---
type: BookChapter
work_id: '20'
book_url: https://nasa.misia.sk/books/1815
book_markdown_url: https://nasa.misia.sk/books/1815.md
language: gu
position: 211
canonical_url: https://nasa.misia.sk/book_chapters/6331
markdown_url: https://nasa.misia.sk/book_chapters/6331.md
markdown_source: converted
translations: {}
---

# YISE ZÉDA OTÀNHÓHÓ TỌN - BÉ NUGBO KAVI LALO WẸ?

## Ohóta 16 – MẸDEPOPE HE YÍGBÈ JESU KLISTI TỌN… BÉ GBÈYÍYÍ NUGBO TỌN KAVI LALO TỌN WẸ?

To wẹndagbelilá mẹ, odẹ́tẹdo ohó ji susu nọ tin do gbèyíyí Jesu Klisti tọn po ji. Wẹndagbèlátọ lọ nọ kànbiọ yé mẹhe wá nukọn na lẹnvọjọ lẹ, nado vọdọ, gbèyíyí Jesu Klisti tọn. To whenẹnu yẹwhehódọtọ na ná yé adọgbó dọ, dinvie na yé ni yín Jesu Klisti tọn. Kẹdẹdi ohóta he pò lẹpo po, e to dandan mẹ nado dindona to owhẹ̀hó he mẹ núhe gbèyíyí Biblu tọn hlan Jesu Klisti Ovi Jiwheyẹwhe tọn tọn yín, nado yín mẹsùwhẹ̀na to Jiwheyẹwhe nukọn.

Gbèyíyí mẹde titi tọn hlan Jesu Klisti Ovi Jiwheyẹwhe tọn, yín onú titegbe de na whlẹngan mítọn. Kẹntọ podọ mẹglatọ Jiwheyẹwhe tọn he ko tùnafọ nugbo he lọ ji bo sọ hẹn oklọ dopolọ he yè nọ̀pọ́ basi wá. Owéfọ atọ̀n gê wẹ mí na zán na apáwhé jẹagọ he yè nọ zán na Ohó lọ.

Yé mẹhe gọ́na gbigbọ mawé lẹ dawhá ogbè lélé bo to didọ, dọmọ,*“Bo p**ọ́**n, yé dawhá d**ọ**m**ọ**, Et**ẹ**w**ẹ**wà mí po hi**ẹ**po, Jesu, hi**ẹ**Ovi Jiwhey**ẹ**whe t**ọ**n? Bé hi**ẹ**wá to ofi wh**ẹ**po ojl**ẹ**l**ọ**na wá nado doyana mí w**ẹ**?* (MATIU 8:29). Wẹndagbe Malku tọn wlánwé, dọmọ:*“Gbigb**ọ**mawé l**ẹ**, whedepope yè m**ọ* *ẹ**n, n**ọ**j**ẹ**klo to nuk**ọ**n et**ọ**n, bo n**ọ**to awhádo d**ọ**, Hi**ẹ**w**ẹ**Ovi Jiwhey**ẹ**whe t**ọ**n”* (MALKU 3:11). Luku lọsu wlán dọ, *“D**ọ**m**ọ**, Jo mí do ab**ọẹ**; et**ẹ**w**ẹ**mí do nado wà to de we, hi**ẹ**Jesu Nazal**ẹ**ti t**ọ**n? Hi**ẹ**wá nado hù mí súdo w**ẹ**? Y**ẹ**n y**ọ́**n m**ẹ**he hi**ẹ**yín, Om**ẹ**Wiwé Jiwhey**ẹ**whe… Aovi l**ẹ**t**ọ́**ns**ọ**n om**ẹ**susu go ga, bo to awhádo d**ọ**m**ọ**, Hi**ẹ**w**ẹ**Klisti, Ovi Jiwhey**ẹ**whe t**ọ**n…”* (LUKU 4:34, 41).

Omẹ Jiwheyẹwhe tọn de dọhó hlan dawe azọ̀ntọ de, dọmọ, *“… to oyín Jesu Klisti Nazal**ẹ**ti t**ọ**n m**ẹ**, f**ọ́**n bo zinz**ọ**nlin”* (OWALỌ 3:6). Ṣigba kẹdẹdilé mí ko mọ do dọ, gbigbọ mawé lẹ lọsu nọ zán oyín Jesu tọn po ohógbè nugbo tọn he yín “Jesu Nazalẹti tọn” kavi “Ovi Jiwheyẹwhe tọn” po.

Matin dọpọ́n mẹde titi tọn po Jesu Klisti po, podọ matin kọ̀ndopọ́ hẹ Ẹ, bé whenẹnu ohó gbèyíyí tọn he yè basi ma yín núdepope gba. Jẹnukọn na onú lẹpo, omẹ dopodopo dóna tindo hùdo núdohiamẹ tọn sọn olọn mẹ. Whenẹnu gbèyíyí po zọnlinzin hẹ Klisti po to osi mẹ yín núhe sọgbe. Yè dọ hlan mí to Owé Wiwé mẹ dọ, *“M**ẹ**he yise to Ovi m**ẹ**tindo ogb**ẹ̀**madopòdo: m**ẹ**he ma yise to Ovi m**ẹ**ma to na m**ọ**ogb**ẹ̀**;**ṣ**igba hòm**ẹ**gble Jiwhey**ẹ**whe t**ọ**n n**ọ**te to é ji”* (JOHANU 3:36).

Núdohiamẹ yise tọn dóna tọ́nsọn gbèyíyí mẹ, dọ, *“… Ohó l**ọ**tin to de we, yèd**ọ**to onù towe m**ẹ**, pod**ọ**to ayiha towe m**ẹ**: en**ẹ**w**ẹ**, ohó yise t**ọ**n, he mí to y**ẹ**whehó et**ọ**n d**ọ**; d**ọ**eyín hi**ẹ**na yí onù towe do yígbè Jesu Oklun**ọ**t**ọ**n, bo nas**ọ**yise to ayiha towe m**ẹ**d**ọ**Jiwhey**ẹ**whe zé é tité s**ọ**n o**ṣ**i**ọ**l**ẹ**m**ẹ**, yè na whl**ẹ**n we gán”* (LOMUNU 10:8-9). Paul sẹsinwhena ehe dolé, dọ,*“… Y**ẹ**n yise, en**ẹ**wutu w**ẹ**y**ẹ**n d**ọ**hó; mìwl**ẹ**yise ga, en**ẹ**wutu w**ẹ**mì do d**ọ**hó ga”* (2 KỌLINTINU 4:13). Gbèyíyí he matin gbọn yise to Jesu Klisti Oklunọ mẹ tọn dali nado dóyisena Ohó Jiwheyẹwhe tọn lẹ yín lalo.

Apọsteli Johanu dọ hlan mí, dọmọ, *“M**ẹ**nu w**ẹ**ew**ọ**he gbawhàn aih**ọ**n t**ọ**n, adavo yé he yise d**ọ**Jesu w**ẹ**Ovi Jiwhey**ẹ**whe t**ọ**n?”* (1 JOHANU 5:5).

Satani zán ohógbè vlẹkẹsi de to whenuena é tẹn Oklunọ pọ́n to awà tẹmpli tọn ji to aga, dọmọ, *“… Eyín hi**ẹ**yín Ovi Jiwhey**ẹ**whe t**ọ**n, l**ọ́**ns**ọ**n ofi yì odò…”* (LUKU 4:9).

Gbèyíyí hlan Jesu Klisti Ovi Jiwheyẹwhe tọn dóna yín bibasi to alọ dopo gê mẹ, e sọgan yín gbọn ovi Jiwheyẹwhe tọn lẹ kavi gbọn ovi kẹntọ lẹ tọn dali ga. Yisenọ he tin to agùn gbẹ́pipli tọn lẹ mẹ, yèdọ agọ̀jẹdo-Klistigotọ lọsu zán ohógbè dopolọ. Gbèyíyí nọ yín núhọakuẹ eyín e tin to kọ̀ndopọ́ mẹ hẹ kunnudidè Biblu mẹ tọn lẹpo, podọ yise mẹde titi tọn to Klisti mẹ podọ osi to Jiwheyẹwhe po Ohó Etọn po mẹ. Omẹ dopodopo tindo húdo núdohiamẹ mẹde titi tọn sọn Jesu Klisti de.

E sinyẹnawu titegbe na susu to yẹwhehódọtọ lẹ mẹ nido tunmẹ Owé 1 JOHANU 4:2-3 tọn dagbedagbe, dọmọ:*“Ehe m**ẹ**w**ẹ**mì ni y**ọ́**n Gbigb**ọ**Jiwhey**ẹ**whe t**ọ**n: Gbigb**ọ**he yígbè d**ọ**Jesu Klisti wá to agbasalan m**ẹ**l**ẹ**po, Jiwhey**ẹ**whe de é j**ọ̀**s**ọ**n. Gbigb**ọ**he ma yígbè d**ọ**Jesu Klisti wá to agbasalan m**ẹ**l**ẹ**, ma j**ọ̀**s**ọ**n Jiwhey**ẹ**whe de gba; ehe w**ẹ**gbigb**ọ**ag**ọ̀**j**ẹ**do-Klistigot**ọ**l**ọ**t**ọ**n, ehe t**ọ**n mì ko sè d**ọ**é ja; yèd**ọ**to dinvie é tin to aih**ọ**n m**ẹ**”*. To owéfọ he mẹ yè dlẹnalọdó ohó susu kẹdẹdilé omẹ de sọgan mọ dó to núpinpọ́n etọn tintan mẹ. Mí to hódọ do núyọ́nẹn nugbo he yín dọ Yahweh wẹ yín Yahshua ji, yèdọ Whlẹngantọ lọ, Mẹyíamìsisádodè lọ, Klisti Oklunọ he wá to agbasalan mẹ lọ.

Gbèyíyí he mẹde basi po nùflo etọn lẹ po, kavi ehe é vọ́dọ na yè kànbiọ ẹ dọ, é ni vọ́dọ wutu, gbèyíyí nẹ ma sọgbe gbọn alọ depope mẹ. Gbigbọ depope he ma yígbè Jesu Klisti tọn to ninọ̀mẹ Biblu mẹ tọn ji, é ma jọ̀ sọn Jiwheyẹwhe de gba. Enẹ wẹ gbigbọ agọ̀jẹdo-Klistigotọ lọ tọn po gbèyíyí ewlọsu titi tọn po. Omẹ depope he yígbè Jesu tọn to alọ devo mẹ, to didohia dọ ewọ lọ ma tindo núyọ́nẹn nugbo lọ, dọ,**Yahweh****Al****ẹ̀****nù Hóhó m****ẹ****t****ọ****n w****ẹ****Jesu Al****ẹ̀****nù Y****ọ́****y****ọ́****m****ẹ****t****ọ****n**. Yé ma sọgan mọdona gba. Omẹ depope he mọ́ Ohó Jiwheyẹwhe tọn po aṣẹpipa nugbo Etọn lẹpo po, to didọ, dọmọ, ewọ lọ yín máhẹtọ to gbigbọ agọ̀jẹdo-Klistigotọ lọ tọn mẹ.

Apọsteli Paul dọhó vivẹvivẹ do wiwá Etọn to ninọ̀mẹ agbasalan tọn ji, dọ, *“… Jiwhey**ẹ**whe to dido Ovi et**ọ**n titi hlan to ohia gbasalan he g**ọ́**na ylando, pod**ọ**na ylando, ko gblewh**ẹ̀**do ylando to agbasalan m**ẹ**: na yè nido h**ẹ**n ogbèdai os**ẹ́**n t**ọ**n**ṣẹ̀**t**ọ**mí m**ẹ**, m**ẹ**he ma zinz**ọ**nlin di agbasalan t**ọ**n, adavo di Gbigb**ọ**t**ọ**n”* (LOMUNU 8:3-4).

Na gbẹtọ jai to ylando mẹ gbọn gohọ̀ agbasalannọ he mẹ bo na sọ kú na enẹ tọn wutu, enẹwutu Mẹfligọ̀tọ lọ dóna wá to ohia agbasalan ylando tọn mẹ. Núplọ́n jẹagọ he dọ, dọ yè ji Malia matin ylando tọ́nsọn agọ̀jẹdo-Klistigotọ lọ de. Klisti kẹdẹ wẹ Mẹhe ma tindo ylando depope, podọ na Ewọ kẹdẹ wẹ yè nọ zán ohógbè he na “Mẹhe ma tindo mọdọ depope” (1 PITA 1:19). É dóna wá to agbasalan ylando tọn de mẹ, ṣigba bo ma tindo mọdọ kavi ylando depope to Ede mẹ, na É nido whlẹn núdidá he jai biọ ylando mẹ sọn ninọ̀mẹ ylando tọn lọ mẹ. É dóna yín dódónọ hlan osẹ́n podọ na enẹ tọn wutu É dóna zé dẹ̀hodo de do Ede ji, yèdọ ehe ko tin to míwlẹ ji (GALATIA 3:13).

Ohógbè he yín “Onọ wiwé Malia he ma tindo mọdọ de” matin lala gba. Malia yín apáde núdidá he jai tọn, bọ yè zán ewọ di núzinzán de nado kẹalọyí Omẹ Dopo he ma tindo ylando bo sọ flí mí gọ̀ sọn ylando mẹ. Jinukun wiwé lọ yín didó do núzinzán mawé de mẹ. Dinvie yé mẹhe yè ji to ylando mẹ lẹ sọ kẹalọyí Klisti Mẹhe ma tindo ylando depope. Nugbo omẹ nẹlẹ hẹn adọkunnu olọn mẹ tọn to núzinzán okọ́ tọn lẹ mẹ sọlé yé yín apáde núdidá he jai lọ tọn do. E ma yín dọ núzinzán lọ wẹ yín núhọakuẹ lọ gba, ṣigba jinukun he tin to núzinzán lọ mẹ. *“**Ṣ**igba míwl**ẹ**tindo ad**ọ**kunnu he to núzinzán ok**ọ́**t**ọ**n l**ẹ**m**ẹ**, na owhanp**ẹ**huhl**ọ**n t**ọ**n nido yín Jiwhey**ẹ**whe t**ọ**n, bo ma yín s**ọ**n míwl**ẹ**m**ẹ**gba”* (2 KỌLINTINU 4:7).

Omẹ depope he dọ poun dọ, “Ovi Jiwheyẹwhe tọn wẹ Jesu Klisti”, podọ to enẹ godo bo lẹn bo sọ yise kẹdẹdilé é jlo dó, ma ko mọdona ohókànbiọ lọ gbọn alọ depope mẹ gba. Podọ mẹdepope he dọ poun dọ, “Yẹn yise dọ Jesu wá to agbasalan mẹ” ma ko dlẹnalọdó núhe Owé Wiwé lẹ to kunnudè na nugbonugbo. Klisti wá matin mọdọ podọ matin ylando. Satani ma tindo aṣẹpipa depope to Ewọ ji gba. Ṣigba É dóna lẹzùn ylandonọ na mí omẹ pó tọn wutu, bo sọgbe hẹ mẹhòbá he, dódó Jiwheyẹwhe tọn to bibiọ na ylando. Enẹwutu, É dóna kú na míwlẹ, nado flí mí gọ̀ bo sọ tún mí dote sọn okú si. *“Na okú w**ẹ**ale ylando t**ọ**n;**ṣ**igba núniná Jiwhey**ẹ**whe t**ọ**n w**ẹ**ogb**ẹ̀**madopòdo to Jesu Klisti Oklun**ọ**mít**ọ**n m**ẹ**”* (LOMUNU 6:23).

Ninọ̀mẹ devo de tin, ehe mẹ mí sọgan mọdona núplọ́nmẹ agọ̀jẹdo-Klistigotọ lọ tọn te. To Owé episteli 2 JOHANU 1:7 tọn mẹ, apọsteli Johanu dọ, dọmọ, *“Na m**ẹ**kl**ọ**t**ọ**susu ko j**ẹ**gbonu yì bi**ọ**aih**ọ**n m**ẹ**, yèd**ọ**yé he ma yígbè d**ọ**Jesu Klisti wá to agbasalan m**ẹ**. M**ẹ**kl**ọ**t**ọ**w**ẹ**ehe l**ọ**pod**ọ**ag**ọ̀**j**ẹ**do-Klistigot**ọ**”*. E yín domọna dagbedagbe dọ, to ehe yè ylọ dọ zédai apọsteli lẹ tọn mẹ núde matin he yè dọ dogbọn kọlilẹ́wá agbasalan Jesu Klisti tọn mẹ tọn gba. To finẹ, mí mọ ohógbè he yín, “… sọn dinvie yì É na wá nado dawhẹ̀ na mẹgbẹ̀ po oṣiọ lẹ po…” Nugbo owhẹ̀dida godogodo tọn ma tindo núdepope nado wà po kọlilẹ́wá Jesu Klisti tọn po gba.

Plaun to jiyìyì Oklunọ tọn godo, yè dọ hlan núplọ́ntọ lẹ, dọ, *“… Jesu he l**ọ**, he yè yí do ol**ọ**n m**ẹ**s**ọ**n mì de, nas**ọ**l**ẹ́**g**ọ̀**wá dilé mì m**ọ* *ẹ**n b**ọ**é jei ol**ọ**n do”* (OWALỌ 1:11). Oklunọ Jesu he fọ́nsọn oṣiọ lẹ mẹ tindo agbasa fọ́nsọnkú tọn de ehe mẹ É sọgan dù bo sọ nù te (LUKU 24:43), agbasa he mẹ Tọmasi sọgan yí alọviyẹyẹ etọn do (JOHANU 20:27). *“En**ẹ**wutu Jesu d**ọ**han yé, d**ọ**, Y**ọ**p**ọ**emi, mì tindo núde nado dù?… Jesu s**ọ**wá, bo yí akla bo yí na yé, m**ọ**k**ẹ**d**ẹ**w**ẹ**whevi ga”* (JOHANU 21:5, 13).

Mẹdepope he jẹagọdo agbasa Jesu Klisti tọn dopo he lọ go nado dọhó do wiwá Etọn go, omẹ lọ to didohia to núyiwà he mẹ dọ, núplọ́nmẹ agọ̀jẹdo-Klistigotọ lọ tọn wẹ. Kẹdẹdi Owé Johanu 14 tọn, Oklunọ yì olọn mẹ nado wléawu otẹn de tọn dai, bo dopà kọlilẹ́wá tọn nado hẹn mí yì olọn mẹ fie nọ̀tẹn susu tin te. Whenẹnu wẹ Owé 1 KỌINTINU 15:51 tọn po 1 TẸSALONIKA 4:13 tọn po, po Owéfọ susu devo lẹ po na yín ṣiṣẹ̀. Domọna titò whlẹngan Jiwheyẹwhe tọn tọn kẹdẹdilé yè hùndohia yẹwhegán lẹ po apọsteli lẹ po dó, yín hinhẹnbú mlẹnmlẹn to otànhó agùn tọn mẹ, to otànhó agùn tọn mẹ, apọsteli tẹ kavi yẹwhegán tẹwẹ dọyẹwhehó kẹdẹdi devizọ́n apọsteli lẹ tọn.

Núplọ́nmẹ agọ̀jẹdo-Klistigotọ lọ tọn yín mimọ nugbo dọ kọlilẹ́wá agbasa Jesu Klisti, Asisúnọ, Mẹhe na lẹ́gọ̀wá nado zé Asivu Etọn yì whégbe tọn, yín gbigbẹ́ dai. Dogbọn nújijọ daho he lọ tọn dali, núde matin he yín zédai gba. Ṣigba Owé Wiwé dọhó do kọlilẹ́wá Klisti tọn ji, do fọ́nsọnkú yé mẹhe na yín máhẹtọ to bẹ́yìlọn mẹ mẹ, podọ didiọ agbasa kúkú yé mẹhe togbẹ̀ to ojlẹ nẹ lọ mẹ tọn do agbasa fọ́nsọnkú tọn he mẹ yè na zé mí yì aga nado pé Oklunọ te to aslọ mẹ. Podọ omẹ pẹvi de wẹ mọdona núhe kàn núdùdù alọwle hunwhẹ̀ Lẹngbọvu lọ tọn (OSỌHIA 19), kavi ahọludu owhè fọtọ́n (OSỌHIA 20).

Jesu Klisti Dopolọ he yè yì do olọn mẹ nasọ lẹ́gọ̀wá nado yí omẹ Etọn lẹ do whégbe jẹnukọnna nukunbibia daho lọ podọ whẹpo whẹ̀dida nado wá aigba ji. To núdepope mẹ, e ma pé na mí nido yí onù mítọn lẹ kẹdẹ do yígbè núde tọn gba, ṣigba mí tindo hùdo núdohiamẹ Jesu Klisti tọn. Awelẹ pó dóna sọgbe hẹ Biblu, dọ, na mí nido yígbè Jesu Klisti, Ovi Jiwheyẹwhe tọn tọn dọ Ewọ wẹ Oklunọ, podọ nado dèkunnu dọ, Ewọ Jesu Dopolọ na lẹ́gọ̀wá to agbasalan mẹ nado zé mí Asivu lọ yì núdùdù alọwle hunwhẹ̀ Lẹngbọvu lọ tọn kọ̀n.


## Chapter navigation

- [Previous chapter](https://nasa.misia.sk/book_chapters/6330.md)
- [Book contents](https://nasa.misia.sk/books/1815.md)
- [Next chapter](https://nasa.misia.sk/book_chapters/6332.md)

## Source

- [Canonical HTML page](https://nasa.misia.sk/book_chapters/6331)
- [Markdown representation](https://nasa.misia.sk/book_chapters/6331.md)