--- type: BookChapter work_id: '378' book_url: https://nasa.misia.sk/books/2286 book_markdown_url: https://nasa.misia.sk/books/2286.md language: rn position: 105 canonical_url: https://nasa.misia.sk/book_chapters/7465 markdown_url: https://nasa.misia.sk/book_chapters/7465.md markdown_source: converted translations: rn: https://nasa.misia.sk/book_chapters/7465.md --- # EBARUHA ERIKWETOROORA - Okw`ikumi-n`ebiri 2009 ## Entebekanisa nungiy`omumwanya gwayo nk`oku kyorekirwe omu kitabo ky`okushuuruurirwa. Omu kitabo ky`okushuuruurirwa 1, nitureeba omucunguzi nk`omwana w`omuntu arikutamburira ahagati y`amatabaaza mushanju g`ezaabu. Omu mukono gwe gwa buryo akwatsire enyonyozi mushanju; omukanwa keye hakurugamu rurara ya amoogi abiri kandi amaisho ge arikumurinkana nka izooba eriri kwaka munoonga. Omu shuura ya kabiri n`eya kashatu, nitushangamu OKU NIKWO MUKAMA ARIKUGIRA erikwoherezibwa ba maraika mushanju b`amakanisa mushanju. Kandi buri muheru gw`obutumwa, abasinguzi nibahebwa okuraganisibwa buri mugigi. Omu shuura ya kana, Yohaana akareeba MUKAMA aha kitebe ky`obukama, ekyabaire kyehingurizibwe omuhangazima. Akareeba enyanja y`endeeberwamu, akareeba ebihangirwe ebyine amagara bina, abakuru abiri nabana, kandi akahurira ebigambo ebi: “*Arikwera, Arikwera, Arikwera, MUKAMA Ruhanga ow`obushoborozi bwona, owaabaire ariho, Oriho, kandi Oribaho.”* Omu shuura ya katano. Yohaana akareeba omu mukono gwe gwa buryo gw`ogwe owabaire ashutami aha kitebe ky`obukama n`ekitabo ky`obumanyiso mushanju. Yahurira omukuru nagira ati, *“otarira: reeba, y`omuruganda rwa Yuda… nabaasa kushuuruurirwa ekyo kitabo n`okubambuura obumanyiso bwakyo mushanju.”*Ahanyima akareeba omwana gw`entaama ogwabaire gwitsirwe, kandi yatwaara ekitabo yashuruura obumanyiso obwabaire burimu. Omu shuura ya mukaaga (eny. 1-8), nitumanyira kimwe ebyarangirirwa omu bwire obw`okubambura obumanyiso buna obw`okubanza. Obumanyiso buna bwokubanza nibworeka omuzigu wa Kristo oku yagumizemu nakora omu miring ena eyamakanisa okuhika aha kumarira kw`emigigi. Omu kamanyiso kakataano (eny. 9-11), nitureeba abayudaaya abaitsirwe abu emyoyo yabo eri ahnsi y`eitambiro bataka na eiraka rihaango ngu Ruhanga ahoore enzigu. Baaragirwa kurinda ogundi mwanya mukye bahuumwire, okuhitsya omuhendo gw`abahereeza bagyenzi bbo na beene baabo, abarikwija kwitw nkabo omu kubonabonesibwa nk`oku bakozire omu biro by`okuhiganisibwa. Omu kamanyiso ka mukaga (eny. 12-17) nitugambirwa omubwijwire ebirikwija kubaho ahanyima y`okutwarwa (Rapture) omubibonaboneso ebyamaani. Obwe izooba riryahinduka omwirima kandi okwezi kuryaba nk`eshagama kandi enyonyozi ziryagwa okuruga omu iguru (6:12). Kandi nikwo byabaire byahandikirwe omuri Joeli 2:31, 3:15, hamwe na ebyakozirwe 2:20. Nikwo boona babase kwetegyereza nakuta byona omu mwanya gwabyo n`ebikubaho bikwatiraine n`obunabi obwomu Baiburi, kwihirira ahi ki MUKAMA waitu yagambire kandi tumanya au bikwenda kuberaho: “*ahonaaho**eizooba riryahinduka omwirima, n`okwezitikuryaka, n`enyonyozi ziryaragara niziruga omu iguru, n`ebyamaani eby`omu iguru biryatengesibwa…”*(Matayo 24:29). Akamanyiso ka mukaaga niyo ntandikiro y`okutaaha omu kiro kya MUKAMA waitu, izooba ry`ekiniga. Oku nikwo kihandikirwe: *“ku yabambwiire akamanyiso aka mukaaga nareeba omutsitsa mwingi**eizooba ryairagura nka ebiguniya by`ebyoya ebirikwiragura n`ikwezi kwahindduka nk`eshagama**…ahakuba ekiro kikuru ky`ekiniga kyabo kyahika; n`oha orikubaasa kukyemera?”* (Okushuuruurirwa 6:12-17). Ow`eishe-emwe Branhama akaba nayenda kuburira aha nzaamba mushanju, kwonka akagambirwa ngu ebyo bikaba bitari by`ekanisa; kwihaho, bakamugira ngu nibikwata aha bunaku bwaba Israeli. Okugambisa amazima, ebintu byona ebirikukwata aha manja eza enzaamba hamwe n`ebibonaboneso ebirikubaho omukamanyiso aka mukaaga na kamushanju, ebyo byoona nibibaho ahanyima y`okutwarwa okwihitsya aha kurangirira kw`obutegyeki bw`omugabe w`emyaka rukumi. Omushuura ya 7, enyiriri 1 kuhika 8, nihabaho okutebwaho akamanyiso aha 144,000 okuruga omu nganda ikumi n`ebiri okw`abaana ba Israeli. Okuruga aha mushororongo 9 okuhika 17, nitureeba ngu Ruhanga n`omwetsigwa aharyaabo abari abe kwonka ababiire bateetekatekyire kutunga omugabo aha kutwaarwa. Bakahamira aha nyikiriza kandi*“ … bayyoza ebijwaaro byabo n`eshagama y`omwana gw`entaama byaba ebiri kweera.* Naangwa n`ahanyima y`okutwarwa eshagama nabwe n`ekigaamba ahari abo abacungwiirwe abaine okuraba omu kuboonaboona kwingi. Abo abatwiirwe aha kutwarwa (rapture) nibashitama na Kristo aha kitebe ky`obukama kandi bategyekye hamwe nawe. (Okushuuruurirwa 3:21; 5:10). Abo abari kuruga omukuboonaboona nyamwingi, bari omu misho g`ekitebe ky`obukama, nibahereza Ruhanga nyomushana na nyekiro omu Hekaaru Ye. Ogwe weena orikugira ngu eshagama tekiri aha kitebe ky`embabazi neba eri enshobi y`amaani munoonga. Omu shuura ya 8, aha kubambuura akamanyiso ka mushanju, nitumanya kurungi ba maraika mushanju abakuteera enzaamba. Tushemereire kuta omutima ahari ebi: Hariho ba maraika mushanju aba ekanisa. (Okushuuruurirwa 1 okuhika 3). Hariho bamaraika mushanju aba kuteera enzaamba (Okushuuruurirwa 8 okuhika 11). Hariho ba maraika mushanju abaine ebibonaboneso (eshuura 15 na 16). N`eguma eri enaama ahabw`enki ow`eishe-emwe Branham yashomire omushororongo ogw`okubanza gwonka okuruga omu Kushuuruurirwa 8 obu yagamba aha kamanyiso omu kwezi kwa kashatu 24, 1963. Ekyabireho obu habaho akakyekyeko omu iguru okumara ekicweka ky`eshaha tikihandikirwe: ekiri kubaho omunsi omu kubambuura akamanyiso ka mushanju kihandikirwe gye omu mushororongo gwa 2: *“kandi nareeba bamaraika mushanju abemereire omu maisho ga Ruhanga; baheebwa enzaamba mushanju.”* Hati kandi nitugaruka tureeba ebyabaire nibigyenda omu maisho omu bwiire obwo: *“Bamaraika mushanju, ababaire baine enzaamba mushanju, bayeteekateeka kuziteera.”*(orunyiriri rwa 6) Yetegyereze: aha kubambuura akamanyiso ka mushanju, tikiri aha byagambiirwe b`amaraika b`amakanisa mushanju, kureka ekikwatiraine n`ekirimu nikibaho omunsi omu bwiire bw`orubanja rw`enzaamba mushanju. Orunyiriri 7: *“Maraika ow`okubanza yaateera enzamba ye…”* Enyiriri 8 na 9: *“Maraika owa kabiri yaateera eye…”* Enyiriri 10 na 11: “*Na maraika owa kashatu yaateera…”* Enyiriri 12 na 13: *“Kandi na maraika owa kana nawe yaateera enzamba…”* Eshuura 9:1-12: *“Na maraika owa kataano yaateera…”* Eshuura 9:13-21: “*Na maraika owa mukaaga yaateera…”* Buri kimwe ekirangiriirwe omu shuura ya 8 n`eya 9 nibyija kubaho kikumi ahari kikumi nk`oku bihandikirwe omu kigambo kya Ruhanga. Omu shuura ya ikumi, MUKAMA nashuuma nka maraika ow`endgaano kandi nka mukama waayo ow`okubanza arikuta ekigere kye aha Nyanja kandi n`ahansi. Nk`oku kiri omu shuura ya 4, eyehinguriize omuhangazima. Kandi yahiinda nk`entare okuruga omurunganda rwa Yuda ahabw okuba nikikwata ahaba Israeli (Yeremia 25:30b; Hosea 11:10; Yoweri 3:16; Amosi 1:2), aho ebirikuhiinda mushanju biryagamba. Buri nyegyesa yoona ey`ekihiinda n`ediini egunzirweho, kandi eine envunuura etahikire ei Ruhanga we wenka yayangire (2 Petero 1:20). Okuhstya n`ahati tihariho maraika n`omwe owataire enzamba. Gakaba gatari maraca mushanju, kureka okutera omungaro kw`amaani emirundi mushanju okwarabiremu ebiro 28 okwakabiri 1963 obu omwanya gwoona gwatengyeta aha bw`amaani. Ezo ngaro zikaba ziri ez`okuhabura n`kworeka okushuuruurirwa obumanyiso mushanju, nk`oku yabaire okuruga omu kicu ekyabaire kirengire eby`obuhangwa. Bamaraika mushanju obu bamubonekyera omukicu, etari kanisa y`omugore. Ahanyima ya Yohaana kugambirwa kukoma eki akamanyiso ka mushanju kagamba, maraika akimutsya omukono ahaiguru yarahira endahiro. Gyeragyeranisa n`endahiro kuruga omu kushuuruurirwa 10:6 n`endiijo ndahiro okuruga omuri Danieli 12:7-8. Okuruga omu bwiire obwo n`okugumizamu, hariho emyaka eshatu n`ekicweka okuhika ahakurangirwa kw`obutegyeki bw`emyaka rukumi (millennial reign): *“ … buryamara obunaku n`obunaku n`ekicweka ky`obunaku…*(orunyiriri 7). Omu Kushuuruurirwa 10:7 twine okuranga okuri hikirira obu maraika wa mushanju eriteera enzamba ye erikugira ngu *“ … kwonka omu biro ebi maraika owa mushanju ari teeramu enzamba ye,**ENAAMA YA RUHANGA**eryahikirizibwa…”* Omu shuura 11, okuruga aha mushororongo gwa 15, nitushangaho okuhikirizibwa: *“Kandi maraika owa mushanju yateera enzamba habaho amaraka mahango omu iguru, nigagira gati,**Obukama bw`ensi bwahinduka obwa MUKAMA waitu n`obwa Kristo we, kandi aryaguma ahangoma ebiro n`ebiro**.”* Ebaruha erikwetoroora ey`omukwa mwenda, tukahandiika aha naamaz`obugabe bwa Ruhanga kandi n`aha NAAMA YA RUHANGA. Egi naama ni Yesu Kristo, MUKAMA waitu, Ruhanga owayorekirwe omu mubiri. (1 Timoseo 3:16). Okuranga omu Kushuuruurirwa 10:8-16 ngu*“oshemereire kugaruka kurgura ogundi murundi…”*eki nikitutwarira kimwe okuhika omu shuura ya 11 aha kirikugamba aha buhereza bwa banabi babiri barikora obuhereza omu Yerusaleemu kumara emyaka eshatu n`ekicweka (Orunyiriri 3). Omu shuura 15 hamwe na 16 hariho eishomo ry`emanja z`enyabya z`ebibonaboneso mushanju by`omutaano: *“kandi nagaruka naareba omu iguru eky`okureberaho ekindi, ekikuru kandi eky`okutangaaza bamaraika mushanju eby`ahamperu**ahabw`okuba omuribyo nimwo ekiniga kya Ruhanga kyabaire kihwera**”*(Okushuuruurirwa 15:1). *“Bwanyima naahurira eiraka eririkuruga omuri Hekalu nirigambira baamaraika mushanju, nirigira riti,**mugyende mushukye ahansi enyabya mushanju z`ekiniga kya Ruhanga**.”*(16:1). Omushorongo gwa 2: *“maraika ow`okubanza yaagyenda yaashuka orwabya rwe aha nsi…”* Omushororongo gwa 3: *“maraika owa kabiri yaashuka orwabya rwe omu Nyanja…”* Omushororongo gwa 4: *“maraika owa kashatu yaashuka orwabya rwe omu migyera n`omu nshuro z`amaizi…”* Omushororongo gwa 8: *“maraika owa kana yaashuka orwabya rwe aha izooba…”* Omushororongo gwa 10: *“maraika owa kataano yaashuka orwabya rwe aha kitebe ky`obukama…”* Omushororongo gwa 12: *“maraika owa mukaaga yaashuka orwabya rwe aha mugyera muhango, Furaati…”* Omushororongo gwa 17: *“maraika owa mushanju yaashuka orwabya rwe ahaiguru omu mwanya, eiraka rihango ryaruga omuri Hekalu aha kitebe ky`obukama nirigira riti, kyahwa.”* Tihariho nshoborora eyebirikubaho okukira egi. Buri kyona ekirikukwata aha kanisa, Israeli kandi n`ebindi ebiribaho byona okuhika aha muheru tukabisigirwa omu kigambo biri omu buteeka kandi nibyetegyerezibwa kurungi. ## Chapter navigation - [Previous chapter](https://nasa.misia.sk/book_chapters/7464.md) - [Book contents](https://nasa.misia.sk/books/2286.md) - [Next chapter](https://nasa.misia.sk/book_chapters/7466.md) ## Available translations - [Runyankole](https://nasa.misia.sk/book_chapters/7465.md) ## Source - [Canonical HTML page](https://nasa.misia.sk/book_chapters/7465) - [Markdown representation](https://nasa.misia.sk/book_chapters/7465.md)