Kẹdẹdi 1TẸSALONIKA 4:16, onú atọ̀n wẹ na jọ to kọlilẹwá Oklunọ tọn whenu: tintan 1) abobo, awetọ 2) ogbè angeligán tọn, atọ̀ntọ 3) opẹ̀ngbè Jiwheyẹwhe tọn. Onú helẹ po wẹ na jọ to whenuena Oklunọ na jẹte sọn olọn mẹ nado zé omẹfligọ lẹ yì gigo mẹ.

To JOHANU 11 mẹ, mẹde sọgan hia dogbọn awhágbè Etọn aṣẹpipa tọn dali. É jọ to devizọ́nwiwá Etọn mẹ to aigba ji: “Podọ whenuena é ko dọhó dolé, é yí ogbè lélé do dawhá dọ, Lazalọsi, jegbonuwá. Ewọ he yín oṣiọ lọ sọ jẹgbonuwá“ (JOHANU 11:43-44).

Whenuena Oklunọ mítọn to kúkú, É yí ogbè lélé do dawhá, “Bo pọ́n, avọ̀ yè do gbòabò fiwiwe lọ tọn sọ tlẹn do awe…aigba whàn gigi, osé lẹ sọ zẹ̀; oyọ̀whé lẹ sọ hùn do nuvo: oṣiọ susu omẹ wiwe he ko damlọn lẹ tọn fọ́n“ (MATIU 27:50-52).

To JOHANU 5:25 mẹ É dọmọ, “Nugbo nugbo wẹ yẹn dọ hlan mì, Ojlẹ lọ já dinvie sọ wẹ, whenuena oṣiọ lẹ na sè ogbè Ovi Jiwheyẹwhe tọn tọn; mehe sọ sè lẹ na tin to ogbẹ̀“.

Ohó Oklunọ mítọn tọn aṣẹpipa de wẹ; Ohó Ganhúnúpotọ tọn wẹ. Ohó depope he É dọ nọ wá ṣiṣẹ mẹ, podọ onúhe É degbè etọn nọ sọawuhia. Ohó etọn ma nọ lẹgọ̀ agba gba, ṣigba e na dotana onú he yẹn jlo. Bọ é sọ yí ohó huhlọn Etọn tọn do hẹn onú lẹpo go (HEBLU 1:3). Ohógbè Glẹki tọn (XE…….) he yín mimọ to 1TẸSALONIKA 4:16 mẹ, tọ́n sọn ogbè awhàn tọn de mẹ he yín ogbè aṣẹ̀pipa tọn. Onú he na jọ lé É to tejẹ sọn olọn mẹ já. Ohógo he yín awhágbè “he yé sọ tunmẹ dọ awhágbè aṣẹpipa tọn“; yé mẹhe ko damlọn lẹ wẹ na yín yiylọ gbọn awhágbè he lọ dali. To ehe godo, agbasa didiọ yé mẹhe to ogbẹ̀ to klisti mẹ lẹ tọn na yí tẹnmẹ. To ehe mẹ Oklunọ oklunọ lẹ tọn nadó húhlọn ogan yínyín etọn po aṣẹpipa etọn tọn po hia, kẹdẹdi lé eyín Oklunọ to omẹ he to ogbẹ̀ po oṣiọ lẹ po ji do.

To HEBLU 12:26 mẹ mí hia dọ, “…ogbè mẹhe tọn whàn aigba to whenẹnu, ṣigba to dinvie é ko dopagbe dọmọ, whlàdopo dogọ Yẹn ma to aigba kẹdẹ na whàn ba, ṣigba olọn ga“.

To MATIU 25 mẹ yè ko dọ hlan mí dogbọn awhágbè he tọ́njẹgbonu to zángbodo awe mẹ jẹnukọnna kọlilẹwá asisunọ tọn dali dọmọ, “Pọ́n, asisunọ ja; mì tọ́n yì pé é“. Ehe wẹ awhágbè huhlọnnọ godo tọn lọ to aigba ji nado fọ́n yé omẹ he damlọn to gbigbọ mẹ to kọlilẹwá klisti tọn whenu. Yé omẹ he fọ́n lẹ, jlá miyọngban yetọn lẹ do bo sọ wleawu po gbesisọ po na wiwá Asisunọ lọ tọn. Nudidọ awhágbè he tọn na fọ́n awhli nuyọnẹntọ lẹ po núlúnọ lẹ po dopọ ga:“Whenẹnu awhli nẹlẹ pó fọ́n, bo jlá ozòwhán yetọn lẹ dó“ (MATIU 25:7). Núlúnọ lẹ, nugbo, to gbejizọnlin yetọn ji jei Asisunọ pé gbé, ṣigba yé wá mọ dọ yé ma tindo ami he pé nado hẹn yé lúntọ́n gba, podọ enẹwutu wẹ yé ma do sọgan yì Núdùdú Alọwle Hunwhẹ tọn kọ̀n.

Po ayiha nugbo de po, mí do na zé ohógo he yín “awhágbè“ (xpauyn) MATIU 25:6 mẹ tọn, ehe to ogbè Glẹki tọn mẹ to didohia oylọ finfọ́n tọn dó hlan omẹ he to ogbẹ̀ bo damlọn to gbigbọ mẹ lẹ, jijlẹ do ohógo he yín “abobo go“ (XE…….) ehe yè zán to 1TẸSALONIKA 4:16 mẹ. To vlẹkẹsi de mẹ, mẹde sọgan mọ dọ ohógo awe he lẹ ko yín zinzán mlẹnmlẹn. Ohógo “awhágbè“ Matiu 25 mẹ tọn to didohia owẹn yiyayiya he na tin to gblagbla yisenọ he tin to ogbẹ̀ to azán nẹ mẹ lẹ tọn to aigba ji, podọ “abobo“ 1TẸSALONIKA 4 mẹ tọn na yín aṣẹpipa kẹdẹdi lé Oklunọ na to tejẹ sọn olọn mẹ nado ylọ yé mẹhe ko damlọn to Klisti mẹ lẹ jẹgbonu wá.

Matin núdindọn, awhágbè MATIU 25 mẹ tọn wẹ to yìyì to dinvie. Ehe wẹ owẹn godo tọn he mẹ yisenọ lẹ gbọn do fọ́n jẹnukọnna kọlilẹwá Klisti tọn. Yé sè Ohó gbẹte Jiwheyẹwhe tọn tọn bo sọ kẹalọyí manna yọ́yọ́ lọ – he yín Ohó pagbe tọn lọ na egbe. Owẹn Jiwheyẹwhe tọn wẹ Ohó ojlẹ he mẹ tọn he hẹn opagbe lẹpo na ojlẹ godo tọn. Yé mẹhe yise to egbe lẹ kẹdẹdi Owé Wiwe lọ, bo sọ nọte to ohó lọ mẹ po Jiwheyẹwhe po, wẹ na do dọpọ́n pipé opagbe lẹ lọ tọn.

Dogbọn wẹnzagùn he yè do sẹdo jẹnukọnna wiwá Klisti tọn tintán, mí hia dọ, “Ogbè mẹde tọn he to awhádo to zùngbo mẹ“ (ISAIA 40:3). Biblu hiatọ lẹpo tunwùn dọ dọdai he yè ko dọ lọ yín ṣiṣẹ dogbọn devizọnwiwá Johanu baptizi tọn dali. É dekunnu do ewlọsu go, dọ “Yẹn wẹ ogbè mẹhe tọn to awhádo to zùngbo mẹ, Mì basi aliho Oklunọ tọn dó titegbe! Dolé yẹwhegan Isaia dọ do“ (JOHANU 1:23).

Dinvie, jẹnukọnna kọlilẹwá Jesu Klisti tọn, owẹn Ohó he yè dohia tọn (ehe yè dọ gbọn wẹnzagùn agùn godo Laodikea tọn tọn dali) gbẹ́ to awhádo zọnmì. Awhágbè lọ gbẹ́ to yìyì bọ yé mẹhe yí ayipipa bo sọ to finfọ́n sọn amlọn yetọn mẹ, jlá miyọngbán yetọn lẹ dó. Awhli nuyọnẹntọ lẹ sọ gọ́ miyọngbán yetọn lẹ po amì po. Ye tindo Ohó lọ po Gbigbọ lọ po. Yé sọ to domọna to dinvie dọ Jiwheyẹwhe to azọ́n Etọn hẹnwá pipé mẹ, bọ yé yí ayipipa hlan owẹn lọ, he yín Ohó dọdai tọn to ojlẹ he mẹ. To ehe mẹ, yé yín awuwletọ hlan azán gigonọ nẹ.

Johanu baptizi, he yín mẹhe jẹnukọnna wiwá tintan Oklunọ mítọn tọn, dọmọ, “Ewọ mẹhe tindo asi yọ́yọ́ wẹ asisúnọ; ṣigba họ́ntọn asisúnọ tọn, he ṣite bo to ogbè etọn sè jaya susu na é sè ogbè asisunọ tọn wutu: enẹwutu yè hẹn ayajẹ ṣie he zùn gigọ́“ (JOHANU 3:29). Mọkẹdẹ wẹ to dinvie, Asivun lọ do na sè ogbè Asisúnọ lọ tọn, ehe yín Ohó po opagbe lẹpo po hlan ojlẹ he. Kẹdẹdi lé owẹn dọdai tọn to wiwá Klisti tọn tintan mẹ te, mọkẹdẹ wẹ dinvie, jẹnukọnna wiwá Etọn awetọ, owẹn dọdai tọn de tin ga. Enẹ wẹ yín awhágbè he to núdọ to ojlẹ he mẹ – Ohó pagbe tọn hlan ojlẹ lọ, owẹn azán he tọn lọ gbọn ehe mẹ núdabla whiwhla lẹpo he tin to Ohó Jiwheyẹwhe tọn mẹ ko yín yinyọnẹn hlan Asivun lọ.

Awhágbè he na fọ́n yé he damlọn to gbigbọ mẹ lẹ; podọ yiylọ jẹgbonu lọ po awúwiwle lọ po do na yí otẹn jẹnukọnna wiwá Oklunọ lọ tọn. Aposteli Johanu, whenuena é tin to osó Patmos tọn ji, é mọ asivun lọ to núdohiamẹ mẹ bo sọ wlán dọ, “homẹ mítọn ni hùn, mí ni jaya, bo na yẹyi i: na alọwle Lẹngbọvu lọ tọn whenu wá, asi etọn ko sọ sọ́nu do ogo“ (OSỌHIA19:7).

Kẹdẹdi 1TẸSALONIKA 4:16, onú atọ̀n wẹ na jọ to kọlilẹwá Oklunọ tọn whenu: tintan 1) abobo, awetọ 2) ogbè angeligán tọn, atọ̀ntọ 3) opẹ̀ngbè Jiwheyẹwhe tọn. Onú helẹ po wẹ na jọ to whenuena Oklunọ na jẹte sọn olọn mẹ nado zé omẹfligọ lẹ yì gigo mẹ.

To JOHANU 11 mẹ, mẹde sọgan hia dogbọn awhágbè Etọn aṣẹpipa tọn dali. É jọ to devizọ́nwiwá Etọn mẹ to aigba ji: “Podọ whenuena é ko dọhó dolé, é yí ogbè lélé do dawhá dọ, Lazalọsi, jegbonuwá. Ewọ he yín oṣiọ lọ sọ jẹgbonuwá“ (JOHANU 11:43-44).

Whenuena Oklunọ mítọn to kúkú, É yí ogbè lélé do dawhá, “Bo pọ́n, avọ̀ yè do gbòabò fiwiwe lọ tọn sọ tlẹn do awe…aigba whàn gigi, osé lẹ sọ zẹ̀; oyọ̀whé lẹ sọ hùn do nuvo: oṣiọ susu omẹ wiwe he ko damlọn lẹ tọn fọ́n“ (MATIU 27:50-52).

To JOHANU 5:25 mẹ É dọmọ, “Nugbo nugbo wẹ yẹn dọ hlan mì, Ojlẹ lọ já dinvie sọ wẹ, whenuena oṣiọ lẹ na sè ogbè Ovi Jiwheyẹwhe tọn tọn; mehe sọ sè lẹ na tin to ogbẹ̀“.

Ohó Oklunọ mítọn tọn aṣẹpipa de wẹ; Ohó Ganhúnúpotọ tọn wẹ. Ohó depope he É dọ nọ wá ṣiṣẹ mẹ, podọ onúhe É degbè etọn nọ sọawuhia. Ohó etọn ma nọ lẹgọ̀ agba gba, ṣigba e na dotana onú he yẹn jlo. Bọ é sọ yí ohó huhlọn Etọn tọn do hẹn onú lẹpo go (HEBLU 1:3). Ohógbè Glẹki tọn (XE…….) he yín mimọ to 1TẸSALONIKA 4:16 mẹ, tọ́n sọn ogbè awhàn tọn de mẹ he yín ogbè aṣẹ̀pipa tọn. Onú he na jọ lé É to tejẹ sọn olọn mẹ já. Ohógo he yín awhágbè “he yé sọ tunmẹ dọ awhágbè aṣẹpipa tọn“; yé mẹhe ko damlọn lẹ wẹ na yín yiylọ gbọn awhágbè he lọ dali. To ehe godo, agbasa didiọ yé mẹhe to ogbẹ̀ to klisti mẹ lẹ tọn na yí tẹnmẹ. To ehe mẹ Oklunọ oklunọ lẹ tọn nadó húhlọn ogan yínyín etọn po aṣẹpipa etọn tọn po hia, kẹdẹdi lé eyín Oklunọ to omẹ he to ogbẹ̀ po oṣiọ lẹ po ji do.

To HEBLU 12:26 mẹ mí hia dọ, “…ogbè mẹhe tọn whàn aigba to whenẹnu, ṣigba to dinvie é ko dopagbe dọmọ, whlàdopo dogọ Yẹn ma to aigba kẹdẹ na whàn ba, ṣigba olọn ga“.

To MATIU 25 mẹ yè ko dọ hlan mí dogbọn awhágbè he tọ́njẹgbonu to zángbodo awe mẹ jẹnukọnna kọlilẹwá asisunọ tọn dali dọmọ, “Pọ́n, asisunọ ja; mì tọ́n yì pé é“. Ehe wẹ awhágbè huhlọnnọ godo tọn lọ to aigba ji nado fọ́n yé omẹ he damlọn to gbigbọ mẹ to kọlilẹwá klisti tọn whenu. Yé omẹ he fọ́n lẹ, jlá miyọngban yetọn lẹ do bo sọ wleawu po gbesisọ po na wiwá Asisunọ lọ tọn. Nudidọ awhágbè he tọn na fọ́n awhli nuyọnẹntọ lẹ po núlúnọ lẹ po dopọ ga:“Whenẹnu awhli nẹlẹ pó fọ́n, bo jlá ozòwhán yetọn lẹ dó“ (MATIU 25:7). Núlúnọ lẹ, nugbo, to gbejizọnlin yetọn ji jei Asisunọ pé gbé, ṣigba yé wá mọ dọ yé ma tindo ami he pé nado hẹn yé lúntọ́n gba, podọ enẹwutu wẹ yé ma do sọgan yì Núdùdú Alọwle Hunwhẹ tọn kọ̀n.

Po ayiha nugbo de po, mí do na zé ohógo he yín “awhágbè“ (xpauyn) MATIU 25:6 mẹ tọn, ehe to ogbè Glẹki tọn mẹ to didohia oylọ finfọ́n tọn dó hlan omẹ he to ogbẹ̀ bo damlọn to gbigbọ mẹ lẹ, jijlẹ do ohógo he yín “abobo go“ (XE…….) ehe yè zán to 1TẸSALONIKA 4:16 mẹ. To vlẹkẹsi de mẹ, mẹde sọgan mọ dọ ohógo awe he lẹ ko yín zinzán mlẹnmlẹn. Ohógo “awhágbè“ Matiu 25 mẹ tọn to didohia owẹn yiyayiya he na tin to gblagbla yisenọ he tin to ogbẹ̀ to azán nẹ mẹ lẹ tọn to aigba ji, podọ “abobo“ 1TẸSALONIKA 4 mẹ tọn na yín aṣẹpipa kẹdẹdi lé Oklunọ na to tejẹ sọn olọn mẹ nado ylọ yé mẹhe ko damlọn to Klisti mẹ lẹ jẹgbonu wá.

Matin núdindọn, awhágbè MATIU 25 mẹ tọn wẹ to yìyì to dinvie. Ehe wẹ owẹn godo tọn he mẹ yisenọ lẹ gbọn do fọ́n jẹnukọnna kọlilẹwá Klisti tọn. Yé sè Ohó gbẹte Jiwheyẹwhe tọn tọn bo sọ kẹalọyí manna yọ́yọ́ lọ – he yín Ohó pagbe tọn lọ na egbe. Owẹn Jiwheyẹwhe tọn wẹ Ohó ojlẹ he mẹ tọn he hẹn opagbe lẹpo na ojlẹ godo tọn. Yé mẹhe yise to egbe lẹ kẹdẹdi Owé Wiwe lọ, bo sọ nọte to ohó lọ mẹ po Jiwheyẹwhe po, wẹ na do dọpọ́n pipé opagbe lẹ lọ tọn.

Dogbọn wẹnzagùn he yè do sẹdo jẹnukọnna wiwá Klisti tọn tintán, mí hia dọ, “Ogbè mẹde tọn he to awhádo to zùngbo mẹ“ (ISAIA 40:3). Biblu hiatọ lẹpo tunwùn dọ dọdai he yè ko dọ lọ yín ṣiṣẹ dogbọn devizọnwiwá Johanu baptizi tọn dali. É dekunnu do ewlọsu go, dọ “Yẹn wẹ ogbè mẹhe tọn to awhádo to zùngbo mẹ, Mì basi aliho Oklunọ tọn dó titegbe! Dolé yẹwhegan Isaia dọ do“ (JOHANU 1:23).

Dinvie, jẹnukọnna kọlilẹwá Jesu Klisti tọn, owẹn Ohó he yè dohia tọn (ehe yè dọ gbọn wẹnzagùn agùn godo Laodikea tọn tọn dali) gbẹ́ to awhádo zọnmì. Awhágbè lọ gbẹ́ to yìyì bọ yé mẹhe yí ayipipa bo sọ to finfọ́n sọn amlọn yetọn mẹ, jlá miyọngbán yetọn lẹ dó. Awhli nuyọnẹntọ lẹ sọ gọ́ miyọngbán yetọn lẹ po amì po. Ye tindo Ohó lọ po Gbigbọ lọ po. Yé sọ to domọna to dinvie dọ Jiwheyẹwhe to azọ́n Etọn hẹnwá pipé mẹ, bọ yé yí ayipipa hlan owẹn lọ, he yín Ohó dọdai tọn to ojlẹ he mẹ. To ehe mẹ, yé yín awuwletọ hlan azán gigonọ nẹ.

Johanu baptizi, he yín mẹhe jẹnukọnna wiwá tintan Oklunọ mítọn tọn, dọmọ, “Ewọ mẹhe tindo asi yọ́yọ́ wẹ asisúnọ; ṣigba họ́ntọn asisúnọ tọn, he ṣite bo to ogbè etọn sè jaya susu na é sè ogbè asisunọ tọn wutu: enẹwutu yè hẹn ayajẹ ṣie he zùn gigọ́“ (JOHANU 3:29). Mọkẹdẹ wẹ to dinvie, Asivun lọ do na sè ogbè Asisúnọ lọ tọn, ehe yín Ohó po opagbe lẹpo po hlan ojlẹ he. Kẹdẹdi lé owẹn dọdai tọn to wiwá Klisti tọn tintan mẹ te, mọkẹdẹ wẹ dinvie, jẹnukọnna wiwá Etọn awetọ, owẹn dọdai tọn de tin ga. Enẹ wẹ yín awhágbè he to núdọ to ojlẹ he mẹ – Ohó pagbe tọn hlan ojlẹ lọ, owẹn azán he tọn lọ gbọn ehe mẹ núdabla whiwhla lẹpo he tin to Ohó Jiwheyẹwhe tọn mẹ ko yín yinyọnẹn hlan Asivun lọ.

Awhágbè he na fọ́n yé he damlọn to gbigbọ mẹ lẹ; podọ yiylọ jẹgbonu lọ po awúwiwle lọ po do na yí otẹn jẹnukọnna wiwá Oklunọ lọ tọn. Aposteli Johanu, whenuena é tin to osó Patmos tọn ji, é mọ asivun lọ to núdohiamẹ mẹ bo sọ wlán dọ, “homẹ mítọn ni hùn, mí ni jaya, bo na yẹyi i: na alọwle Lẹngbọvu lọ tọn whenu wá, asi etọn ko sọ sọ́nu do ogo“ (OSỌHIA19:7).