: *“… haza kunu nimwenda kuunyita, ahakuba Ekigambo kyangye tikiine mwanya omuriimwe.”*(omush. 37b)*“Ku ndaabe ningamba amazima, n`enki ekirikubazibira kuunyikiriza?”*(omush. 46b) n`ahati nikwo biri omuunda omu butumwa obw`aha muheru. Abamwe ni biikiriza buri Kigambo ahabw`okuba bazairwe embibi Kigambo. Abandi, abatazairwe Ruhanga, nibagaitamu, nibihaho, nibavunuura kubi kandi beetaho omukyeeno (Abagalatia 1:8). Omu shuura ya 8 ey`engiri ya Yohaana, naho nitushamaho Ebigambo bya MUKAMA waitu ebiri kusheensherera kimwe: *“Ku muraahamire aha Kigambo kyangye, nimuba muri abeegi bangye buzima…”*ekikwatireine n`eki n`okuraganisa: *“Kandi muryamanya amazima, n`amazima garyabahindura ab`obusingye.”*(emish. 31-32) Amiina. Amazima g`obwa Ruhanga gaakatuhindura ab`obusingye aha nshobi zoona. Ow`eishe-emwe Branham akareeba oku engano hamwe n`enkyenzi byabibirwe bityo bikakura omu musiri gumwe. MUKAMA waitu nawe akakigambaho omu Mat. 13:30, atyo akagumizamu yaagira ngu, *“Murekye bikure byombi, bihikye omu igyesha; kandi omu igyesha ndyagambira abagyesi nti: Mubanze mutooranemu enkyenzi, muzibohe enganda zookibwe, reero oburo obuhunikye omu bitara byangye.”* MUKAMA akanyoreka emisiri mihango y`engano ezihisize munonga zitarimu nkyenzi, zitarimu matojo.Nk`oku gari amazima ngu Ruhanga Ariho, engano etarimu katokoozi niyo erikuza kusharuurwa omu nsi yoona. Ruhanga Takwikiriza kujwanzya. Engano ey`amazima neija kusharuurwa kandi etwaarwe omu kitara ky`omu iguru aha Kugaruka kwa Kristo. MUKAMA We wenka nayeyerera embuga Ye. *“Orugari rwe ruri omu ngaro ze, aryayeyerera gye embuga ye, ahunikye oburo omu kitara kye, kwonka ebishushunga aryabyotsya omu muriro ogutaraara.”*(Mat. 3:12) Baryaaba baine omugisha kandi abarikwera abo boona abarigira omugabo omu kuzooka okw`okubanza hamwe n`okutwarwa (Rapture)!   ## Chapter navigation - [Previous chapter](https://nasa.misia.sk/book_chapters/6032.md) - [Book contents](https://nasa.misia.sk/books/1982.md) - [Next chapter](https://nasa.misia.sk/book_chapters/6034.md) ## Available translations - [English](https://nasa.misia.sk/book_chapters/3071.md) - [Runyankole](https://nasa.misia.sk/book_chapters/6033.md) ## Source - [Canonical HTML page](https://nasa.misia.sk/book_chapters/6033) - [Markdown representation](https://nasa.misia.sk/book_chapters/6033.md)