---
type: BookChapter
work_id: '890'
book_url: https://nasa.misia.sk/books/1764
book_markdown_url: https://nasa.misia.sk/books/1764.md
language: gu
position: 212
canonical_url: https://nasa.misia.sk/book_chapters/6355
markdown_url: https://nasa.misia.sk/book_chapters/6355.md
markdown_source: converted
translations: {}
---

# JIWHEYẸWHE PO TITÒ ETỌN PO HLAN GBẸTỌ LẸPO

## AHỌLU LỌ

Biblu hiatọ lẹpo yọ́nẹn dọ, to Alẹ̀nù Hóhó mẹ, OKLUNỌ JIWHEYẸWHE yín didohia di Ahọlu. Davidi hòdẹ̀ dọmọ, *“Dotóai hlan ogbè avi ṣie tọn, Ahọlu ṣie, JIWHEYẸWHE ṣie, na dewe wẹ yẹn nọ hòdẹ̀ hlan.”*(PSALM 5:2). Yẹwhegán Jelemia dọ, dọmọ: *“Ṣigba OKLUNỌ wẹ JIWHEYẸWHE to nugbo mẹ; ewọ wẹ JIWHEYẸWHE ogbẹ̀ nọ, podọ Ahọlu madopòdo de.”*(JELEMIA 10:10). Yẹwhegán Isaia dọ dolé dọ, *“Le wẹ OKLUNỌ dọ, Ahọlu Islaẹli tọn, podọ omẹflitọ etọn, OKLUNỌ awhànpa lẹ tọn.”*(ISAIA 44:6).

To Owé ZEKALIA 9:9 tọn mẹ, mí mọ pagbè Mẹflitọ lọ tọn, dọ, *“Viyọnnu Ziọni tọn É, jaya dahodaho, dabóbó hiẹ viyọnnu Jelusalẹm tọn É: dayi e go, Ahọlu towe ja dewe; nugbonọ wẹ ewọ, bo tindo whlẹngan…”*To Alẹ̀nù Yọ́yọ́ mẹ, mí mọ ṣiṣẹ̀ dọdai he yè dọ to Owé MATIU 21:1-4 tọn mẹ. Susu agùn daho lẹ tọn mọ dọ Ahọlu yetọn biọ Otò Jelusalẹm tọn mẹ. Ayiha yetọn gọ́na ayajijẹ, yé tẹnpọ́n nado do É hia to wiwà he mẹ. Yé doaṣọ̀na aliho lẹ bo to awhádo, dọ: *“Hosana hlan Ovisunnu Davidi tọn: Donanọ wẹ ewọ he ja to oyín OKLUNỌ tọn mẹ; Hosana to oji aga.”*(MATIU 21:9).

Whenuena Mẹflitọ yín jiji, núyọ́nẹntọ whèzẹtẹn tọn lẹ wá kànbiọ to Jelusalẹm, dọ, *“…Fie wẹ mẹhe yè ji bọ é yín Ahọlu Jù lẹ tọn te?”*(MATIU 2:2). Whenuena OKLUNỌ mítọn ṣite to Pilati nukọn, Pilati kànbiọ Ẹ, dọ, *“Bé hiẹ wẹ Ahọlu Jù lẹ tọn lọ?”*(JOHANU 18:33). Pilati sọ vọ́ kànbiọ Ẹ, dọ, *“Bé ahọlu de wẹ hiẹ? Jesu sọ gblọn dọmọ, hiẹ dọ dọ ahọlu de wẹ yẹn. Hlan opòdo he wẹ yè ko do ji mi, podọ hlan opòdo he wẹ yẹn do wá aihọn mẹ, na yẹn nido dèkunnu hlan nugbo lọ. Mẹdepope he yín nugbo tọn sè ogbè ṣie.”*(JOHANU 18:37).

To alọ dopolọ ji, kẹdẹdilé OKLUNỌ JIWHEYẸWHE yín yíylọ dọ Ahọlu to Alẹ̀nù Hóhó mẹ, mọ dopolọ wẹ Jesu Klisti yín yíylọ dọ Ahọlu to Alẹ̀nù Yọ́yọ́ mẹ do. Paul sẹsinwhena to alọ dagbe de mẹ to ohógbè helẹ mẹ, dọmọ, *“Bé hlan Ahọlu madopòdo, makú, mamọ, JIWHEYẸWHE núyọ́ nẹntọ dopolọ, wẹ yẹyi po gigo po tin na kakadoidoi. Niṣẹ.”*(1 TIMỌTI 1:17). Nawẹ núyọ́nẹn po zìnzìn JIWHEYẸWHE tọn po klo sọ̀! Ṣigba bo ma gbọnvo do Owé Wiwé lẹ go. Núdohiamẹ nugbo nado yọ́n JIWHEYẸWHE, wẹ yín dọ, e to dandan mẹ dọ, mí dóna yise dọ, JIWHEYẸWHE do Ede hia gbọn Klisti mẹ. Ninọ̀mẹ mọtọnhunkọ mẹ wẹ mí na gbọn do tunwun Owé Wiwé lẹpo to alọ he jẹ mẹ.

Ahọludu he yè dopagbè etọn na wá aigba ji to ma dẹn mẹ. Eyín didọ to Owé dọdai tọn mẹ. To Owé PSALM 47:6-8 tọn mẹ, mí hia dọ, dọmọ: *“Mì jihàn pipa tọn hlan JIWHEYẸWHE, mì jihàn pipa tọn, mì jihàn pipa tọn hlan Ahọlu mítọn, mì jihàn pipa tọn. JIWHEYẸWHE wẹ Ahọlu aihọn lẹpo tọn: mì yí núyọ́ nẹn do jihàn pipa tọn. JIWHEYẸWHE duahọlu to kosi lẹ ji: JIWHEYẸWHE sinai to ofin wiwé etọn ji.”*JIWHEYẸWHE yín Ahọlu daho podọ Ahọludu Etọn na nọ̀ aigba lẹpo ji. Owé PSALM 96:9-10 tọn dọ, dọmọ: *“Mì sẹ̀ n OKLUNỌ to whànpẹ owalọ wiwé tọn mẹ: mì sinú to nukọn etọn, mì aigba lẹpo. Mì dọ kosi lẹ ṣẹnṣẹn, dọ, OKLUNỌ duahọlu: yè sọ hẹn aihọn lódo ga bọ yè ma nado sọgan sẹtẹnna ẹn: ewọ na yí dódó do dawhẹ̀ na gbẹtọ lẹ.”*Núdidá lẹpo to tenọpọ́n azán daho nẹ lọ.

To Owé OSỌHIA 11:17 tọn mẹ, gbèdidè lọ yín dọ, dọmọ: *“Mí dopẹ́ na we, OKLUNỌ É JIWHEYẸWHE Gánhunupo, hiẹ mẹhe tin, bo ko tin, bo sọ ja; na hiẹ ko yí huhlọn daho towe, bo ko sọ to Ahọludu.”*Mí mọ dogọ́ dọ, to whedelẹnu, Ahọlu dọhó taidi JIWHEYẸWHE podọ OKLUNỌ Jesu Klisti, bọ mí sọ yọ́nẹn dọ Ahọlu dopo wẹ tin, podọ Ahọludu dopo. To Owé MATIU 25:31-32 tọn mẹ, mí hia dọ, *“Ṣigba whenuena Ovi gbẹtọ tọn na wá to gigo etọn mẹ, po angẹli lẹpo po é po, whenẹnu wẹ é na sinai to ofin gigo etọn tọn ji. Nukọn etọn wẹ yè na bẹ́ akọta lẹpo pli do…”*Whladopo dogọ́, mí ni kànbiọ mẹnu wẹ omẹ he sinai to ofin lọ ji? To Owé ZEKALIA 14:9 tọn mẹ, é dọ, dọmọ: *“OKLUNỌ bo nasọ yín Ahọlu to aigba lẹpo ta: to azán nẹ mẹ wẹ OKLUNỌ na yín dopo, podọ oyín etọn dopo.”*To kọ̀ndopọ he mẹ, mí mọ yín didọ to Owé OSỌHIA 15:3 tọn mẹ, dọ, *“…Kiklo po nújawu po wẹ azọ́ n towe, OKLUNỌ É JIWHEYẸWHE Gánhunupo; dódó po nugbo po wẹ ali towe, hiẹ Ahọlu mẹwiwé lẹ tọn.”*Mí sọgan to nukọnyì to owéfọ niná dogbọn ohóta he tọn dali. OKLUNỌ JIWHEYẸWHE podọ OKLUNỌ Jesu Klisti yín didohia taidi Ahọlu. Bé e ma yín nugbo dọ *Yahweh*Alẹ̀nù Hóhó mẹ tọn wẹ Jesu Alẹ̀nù Yọ́yọ́ mẹ tọn? Bé e ma yín nugbo dọ, OKLUNỌ Jesu wẹ JIWHEYẸWHE? Eyín e ma yín mọ, whenẹnu mí tindo Ahọlu awe. Lala, e ma sọgan yín mọ gba.


## Chapter navigation

- [Previous chapter](https://nasa.misia.sk/book_chapters/6354.md)
- [Book contents](https://nasa.misia.sk/books/1764.md)
- [Next chapter](https://nasa.misia.sk/book_chapters/6356.md)

## Source

- [Canonical HTML page](https://nasa.misia.sk/book_chapters/6355)
- [Markdown representation](https://nasa.misia.sk/book_chapters/6355.md)