---
type: BookChapter
work_id: '890'
book_url: https://nasa.misia.sk/books/1764
book_markdown_url: https://nasa.misia.sk/books/1764.md
language: gu
position: 205
canonical_url: https://nasa.misia.sk/book_chapters/6348
markdown_url: https://nasa.misia.sk/book_chapters/6348.md
markdown_source: converted
translations: {}
---

# JIWHEYẸWHE PO TITÒ ETỌN PO HLAN GBẸTỌ LẸPO

## JIWHEYẸWHE DOPO – HE TINDO AZỌ́ NYÍNKỌ SUSU

To Alẹ̀nù Hóhó mẹ, mì mọ jẹnukọn ohógo Heblu tọn he yín *Elohim,*he yè túnmẹ to Biblu mítọn lẹ mẹ dọ “JIWHEYẸWHE”. Ohógo *Elohim*tọn sọawúhia to susu mẹ, bo tindo núyiwà susu he mẹ JIWHEYẸWHE do Ede hia te – kẹdẹdi Núdátọ, Núnámẹtọ, Whlẹngantọ po onú he pò lẹ po. Mí mọ ohógo lẹ he yín, *El, Elah*podọ *Elohim*to whelẹponu to didohia JIWHEYẸWHE to Huhlọn Etọn mẹ. Dọ̀ndopọ oyín helẹ tọn to didohia gigọ̀flá JIWHEYẸWHE yínyín tọn. To Owẹ GENẸSISI 14:18 tọn mẹ, JIWHEYẸWHE dó Ede hia kẹdẹdi *El Elyon*he yín “Gánhunupo”. Na Ablaham tọn JIWHEYẸWHE sọawúhia ẹ kẹdẹdi *El Shaddai,*he yín “JIWHEYẸWHE Huhlọnnọ” (GENẸSISI 17:1). Ehe to didohia JIWHEYẸWHE taidi Omẹ dopo he nọ pénukun omẹ go, Mẹhe nọ ná huhlọn mẹ, Mẹhe sọgbe to onú lẹpo mẹ. Ohógo *El Shaddai*tọn yín mimọ to Owé Job tọn mẹ hú ogbàn.

To Owé GENẸSISI 21:33 tọn mẹ, mí mọ to ohógo Heblu tọn mẹ dọ *El Olam,*yín “JIWHEYẸWHE Madopòdo”. To Owé ISAIA 9:6 tọn mẹ, mí hia dogbọn *El Gibbor*dali, he yín “JIWHEYẸWHE Huhlọnnọ”. Oyín helẹ yín onú vivẹ̀ de, he to osi ná hlan Mẹfligọ̀tọ he yè do opagbè Etọn. Ehe to ede mẹ to didohia JIWHEYẸWHE yínyín Etọn. Mí na hia Owé lọ, *“Na yè ji ovi de hlan mí, yè na ovisunnu de hlan mí; ahọludu nasọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, JIWHEYẸWHE Huhlọnnọ, (to ogbè Heblu tọn mẹ El Gibbor), Otọ́ Madopòdo, Ahọvi jijọho tọn”.*(ISAIA 9:6). Kẹdẹdi lé mí mọ do, dọ, kunnudidè JIWHEYẸWHE tọn po Yẹwhegán Etọn lẹ tọn po yín dopolọ, he dọhó nugbo dọ, É na wá na Ede kẹdẹdi “Emmanuel”, tadena ehe tọn yín JIWHEYẸWHE tin to mí de. (ISAIA 7:14; MATIU 1:22-23).

To kọ̀ndopọ mẹ hẹ *Elohim,*ohógo *Yahweh*tọn (Ohó nugbo lọ wẹ yín: YHWH) yín zinzán. Tùnmẹ *Yahweh*tọn wẹ yín dọ, “Madopòdo, Mẹhe tin na Ede”. To Biblu mítọn lẹ mẹ, É yín yiylọ dọ “Oklunọ”. Owé GENẸSISI 1 tọn mẹ kẹdẹ wẹ Ohógo *Elohim*tọn sọawúhia te. To finẹ JIWHEYẸWHE dá gbẹtọ to apájlẹ Etọn mẹ, he yín to agbasa gbigbọnọ de mẹ. To Owé GENẸSISI 2:4 tọn mẹ, finẹ wẹ mí mọ dọ̀ndopọ ohógo awe tọn te, he yín “OKLUNỌ JIWHEYẸWHE” (*Elohim Yahweh*). Ehe tindo kọ̀ndopọ po gbẹtọ he yè dá sọn kọgùdú aigba tọn mẹ po, he yè zédo gohọ̀ agbasalan tọn de mẹ.

To Mọse whenu, JIWHEYẸWHE do tùnmẹ oyín *Yahweh*tọn tọn hia, to whenuena é lẹzùn Whlẹngantọ de. Enẹwutu mí hia dọ, dọmọ, *“Jiwheyẹwhe sọ dọhó hlan Mọse, bo dọ hlan ẹn, dọmọ, Yẹn JEHOVA (he yín OKLUNỌ lọ) wẹ: yẹn sọawúhia hlan Ablaham, hlan Isaki, podọ hlan Jakọbu, di JIWHEYẸWHE Gánhunupo (El Shaddai), ṣigba gbọn oyín ṣie JEHOVA dali wẹ yẹn ma yín mẹ yínyọ́nẹn hlan yé gba.*Yẹwhegán Mọse yọ́nẹn dọ *Yahweh*yín awúsọhia gbaungba *Elohim*tọn*.*Whenuena é wlán Torah – nado dọ, Owé atọ́n Biblu mẹ tọn he jẹnukọn lẹ, é nọ dètọ́n to whelẹponu ohógo he to JIWHEYẸWHE do hia.

Kẹdẹdi opagbè he JIWHEYẸWHE do hlan Ablaham to Owé GENẸSISI 15:13-16 tọn me, ovi Islaẹli tọn lẹ yín whinwhlẹgán. Túndote yetọn sọgan yín mi mọ to Owé EKSỌDUSI 3:12 tọn mẹ. Oyín *Yahweh*tọn yín zínzán to kọndopọ enẹ mẹ, OKLUNỌ sọawúhia Mọse to oyín lọ mẹ, Mọse mẹhe plán yé to JIWHEYẸWHE glọ. Enẹwutu *Yahweh*lẹzùn oyín-alẹ̀nùnù JIWHEYẸWHE tọn to Alẹ̀nù Hóhó mẹ. To oyín ehe lọ mẹ wẹ Islaẹli yín donanọ te (SỌHA 6:22-27).


## Chapter navigation

- [Previous chapter](https://nasa.misia.sk/book_chapters/6347.md)
- [Book contents](https://nasa.misia.sk/books/1764.md)
- [Next chapter](https://nasa.misia.sk/book_chapters/6349.md)

## Source

- [Canonical HTML page](https://nasa.misia.sk/book_chapters/6348)
- [Markdown representation](https://nasa.misia.sk/book_chapters/6348.md)