---
type: BookChapter
work_id: '890'
book_url: https://nasa.misia.sk/books/3057
book_markdown_url: https://nasa.misia.sk/books/3057.md
language: am
position: 20
canonical_url: https://nasa.misia.sk/book_chapters/8869
markdown_url: https://nasa.misia.sk/book_chapters/8869.md
markdown_source: converted
translations:
  am: https://nasa.misia.sk/book_chapters/8869.md
  de: https://nasa.misia.sk/book_chapters/1482.md
  sk: https://nasa.misia.sk/book_chapters/1212.md
---

# Աստված և Նրա ծրագիրը մարդկության համար

## ԱՍՏԾՈ ՈՐԴԻՆԵՐ

ԱՍՏԾՈ ՈՐԴԻՆԵՐ

Մարդու Որդու միջոցով Աստծո հարաբերությունը մարդկանց հետ մեզ ցույց է տրված Եբր. 2:6?9 համարներում. «Մարդն ի՞նչ է, որ Դու նրան հիշում ես, կամ մարդու որդին, որ նրան այցելում ես: Նրան հրեշտակ- ներից մի քիչ ցածր արեցիր, նրան փառքով ու պատվով պսակեցիր ու Քո ձեռքի գործերի վրա կանգնեցրիր նրան: Ամեն բան նրա ոտքերի տակ հնազանդեցրիր»: Որովհետև ամեն ինչ, որ նրան հնազանդեց- րեց, ոչինչ չթողեց, որ հնազանդ չլինի նրան, բայց հիմա դեռ չենք տես- նում, որ ամեն ինչ նրան հնազանդեցված է: Բայց մահվան չարչարան- քի համար հրեշտակներից մի քիչ ցածրացած տեսնում ենք Հիսուսին, փառքով ու պատվով պսակված, որպեսզի Աստծո շնորհով բոլորի հա- մար մահը ճաշակի»: Այդ ամենը կատարվեց մեր պատճառով: Եբր. 2:10,11 համարներում ասվում է. «Որովհետև վայել էր Նրան, որի համար է ամեն բան, և որով է ամեն բան, որպեսզի շատ որդիների փառքի տա- նելիս նրանց փրկության առաջնորդին չարչարանքով կատարեր: Որովհետև թե՛ սրբացնողը և թե՛ սրբացվողները բոլորը մեկից են. և այդ պատճառով ամոթ չի համարում նրանց եղբայր կոչել… »: Հին Կտակարանում գրված խոստումը բառացիորեն կատարվեց Նոր Կտակարանում: Իր հարությունից հետո Տերը դիմեց գերեզման եկած կանանց՝ ասելով. «Մի վախեցեք, գնացեք իմ եղբայրներին ասեք, որ գնան Գալիլիա և այնտեղ կտեսնեն Ինձ» (Մատթ. 28:10): Այն միտքը, որ Նա, ով սրբացնում է, և նրանք, ովքեր սրբացվում են, ունեն նույն Հայրը, հաստատվում է Հովհ. 20:17 համարում. «Հիսուսը նրան ասաց. «Ինձ մի դիպչիր, որովհետև դեռ Իմ Հոր մոտ չեմ բարձրացել. բայց դու Իմ եղ- բայրների մոտ գնա ու ասա նրանց. «Ես իմ Հոր ու ձեր Հոր մոտ եմ բարձրանում, իմ Աստծո ու ձեր Աստծո մոտ»: Վերջում մենք կվերափոխ- վենք՝ Աստծո Որդու պատկերին նմանվելու: Հովհաննեսը գրել է. «Գիտենք, որ երբ Նա հայտնվի, Նրա նման կլինենք, որովհետև կտեսնենք Նրան ինչպես որ է» (Ա Հովհ. 3:2): Որքան հաստատ է, որ սա գրված է, նույնքան հաստատ է, որ կկատարվի: Նրա հավիտենական ծրագիրը Իրեն հավատա- ցողների հանդեպ մոտենում է Իր վերջնական իրագործմանը:

Սաղմոս 22:22 համարում գրված է. «Քու անունդ եղբայրներուս պիտի

պատմեմ, ժողովին մեջ Քեզ պիտի գովեմ»: Անունը չի հայտնվում բոլո- րին, այլ ինչպես գրված է, Նա այն պատմում է Իր եղբայրներին, ովքեր ճշ- մարտությամբ Աստծուն կոչում են իրենց երկնային Հայրը: Որդու մեջ Աստ- ված մեզ ամեն բան տվել է. «Որովհետև Նրա մեջ Աստվածության ողջ լի- ությունը բնակված է մարմնապես: Եվ դուք Նրանով լցված եք, որով- հետև Նա է ամեն իշխանության և պետության գլուխը» (Կողոս. 2:9,10): Մենք տեսնում ենք, որ, մարդկային կերպարանք առնելով, մեր Տերը պետք է տարբերակեր Իրեն տրված զանազան առաջադրանքները: Այն ժամանակ Հիսուսն ասում էր. «Քննեցեք գրքերը, որոնցով դուք ուզում եք հավիտե- նական կյանք ունենալ, և նրանք են, որ վկայում են Իմ մասին» (Հովհ. 5:39): Քննելով Սուրբ Գիրքը՝ պետք է կատարելապես հավատանք դրա վկա- յությանը: Հիսուսն ասում էր. «Եվ սա է հավիտենական կյանքը, որ ճանա- չեն Քեզ միակ ճշմարիտ Աստված և Նրան, որին ուղարկել ես՝ Հիսուս Քրիստոսին» (Հովհ. 17:3): Նա նաև ասում էր. «Ինձ ուղարկողի կամքն այն է, որ ամեն ոք, ով Որդուն տեսնի ու Նրան հավատա, հավիտենա- կան կյանք ունենա» (Հովհ. 6:40): Ներքոհիշյալ համարից երևում է, թե որ- քան կարևոր է հավատալ, որ Աստված բացահայտվել է Որդու մեջ. «Որդուն հավատացողը հավիտենական կյանք ունի, իսկ Որդուն չհնազանդվո- ղը կյանք չի տեսնի , այլ Աստծո բարկությունը մնում է նրա վրա» (Հովհ. 3:36): Չնայած այն բազմազանությանը, որով մեր Տերը հայտնվեց, մենք նայում ենք մարդկային ծածկոցից այն կողմ և դավանում Թովմասի հետ. «Իմ Տեր և իմ Աստված» (Հովհ. 20:28): Ըստ Պողոս առաքյալի վկայու- թյան՝ միայն նրանք, ովքեր իսկապես Սուրբ Հոգին ունեն, կարող են վկայել, որ Հիսուս Քրիստոսը Տերն է (1 Կորնթ. 12:3): Որպես Բարի Հովիվ՝ Հիսուսը Իր կյանքը տվեց մեզ համար, որպեսզի մեզ դարձնի Իր արոտի ոչխարները և Իր ձեռքով առաջնորդված հոտը: Նա Թա- գավոր և Քահանա է և մեզ դարձրել է թագավորներ ու քահանաներ (Հայտն. 1:6): Նա Վեմն է, թանկագին Անկյունաքարը, որի վրա մենք, որպես կենդանի քարեր, կառուցվում ենք՝ հոգևոր տուն կազմելու համար» (1 Պետր. 2:4?10): Որպես Որդի, Հիսուսը մեզ դարձրել է Աստծո որդիներ ու դուստրեր (Եփես. 1:5): Եվ այսպես շարունակ: Նա, ով տեսնում է Տիրոջը Իր մարդեղության մեջ Աստծո կողքին, պետք է հիշի, որ այս ամենը կատարվել է, որ մարդ- կության հանդեպ Աստծո հավիտենական ծրագրերը իրականանան: Որ- պես Աստծո Որդի, Հիսուսը Փրկիչ է, որպես Մարդու Որդի, Հիսուսը Մարգա- րե է, որպես Դավթի Որդի, Հիսուսը Թագավոր է: Նա կնստի գահին և մենք հա- զար տարի կթագավորենք Նրա հետ(Հայտն. 20:6): Նա այս մեծ խոստումը տվել է Իրեն պատկանողներին(Հայտն. 3:20,21): Դրանից հետո ժամանակը կմտնի հավիտենություն և Աստված կլինի ամենը ամեն բանի մեջ:


## Chapter navigation

- [Previous chapter](https://nasa.misia.sk/book_chapters/8868.md)
- [Book contents](https://nasa.misia.sk/books/3057.md)
- [Next chapter](https://nasa.misia.sk/book_chapters/8870.md)

## Available translations

- [հայերեն (armenian)](https://nasa.misia.sk/book_chapters/8869.md)
- [Deutsch](https://nasa.misia.sk/book_chapters/1482.md)
- [Slovensky](https://nasa.misia.sk/book_chapters/1212.md)

## Source

- [Canonical HTML page](https://nasa.misia.sk/book_chapters/8869)
- [Markdown representation](https://nasa.misia.sk/book_chapters/8869.md)