EBARUHA ERIKWETOROORA - Okw`ikumi-n`ebiri 2009

“Emperu ya byona eri haihi; n`ahabw`ekyo mwerinde, muhugukye, mwezirikire kushaba. Okukira byona mukundane munonga; ahabw`okuba okukunda kushweka ebibi bingi.” (1 Petero 4:7-8).

Okuruga okwa ikumi n`ebiri, 1, 2009, ebendera ya Buraaya neyehubira omu mahanga goona 27 hati againe akakwate n`amahanga ag`aburaaya ageetereine. Obwa papa bushoboroire ngu akabonero k`omukazi ow`ekiruunga n`enyonyozi 12 omu Kushuuruurirwa.12 okuba Maria kandi yaayezamahanga agetereine aga Buraaya ahansi y`obutegyeki bw`ekanisa Enkatorika aha mutima ogweziibwe ogwa “omugabe-kazi wa Buraaya” niyo nshonga ahabw`enkyi ebendera ya Buraaya eine enyonyozi 12.

Turi omu bwiire bw`aha muheru omu biro by`okumariira kandi nitureeba obunabi obwa Baibuli obwa ragwiirwe obw`obugabe obw`ensi yoona obw`okumariira. Mukuru w`akakiiko ka Buraaya, Herman Van Rompuy, atorainwe. Buraaya hamwe n`obutegyeki bw`ensi, n`obu kirabe kiri kityo, hoona abakwikiririza omuri Yesu kandi abakwetsiga Paapa nibo bagumiizemu okubatoorana. Omurimo ogu nigukorwa antikristo nka nabi w`ebishuba okuhitsya aha muheru obu ekyahandikirwe eki kirahikirire: “Enyamaishwa egyo yaakwatwa hamwe na nabi w`ebishuba, owaabaire akora obumanyiso omu maisho gaayo, naabibeibeihesa abo abaine akamanyiso k`enyamaishwa n`abarikuramya ekishushani kyayo. Abo bombi baanagwa omu Nyanja erikwakamu omuriro n`obuganga bw`ekibiriiti bahuriire.” (Okushuuruurirwa 19:20).

Ahabw`ahati, eki ekyahandikirwe kiriyo nikihikiriira: “Obushoboorozi bwe buryaba bwingi, aryareeta okucwekyerera okurikutiinisa, agyenderwe gye omu bi arikukora, acwekyereze (ahabwendagaano na Israeli – Danieli. 9:27) abashaija b`amaani n`eihanga ry`abarikwera. (Danieli 8:24)

“Kandi haryabaho obugabe bwa kana, obugumire nk`ekyoma, ahabw`okuba ekyoma kyatagura ebintu byona, kibicwa obusaasingo; nk`oku ekyoma kyatagura, nikwo n`obwo bugabe buryatagura obwo bwona, bukabucwa obusaasingo.” (Danieli 2:40)

“Bwanyima naayetenga kumanya amazima g`eby`enyamaishwa ya kana, eyaabaire eine omutaano n`ezindi zoona, neetiinisa munonga, ebiino byayo biri eby`ebyoma, n`ebyara byayo biri eby`emiringa, eyaashomeire ebintu ekabihendagura, kandi ebyatsigaireho ekabiteer omugyere…” (Danieli. 7:19)

“Atyo ogwo muntu yaagira ati: Eby`egyo nyamaishwa ya kana, Haryabaho obugabe bwa kana omu nsi, Obutarishushana na bundi bugabe bwona; Buryashonshomera ensi yoona, bugiribatiirire, bugicwanyagurire kimwe.” (Danieli 7:23)

Weena oragumizemu arikushoma naija kwetegyereza ngu omu bwiire obwo Ruhanga w`iguru nataandikaho Obugabe omu nsi: “Reero bwanyima obukama n`obutegyeki n`obukuru bw`amahanga agari ahansi y`eiguru ryona biryaheebwa eihanga ry`abarikwera ba Rukira-boona, Obukama bwabo buryaba obukama obutarihwaho, kandi obugabe bwona buryaguma bubaheereze, buboorobere.” (Danieli 7:27)

Eego, buri kimwe eki MUKAMA yaagambireho omu kigambo ahabw`obwiire bwaitu kiriyo nikihikirira, kandi naitwe mugigi oguriyo nigukireeba. Itwe abakuru tukareeba “Reichskristallnacht” omu kw`ikumi nakumwe ebiro 9, 1938, obu amaramizo goona omuri “Deutsche Reich” gaatemba n`endimi z`omuriro, ekyatandikireho ekiita banu omu bayudaaya. Tukareeba okwegaita kw`enganda ikumi n`ibiri za Israeli okuruga omumahanga nka 150 kandi n`okutandikaho ihaanga rya Israeli ahansi ya Ben Gurion omu 1948. Bwanyima yorutaro rw`ensi yoona orwa kabiri, tukareeba okubaganisa okuza omu burigwa-izooba n`omubugwa-izooba hamwe n`okwombeka ekisiika ky`omuri berlin omu kwa munaana 1961. Twagaruka twareeba okugwa kw`ekyo kisiika omu kw`ikumi na kumwe 9, 1989. Okwegaita kwa Buraaya aha musiingyi gw`endagaano z`omukwa kashatu 1957 hamwe n`okwikiriza endagaano ya Lisbon omu kwamwenda 2007 bihindukire ebya mazima. Hati turiyo nitureeba okwetwa kw`obutegyeki bw`ensi, obwa gavumenti y`ensi. Amahanga n`enyikiriza biriyo nibigaitwa ahansi ya Rooma, kandi n`okugaita amahanga kuriyo nikugyenda omu maisho. Ensi yoona eri omu bwaato bumwe, kahabe omu mpiinduka y`obwiire nainga shi ebikozesebwa by`ensi; nangwa, aha ndeengo zoona kiri aha kwikirizana hamwe n`obusiingye obu tegyereziibwe omu mahanga goona (1 Abatesalonika. 5:3). Kutukugarukaho enyima omu rurimi rw`obubonero bwa Baibuli, ekanisa eyayehakiine nka maraaya omukuru niyo erikuvuga ekinyamaishwa – amaani g`omwoyo nigo gakwiitse eminaga y`embarasi `yombi omu ngaro kandi nigo gakuvuga amaani g`eby`obutegyeki (Okushuuruurirwa. 17).

Enguuto zoona niziza Rooma; rumwe nirwo ruri kurugayo.

Titukweteenga okutebereza okundi ahabw`ebiri kwiija kubaho omu kanya kakye omu maisho; twine okwegyesa okw`ahamuheru omu kigambo ahabw`obunabi omu byahandikirwe ebi kweera. MUKAMA waitu naagamba emirundi eshatu, “Nikwo naimwe, ku murireeba ebyo byagyenda nibibaho, mumanye ku ari haihi, ku yaahikire n`aha rwigi.” (Matayo 24:33; Mako 13:29; Luka 21:31).