---
type: BookChapter
work_id: '378'
book_url: https://nasa.misia.sk/books/2286
book_markdown_url: https://nasa.misia.sk/books/2286.md
language: rn
position: 107
canonical_url: https://nasa.misia.sk/book_chapters/7467
markdown_url: https://nasa.misia.sk/book_chapters/7467.md
markdown_source: converted
translations:
  rn: https://nasa.misia.sk/book_chapters/7467.md
---

# EBARUHA ERIKWETOROORA - Okw`ikumi-n`ebiri 2009

## Envunuura za Baiburi

Omu muriigo gw`okuhiinduka kwa z`abaiburi omu mahanga agandi n`omundimi, nihetagisa okushoboroora: omu Baiburi y`orugirimaani, nk`ekyokurebeeraho, twine engamba “Okugaruka kwa Kristo” emirundi ikumi n`amwenda; tikiri kwo omundimi eziindi. Hoona nabwe, n`engaamba omu bugufu “ninyija kugaruka” eri kutaanisa engaruka ezindi zoona aha kuraganisa omuri Yohaana. 14:1-3: *“ … ninza kubashemereza omwanya,**dyagaruka aha**…”*Hariho okugaruka kumwe okwa Kristo, okuturinzire hati, kandi hariho okwija okwe mirundimwingi, nk`okuri omuri Zekaria 14 ahari okwija nka MUKAMA Ruhanga aha kibungo Zeituuni.

Omu shaara ya MUKAMA waitu omuri Matayo. 6:13, kishemereire kugambwa ahari, nk`oku kihandikirwe omuru Aramaika: *“ … Otatutwara omu kwohibwa…”*Ahabw`okuba: *“ … omuntu weena ku araayohibwe, arekye kugira ati: Naayohibwa Ruhanga; ahakuba Ruhanga tabaasa kwohibwa kibi, kandi tayosya muntu…”* (Yakobo 1:13). Kandi n`enama ya Ruhanga *“Ahabw`obukama, n`obushoborozi, n`kitiniisa n`ebyaawe, ebiro n`ebiro. Amiina.”*Nayo terikushangwa omu rubaju rw`endagaano entsya, kwonka ekongyerwamu bwanyima.

Nk`oku kiri kityo, omu kyahandikiirwe ekyabandize omuri Matayo 28:19: “*N`ahabw`ekyo mugyende omu mahanga goona, muhindure abantu abeegi nimubabatiza omu iziina rya Isheboona n`ery`Omwana n`ery`Omwoyo Orikwera…”*n`ekyarugiremu enkora y`obushatu kandi eyateirwemu omu bwiire bw`enyikiriza ya Niiki.

Omu Abaefeso 3:14-15 kishemereire kugambwa gye: *“N`ahabw`ekyi ntsimba amaju omu maisho ga Isheboona, ou enganda zoona ez`omu iguru n`ez`omu nsi zeetererwa…”* envunuura*“Ou amaka goona omu iguru n`ensi geeterwa”*egwire kandi neeruga aha bukoomooko obu ekanisa yatandikaho enyikiriza emwe. Enyiriri 14 na 15 zoona nizimwe. Paulo taratsimbire maju omu maisho g`amaka, ekitakabaho ga, kureka omu maisho ga Isheboona, ou enganda zoona ez`omu iguru n`ezomunsi zikomooka. Okuruga aha kyahandikirwe ekyi ekigunjwirweho niho ekanisa z`oburugwa-izooba n`obugwa-izooba niho zemereza enyikiriza y`obushatu eya “abantu bashatu batakushushana.”

Kwongereera ahari ekyo niho hizire n`empindurwamu omu kihandiiko ky`omurulatini, na bwanyima omu rujuungu (English King James version) n`endimi eziindi, n`okuhamisiriza kw`obushatu omuri 1 Yohaana 5:7: *“Hariho ebirikuhamya bishatu omu iguru, Isheboona, Kigambo, n`Omwoyo Orikwera: kandi ebishatu ebyo byikirizana.”*

Ogwo nagwo n`omugunjano gw`ekanisa y`abafaaza b`obushatu, erikuhamisiriza eby`enyima eby`omu kyaasa kya 15. Nka shoma Baibuli yenyini ey`orujuungu nk`ei ow`eishe-emwe Branham yashomire; aho negamba ahansi: “ Hoona nikikirizibwa ngu omushororongo ogwa 7 tigwiine bushoboroozi kandi gugaitsirweho.” Ogu omushororoongo tihaine ahu guri omu Bibli y`orugirimaani, kandi emirundi miingi nigureeta ebizibu omuntu yaba aine kuguvunuura okuruga omu rurimi rumwe okuza omu rundi.

Omuri 1 Yohaana 4:2 kishemereire kugambwa: *“Aho niho tumanyira Omwoyo wa Ruhanga; buri mwoyo gwona ogugamba ku Yesu Kristo****yaiziire omu mubiri,****guba niguruga ahari Ruhanga…”*aho nikigamba aha kwiija okwabandize.

Omuri 2Yohaana omushororoongo gwa 7 kishemereire kugamba: *“Ahakuba hariho abarikuhabisa baingi abaizire omu nsi abatarikwikiriza ngu Yesu Kristo****akaija aine omubiri.****Orikugamba atyo n`omuntu orikuhabya abandi, kandi ni antikristo.”*Omushororoongo ogu nigugamba gye aha kugaruka kwa Kristo.

MUKAMA, Ruhanga waitu, atugirire embabazi kugira ngu tutareeba bureeba ebaruha omu ndimi nyingi zitakushushana, kureka tweberwe Omwoyo Orikwera omu mazima goona. Abo boona abaine akakwate n`ekanisa y`omugore eya Yesu Kristo namazima bagaitiirwe omu kigambo kya Ruhanga ahansi y`eshagama y`omwana gw`entaama, eshagama y`enyikiriza entsya, kandi bari ahansi y`obwebembezi bw`Omwoyo Orikwera, Orikukuhitsya omu mazima goona.


## Chapter navigation

- [Previous chapter](https://nasa.misia.sk/book_chapters/7466.md)
- [Book contents](https://nasa.misia.sk/books/2286.md)
- [Next chapter](https://nasa.misia.sk/book_chapters/7468.md)

## Available translations

- [Runyankole](https://nasa.misia.sk/book_chapters/7467.md)

## Source

- [Canonical HTML page](https://nasa.misia.sk/book_chapters/7467)
- [Markdown representation](https://nasa.misia.sk/book_chapters/7467.md)