To Owé MATIU 24 tọn po Owé MALKU 13 tọn po, podọ Owé LUKU 21 tọn mẹ, Oklunọ ko sọ dọhó do nukọnyìyì go do ojlẹ he na jẹnukọnna kọlẹ́wá Klisti tọn. Enẹwutu, É zé whenu he lọ jlẹdo ojlẹ Noé tọn go (sọn GENẸSISI 6 jẹ ota 9 tọn mẹ), podọ do ninọ̀mẹ Sọdọmi po Gomọla tọn po go (GENẸSISI 19; LUKU 17). Mọwẹ e na te dilé e te to hóhówhenu dó, mọwẹ e sọ yín dó.

Do ayi e go, Ohó Jiwheyẹwhe tọn po gbèdidè núdidá tọn po yín hihiajẹ di núgbigble dogbọn azọ́nwhé aihọn lọ tọn lẹ tọn dali. Enẹ lọ tin hlan asú po asi po lẹ, hlan whẹndo lẹ, podọ hlan jọwamọ he pẹnzín lẹ.

Apọsteli Paul he yín núzinzán mítọn núyọ́nẹntọ, ko do ninọ̀mẹ lọ blebú hia to Owé LOMUNU 1:24-32 tọn mẹ, dọmọ: “Enẹwutu, Jiwheyẹwhe jo yé hlan ojlo gbémagbo tọn lẹ; na yèdọ yọnnu yetọn lẹ diọ zinzán jọwamọ do enẹ he jẹagọ̀ do jijọ go: mọkẹdẹ wẹ sunnu lẹ ga, yé nọ jo zinzán jọwamọ yọnnu tọn do, bo sọ nọ to winwàn to ojlo yetọn mẹ to yénọzo go: sunnu po sunnu po to onú he ma jẹ wà…” Do ayi e go, ehe lọ to ṣiṣẹ̀ to nukun mítọn mẹ podọ to otó mítọn mẹ.

Mọwẹ agùn lẹ lọsu to wiwà dó di gbigbọ ojlẹ he mẹ tọn he pò lẹpo. Na ehe gbọn godo tọn, mí sọgan hia do ohóta daho he mẹ, dọ, “Didiọ zinzán agùn katoliki tọn tọn. Na otò Vatikan tọn ko yígbèna zinzán sunnu po sunnu po tọn, podọ yọnnu po yọnnu po tọn. Yè tùnmẹ dọ, zinzán sunnu po sunnu po tọn kavi yọnnu po yọnnu po tọn sọgan hẹn adọkùn wá na piplimẹ yisenọ lẹ tọn gbọn zinzán yetọn po ninọ̀mẹ yetọn po dali…”

To aihọn mẹ, omẹ dopodopo tindo jlọjẹ nado nọ̀gbẹ̀ to ninọ̀mẹ he mẹ ewọ mọ dọ e yín dagbe te, bo sọ mọ dọ, yè ma na dotukla omẹ depope gba, na yè nido mọ ohóta kinklán tọn dogbọn zinzán yetọn lẹ dali. Enẹwutu, jlọjẹ gbẹtọ lẹpo tọn yín núhe to ote bọ yè ma sọ sọgan hẹngble gba. To popolẹpomẹ, hlan ewọ mẹhe yí Jiwheyẹwhe sè bo sọ yín jiji nugbo gbọn Gbigbọ dali to egbé, wẹ Ohó Jiwheyẹwhe tọn yín afọgbẹn nújijlẹ tọn hlan. Podọ ewọ mẹhe yín máhẹtọ to Agùn nugbo Oklunọ tọn tọn mẹ nọ dibusi gbèdidè núdidá Jiwheyẹwhe tọn tọn, to asú po asi po mẹ, podọ whẹndo lẹ mẹ, dẹnsọlé gbèdidè Agùn lọ tọn po titò Whlẹngan tọn he yè ná mí gbọn Ohó Etọn dali, mọwẹ ewọ dóna jo ede nado yín dido do Gbèdidè Jiwheyẹwhe tọn mẹ dó to ninọ̀mẹ agbasalan tọn mẹ podọ to ninọ̀mẹ gbigbọ tọn mẹ ga.

Ṣigba jẹnukọnna onú popo, núhe yè ko dègbè etọn hlan agùn lọ blebú to yẹwhehó tintan mẹ, ehe ko hú owhè fõ dinvie, yèdọ to didó Agùn Alẹ̀nù Yọ́yọ́ mẹ tọn lọ tọn whenu, dọmọ: “Mì lẹnvọjọ, na yè ni sọ baptizi dopodopo mìtọn to oyín Jesu Klisti tọn mẹ, na desẹ̀ ylando tọn, mìwlẹ nasọ mọ niná Gbigbọ Wiwé tọn yí. Na opagbe he hlan mì wẹ, podọ hlan ovi mìtọn lẹ, podọ hlan mẹhe tin to aganu lẹpo, podọ hlan omẹ sọha he Oklunọ Jiwheyẹwhe mìtọn na ylọ lẹ” (OWALỌ 2:38-39). Do ayi e go, yẹwhehó egbé tọn dóna tin to kọ̀ndopọ́ mẹ hẹ tintan lọ podọ na yisenọ owhèta Agùn godo tọn lọ tọn lẹ, núplọ́nmẹ lọ lẹpo yín dopolọ kẹdẹdi hlan yisenọ owhèta tintan mẹ tọn lẹ. Do ayi e go, ewọ mẹhe ma jo ede na Gbigbọ Wiwé nido dù to é ji bo ma sọ kẹalọyí fligọ̀ he yè námẹ lọ, ma sọ sọgan jo ede nado yín pinplán biọ lẹnvọjọ mẹ.

Na omẹ depope ma sọgan whlẹn ede gán gba; na omẹ dopodopo dóna ylọ Oyín Oklunọ podọ Whlẹngantọ lọ tọn, bo na biọ to whiwhẹ de mẹ, yèdọ jona po túndote po to odẹ̀ mẹ, bo sọ sọgan dó dọpọ́n dopolọ to egbé dogbọn ṣiṣẹ̀ ehe yè wlán dólé tọn, dọ: “Yè na whlẹn mẹdepope he ylọ oyín Oklunọ tọn gán” (LOMUNU 10:13); Na É dọmọ, “Yẹn ko sèhó towe to ojlẹ he yè kẹalọyí tọn de mẹ, To azán whlẹngan tọn gbè wẹ yẹn ko gọ́alọna we: dayi e go, dinvie wẹ ojlẹ he yè kẹalọyí lọ: dayi e go, dinvie wẹ azán whlẹngan tọn” (2 KỌLINTINU 6:2).

Gbọn ojọmiọn Jiwheyẹwhe tọn tọn mẹ, gbẹ̀zán yisenọ lẹ tọn yín hinhẹngọ̀wá gbèsisọ mẹ hẹ Ohó Jiwheyẹwhe tọn lọ, yèdọ to ninọ̀mẹ gbigbọ tọn po agbasalan mẹ tọn po mẹ. Na ewọ mẹhe tin to Ohó lọ kẹdẹ wẹ sọgan tin to ojlo Jiwheyẹwhe tọn mẹ, podọ e ma sọ yín ninọ̀mẹ he mẹ mí tin te he lọ mẹ wẹ mí na nọ̀ nado zinzọnlin po Jiwheyẹwhe po gba, adavo dilé Enọku ko wà do whẹpo yè do zé é yì (HEBLU 11:5). Mọwẹ ojlo dagbe Jiwheyẹwhe tọn na jẹdo mí ji dó, podọ di Asivu he pégán de, mí na biọ alọwle hùnwhẹ núdùdù Asisúnọ tọn mẹ. Niṣẹ! “Na ewọ nido dètọ́n hlan ede Agùn gigonọ de, he ma dó diho, kavi ehe gbì, kavi onú mọhunkọ tọn lẹ; ṣigba nido wé bo ma dóapà” (EFESU 5:27). Do ayi e go, titò owhẹntintọ́n núdùdù mimá tọn susu ko yín bibasi dai na osùn he já lẹ. Enẹwutu, yẹn to bibiọ mì dọ, mì ni flin mi to odẹ̀ mìtọn lẹ mẹ. Ehe to azọ́nwà sọn Jiwheyẹwhe de.

Br. Frank

To Owé MATIU 24 tọn po Owé MALKU 13 tọn po, podọ Owé LUKU 21 tọn mẹ, Oklunọ ko sọ dọhó do nukọnyìyì go do ojlẹ he na jẹnukọnna kọlẹ́wá Klisti tọn. Enẹwutu, É zé whenu he lọ jlẹdo ojlẹ Noé tọn go (sọn GENẸSISI 6 jẹ ota 9 tọn mẹ), podọ do ninọ̀mẹ Sọdọmi po Gomọla tọn po go (GENẸSISI 19; LUKU 17). Mọwẹ e na te dilé e te to hóhówhenu dó, mọwẹ e sọ yín dó.

Do ayi e go, Ohó Jiwheyẹwhe tọn po gbèdidè núdidá tọn po yín hihiajẹ di núgbigble dogbọn azọ́nwhé aihọn lọ tọn lẹ tọn dali. Enẹ lọ tin hlan asú po asi po lẹ, hlan whẹndo lẹ, podọ hlan jọwamọ he pẹnzín lẹ.

Apọsteli Paul he yín núzinzán mítọn núyọ́nẹntọ, ko do ninọ̀mẹ lọ blebú hia to Owé LOMUNU 1:24-32 tọn mẹ, dọmọ: “Enẹwutu, Jiwheyẹwhe jo yé hlan ojlo gbémagbo tọn lẹ; na yèdọ yọnnu yetọn lẹ diọ zinzán jọwamọ do enẹ he jẹagọ̀ do jijọ go: mọkẹdẹ wẹ sunnu lẹ ga, yé nọ jo zinzán jọwamọ yọnnu tọn do, bo sọ nọ to winwàn to ojlo yetọn mẹ to yénọzo go: sunnu po sunnu po to onú he ma jẹ wà…” Do ayi e go, ehe lọ to ṣiṣẹ̀ to nukun mítọn mẹ podọ to otó mítọn mẹ.

Mọwẹ agùn lẹ lọsu to wiwà dó di gbigbọ ojlẹ he mẹ tọn he pò lẹpo. Na ehe gbọn godo tọn, mí sọgan hia do ohóta daho he mẹ, dọ, “Didiọ zinzán agùn katoliki tọn tọn. Na otò Vatikan tọn ko yígbèna zinzán sunnu po sunnu po tọn, podọ yọnnu po yọnnu po tọn. Yè tùnmẹ dọ, zinzán sunnu po sunnu po tọn kavi yọnnu po yọnnu po tọn sọgan hẹn adọkùn wá na piplimẹ yisenọ lẹ tọn gbọn zinzán yetọn po ninọ̀mẹ yetọn po dali…”

To aihọn mẹ, omẹ dopodopo tindo jlọjẹ nado nọ̀gbẹ̀ to ninọ̀mẹ he mẹ ewọ mọ dọ e yín dagbe te, bo sọ mọ dọ, yè ma na dotukla omẹ depope gba, na yè nido mọ ohóta kinklán tọn dogbọn zinzán yetọn lẹ dali. Enẹwutu, jlọjẹ gbẹtọ lẹpo tọn yín núhe to ote bọ yè ma sọ sọgan hẹngble gba. To popolẹpomẹ, hlan ewọ mẹhe yí Jiwheyẹwhe sè bo sọ yín jiji nugbo gbọn Gbigbọ dali to egbé, wẹ Ohó Jiwheyẹwhe tọn yín afọgbẹn nújijlẹ tọn hlan. Podọ ewọ mẹhe yín máhẹtọ to Agùn nugbo Oklunọ tọn tọn mẹ nọ dibusi gbèdidè núdidá Jiwheyẹwhe tọn tọn, to asú po asi po mẹ, podọ whẹndo lẹ mẹ, dẹnsọlé gbèdidè Agùn lọ tọn po titò Whlẹngan tọn he yè ná mí gbọn Ohó Etọn dali, mọwẹ ewọ dóna jo ede nado yín dido do Gbèdidè Jiwheyẹwhe tọn mẹ dó to ninọ̀mẹ agbasalan tọn mẹ podọ to ninọ̀mẹ gbigbọ tọn mẹ ga.

Ṣigba jẹnukọnna onú popo, núhe yè ko dègbè etọn hlan agùn lọ blebú to yẹwhehó tintan mẹ, ehe ko hú owhè fõ dinvie, yèdọ to didó Agùn Alẹ̀nù Yọ́yọ́ mẹ tọn lọ tọn whenu, dọmọ: “Mì lẹnvọjọ, na yè ni sọ baptizi dopodopo mìtọn to oyín Jesu Klisti tọn mẹ, na desẹ̀ ylando tọn, mìwlẹ nasọ mọ niná Gbigbọ Wiwé tọn yí. Na opagbe he hlan mì wẹ, podọ hlan ovi mìtọn lẹ, podọ hlan mẹhe tin to aganu lẹpo, podọ hlan omẹ sọha he Oklunọ Jiwheyẹwhe mìtọn na ylọ lẹ” (OWALỌ 2:38-39). Do ayi e go, yẹwhehó egbé tọn dóna tin to kọ̀ndopọ́ mẹ hẹ tintan lọ podọ na yisenọ owhèta Agùn godo tọn lọ tọn lẹ, núplọ́nmẹ lọ lẹpo yín dopolọ kẹdẹdi hlan yisenọ owhèta tintan mẹ tọn lẹ. Do ayi e go, ewọ mẹhe ma jo ede na Gbigbọ Wiwé nido dù to é ji bo ma sọ kẹalọyí fligọ̀ he yè námẹ lọ, ma sọ sọgan jo ede nado yín pinplán biọ lẹnvọjọ mẹ.

Na omẹ depope ma sọgan whlẹn ede gán gba; na omẹ dopodopo dóna ylọ Oyín Oklunọ podọ Whlẹngantọ lọ tọn, bo na biọ to whiwhẹ de mẹ, yèdọ jona po túndote po to odẹ̀ mẹ, bo sọ sọgan dó dọpọ́n dopolọ to egbé dogbọn ṣiṣẹ̀ ehe yè wlán dólé tọn, dọ: “Yè na whlẹn mẹdepope he ylọ oyín Oklunọ tọn gán” (LOMUNU 10:13); Na É dọmọ, “Yẹn ko sèhó towe to ojlẹ he yè kẹalọyí tọn de mẹ, To azán whlẹngan tọn gbè wẹ yẹn ko gọ́alọna we: dayi e go, dinvie wẹ ojlẹ he yè kẹalọyí lọ: dayi e go, dinvie wẹ azán whlẹngan tọn” (2 KỌLINTINU 6:2).

Gbọn ojọmiọn Jiwheyẹwhe tọn tọn mẹ, gbẹ̀zán yisenọ lẹ tọn yín hinhẹngọ̀wá gbèsisọ mẹ hẹ Ohó Jiwheyẹwhe tọn lọ, yèdọ to ninọ̀mẹ gbigbọ tọn po agbasalan mẹ tọn po mẹ. Na ewọ mẹhe tin to Ohó lọ kẹdẹ wẹ sọgan tin to ojlo Jiwheyẹwhe tọn mẹ, podọ e ma sọ yín ninọ̀mẹ he mẹ mí tin te he lọ mẹ wẹ mí na nọ̀ nado zinzọnlin po Jiwheyẹwhe po gba, adavo dilé Enọku ko wà do whẹpo yè do zé é yì (HEBLU 11:5). Mọwẹ ojlo dagbe Jiwheyẹwhe tọn na jẹdo mí ji dó, podọ di Asivu he pégán de, mí na biọ alọwle hùnwhẹ núdùdù Asisúnọ tọn mẹ. Niṣẹ! “Na ewọ nido dètọ́n hlan ede Agùn gigonọ de, he ma dó diho, kavi ehe gbì, kavi onú mọhunkọ tọn lẹ; ṣigba nido wé bo ma dóapà” (EFESU 5:27). Do ayi e go, titò owhẹntintọ́n núdùdù mimá tọn susu ko yín bibasi dai na osùn he já lẹ. Enẹwutu, yẹn to bibiọ mì dọ, mì ni flin mi to odẹ̀ mìtọn lẹ mẹ. Ehe to azọ́nwà sọn Jiwheyẹwhe de.

Br. Frank