---
type: BookChapter
work_id: '461'
book_url: https://nasa.misia.sk/books/2032
book_markdown_url: https://nasa.misia.sk/books/2032.md
language: rn
position: 31
canonical_url: https://nasa.misia.sk/book_chapters/6247
markdown_url: https://nasa.misia.sk/book_chapters/6247.md
markdown_source: converted
translations:
  rn: https://nasa.misia.sk/book_chapters/6247.md
---

# EBARUHA ERIKWETORORA okw`ikumi-n`ebiri 2011

## Okuta ekintu omu mwaanya gwaakyo

Nikishangwa nkahi, kishemereire kuteebwa nkahi omu ntebekanisa ya Ruhanga y`okujuna obu MUKAMA yagira, *“omu biro ebyo obukama bw`omu iguru buryashusha nk`abaishiki ikumi…”*(Matayo 25:1)? Omuri Matayo 24 MUKAMA akaragura aha biribaho omu bwiire obu obw`ahamperu. Nk`akamanyiso k`omutaano akakigamba omu nfumu y`omutiini okugaruka kw`abaana ba Israeli omunsi ya baishenkurubo, omunsi eyaraganisibwe. Akenda kutworeka butunu ekiriyo nikihikirira turi kwereebera na maisho gaitu Nk`oku okuraganisa kwe kuri: *“mutyo naimwe ku murireeba ebyo byona, mumanye ku ari haihi, kuyahikire n`aharwigi”*(Matayo 24:33). Kandi MUKAMA akagamba ahakugaruka kw`omwaana w`omuntu, yagyeragyeranisa ebiro ebi nk`ebiro bya nooha, kandi yakihamisiriza omurundi gwa kabiri: *“…**Nikwo n`okwija kw`omwana w`omuntu kuriba.**”*Aha kugaruka kwe, okututegyereize n`ekihika kingi, omwe aryatwarwa ondiijo asigare (orunyiriri 40-41). Eki nikibaho aha kutwaarwa. Nahabw`ekyo ebigambo ebi ebirikwehanagiriza nibigambwa: *“N`ahabw`ekyo naimwe mweteguure, ahabw`okuba obunaku obu mtarikuteekateeka, nibwo omwana w`omuntu ariiziramu.”*(orunyiriri rwa 44).

Ebintu byona ebyagambirwe MUKAMA waitu-n`engamba hamwe n`okuraganwa kw`engamba, enjara, hamwe n`emitsitsa, hamwe n`ebisha byona ebikuza kuba omunsi omumazima biriyo nibihikirira obwe turi kubyereebera n`amaisho gaitu: *“… kandi aha nsi amahanga garyashaasha, gashobeirwe ahabw`okuhoorera kw`enyanjaa n`ebingonzi…”*(Luka 21:25). Omu muriingo nigwo gumwe ekindi ekiriyo nikihikirira turikukyereberea n`amaisho gaitu n`eki MUKAMA Yagambire ekya kuratsireho omuri Matayo 24:45-47: *“Nimwambari ki ow`okwetsiga kandi ow`obwengye, ou MUKAMA we yaatsigiire ab`omu ka ye kubagaburira omu bunaku obuhikire?”*Eki nikingana na OKU NIKWO MUKAMA ARIKUGIRA, kandi nikikwaata aha kanisa. Ruhanga tarohereize nabi ngu abiike eby`okurya kwonka, nk`oku ow`eishe-emwe Branham yakyorekire emirundi munaana omu bwiire oburi kurugira kimwe omu kwezi kwa kashatu 11, 1962, okuhikira kimwe okwezi kwa mukaaga 28, 1963, okwihaho akagaruka yayehanangiriza ngu ebi by`okurya bigaburirwe ab`omuka boona. Okurabira omu buhereeza obu, amaka goona agari hamwe, nk`oku gatekatekirwe MUKAMA nigagabura ekigambo kiri kushushwana, eky`okurya ky`omwoyo kiri kushushwana. Okwo nikwo ekigambo ekyashuurwirwe kihindukire eky`okurya ky`omwoyo ahari itwe tweena.

Abo boona abarikwokiriza ngu buri kimwe kyona kihwaho n`obuhereza bw`oweishe-emwe Branham aha muheru gwa byona nibehakana eki MUKAMA yagambiire ow`eishe-emwe Branham omu kwezi kwa mukaaga 11, 1933, obu yabaire nabatiza abaikiriza omu mugyera gwa Ohio, obu iguru ryaiguka kandi ekyererezi ekitari kya buriijo kikashuuma, kirikureebwa buri omwe weena owabaire ariho, kandi omu kyererezi omwe harugamu eiraka eryagizire riti: ***“nk`oku Yohaana omubatiza yatebekaniise okwiija kwa Kristo okw`okubanza naiwe watumwa n`obutumwa oburikuza kutebekanisa okwiija kwa Kristo okw`akabiri.”***Nibaikiriza ekijumbwirweho kandi ekigwiire ekitakigamba aha kintu kyona ekiri kweetwa “obutumwa”: “Nk`oku Yohaana omubatiza yatumirwe kutebekanisaa okwija kwa Kristo okw`okubanza naiwe watumwa kutebekanisa okwiija kwa Kristo okwakabiri.” N`ahabw`ekyo, nibanga ogwe oriyo natwara obutuumwa omu maisho kandi bagaruka banga n`eki Ruhanga ariyo nakora hati. Nibaguma mu ebyahweireho kandi baruga omu nshobe egi kandi baruga n`omunvunuura mbi baza omu ndiijo. Nibaza kukoreraki ebi bigambo by`enyini ebyarugiire omu kanwa k`ow`eishe-emwe Branham ebiri kugira biti: **“Tikugira ngu niinye ndikuza kutebekanisa, kureka obutumwa nibwo buratebekanise”?**

Ogwo weena orikuhakanisa eki MUKAMA yagambire hamwe n`ekyatusigiirwe okuruga omu kanwa k`ow`eishe-emwe Branham abeihabeihirwe omwoyo nigwo gumwe nk`ogwabeihabeihire Hawa. Paulo okurugirira 2 Abakorinso 11 akaba nayenda kumurikira Kristo omwishiki oshugeine eki ow`eishe-emwe Branham nawe yabeire narwanira kandi obu hati aha muheru gwa byona, kiriyo ni kubaho,okubehabweiha kuriyo ni kurebeka: Yesu ondiijo ariyo naburirwa; omwoyo ogundi guriyo nigukora; engiri endiijo eriyo n`eburirwa.

Ahabwa maani g`okwetwa kwe kw`obwa Ruhanga, Paulo akata abantu nkaabo ahansi y`omukyeeno (Abagalatia 1:6-10). Ahatari kubanganisa kwona, eki eki ow`eishe-emwe Branham yagambire kyo kyonka kiriyo nikihakanisibwa. Oihireyo ekyo, omuntu naguma nahurira ekirikugamba ngu: “Nabi akagira ati! Nabi akagira ati!” Ebi ebyagambirwe ow`eishe-emwe Branham babasize kubyiha omu buryo bwabyo kandi tibyateebwa ahibishemereire kuba nibiza omuntebekanisa y`obwa Ruhanga eyebyahandikirwe ebirikwera. Ekirugiremu, nabi yahindurwa ekyokuburiira kyaabo kandi harebekaho n`endijo ngiri. Abanyabwengye nibakwata byona kandi babita omu buryo nk`oku ebyahandikirwe biri. Nibaikiriza ekigambo ekyabaireho omu kutandiika kandi kigumaho ebiro byona. Omu banayabwengye abo ni hashangwamu omugore owa cungwiirwe n`eshagama, akezibwa omukigambo, kandi akabaasa kwegaita na Kristo omu mwoyo.

N`obu kirabe kiri kityo, abaishiki abashugeine abashema nabo nibebara ngu bategyereize okugaruka kwa MUKAMA kandi baine obuhame ngu nibaza n`okuza aha kutwarwa hamwe n’aha bugyenyi bw`omwana gw`entaama, kwonka nibehuzya eki Ruhanga ariyo nakora hati. Abe Yohaana neinga Paulo (Ebyakozirwe 26:13-18) neinga shi ow`eish-emwe Branham tihariho n`omwe owabeire aine obushoborozi omuri ebyo ebi Ruhanga yamutumire kandi obuhereza bwabo bukaba buri obw`omugasho munonga omuntebeekanisa ya Ruhanga y`okujuna. Omu muringo nigwo gumwe, naanye tindetoraaniire ekyo eki MUKAMA yandagiriire kandi Ruhanga akaba atuura nagamba nanye omu bigambo ebi *“muhereza wangye”: “muhereza wangye, ebiro byawe by`ekibuga eki nibiza kuba byahwaho… omuhereza wangye, otaritandikaho kanisa yoona … muhereza wangye, nakwemeka okurabira omuri Matayo 24:45-47 okugabura eby`okurya … muhereza wangye, imuka oshome 2 Timoseo 4!”*Ahabwangye, buri ki Ruhanga yangambiire kyona kandi hamwe n`ekihandikirwe omuri Matayo 24:45-47 kandi hamwe n`omubyahandikirwe ebindi ni OKU NIKWO MUKAMA ARI KUGIRA.

Ahanyima y`ebyo byona nitushoma omu shuura ya 25 aha nfumu yabaishiki ikumi ababaire bashugeine: Obwe reero ebyo byona ebyagambirwe omu shuura ya 24 ku biritandika kubaho-obukama *bw`omu iguru buryashusha nk`abaishiki ikumi**…”*obwe reero eby`okurya ku biriba nibigaburwa, obwe orwari rw`omwitumbi: Reba kishwera yaija! harya kurataho okuhikirira kwa byona kandi biriyo ni bihikirira hati. Aka na kaire karungi munonga omu ntebekanisa ya Ruhanga y`okujuna, kandi aine omugisha omuntu arina akakwate nebi Ruhaga ariyo na kora hati.

Ebiro makumi abiri enyimaho ow`eish-emwe Branham atakarugire omu mubiri akagira ati omu itebezo rye eririkwerwa “okutwarwa” kandi hamwe naha rwari: **“n`obutumwa obu kuza kuteraana abantu hamwe. Obutumwa nibwo buri buri kubanza. ‘Hati n`obwiire bw`okusimuura etabaaza zaanyu’ … reeba kishwera yaija. Ni mwimukye musimuure etabaaza zaanyu.”**(okw`ikumi n`ebiri, 1965).

Omu itebezo “Okwegaite kw`omugore wa Kristo okutari kureebwa” okuruga omu kwezi kwa ikumi na kumwe 25, 1965, ow`eishe-emwe Branham hatsigaire okwezi kumwe kwonka akatwarwa akagira ati: **“Yetegyereze. Kwonka hati reeba, omugore w`omwoyo, ku aritandika kugira okwimukibwa, ku aritandika kugaruka akatereera hamwe n`ekigambo kya Ruhanga. Garuka oreebe (noreeba?), nk`oku ebyahandikirwe, …****omu biro ebyo haryabaho obutumwa bw`okweyerera ngu bukwate ogwe mugore, bukwate ogwe mukazi owatoreinwe****.”**

Omu itebezo ry`ow`eishe-emwe Branham ry`ahakamanyiso ka mushanju, akaggira ati: **“Nibubaasa kuba buri bwe bwiire. Nebaasa kuba eriyo shaaha, ngu ogu omuntu mukuru kandi ow`ekitinisa ou tutegyereize okugira ngu aije nabaasa kwija. Obundi obuhereza obu omu ngyereizeho kugira ngu mbase kugarura abantu aha kigambo bubasize kutekaho omusingye; kandi ekyo ku kyakuba kyaakozirwe, ninza kuba nimbatsigaho ebiro byona. Tihari kuza kubaho bantu babiri omu bwiire bumwe. N`oreeba? Ku kyakuba kiri kityo, we naaza kweyongyera, aha iguru, reero nyowe garurwe ahansi. Tndikumanya. Kwonka mbasize kuheebwa Ruhanga omugisha gw`okureeba kandi nk`etegyereza nkoku kyabaire kiri(reeba, reeba?), nk`oku kibasize kushwekuurwa. N`ahabw`ekyo ago nigo mazima”**(okw`akashatu 24, 1963).

Aha muheru gw`eittebezo eri, ow`eishe-emwe Branham akashaba ati: **“Reero, MUKAMA, ninshaba ngu onyambe. Natandika kuhwa amaani, MUKAMA. Ninkimanya ngu tinkineyo biro bingi omu maisho, nahabw`ekyo ninshaba ngu nyambe. Reeka mbe ohikire, MUKAMA, kandi mbaase omwesigwa, owa mazima goona okugira ngu mbaase kutwara obu tumwa nk`oku nayemekirwe kugira ngu mbaase ku bwekoroora. Kandi obwire bwangye kubwa kuhika bw`okuta ebikwato ahansi, kundiba nahikire aha mugyera, kandi n`ebingonzi bikatandika kutahamu, O Ruhanga mbaatse kukwtsa ondiijo muntu egi rurara eyaira oraaze kuba omwesigwa nayo, MUKAMA, kandi orikuza kukwata amazima goona.”**Ruhanga aketwrira entumwa ye, konka itwe tukasigaza obutumwa kandi buriyo nibutwarwa omu maisho omunsi yoona. Rurara y`omwoyo (Abaefeso 6:10-20) ebasize kunkwasibwa.

*“Ebi nibyo bigambo by`ogwo oine rurara y`amoogi abiri arikugamba…”*(Okushuuruurirwa 2:12).

*“Ahakuba ekigambo kya Ruhanga kiine amagara n`amaani, kiine obwogi bwingi okukira rurara yoona ey`amoogi abiri, nikicumita kihika ahu kitanisiza amagara n`omwoyo, engingo n`omushokooro, kandi kirahuka ku caaka ebi omuntu arikuteekateeka n`ebi amaririire omu mutima gwe kukora.”*(Abaheburaayo 4:12).

Omu kwezi kwa munaana 23,1964, ow`eish-emwe Branham akahereza okwehanangiriza oku: **“Ekintu kimwe kyonka eky`orikubaasa kwetsiga ni IKU NIKWO MUKAMA ARIKUGIRA okurugira kimwe omu Baiburi. Hati ekanisa, aho honyini niho ngyerizeho kubarindira, baana bangye. Kandi ku hakugira ekyampikaho kandi Ruhanga Akanyiha omunsi egi, eki mutarikirugaho, mugume nimukijuka n`omutima gwanyu gwona: mugume n`ekyo kigambo. Mutari reka ekyo kigambo. Ekindi kintu kyona ekiteine kakwate n`ekigambo, mutarikikiriza, n`obu kiriba nikishushwa kita. Obwe omanye ngu kihikire.”**

Abaishiki abashugaine abanyabwengye nibaikiriza buri kigambo kya Ruhanga kandi hamwe na buri kyaraganisiibwe kyona, nibebemberwa okuruga omu mazima kuza omu gandi kandi beiniire kimwe akakwate n`eki Ruhanga ariyo nakora hati. Tibaine matabaaza gonka, okwaaka okwihaho beinire kimwe akakwate n`omwoyo , ekiri kubeebembera okutaaha omu mazima. Amacupa gaabo gaijwiire amajuta, ekiri kumanyisa ngu baryagira omugabo aha bugyenyi bw`omwana gw`entaama nk`oku ebigambo bya MUKAMA waitu birikugira. Kwonka ekyo kitakabaireho, omu bwiire bw`okwetwa kurugayo kandi n`okwetebekanisa, nibetegyereza obuhereza obu oburi kwegyesa, oburiyo nibugyenda omu maisho hati, nk`oku enyimaho babasize kwetegyereza obuhereza bw`obunabi. N`obu kirabe kiri kityo, Ruhanga tari Ruhanga w`ebihwereho, kureka ni Ruhanga wa biriho.


## Chapter navigation

- [Previous chapter](https://nasa.misia.sk/book_chapters/6246.md)
- [Book contents](https://nasa.misia.sk/books/2032.md)
- [Next chapter](https://nasa.misia.sk/book_chapters/6248.md)

## Available translations

- [Runyankole](https://nasa.misia.sk/book_chapters/6247.md)

## Source

- [Canonical HTML page](https://nasa.misia.sk/book_chapters/6247)
- [Markdown representation](https://nasa.misia.sk/book_chapters/6247.md)