--- type: BookChapter work_id: '798' book_url: https://nasa.misia.sk/books/1982 book_markdown_url: https://nasa.misia.sk/books/1982.md language: rn position: 6 canonical_url: https://nasa.misia.sk/book_chapters/6035 markdown_url: https://nasa.misia.sk/book_chapters/6035.md markdown_source: converted translations: en: https://nasa.misia.sk/book_chapters/3073.md rn: https://nasa.misia.sk/book_chapters/6035.md --- # Ebaruha erikwetorora Okwa - Kashatu/Okwa kana 2014 ## Okwiijuka emyaka-40 Omu kwaakana 1974 tukabaasa kwiguraho ekyombeko ky`Ekanisa omuri Krefeld Mission Center.N`ahabw`ekyo, nitwiija kwijuka emyaka 40 ei tumazire omu wiikendi y`okubanza omu kwaakana 2014. Kuruga omu kabiina kakye ak`abaikiriza, akabiire keeteranira omu nju omu kwa ikumi n`ebiri 1958 kuhurikiza amatebezo g`ow`eishe-emwe Branham, hati obuhereza bw`ensi yoona nibwo buriho. Emyaka kuruga 1976 kuza 1978, ebyombeko bibiri ebya Mission bikombekwa kandi bibasize kumara omubwijwiire kwiiha obwo. Ekindi kyombeko nakyo kikongerwaho bwanyima. Hati twiine oburaaro bw`abo abari kuruga hareho, ishoherezo ryaitu ry`ebitabo, ofiisi zaitu, ebishengye by`okutebekanisizamu, hamwe n`eby`okutuhweraho eby`obukugu, byona ebiri kuyaamba aha kujanjaaza ebihandiiko, CDs na DVDs omunsi yoona. Abantu abari rwagati ya 800 na 1,200 kuruga omu Buraaya n`ebicweeka ebindi omunsi nibiija omu kushaba kwaitu okubaho buri kwezi omu Mission Center omuri Krefeld n`ekyeteengo ky`okuhuurira Ekigambo kya Ruhanga. Okwongyeraho, okureebwa okukubaho aha intaneeti, ekyabeire kitakubasika nangwa emyaka ikumi enyima, nangwa kirengire orupimo rwaitu orwa 1,200. Buri itebezo ni rihindurwa omu ndimi 12 ez`amaani omurundi gumwe kandi eziri kubaasa kuhurirwa omunsi zoona. Hona nabwe nitwohereza DVDs eziri kurenga 11,000 omunsi yoona buri kwezi. Emitwe y`abantu mihango, amaka, hamwe na buri mwana wa Ruhanga okwe omu mahanga 172 omunsi nibagaburirwa ebyokurya by`Omwoyo. Omu muringo ogu, abaikiriza ab`amazima boona nibabaasa kugira omugabo omu bi Ruhanga Ariyo Naakora omu bwiire obu. Ti habwaangye – kureka MUKAMA omwetsigwa niwe Akozire buri kimwe. N`obuhweezi bw`ab`eishe-emwe n`ab`eishe-emwe-kazi, bamwe omuribo abatwiire nibakorera aha Mission Center kumara emyaka n`emyaka, nitubaasa kukora aha mabaruha goona hamwe n`aza e-mail omu ofiisi, tutebeekanisa ebihandiiko, tushohoza obutabo obukye n`ebitabo ebihango, kandi tukora n`aha kushaba kw`abantu baba nibeenda ekintu kyona. Kwongera ahari ekyo, hariho abavunuuzi abari kukora omurimo gwabo ogwa nyekundiire nk`ab`eishe-emwe abari omu kicweeka ky`obukugu hamwe n`omu kishengye ky`okutebeekanisa (control room) abari kufayo kugira ngu buri kintu nikikwaatwa eiraka kandi nikishohozibwa. Nk`omu biro bya Musa, Ruhanga Ahaire abo boona abu omu muringo gumwe nari ogundi baakukora omurimo gwa MUKAMA n`obukugu obu kugyenderaho – ahabw`ekitiinisa Kye hamwe n`ahabw`oburungi bw`Ekanisa Ye. Obumwe ningira ngu ow`eishe-emwe Branham ku ariho akareeba okuhikiriira kw`ekiyaagambire omu kwakabiri 10, 1960, omu Puerto Rico, **“Ti kugira ngu nkaba ninza kuteebeekanisa, kureka obutumwa nibwo bwabiire nibuza kutebeekanisa.”** Obuheereza bw`ow`eishe-emwe Branham obwiine omugisha, nk`oku kyahamiibwe Ruhanga, kikaba kibushemereire, kandi obutumwa obw`amazima obwegamiire Ebyahandiikirwe Ebiri kwera byonka ni bumariiriza ekibwatumiirwe. Ahabw`ekitiinisa kya Ruhanga, nimbaasa kuha obujurizi ngu MUKAMA Omwetsigwa, Owanyetsire kandi Akantuma, Abiire naanye omu myaka yoona. Nk`ori kujaanjaaza Ekigambo Kye, Akaandindira omu Kigambo Kye hamwe n`omu kukuunda Kwe kugira ngu ti nkeeteengaga kugira ekinagaruka kutereeza omu matebezo agari kurenga 9,000 agu mburiire. Aga garimu aga puroguraamu z`aha TV hati agariyo niigorekwa omuri USA, omuri Canada, New Zealand, hamwe na Australia n`omuri Romania, Russia, n`omu mashuuma ga Amerika, nk`aha radio ei naanagambireho Luxemburg, omuri Berlin, omuri Alaska, Iceland, n`ahandi n`ahandi. Ekigambo ekyagambirwe kandi ekyahaandikirwe ni kiruga hanu omu ndimi enkuru kuza omu buri ihaanga, ahu kikuhika kikagaruka kikahindurwa omu ndimi zaayo. Okuhisya egi shaaha, mpaireyo obwiire bwangye bwona ahari MUKAMA; Nangwa nkozeise n`eshaaha ezi ndikuba ndi n`omunyonyi kuhandiika ebihandiiko. Kwiiha obu Lufthansa yaatandikaho enkora ya Miles-and-More omu 1993 kandi ekaguma n`ekuratira engyendo zangye ezi ntambwiire na kampani yaabo, mpikize milo 5,921,000 ezi nkozire kuraba omu mwanya. Embariirira nk`oku yaabire eri omu kw`okubanza 25, 2014, ekantangaaza. Ezi milo 5.921 n`engyendo z`emyaka 20 ehingwiireho. Kandi engyendo na kampani eziindi tizirimu. Omu bugufu ntambwiire milo eziri kurenga obukikuru ikumi omu nyonyi omu myaka 50 ehingwiire. Aha maapu y`ensi yoona ehanikire omu ofiisi, tukakozesa obuhitirizo bw`eraangi kworeka ebibuga 262 ebi mbuuriiremu. Ku turi kugaitaho emyanya yoona etorekirwe aha maapu y`ensi yoona, omu mazima nihaba hariyo ebibuga ebiindi biingi ahu obutumwa obw`amazima obw`Ekigambo burangiriirwe. Omu myaka yoona, nkagyemeserezibwa kutaho entebekanisa za wiiki ibiri z`okwezi ahabw`engyeendo z`obuheereza na wiiki ibiri hanu omuMission Center. Nkozire obwiire bwangye obwingi, ihangwe na nyekiro. Amatebezo g`ow`eishe-emwe Branham gakatwaara obwiire bwiingi, hamwe n`amabaruha empika hoona, obutabo obukye, hamwe n`ebihango, ebi nabaandize kuhandiika n`engaro. Nimbaasa kugamba n`okwetegyereza ngu mbiireho ahabw`ekigyendererwakimwe eki MUKAMA Yaantereireho ensi etakahangirwe: katugire ahabw`ebyo byona ebyahandikirwe omu kitabo ky`amagara eky`omwana gw`entaama ensi etakabeireho kugira hati kuhurira okwetwa okw`aha muheru kandi n`okwikiriza obutumwa. Eki MUKAMA Yaagambire omu Isa 55:11 n`ekyomugasho muhango ahari nye: *“Nikwo n`Ekigambo kyangye ekirikuruga omu kanwa kangye kiriba; Tikirigaruka hariinye busha, kureka kiryahikiiriza ebi ndikwenda, kigire omugisha omuri ebyo ebi nkitumiire,”* OKU NIKWO MUKAMA ARIKUGIRA. Ti ntumwa, kureka obutumwa, Ekigambo ekyaarugire omu kanwa ka Ruhanga nikimariira kandi kihikiriza ekyo eki kyatumirwe. Kwonka abo bonka abakwakiira entumwa etumirwe Ruhanga buzimazima nibiikiriza obutumwa. Ntakatandikire obu obuhereza, nkashaba MUKAMA omu kuraganisa kw`okwehayo: “Bambi MUKAMA, ninyenda kureeba boona abari kuhurira Ekigambo kyawe kuruga omu kanwa kangye kandi bakakikiriza omu kitiinisa naiwe.” Omu kikwatireine n`okutwarwa (Rapture), MUKAMA omwetsigwa Akakimpamisiriza. Nkaikirizibwa kubuuriira engiri ey`ebiro n`ebiro omu mahanga goona. Okwetwa okurugirira omu 2 Abakorinso 6:14-18 na okush. 18:4 kwabeireho. Okundi nikwiija kwongyerwaho.Boona abatoreinwe nibahurira eki Omwoyo Aine kugamba kurabira omu Kigambo. Tihiine ki barikwongyeraho nari kwihaho aha Ndagaano y`obwa Ruhanga. Omwoyo hamwe nomugore nibagira bati: *“Ija! Eego, ija MUKAMA Yesu,”* MUKAMA We wenka Naija kuhendera omurimo gwe, katugaambe kurabira omu kutambura kw`Omwoyo omu kugarura busya okwiijwiire*. “… ahakuba MUKAMA aryahikiiriza orubanja oru yaacwereire ensi, aruheze atarusiibizeho.”*(Abarooma 9:28) Aha bagayi, abari kugamba aha ki Ruhanga Yaakozire kurabira omu nabi kwonka bakatsigaho eki Ariyo nakora hati, Akagira ati,*“Imwe abagaya, mureebe, mutangaare, muhweho; ahakuba ninkora omurimo omu biro byanyu, omurimo ogu mutariikiriza na kakye, n`obu omuntu yaakuba naagubashobororera.”*(Ebyakozirwe 13:41) Ebigambo by`aha muheru ebya MUKAMA waitu ka ni biruungi aha riinye, ebi Akuumire Atari kuremwa: *“ndi hamwe naimwe ebiro byona okuhitsya obu ensi egi erihwaho.”*(Mat. 28:20)   ## Chapter navigation - [Previous chapter](https://nasa.misia.sk/book_chapters/6034.md) - [Book contents](https://nasa.misia.sk/books/1982.md) - [Next chapter](https://nasa.misia.sk/book_chapters/6036.md) ## Available translations - [English](https://nasa.misia.sk/book_chapters/3073.md) - [Runyankole](https://nasa.misia.sk/book_chapters/6035.md) ## Source - [Canonical HTML page](https://nasa.misia.sk/book_chapters/6035) - [Markdown representation](https://nasa.misia.sk/book_chapters/6035.md)