EBARUHA ERIKWETOROORA - Okw`ikumi-n`ebiri 2009

Byona ebiri omu naama ya Ruhanga biryahikirira. Ekiri kukirayo oburungi kiriyo nikyiija. Ruhanga aryahendera kurungi omurimo gwe gw`obucunguzi nk`okuhendera ogw`okuhanga. Banaabi boona bakaba bari omu bwiire bwabo n`emyanya yaabo, nka Yohaana Omubatiza, owataireho orutiindo ahagati y`endagaano enkuru n`entsya (Luka 16:16). N`obu kirabe kiri kityo, obucunguzi obwaraganisiibwe bukahenderwa MUKAMA We wenka.

Omu kutandika kw`endagaano entsya, MUKAMA akaba aine ebikwato bye, namunoonga bamaraika mushanju. Okukira munonga okuruga omu biro by`okuhinduza, akagaruka butsya okukora emirimo ye, akahendera n`obuhereza obwa maani omu biro ebiturimu. Ekyahandikirwe nikigamba kyi aha,kirikwenda kwija omu maisho? Nooha arikuza kukitwara omu maisho?

Ebi bikagambwa kubaho omu bwire bw`aha muheru: “kwonka abantu babi abarikwegira oku batari, baryayeyongyera kuba babi nibabeihabeiha, kandi nabo nibabeihwa.” (2 Timoseo 3:13).

Kandi Ruhanga akagaruka yaraganisa eki: “eby`oburyo ndyabigira omugoye gw`okugyeresa, n`okuhikirira nkugire kariisho. Orubaare ruryatwariira kimwe obwo buhungiro bw`ebishuba, n`amaizi gamareho obwo bwegamo.” (Isaaya 28:17).

Ekyahandikirwe eki kihikirire n`abahereza abazima ab`ekigambo ekyamazima: “kwonka Iwe okakuratira enyegyesa yangye, emitwarize yangye, ekindikugyenderera, okwikiriza kwangye, okugumisiriza kwangye, okukunda kwangye, okuhamya kwangye…(2 Timoseo 3:10).

Hatari kubanganisa MUKAMA aryaimuka areberere omurimo gwe: “Ahabw`okuba MUKAMA aryaimuka nk`oku yaimukire aha rushozi Peraziimu, Aryagira ekiniga nk`eki yagiriire omu ruhaanga rwa Gibeoni, Abone kukora omurimo gwe, omurimo ogutari gw`obutoosha n`okuhikirizaebi ashangwa atakora.” (Isaaya 28:21).

“Ahabw`okuba MUKAMA (Atari nabi) aryahikiriza orubanja oru yaacwereire ensi aruheze atarusiibizeho.” (Abarooma 9:28).

Nitwehanangirizibwa n`ebigambo ebi: “n`ahabw`ekyo b`eishe-emwe mugumisirize okuhisya ahu MUKAMA waitu ariizira. Reeba omuhingi ategyereza emyaka ei yaahungire ey`obuguzi bwingi, agigumisiriza okuhisya obu atunga enjura ey`eibiba n`eya katumba.” (Yakobo 5:7).

“Mushabe MUKAMA enjura omu biro bya katumba. Mushabe MUKAMA oreeta emirabyo, Nawe aryabagwisiza enjura ey`orutoonyerera, buri muntu amumereze obunyaatsi omu mariisizo ge.” (Zekaria 10:1).

Okw`akataano, ebiro 18, 1962, ow`eishe-emwe Branham akagamba aha rukungana rw`abantu bakye, kandi akaba nateekateeka omu bwiire obwo ngu“omu kwezi kumwe n`obutahika naija kuba yagyenzire.”Tihariho orikumanya nikiza kutwara obwiire bukwingana kyi enkoraya Ruhanga y`omutaano y`ahamuheru omu kanisa y`omugore.N`obukirabe kiri kityo, boona abaine akakwate n`okutwarwa (raptue) nibiija kukyehuriramu. Kandi tarikuza kwija kubya akagoombe kakye omuri Amerika, kureka abo boona ab`ekanisa y`omugore omu mahanga goona omunsi. Tihariho naabi owakubasize kuba omu myanya yoona omu kaire kamwe. Kureka Ruhanga wenyine niwe arikubasa kuba omu myanya yoona omu kaire kamwe kandi naija kuba kwe, nk`oku twashoma, kureeta omurimo Gwe aha muheru omu kitiinisa.“Ti habw`amaani, kandi ti habw`obushoboorozi, kureka n`ahabw`Omwoyo wangye; nikwo MUKAMA ow`amahe arikugira.” (Zekaria. 4:6; n`ahandi).

N`omwoyo w`okuhabisa n`ebishuba ari kugyezaho kutaho enyegyesa n`envunuura z`ebishuba zayemerera. Abantu nibabeihwabeihwa kandi nibarisibwa n`amatsiko gatahikire ngu nabi naija kuba n`enyegyesa y`ahamheru omu heema. Nibagamba aha kyabireho enyima kandi n`ekya kubasa kubaho nyentsya, kandi n`omukaire kakye omu maisho, tibakumanya eki Ruhanga Ariyo nakora hati.

Buri kimwe kikaba kitashemereire kugarurwaho kandi kigarurwa butsya omu muriingo ogw abandize okurabira omunyegyesa eyaraganitsibwe (Matayo. 17:11; Mako. 9:12)? Kandi Kristo ashemereire kuguma omu iguru okuhitsya obunaku bw`okugaruraho ebintu byona ebi Ruhanga Agambire na akanwa ka banabi be boona abahikiriire. (Ebyakozirwe. 3:17-23). Eki nikiija kubaho omu kanisa y`omugore eyamazima, kandi n`enkora ya Ruhanga y`ahamuheru n kuba omuri abo bonka abetsirwe, abarugire omu kubuzabuzibwa kwona – nana omu ryegi ey`ahamuheru.

Ekanisa y`omugore nikyo kigambo ekitatokoizibwe; ezindi zoona n`omwata gw`ebika bingi. Nimanya ekindi kugambaho kandi, omu nshonga egi, ninkihandiikaho. Ninkikora okuhikiriza ebya Ruhanga nk`omujurizi w`ebintu ebi Ruhanga Akoriire omu bunaku bwaitu kandi akirimu nabikora n`okuhitsya eri izooba. Ab`eishe-emwe boona abarimu nibatwegaitaho hati kandi abatarayereebiire obuhereeza bw`omutaano obw`abeireho omu myaaka y`ataano n`ankaaga, abataraziirwe nari obw`akabiri omu kaire ako, tibakaabasa kuba bajurizi. Mbweshi nibeenda kujurira kyi? Yohaana akahandiika: “ … eki twareebire n`amaisho gaitu, eki twayetegyereize kandi tukakwataho n`engaro zaitu…” (1. Yohaana. 1:1). Imwe mwoyo mwe eyabagore, muhamye ngu tihariho kishuba ngu n`amazima. Mutatiina; musheruure ebyahandikirwe obutoosha n`obu ebintu ebi biriho. (Ebyakozirwe 17:11). Mutwaare okurabura kwa MUKAMA nk`enshoonga: “Hatagira omuntu owaababeihabeihesa…” (Abaefeso. 5:6).

“Abahe ebirungi byona, mubone kukora ebi akunda, naakorera omuriimwe ebirikusiimwa omu maisho ge, ahabwa Yesu kristo; aheebwe ekitiinisa ebiro byona. Amiina.” (Abaheburaayo. 13:21).