---
type: BookChapter
work_id: '378'
book_url: https://nasa.misia.sk/books/2102
book_markdown_url: https://nasa.misia.sk/books/2102.md
language: rw
position: 74
canonical_url: https://nasa.misia.sk/book_chapters/6426
markdown_url: https://nasa.misia.sk/book_chapters/6426.md
markdown_source: converted
translations:
  rw: https://nasa.misia.sk/book_chapters/6426.md
---

# Urwandiko mbwirwabose Ukuboza 2009

## Ku bw’imyunvire myiza

Ushaka gusobanukirwa neza urwandiko rwa mbere rw’abatesalonika 4:6, agomba kubanza gusoma ibyanditswe muri Zaburi 47:6: “*Imana izamukanye impundu, Uwiteka azamukanye ijwi ry’impanda*”. Dusanga ayo magambo amwe mu rwandiko rwa mbere rw’abatesalonika 4:6: ijwi rye riranguruye ritegeka (ijwi rirenga) rikimara kunvikana, impanda y’imana izavuga, noneho Umwami ubwe amanuke. Amaze gusohoza umurimo we wo gucungura, Intwari yanesheje I Karuvari yazamutse mu ijuru kandi hamwe n’akamo azamukana abera bo mu Isezerano rya kera bazutse (Matayo 27:45-53). Icyo gihe niho iri Jambo ryasohoye: “*Mwa marembo mwe nimwunamuke, mwa marembo y’iteka mwe nimweguke, kugira ngo Umwami nyir’ icyubahiro yinjire, Uwo Mwami w’icyubahiro ni nde? Ni Uwiteka nyir’imbaraga n’amaboko, ni Uwiteka ufite amaboko mu rugamba*” (Zaburi 24:6-7).

Imirongo ikurikira nayo ijyanye n’ibyo: 

“*Uwiteka yatanze ijambo – ijwi ry’intsinzi*…” (Zaburi 68:12a, Bibilia yo mu Kidage)

“*Warazamutse ujya ahirengeye, ujyana kunyaga nk’umunyago, waherewe abantu impano*” (Zaburi 68:19a).

*“N**icyo gituma havugwa ngo: amaze kuzamuka mu ijuru, ajyana iminyago myinshi, aha impano abantu**…”* (Abefeso 4:8)

Umwami, Umucunguzi, azamanukana na rya jwi rirenga ry’intsinzi, ijwi ritegeka ry’imbaraga nyinshi, nuko abapfiriye muri Kristo babanze bazuke: “*Ibyo ntibibatangaze, kuko igihe kigeze ubwo abari mu bituro bazunva ijwi rye, nuko bagasohoka. Abazaba barakoze ibyiza bazazukira guhabwa ubugingo*(umuzuko wa mbere), *ariko abazaba barakoze ibibi bazukire gucirwa urubanza*(kuzuka kwa kabir)” (Yohana 5:28-29; Ibyahishuwe 20: 11-15).

Ubwo yazamukaga, abamarayika baravuze bati: “…*Uyu Yesu ubakuwemo akazamurwa mu ijuru, azaza (azagaruka) atyo nk’uko mwamubonye ajya mu ijuru*” (Ibyakozwe 1:11). Nuko imiryangi imeze nk’amasaro izakingurwa, twinjire muri Yerusalemu nshya. Aleluya ! Umugeni we arimo aritegura ubu. Amina.


## Chapter navigation

- [Previous chapter](https://nasa.misia.sk/book_chapters/6425.md)
- [Book contents](https://nasa.misia.sk/books/2102.md)
- [Next chapter](https://nasa.misia.sk/book_chapters/6427.md)

## Available translations

- [Kinyarwanda](https://nasa.misia.sk/book_chapters/6426.md)

## Source

- [Canonical HTML page](https://nasa.misia.sk/book_chapters/6426)
- [Markdown representation](https://nasa.misia.sk/book_chapters/6426.md)