---
type: BookChapter
work_id: '9'
book_url: https://nasa.misia.sk/books/2593
book_markdown_url: https://nasa.misia.sk/books/2593.md
language: ls
position: 98
canonical_url: https://nasa.misia.sk/book_chapters/8121
markdown_url: https://nasa.misia.sk/book_chapters/8121.md
markdown_source: converted
translations:
  ls: https://nasa.misia.sk/book_chapters/8121.md
---

# Obufumbo – Ekizibu Eky’eira

## OBWENZI NI KI?

Omusaadha, nga Ebyaghandiikibwa bwe bikoba, **tayinza kukola bwenzi mu bufumbo bwe mwene.**Ye, waire kiri kityo, akola obwenzi buli lw’atwala omukazi ow’omusaadha owundi. Omukazi oyo, mu nsambo eyo afuuka omwenzi. Katonda yategeka obufumbo ng’ekintu eky’endhawulo inho ate ekitukuvu ate Katonda akuma obufumbo mu nsambo ey’endhawulo inho. Ku mateeka ga Musa ikumi abiri googera butereevu eri abasaadha, ***“Mutayendanga!”***ate ***Muteegwanizanga baka beene!”***Kino kintu kibi inho nti kiyinza okufaananizibwa wonka n’okugwa okwaligho mu mainhama. Katonda yalagira, *“Omusaadha bw’anaayagaanibwanga****ng’ali n’omukazi ow’omusaadha owundi mu buliri,****bombi omusaadha n’omukazi baidha kwitibwanga. Mu nsambo eyo munaabanga mwetoireku ekibi ekyo mu Isiraeli.”*(Amateeka Agokubiri 22:22). Katonda yalagira ekibonerezo eky’okwitibwa olw’ekikolwa kino nga bwe kyaghandiikibwa kyona mu Balevi 20:10, *“Omusaadha****bw’anaabanga ni muka musaadha mwine mu buliri,****, n’oyo ayagaanibwa mu buliri n’omukazi wa beene, abenzi bombi omusaadha oyo n’omukazi, banaitibwanga.”*Mu Baheburayi 13:4 twagaana Ebibono, *“… kuba abadankaanu n’abenzi, Katonda alibasalira omusango”*(Abaheburayi 13:4b).

Ebigema ku bwenzi omulanzi yeeyongera mu kulangirira kwe mu lupapula 34, ni mumaghanga gale abasinza ebitali Katonda omukazi ow’omusaadha owundi tagemebwaku. Okutuusa n’olwaleero luno kimanhiibwa mu maghanga, ebiseera ebindi abatasobola ku n’akughandiika nti tibalikola kikolwa oti n’ekyo naire. Kyabazinga ow’abamaghanga agandi Abumeleke bwe yali mwetegefu okutwala Sara, muka Aburahamu, Abrahamu gwe yali akobye ati mwanhinha, Musengwa yamubonekera mu kirooto, ate tiyaikiriza kino kubaagho. *“Mpagaano ni, Izaayo muka beene; kuba omusaadha oyo mulanzi, era aidha kukusabira obe mulamu. Aye bw’otayizeeyo mukazi, manha ng’oteekwa kufa, iwe n’abantu bo boonaboona.”*(Amainhama 20:7). Kyabazinga yali ateekwa okwizaayo Sara eyali muka Aburahamu, kuba ekyo kyali Kiragiro kya Musengwa.

Solomoni, eyali n’abakazi kamaala, oyo omulanzi Nathani gye yayeta Jedidiah (2 Samueli 12:25) ekitegeeza »agonzebwa Musengwa« yakoba, *“Omuntu ayenda ku muka beene tabaamu kategeera. Aba ali bwa kw’ezikiriza mwene. Balimunhooma, baamukuba, yaanuubukanuubuka era okuswala kwe tikuja kumuvaaku naire …”*(Ensambo 6:32-33). Katonda yataagho ekiswalo ekitavaagho ku kwenda baka beene. Abasaadha abatwala omukazi w’omusaadha owundi boogerwaku ng’abazira kutegeera. Yesu Musengwa waife yakitaaku inho eisira, bwe yakoba ati; **Buli alingirira omukazi olw’okumwegomba aba amwenzeeku mule mu mwoyo**(Matayo 5:27-28).

Yoanne Omubatiza yaghaghaabira Kerode kuba yatwala muka muganda we abe mukazi we, kuba ekyo kyali tikikirizibwa mu mateeka. Nga omulanzi tiyandibaire bwa muntu aleeta emiraala, aye yali n’okulangirira ekibono ekibono kya Katonda ekikoba kiti, *“era otabanga na muka muganda wo mu buliri.”*

Waire nga Owoluganda Branham yali ayogera eri Ekikunsu ky’Abaikiriza mu Kurisito, ayogera ku basaadha ba Katonda okuva mu Ndagaano enkaire, nga Aburahamu, Yakobo era n’abandi. Akanogole: **“Mubonere ku Yakobo, omwava abakulembeze. Yali n’abakazi bana. Yabaiza abaghala babiri nga baaluganda ate yaaba n’abakazi babiri abandi abaali babeeranga bakazi be emirimu Ng’ekyo okiziiza embali (abakazi be yali n’abo mu mateeka, era abo abakulembeze baazalibwa butereevu okuva mu bakazi abo abaabeeranga bakazi be emirimu.”**(olupapula 44). Yakobo tiyakola bwenzi, aye Daudi yabukola, bwe yatwala Bathsheba, muka Uria. Omusaadha wa Katonda, ng’amaze okugabana ebidhuubo bityo n’ife, mu bugonvu akoba, **“Bona, oteekwa okuleka ekibono ky’akola mu butuufu.”**(olupapula 44).


## Chapter navigation

- [Previous chapter](https://nasa.misia.sk/book_chapters/8120.md)
- [Book contents](https://nasa.misia.sk/books/2593.md)
- [Next chapter](https://nasa.misia.sk/book_chapters/8122.md)

## Available translations

- [Lusoga](https://nasa.misia.sk/book_chapters/8121.md)

## Source

- [Canonical HTML page](https://nasa.misia.sk/book_chapters/8121)
- [Markdown representation](https://nasa.misia.sk/book_chapters/8121.md)