--- type: BookChapter work_id: '890' book_url: https://nasa.misia.sk/books/1764 book_markdown_url: https://nasa.misia.sk/books/1764.md language: gu position: 225 canonical_url: https://nasa.misia.sk/book_chapters/6368 markdown_url: https://nasa.misia.sk/book_chapters/6368.md markdown_source: converted translations: {} --- # JIWHEYẸWHE PO TITÒ ETỌN PO HLAN GBẸTỌ LẸPO ## OVISUNNU JIWHEYẸWHE TỌN LẸ Mí to hódọ do Nugbo titegbe lọ ji, dọ, JIWHEYẸWHE hẹn titò Ewlọsu tọn titi hlan gbẹtọ lẹpo ṣẹ̀. É dóna dó kọ̀ndopọ de ayi po mí po; enẹwutu, É sọawúhia visunnu gbẹtọ lẹ tọn taidi Ovi Gbẹtọ tọn. To Owé HEBLU 2:6-9 tọn mẹ, mí hia dọ, *“…Etẹwẹ gbẹtọ, bọ hiẹ do to ayi do é go? Kavi ovi gbẹtọ tọn, bọ hiẹ do to didla ẹ pọ́n? Hiẹ hẹn ẹn whè pẹvide hú angẹli lẹ; hiẹ sọ yí gigo po yẹyi po do ṣinyọn ojẹgbakún nẹ́ , bo sọ yí i do dogán do azọ́n alọ towe tọn ji. Hiẹ ko yí onú lẹpo do afọ etọn glọ. Na ehe é yí onú lẹpo do afọ etọn glọ, e ma pò onú de he yè ma yí do oglọ etọn. Ṣigba dinvie míwlẹ ma ko mọ yé yí onú lẹpo do oglọ etọn gba. Ṣigba míwlẹ mọ Jesu, mẹhe yè hẹn whè pẹvi hú angẹli lẹ, na yàjiji okú tọn wutu yè yí gigo po yẹyi po do ṣinyọn ojẹgbakún nẹ́ ; na gbọn ojọmiọn JIWHEYẸWHE tọn dali ewọ nido dọ́ okú pọ́ n na gbẹtọ lẹ dopodopo.”*Ehelẹ pó jọ̀ na míwlẹ tọn wutu. É tin jẹ nẹ́ nado yí agbasa he mẹ mí ko tin te, to titò mẹ nado jiyà, bo kú, bo sọ fọ́nsọn oṣiọ lẹ mẹ yì gigo mẹ. Gbọn enẹ mẹ, É dè aliho na mí. To Owé HEBLU 2:10-11 tọn mẹ, yè wlán ẹn dọ, *“Na e jẹ hẹ ẹ, mẹhe onú lẹpo tin na, podọ mẹhe dali onú lẹpo gbọn, to hinhẹn ovi susu wá gigo mẹ, nado hẹn awhàngán whlẹngan yetọn tọn sọgbe gbọn yàjiji dali. Na mẹhe to omẹ hẹn zùn wiwé , po mẹhe yè to hinhẹn zùn wiwé po, omẹ dopo tọn wẹ yé omẹ pó: na enẹwutu wẹ é ma do kúwinyan nado ylọ yé dọ mẹmẹsunnu.”*To fọ́nsọnkú Etọn godo, OKLUNỌ dọ hlan yọnnu lẹ to yọdo kọ̀n, dọ, *“…Mì dibú blo: mì yì dọ na mẹmẹsunnu ṣie lẹ, na yé ni fọ́ n yì biọ Galili, podọ finẹ wẹ yé na mọ mi te.”*(MATIU 28:10). Linlẹn dabla tẹ́ wẹ ehe! Omẹ dopo he to omẹ lẹ̀wé po yé mẹhe yè to lilẹ̀wé po tindo Otọ́ dopolọ. Gbọn enẹ mẹ, azọ́n JIWHEYẸWHE tọn yín ṣiṣẹ̀ nado gọ̀ mí wá Ewlọsu de taidi visunnu po viyọnnu Etọn lẹ po gbọn Jesu Klisti mẹ. Linlẹn dopolọ yín mimọ to ṣiṣẹ̀ mẹ to Owé JOHANU 20:17 tọn mẹ, dọ, *“Jesu sọ dọhlan ẹn, dọ, A do alọ ogo e blo; na yẹn ma ko hẹji yì Otọ́ ṣie de gba: ṣigba yì mẹmẹsunnu ṣie lẹ de, bo dọ hlan yé, dọ, Yẹn hẹji jei Otọ́ ṣie po Otọ́ mìtọn po de; podọ JIWHEYẸWHE ṣie po JIWHEYẸWHE mìtọn po de.”* To pipé mẹ, e na yín didohia dọ visunnu po viyọnnu JIWHEYẸWHE tọn lẹpo na yín didiọ bo na sọawúhia to apajlẹ OKLUNỌ Jesu mítọn tọn mẹ. Johanu wlán dọ, *“Mẹyiwanna emi, dinvie ovi JIWHEYẸWHE tọn wẹ mí, e ma ko sọ sọawúhia lé mí na te: ṣigba mí yọ́ nẹn dọ, whenuena ewọ na sọawúhia, míwlẹ na di ewọ lọsu; na mí na mọ ẹn dolé é te.”*(1 JOHANU 3:2). Kẹdẹdilé eyín winwlán do, e dóna jọ̀ janwẹ. Hókọ́namẹ madopòdo JIWHEYẸWHE tọn na fọ́n do ote bọ yé omẹ he yise nugbo lẹpo na mọ ṣiṣẹ̀ godomẹ tọn lọ. To Owé PSALM 22:22 tọn mẹ, mí hia dọ, *“Yẹn na dọhó oyín towe tọn hlan mẹmẹsunnu ṣie lẹ; to agùn mẹ wẹ yẹn na pa we te.”*Oyín Etọn ma yín didohia hlan mẹpopo gba, ṣigba kẹdẹdilé yè wlán ẹn do, dọ, É do Ede hia mẹmẹsunnu Etọn lẹ. Yé wẹ omẹ he gbóadọ̀ bo ylọ JIWHEYẸWHE dọ Otọ́ yetọn olọn mẹ tọn. Onú lẹpo wẹ yè ná hlan mí sọn JIWHEYẸWHE de gbọn Jesu Klisti, OKLUNỌ mítọn mẹ. *“Na ewọ mẹ gigọ́ ozọnji JIWHEYẸWHE tọn lẹpo nọnọ̀ to agbasa mẹ. É ko sọ basi mi sọgbe to ewọ mẹ, mẹhe basi ota ogán lẹ, po huhlọntọ lẹpo po tọn.”*(KOLOSINU 2:9-10). Nugbo wẹ ehe bo nasọ sọawúhia to visunnu po viyọnnu JIWHEYẸWHE tọn lẹpo po mẹ. Mí mọ OKLUNỌ mítọn to gbẹtọ yínyín Etọn mẹ, kẹdẹdilé É penukun azọ́n vòvo he tin to kànṣiṣa mẹ po fligọ̀zọ́n po go do. Kẹdẹdilé ayihúndatọ de sọgan wàzọ́n vòvo lẹ do, mọkẹdẹ wẹ É wàzọ́n vivẹ he kàn whlẹngan mítọn do. Eyín mí pọ́n Owéfọ lẹ mẹ, kẹdẹdilé yè dọ hlan mí do, dọ mí ni wà, mí mọ dọ, eyín didohia to alọ lẹpo mẹ. To Alẹ̀nù Hóhó mẹ, Owé Wiwé lẹ dèkunnu onú he É yín tọn. To Alẹ̀nù Yọ́yọ́ mẹ, eyín didohia dọ, Ewọ wẹ ṣiṣẹ̀ he tin to finẹ. Hlan yé omẹ he dọ yé tindo ogbẹ̀ madopòdo lẹ, bo sọ yise to vọ̀ji nugbo mẹ, e na bọawu nado mọdona núdohiamẹ wiwé he Klisti dohia to awúsọhiamẹ po devizọ́nwiwà alọpãlọpa lẹpo po mẹ. To Owé JOHANU 17:3 tọn mẹ, ohó vivẹ de yín mimọ to finẹ. Jesu dọ, dọmọ: *“Podọ ehe wẹ ogbẹ̀ madopòdo, dọ, yé ni yọ́ n hiẹ ṣokẹdẹ JIWHEYẸWHE nugbo, podọ ewọ mẹhe hiẹ dohlan, yèdọ Jesu Klisti.”*Kẹdẹdilé yè dohia mí do, Klisti ma yín mimọ di JIWHEYẸWHE devo de to Dopo lọ de gba, ṣigba Ewọ wẹ awúsọhiamẹ nugbo lọ, dilé yèdọ do to Owé HEBLU 1:3 tọn mẹ, dọ, *“Mẹhe yín hinhọ́ n gigo etọn tọn, podọ ojlẹmọ dódó odohia etọn tọn, bọ é sọ yí ohó huhlọn etọn tọn do hẹn onú lẹpo go.”*Podọ to Owé JOHANU 6:40 tọn mẹ, É dọ, dọmọ, *“Na ehe wẹ ojlo Otọ́ ṣie tọn, dọ mẹdepope he mọ Ovi, nido tindo ogbẹ̀ madopòdo: yẹn nasọ fọ́n ẹn dote to azán opòdo gbè.”*Nawẹ yise he họakuẹ sọ, dọ, JIWHEYẸWHE do Ede hia to Ovi mẹ, e sọgan yín mimọ to ohó helẹ mẹ, dọ, *“Mẹhe yise to Ovi mẹ tindo ogbẹ̀ madopòdo: mẹhe ma yise to Ovi mẹ ma to na mọ ogbẹ̀ .”*(JOHANU 3:36). OKLUNỌ lọ ko yín didohia hlan mí. To vivọnu, mí na pọ́n hlan godo to gbẹtọ yínyín mẹ, bo na dọhó di Tọmasi whenuena mí na mọ Jesu Klisti Awhàngbatọ Daho lọ dọ, *“OKLUNỌ ṣie podọ JIWHEYẸWHE ṣie.”*(JOHANU 20:28). Kẹdẹdi kunnudidè apọsteli Paul tọn, yé mẹhe tindo Gbigbọ Wiwé lẹ kẹdẹ wẹ na sọgan yígbè dọ Jesu Klisti wẹ OKLUNỌ. Nugbo, OKLUNỌ wẹ JIWHEYẸWHE (1 KỌLINTINU 12:3).  Kẹdẹdi Lẹngbọhọtọ dagbe, É jo ogbẹ̀ Etọn na lẹngbọ Etọn lẹ. Kẹdẹdi Lẹngbọvu JIWHEYẸWHE tọn, É kọ̀n ohùn Etọn dai na ofligọ̀ mítọn. Kẹdẹdi Yẹwhenọ Daho de, É biọ fiwiwé fiwiwé lẹ tọn mẹ. Kẹdẹdi Owhẹ̀yídọtọ de, É yí owhẹ̀ do mí ji, po onú he pò lẹ po. Ewọ wẹ sọ yín Osé Gángán họ̀lọnglọ́nẹn tọn he ji ohọ̀ gbigbọnọ Etọn, yèdọ agùn Etọn yín gbigbá do (1 PITA 2:4-10). Whenuena agùn lọ na wá pipégan mẹ, whenẹnu Ewlọsu na yín ota agùn lọ tọn. Ewọ wẹ Alfa podọ Omẹga, Nukọntọ podọ Godotọ. Kẹdẹdi Ovi Gbẹtọ, Ewọ wẹ Yẹwhegán; kẹdẹdi Ovi Davidi tọn, Ewọ wẹ Ahọlu, kẹdẹdi Ovi JIWHEYẸWHE tọn, Ewọ lọ wẹ Mẹflitọ. Mẹdepope he mọ OKLUNỌ to ninọ̀mẹ helẹ mẹ to JIWHEYẸWHE de, dóna payi e go dọ, onú helẹ tin to dandan mẹ na titò daho podọ azọ́n JIWHEYẸWHE tọn hlan gbẹtọ lẹpo nido wá pipégan mẹ. Whenuena ojlẹ nado biọ madopòdo mẹ sọ̀, onú lẹpo na doalọ te, bọ mí na mọ JIWHEYẸWHE, Mẹhe basi popo to popo lẹpo mẹ. Whenuena azán jọmiọn tọn vọ̀, mí na duahọlu hẹ Klisti to owhè fọtọ́n mẹ (OSỌHIA 20:6). Pagbè daho wẹ É ná hlan mí to Owé OSỌHIA 3:20-21 tọn mẹ. To ahọludu owhè fọtọ́n tọn godo, wẹ owhẹ̀dida ofin wiwé tọn na yí tẹnmẹ, enẹ godo ogbẹ̀ madopòdo. ## Chapter navigation - [Previous chapter](https://nasa.misia.sk/book_chapters/6367.md) - [Book contents](https://nasa.misia.sk/books/1764.md) - [Next chapter](https://nasa.misia.sk/book_chapters/6369.md) ## Source - [Canonical HTML page](https://nasa.misia.sk/book_chapters/6368) - [Markdown representation](https://nasa.misia.sk/book_chapters/6368.md)