---
type: BookChapter
work_id: '378'
book_url: https://nasa.misia.sk/books/2286
book_markdown_url: https://nasa.misia.sk/books/2286.md
language: rn
position: 103
canonical_url: https://nasa.misia.sk/book_chapters/7463
markdown_url: https://nasa.misia.sk/book_chapters/7463.md
markdown_source: converted
translations:
  rn: https://nasa.misia.sk/book_chapters/7463.md
---

# EBARUHA ERIKWETOROORA - Okw`ikumi-n`ebiri 2009

## Kigambo okuhinduka omuntu

Nikimanywa gye ngu engiri ya yohaana netandika n`ebigambo ebi *“Bwa mbere na mbere hakaba hariho kigambo; kigambo ogwo akaba atuura na Ruhanga; kandi kigambo akaba ari Ruhanga.”*Ekigambo “ekigambo” kikavunuurwa okuruga omu kigambo ky`orugiriiki Logos. N`obu kirabe kiri kityo, ekigambo ky`oruheburayo Dabar kandi kiine amakuru agamaani ashatu: okugamba, okuragiira, okwanjura enshonga. N`ahabw`ekyo, okurugira kimwe aha kutandika hakaba hariho ogwo owagambire kikakorwa; akaragiira aho naaho kyabaho. Obwe reero, aho okwanjura kwe byarugire omu byahandikirwe kwabaasa kuhandikwa.

Aha muheru, ebyahandikirwe ebi nibigamba ahari ogwe omwe wenka ku niwe ariho; ni kigambo, ogwe ori kugamba, kandi ogwe orikukora – niwe byona omuri byona.

*“Omu kutandika Ruhanga akahanga eiguru n`ensi.”*(Okutandika 1:1).

*“Ekigambo kya MUKAMA nikyo kyahangire eiguru; N`omwitsyo gw`omukanwa ke nigwo gwahangire amahe gaamwo goona.”*(Zaaburi 33:6).

*“Ahakuba akagamba, kyaba kwo, yaaragiira, kyahama.”* (Zaaburi 33:9).

*“okataho omusingi gw`ensi ira n`ira, n`eiguru rikahangwa emikono yaawe.”*(Zaaburi 102:25).

*“Ebintu byona niwe yaabuhangire, kandi omu byahangirwe byona tihariho kintu na kimwe eki atarahangire.”* (Yohaana 1:3).

*“Kandi ati: Iwe, MUKAMA, omu kutandika okataho omusingi gw`ensi, n`eguru rikahangwa emikono yaawe…”*(Abaheburaayo 1:10).

*“MUKAMA Ruhanga waitu, oshemereire kuhimbisibwa n`okuheebwa ekitiinisa n`obushoboorozi, Ahabw`okuba niiwe waahangire byona; Ahabw`okukunda kwawe bikahangwa kandi byabaho.”*(Okushuuruurwa 4:11).

Ekigambo Dabar, ekyavunwirwe nka Logos, ni MUKAMA we wenka owajwiire omubiri kandi akatuura omuri itwe. Amiina.


## Chapter navigation

- [Previous chapter](https://nasa.misia.sk/book_chapters/7462.md)
- [Book contents](https://nasa.misia.sk/books/2286.md)
- [Next chapter](https://nasa.misia.sk/book_chapters/7464.md)

## Available translations

- [Runyankole](https://nasa.misia.sk/book_chapters/7463.md)

## Source

- [Canonical HTML page](https://nasa.misia.sk/book_chapters/7463)
- [Markdown representation](https://nasa.misia.sk/book_chapters/7463.md)