---
type: BookChapter
work_id: '890'
book_url: https://nasa.misia.sk/books/1764
book_markdown_url: https://nasa.misia.sk/books/1764.md
language: gu
position: 223
canonical_url: https://nasa.misia.sk/book_chapters/6366
markdown_url: https://nasa.misia.sk/book_chapters/6366.md
markdown_source: converted
translations: {}
---

# JIWHEYẸWHE PO TITÒ ETỌN PO HLAN GBẸTỌ LẸPO

## OWHẸ̀ GBỌTỌ PODỌ OWHẸ̀ YÍDỌTỌ LỌ

Avọ́sinsán podọ owhẹ̀dọgbọ to alọ dlẹn do owhẹ̀gbọtọ kavi owhẹ̀yídọtọ. To Alẹ̀nù Hóhó mẹ, Job wẹ omẹ dopo he tá hinhọ́n do linlẹn he ji titegbe, dọmọ: *“Eyín mẹdagun de tin to ede, gbèsètọ de, mẹdopo sọn fọtọ́ n lọ mẹ, nado dohia gbẹtọ temanọgli etọn. Bọ ewọ yín dagbenọ hlan ẹn, bo dọmọ, whlẹn sọn tejẹ yì jẹ odò lọ kọ̀ n mẹ, yẹn ko mọ ofligọ̀ de. Agbasalan etọn na yín jẹemẹ hú ovi de tọn; é lẹ́ gọ̀ do****Azán Ovu Etọn Tọn Lẹ****kọ̀ n; ewọ hòdẹ̀ hlan JIWHEYẸWHE, ewọ sọ yín homẹdagbenọ hlan ẹn; sọmọ bọ ewọ yí ayajẹ do mọ nukunmẹ etọn: é sọ gọ̀ dódó etọn jo hlan gbẹtọ.”*(JOB 33:23-26).

Ehe lọ jọ̀ do yé mẹhe yise lẹ go nugbo. Ahọ́ lọ ko yín súsú, yè ko flí mí gọ̀, matin ylando podọ matin mọdọ to nukọn JIWHEYẸWHE tọn. To kọlilẹ́wá Klisti tọn awetọ whenu, yé mẹhe yín Etọn lẹ na yín didiọ to agbasalan yetọn lẹ mẹ, bo na lẹ́gọ̀ do ovu whenu pipé yetọn mẹ, kẹdẹdilé Job dọ do, bo nasọ tin to mọ hlan mí omẹ pó jẹ madopòdo. Niṣẹ.

Yẹwhegán lẹ po núyọ́nẹntọ lẹ po donukun azọ́n ofligọ̀ tọn lọ. Job dáwhá gbọn yise dali to whlepọ́n etọn lẹ mẹ, podọ to matin tódidó etọn mẹ, é dọ, dọmọ: *“Na yẹn yọ́ nẹn dọ whẹ̀ yídomẹjitọ ṣie to ogbẹ̀ , podọ ewọ na ṣite to sọgodo to aigba ji: podọ ehe godo ayú ṣie ko yín vivà, ehe na yín, yèdọ sọn agbasalan ṣie mẹ wẹ yẹn na mọ JIWHEYẸWHE: mẹhe yẹn na mọ to adà ṣie mẹ, bọ nukun ṣie lẹ na pinpọ́n, bo ma na di ojonọ de, yè hẹn okàn ṣie lẹ súdo to ohò ṣie mẹ.”*(JOB 19:25-27).

Mí mọ awúsọhia Messia lọ tọn to núyíwà võvo lẹpo mẹ to JIWHEYẸWHE de. To ehe pinpọ́n mẹ, Paul wlán to Owé 1 TIMỌTI 2:5 tọn mẹ, dọ, *“Na JIWHEYẸWHE dopo wẹ tin, whẹ̀ gbọtọ dopo ga to JIWHEYẸWHE po gbẹtọ po ṣẹnṣẹn, dawe lọ, Jesu Klisti.”*JIWHEYẸWHE ma yín awe gba, mọ e ma sọ yín gbẹtọ awe to JIWHEYẸWHE yínyín mẹ gba, ṣigba JIWHEYẸWHE dopo podọ owhẹ̀gbọtọ dopo: *dawe*lọ, Klisti Jesu. Mí dóna mọdona onú he lẹpo whladopo dogọ, dọ, É dóna lẹzùn gbẹtọ podọ nado pégo bo flí gbẹtọ lẹ gọ̀ podọ nado kú, bo sọ kọ̀n ohùn Etọn dai do họ̀ agùn lọ.

To Owé HEBLU 12:24 tọn mẹ, e dọ, mí dóna wá, *“Jẹ Jesu avùndatọ alẹnù yọ́ yọ́ tọn de, podọ jẹ ohùn yìnyìn do omẹ go tọn, ehe to onú dagbe dọ hú Abel tọn.”*Mí dóna yí Ohó Etọn lẹpo sè, whẹpo e nado wàzọ́n to ogbẹ̀zán gbigbọnọ mítọn mẹ lẹ mẹ. To Alẹ̀nù Hóhó mẹ, yè dọhó owhẹ̀gbọtọ lọ tọn hézéhézé to gbẹtọ yínyín Mose tọn mẹ, mẹhe nọte to JIWHEYẸWHE po gbẹtọ lẹpo ṣẹnṣẹn. To Alẹ̀nù Yọ́yọ́ mẹ, yè dọhó dogbọn owhẹ̀gbọtọ lọ dali to Owé OWALỌ 7:38 tọn mẹ, gbọn ohó he lẹ dali dọmọ, *“Ehe lẹ wẹ mẹhe tin to agùn mẹ to zùngbo mẹ po angẹli he to hódọ hẹ ẹ po to osó Sinai tọn ji, podọ hẹ otọ̀ mítọn lẹ: mẹhe yí ohó ogbẹ̀ tọn nado ná mí.”*JIWHEYẸWHE wẹ nọ dọhó, podọ Mọse wẹ mẹhe nọ hẹn ohó wà gbẹtọ lẹ de ehe é sè sọn JIWHEYẸWHE de. É wàzọ́n kẹdẹdi owhẹ̀gbọtọ de.

Podọ ga onú to ota ji wẹ devizọ́n owhẹ̀yídọtọ tọn de. Johanu dọhó dogbọn yé mẹhe yise lẹ tọn dali dọmọ, *“Mí yọpọ ṣie lẹ emi, owé onú helẹ tọn wẹ yẹn wlán hlan mì, na mì ma nado wàylan. Eyín mẹdepope wàylan, mí tindo owhẹ̀ yídọtọ de to Otọ́ de, Jesu Klisti dódónọ lọ: Ewọ sọ wẹ oyẹ̀ su na ylando mítọn: e ma yín mítọn kẹdẹ, ṣigba na ylando aihọn lẹpo tọn ga.”*(1 JOHANU 2:1-2). Whladopo dogọ́, mí mọ Klisti to JIWHEYẸWHE de, ṣigba e ma yín taidi gbẹtọ devo de gba, ṣigba dopo to azọ́n vivẹ he kọ̀ndopọ po agùn po, po titò whlẹngan tọn lẹ po mẹ. Dinvie É sinai to adusilọ po huhlọn JIWHEYẸWHE tọn po mẹ to oji aga. Yè dọ dọdai etọn to Owé PSALM 110:1 tọn mẹ, dọ, *“OKLUNỌ dọ hlan OKLUNỌ ṣie, dọ, Hiẹ sinai to adusilọ ṣie mẹ, kaka yẹn na yí kẹ̀ ntọ towe lẹ do basi tokloafọligbe towe tọn.”*Finẹ wẹ É na te kaka jẹ opòdo ojlẹ lẹ tọn, podọ onú lẹpo to afọ Etọn glọ. (HEBLU 1:13).


## Chapter navigation

- [Previous chapter](https://nasa.misia.sk/book_chapters/6365.md)
- [Book contents](https://nasa.misia.sk/books/1764.md)
- [Next chapter](https://nasa.misia.sk/book_chapters/6367.md)

## Source

- [Canonical HTML page](https://nasa.misia.sk/book_chapters/6366)
- [Markdown representation](https://nasa.misia.sk/book_chapters/6366.md)