---
type: BookChapter
work_id: '1006'
book_url: https://nasa.misia.sk/books/3056
book_markdown_url: https://nasa.misia.sk/books/3056.md
language: am
position: 14
canonical_url: https://nasa.misia.sk/book_chapters/8845
markdown_url: https://nasa.misia.sk/book_chapters/8845.md
markdown_source: converted
translations:
  am: https://nasa.misia.sk/book_chapters/8845.md
  bg: https://nasa.misia.sk/book_chapters/4191.md
  fr: https://nasa.misia.sk/book_chapters/1664.md
  sk: https://nasa.misia.sk/book_chapters/1609.md
  th: https://nasa.misia.sk/book_chapters/1884.md
---

# Աստվածաշունչը՝ աշխարհի ամենից շատ կարդացված Գիրքը

## Ճշմարիտ հավատքը

Ճշմարիտ հավատքը ՙՈվ որ Աստծուն չի հավատում, նրան ստախոս արեց... ՚ (1 Հովհ.5:10): ՙԱրդ, թող Աստված ճշմարիտ լինի և ամեն մարդ՝ սուտ, ինչպես, որ գրված է. ՙՈրպեսզի արդար լինես քո խոսքերում և երբ դատես, հաղթող լինես՚ (Հռոմ.3:4): Աբրահամի մասին ասվել է. ՙԱբրահամը հավատաց Աստծուն, և դա արդարություն համարվեց իրեն՚ (Հռոմ. 4:3, Գաղատ. 3:6): Աբրահամը ճշմարիտ հավատքի լավագույն օրինակն է. ճշմարիտ հավատքը հնարավոր է միայն այն դեպքում, երբ Աստված ինչ-որ մեկի հետ անձամբ խոսում է Իր Խոսքով: Անհավատությունն առաջանում է այն պահին, երբ թույլ են տալիս, որ սատանան կասկածի տակ դնի Աստծո Խոսքը: Ինչպես հավատքը, այնպես էլ անհավատությունը սկսվեցին արդեն դրախտում: Այն բանից հետո, երբ Տեր Աստվածը խոսեց Ադամի հետ, սատանան զրույց սկսեց Եվայի հետ Աստծո ասածի վերաբերյալ: Սատանան միշտ վերցնում է այն, ինչ Աստված է ասել, կասկած է ցանում, ավելացնում է, պակասեցնում է, աղավաղում է և մեկնաբանում: Դրա հետևանքը եղավ անհավատությունը, որը տարավ անհնազանդության և ի վերջո՝ գայթակղության և սկզբնական մեղքին: Սատանան գնաց նաև մեր Փրկչի մոտ ՙգրված է՚ խոսքով: Հենց սրանում է փորձությունը: Ոչ մի փորձություն, գայթակղություն և օրինազանցություն հնարավոր չէ առանց կասկածի տակ դնելու Աստծո Խոսքը: Մինչդեռ Տերը նրան պատասխանեց. ՙԳրված է նաև՚ (Մատթ. 4:1-11, Մարկ. 4:1-13): Աստվածաբանների թեմաներն էլ կարող են լինել աստվածաշնչյան, բայց դրանց շուրջ ասվածները՝ լրիվ հակառակը: Եթե մեկը վերցնում է մի սուրբգրային հատված և դրա վերաբերյալ կասկածներ է առաջացնում, ուրեմն սատանան է ուզում վերցնել այդ հատվածը և տանել փորձության, որն էլ անկում է առաջացնում: Աստծո ճշմարիտ զավակները վերցնում են նաև հաջորդ սուրբգրային համարները՝ թեման ավելի պարզ լուսաբանելու համար:


## Chapter navigation

- [Previous chapter](https://nasa.misia.sk/book_chapters/8844.md)
- [Book contents](https://nasa.misia.sk/books/3056.md)
- [Next chapter](https://nasa.misia.sk/book_chapters/8846.md)

## Available translations

- [հայերեն (armenian)](https://nasa.misia.sk/book_chapters/8845.md)
- [български език](https://nasa.misia.sk/book_chapters/4191.md)
- [Français](https://nasa.misia.sk/book_chapters/1664.md)
- [Slovensky](https://nasa.misia.sk/book_chapters/1609.md)
- [ไทย (Thai)](https://nasa.misia.sk/book_chapters/1884.md)

## Source

- [Canonical HTML page](https://nasa.misia.sk/book_chapters/8845)
- [Markdown representation](https://nasa.misia.sk/book_chapters/8845.md)