--- type: BookChapter work_id: '2275' book_url: https://nasa.misia.sk/books/2278 book_markdown_url: https://nasa.misia.sk/books/2278.md language: rn position: 14 canonical_url: https://nasa.misia.sk/book_chapters/7418 markdown_url: https://nasa.misia.sk/book_chapters/7418.md markdown_source: converted translations: rn: https://nasa.misia.sk/book_chapters/7418.md --- # EBARUHA EMPIKA HOONA - Okwakashatu 1983 ## Ekintu ky`okuteekateekaho Okugaruka kw`Ekanisa ya Israeli okuruga omu bukwata bwa Babulooni n`okwomugasho gw`omutaano ahari itwe. Nitubaasa kukishomaho omuri Ezira hamwe na Nehemia 8, nitushoma *“Bwanyima abantu baateeranira hamwe nk`omuntu omwe…”*Abantu baakateerana hamwe kuhurira Ekigambo kya Ruhanga. Israeli yoona ekagaruka yareeba obusya eki Ruhanga yabeire yateekateekire kandi hamwe n`ekiyabeire nayenda kukora nabo. Bakateerana n`omutima gumwe bahurira eki Ruhanga yabaire nayenda kubagambira omu bucureezi kandi biikiriza Ekigambo kya MUKAMA okushenshera omu Myoyo yaabo. Obwo reero, okwikiriza okuhuriire kwimuka omuribo, kuri kugyendera hamwe n`ekibabeire nibakora. Obwo babaasa kuhika aha musingi ogwa kare. Omurimo gw`okugaruka kwombeka Hekalu gwatandika. Bakaba bari omu bumwe kandi n`okutinisirizibwa okwabeire nikuruga aheeru kwaretera abantu ababiire barugire omu bukwata bakagaruka omuka bayeyongyera kutuura omu bumwe. Okuteerana kw`abantu ba Ruhanga nakwo kukaba nikumanyisa okuruga Babulooni. Okuhikirira kw`ebi Ruhanga yabaire yaraganise abantu be bikaba bitakabasa kubaho bakiri omuri Babulooni. Babulooni n`ensi yaheeru kandi Ruhanga tarikubaasa kutubuganirayo. N`ahabw`ekyo, obwahati Ruhanga Ariyo nayeta: *“Mururugyemu, imwe bantu bangye …” “Orurembo orukuru Babulooni rugwire, rugwire! Ruhindukire obutaaho bwa baadaimoni, n`obweshereko bw`emyoyo yoona emibi n`obwamahungu goona amabi agarikunugwa,”*(okush. 18:2-3). Kandi nabwe hona omu biro bya Yoshua, abaana ba Israeli bakaza ahansi y`omuceeno ahabw`okuba Akani ow`omuruganda rwa Yuda akatwaara ekijwaro kya Babulooni kirungi okuruga Yeriko. Omu kijwaro omwo akaba nabaasa kusherekamu efeeza n`ezaabu nazo ezi yabiire ayibire. Okurugira kimwe omu biro by`okuhunduuza. Obukwatwa bw`Ekanisa haza obwe eri kukwatwa Babulooni bukabiire bwahwireho kwonka Ekanisa zoona eziri kuhakanisa obukaturiki kandi hamwe n`ezindi kanisa (free churches) bakatwaara ebintu kuruga Babuloona ebyabiire byakyeenirwe. Zemerereirwe enyegyesa zitari zimwe, okumanya emigyenzo hamwe n`ebi babiire nibakora. N`obu kiraabe kiri kityo hati obwiire bwa Ruhanga kukora buhikire. Rukaba ruri oruganda rwa Yuda omu Yesu yabiire nayenda kuretwa ajwiire omubiri ahu bashangire ekijwaro kya Babulooni – niyo nshonga ahabw`enki Ruhanga yabaire atakabaasa kuhereza abantu be omugisha. Obu hati, MUKAMA naafa aha Kanisa ye okuruga omuri yo omwana w`omwojo (man – child) – omusinguzi omwarizaarwa. N`ahabw`ekyo, ahangire amaisho agarinka endimi z`omuriro ahari abo abarikwenda kuhikriza ekigyendererwa kye. Twaaba tukiine ekintu ekiri kuruga Babulooni omuri itwe, Ruhanga tarikubaasa kworeka businguzi bwe – nk`oku yakubiire nayeenda. Ti kiri kumara okuruga omu madiini hamwe n`okwanga enyegyesa ezi tari mubyahabdikirwe, okwihaho tushemereire kwikiriza ookuhabura kwoona okututungire okuruga omu kigammbo kya Ruhanga tubone kugarukira kimwe busya, tweshwijume kandi tutanire kimwe naburi kimwe ekitarikwikirizana n`Ekigambo kya Ruhanga kandi kikuruga Babulooni. Obwiire obwingi ti turi kumanya ngu ebintu ebyo tubyiine kandi nitubaasa kubireeba nk`ebitiine mugasho, kwonka akatumbisa kakye katumbisa ekihuro kyona. Omu biro bya Yesu Abayudaaya bakaba nibateekateeka ngu nibakora nk`oku ebiragiro n`abanabi baragiira. N`obu kirabe kyabiire kiri kityo, bakaba nibakora nk`oku ebihandiiko ebyakomookire Babulooni ebibatungire obubabiire bari omu bukwatwa bwa Babulooni. Ekizibu nikyo kimwe ekiri omu Bukristaayo bw`ebiro ebi. Ebigombe by`abakristaayo hamwe n`agandi makanisa tigahamiire aha Kigambo kya Ruhanga, okwihaho gahamiire aha ncwamu ezi bacwiiremu obu babiire bari “omu bukwaatwa bwa Babulooni” omu nkiiko kandi hamwe n`omunkiiko z`aba bishopu (Synod). Omuri Mat. 16:5-12, Yesu naagamba butunu: *“Reeba mwerinde ekitumbisa ky`Abafarisaayo n`Abasadukaayo”*Eki nikikwata aha nyegyesa zitari mu byahandikirwe ezitari kuruga aha Mwoyo wa Ruhanga, okwihaho zikuruga aha muzigu owazitandikireho kandi akashenshenshera n`omu makanisa, hamwe n`omu bantu okurabira omu nyegyesa ezo. Ezi nyegyesa tikugira ngu zirimu ebintu bya Sitaani byonka, okwe tikwo kiri, ebingi ahari byo nibirebeeka nk`eby`ediini kandi “nk`eby`omwoyo”. Okurabira omu nyegyesa ezi emizimu netuunga obugabe bw`okukora emirimo yaayo kandi okugarurwa busya okuri kuruga ahari Ruhanga okurabira omu Kigambo ky`obunabi ekishuurirwe nikyetagwa okugira ngu tubaase okwetegyereza byona ebitari mu byahandikirwe kandi tubinage hare. Ti kiri kumara okwatura n`akanwa kaitu ngu tutungire ekiga kya Ruhanga kya akaire aka. Omwoyo Orikwera nayenda ngu atwebembere omu mazima goona ag`Ekigambo ekishuriirwe. Tutwiire omu biro by`obunabi, kwonka okuhamya kwa Ruhanga ti kuraaze kwiija twaaba tukyayakiire eki Ruhanga ariyo naagamba okurabira omu magezi gaitu. Baingi babasize kushukwa okurbira omu bwengye bw`abantu, kwonka omu by`omwoyo tibagasirwemu. Kandi obwe, omugore Kigambo, oherize kuzaarwa Ruhanga, ariho omu bwiire obu. Omugore naaza kwakiira kandi ayikirize ebintu bibiri. Ekigambo ekishuriirwe hamwe n`Omwoyo kandi omu biro byahaihi areebe okumariira kw`omurimo gwa Ruhanga. Omu bwiire obu nihaza kurebeka abari kuhereeza Ruhanga n`emitima yaabo kandi hamwe naabo abari kuhereeza Ruhanga n`eminwa Yaabo, abo abajunirwe kurabira omu kwikiriza Yesu kandi baakaronda kandi bakabona okurabira omu shagama y`omwana gw`entaama, eyasheshirwe, abari kutwara Ekigambo kya Ruhanga nk`embibo ya Ruhanga omu mitima yaabo kandi hamwe n`abao abakiine aha minwa yaabo honka. Abo boona abari kwikiriza n`emitima yaaboboona ngu Ruhanga naagamba naitwe okurabira omu Kigambo kye eky`obunabi nibaza kukiratira okweeta okw`okw`okumariira kandi baakiire buri Kigambo kya Ruhanga nk`oku naitwe twakihiirwe. Abaana ba Ruhanga ab`amazima tibari kugarukira aha kumanyana n`omuhuuku wa Ruhanga, ou Ruhanga ari kukozesa nka akanwa ke, okwihaho nibamanyana na Ruhanga wenka owabetetiire kandi akabegarurira. Nibahinduka ebuhangirwe bisya okurabira omu murimo gwa Ruhanga ogw`embabazi. Okukora kwa Ruhanga ni kutandika omu myoyo yaabo kandi kweyorekyera omu magara gaabo ag`obutoosha. Ow`ishe-emwe Branham akagamba aha byanga (Realms) bishatu by`omuntu kandi yashoboroora ngu omwe nabaasa kuba ashukirweho Omwoyo Orikwera omu kyanga kya kabiri, omu mwoyo gwe weenka, n`obu amagara g`omuntu ogwe gkuba gari ag`okubura. Naaba atajunirwe n`akakye. Okujunwa kw`amagara niyo nshonga nkuru. Nigwo muringo gumwe gw`omuntu owaija kwikiriza okugira obusingye na Ruhanga. Embibo y`ekigamo eri omu magara. Omwoyo nakuza embibo kandi areeta amagara masya omuri Ruhanga. Ekiragiro kya Ruhanga kiri ngu *“… buri mbibo neyezaara”.*N`ahabw`ekyo, nikwo kiri hoona omu buhangwa; hamwe na buri kika ky`ebimera n`ebinyamishwa kandi nikwo kiri kityo n`aha baana ba Ruhanga. Ti kiri kubaasa kuhinduka. Ruhanga n`owaazima ebio byona. Embibo ya Ruhanga eruura eri embibo ya Ruhanga kandi eryaguma eri embibo ye ebiro byona. Nk`oku kiri eky`amazima ngu Ekigambo kikajwaara omubiri omuri Kristo kandi kyatwara ekishushwani ky`omubiri, nikwo kiri n`ahati Kristo ariyo nahinduka ohuriire omu bikiriza. Tituriyo nituzaana n`ebigambo hanu. Ezi n`enshonga nkuru z`obwaRuhanga z`omugasho nk`oku kyahandiikirwe ahari MUKAMA kandi omujuni waitu; *“Ryareebaebirikuruga omu busaaasi bw`amagara ge, amarwe.”*(Isa. 53:11). We wenka amagara ge gakaraba omu kuboonaboona kw`amaani okugira ngu amagara gaitu gabaase kujunwa. Yesu Kristo n`omwana wa Ruhanga, omujigaijo omu b`eishe-emwe baingi. Omujigaijo omu byahangirwe byoona. Nka batabani kandi bahar aba Ruhanga, okurabira omu Kigambo kimwe n`omu Mwoyo omwe, nituza kuhinduka abaana b`abajigaijo twine engesho zimwe n`obuhangwa bumwe nka we. Abo abari kwikiriza ebyaraganisiibwe omu mazima nibatuunga omugabo gw`obuhangwa bwa Ruhanga. (2 Pet. 1). Eki nikyo kigyezo ekitwiine kurabamu naitwe. Kikahandiikwa *“Ahabw`okukunda kwe akatuzaaza Ekigambo ky`amazima, ngu tube nk`emijigaijo y`ebi yaahangire”* (Yak.1:18). Nitwetwa okubaho okurabira omu Kigambo ekyagambirwe. N`ahabw`ekyo ni tukishoma. Ekigambo, eshagama kanddi hamwe n`Omwoyo nibikorera hamwe omu mwikiriza. Engiri eijwiire nebitwariramu byoona. Buri mbibo neija kwezaara okurugira kimwe aha kutandika okuhikira kimwe aha muheru. Ku turaabe turi embibo ya Ruhanga, aha muheru nituza kushushwana na baana ba Ruhanga ababandiize. Ebyahandikirwe ebiri kwera nibitworeka oku embibo zoombi ibiri eziri kuhakanisana oku ziri kushushwa ezabiire ziri omu nsi okuruga omu kutandika. Namunonga ebiri kukwata ahari Kaini na Abeeli biine bingi by`okutugambira. Boona bakaba baine okwehayo, boona bakaba nibashaba kwonka omwe wenka ahari we akatuunga okugarukwamu kuri kuruga owa Ruhanga. Ondiijo yayoreka obuhangwa bwanyima yayita mwine nyina. Saul ku yashukirweho amajuta nk`omugabe, Omwoyo wa Ruhanga akamwijaho kandi yaragura, kwonka amagara gakaba gatahindukire. Kikaba kiri ekintu eky`okutaanira kimwe n`ekya Dauidi. Daudi akshukwaho Omwoyo n`omuntu niwe omwe owashukire Omwoyo ahari Saul, kwonka omuri Daudi Omwoyo taragarukiire “omu kyanga ekyakabiri honka” okwihaho Omwoyo akamutahira kimwe omu magara ahabw`okuba omwe nimwe Ekigambo kya Ruhanga kyabiire kiri, ekyabaire kyamuhairwe nk`ekiraganiso kandi kyareeta amagara masya g`obwa Ruhanga. Egi ni yo yanaama na Ruhanga. Daudi akaba atakaharana, Saulo akaba atakagira Rukundo. Obu Daudi yabiire asingura Saulo, akagira ati *“yaagira abashaija be ati: Nikikabure nyowe okukora ntyo mukama wangye, ou MUKAMA yaashukireho amajuta, okumubangira omukono, haza MUKAMA yaamushukireho amajuta”*(1 Sam. 24:6). Daudi owabiire nashushanisibwa n`embibo ya Ruhanga eya mazima, owayakiire ebi Ruhanga Yaraganiise, owagambire ebigambo by`obunabi n`akanwa ke, akaha ekitiinisa okushukwaho amajuta kwa Saulo, owabiire atiine Ekigambo ekyaraganisiibwe. Saulo akaba akwatsirweho Omwoyo “omu kyanga kyakabiri honka”. Akaba nabaasa kuragura kandi aruumba Daudi. N`obu kirabe kyabiire kiri kityo, Daudi akaba aijwiire Omwoyo “omu kyanga kyakashatu” omu magara ge, ahabw`okuba okurabira omu kumanywa ensi etakabeireho akatebwamu Ekigambo kya Ruhanga. Saulo nawe akakora nka nabi aheeru yaragurira omu maani, kwonka obuhangwa bwe buri obundi. Okurabira omu kyokureberaho eki nitubaasa kureeba kandi twetegyereze ahabw`enki ow`eishe-emwe Branham yatiire amaani miingi aha mbibo y`Ekigambo kya Ruhanga omu matebezi ge. Daudi akamanywa ensi etakabeireho ku ariba omugabe, Ekigambo ekyaraganisiibwe kikaba kiri omu magara ge. Saulo akatoranwa okurabira omu magezi g`abantu. N`ahabw`ekyo Ruhanga kikaba kitari kumwetengyesa kugira ngu ate aha bya Saulo omutima. Enaama yoona n`eshangwa omu kumanya Ruhanga ensi etakabeireho kurabira omu kutoraanwa kworekirwe kurabira omu kukundwa kwe (Abarooma 9:11). Nitukishanga munonga omu itebezo eriri kwetwa abashukirweho amajuta omu biro by`aha muheru ahu ow`eishe-emwe Branham yagambiire butunu aha kushukwaho kw`Omwoyo, okuri kubaasa kwiija ahu buri omwe obwe obariremu naabo abatakakiire Kigambo kya Ruhanga omu magara gaabo. Ebe enjura yaburiijo nari enjura y`omwoyo, tihariho njura eri kureeta embibo, negisukyeera bushukyeera. Nikwe kiri n`aha izooba rya buriijo n`aha izooba ry`okuhikiriira – niriza kuretera embibo eya byirwe okukura. N`ahabw`ekyo ti kugira ngu kyegamiire enjura nari izooba n`obu kiraabe kiri ngu byoona nibyetengwa omu kukura, okwihaho aha muriingo gw`embibo. Nitubaasa kutunga okuhindurwa okuhikire hamwe n`okugarurwa busya omu magara gaitu okugira ngu okubaho kwa Yesu kurebekyere omuri itwe. Obwe reero Ruhanga Abaase kutwara omu maisho omurimo gwe omu mugore we nk`oku yaakiteekatekire. ## Chapter navigation - [Previous chapter](https://nasa.misia.sk/book_chapters/7417.md) - [Book contents](https://nasa.misia.sk/books/2278.md) - [Next chapter](https://nasa.misia.sk/book_chapters/7419.md) ## Available translations - [Runyankole](https://nasa.misia.sk/book_chapters/7418.md) ## Source - [Canonical HTML page](https://nasa.misia.sk/book_chapters/7418) - [Markdown representation](https://nasa.misia.sk/book_chapters/7418.md)