“Whenuena Owhè fọtọ́n na pé vọ̀, yè na tún Satani dote sọn ganhọ etọn mẹ jẹgbonu, é nasọ tọn yi nado klọ akọta he tin to ada ẹnẹ aigba tọn lẹ mẹ, Gọgi po Magọgi po nado bẹ́ yé pli dopọ hlan awhàn: sọha ye mẹhe tọn taidi tọkẹn ohù tọn” (OSỌHIA 20:7-8). Nújijọ he na jọ to ahọludu Owhè fọtọ́n tọn godo, ṣigba jẹnukọnna fọnsọnkú awetọ po whẹdajan Wiwe lọ po. Ehe to alọ dlẹn do akọta nẹlẹ he nọgbẹ̀ to aigba ji to ahọludu Owhè fọtọ́n tọn whenu ṣigba bo ma do mima to tito daho Jiwheyẹwhe tọn mẹ hlan aihọn lẹpo. Eyin mẹde hia ohó yẹwhegan Ezekiẹli tọn hinhẹn sọn ota etọn 38 po 39 po dagbe dagbe, ebọawu nado mọ kọ̀ndopọ he tin to avun daho huhlọnnọ awe lẹ ṣẹnṣẹn: tintan, avun Amagẹdọni tọn na jọ jẹnukọnna bibẹnu owhè fọtọ́n gé. Awetọ Gọgi po Magọgi po tọn na jọ to vivọnu owhè fọtọ́n tọn. Kọ̀ndopọ daho de tin to Ezekiẹli 39:17-20 po Osọhia 19:17-21 po ṣẹnṣẹn. Nugbo nugbo, yè dọho mẹhe na hoavun hẹ Jelusalẹm lẹ tọn to asiko awe lẹ mẹ. Na Satani na yín bibla to ahọludu Owhè fọtọ́n tọn whenu, onù lẹpo na dóda. Azán he gbe yè tlu i te, tukla daho na sọ bẹ́ po nukun vandomẹ etọn po do mayisenọ lẹ ji.

“Yè sọ hẹji gbọn gbigblo aigba tọn mẹ yì, bo sọ lẹdo osla mẹwiwe lẹ tọn pé, po otò daho yiwanna lọ po: miyọn sọ flẹ sọn Jiwheyẹwhe de sọn olọn mẹ bo hù yè súdo. Yè sọ dọn lẹgba he klọ yé dlan do miyọn hihla po whemi tọn po mẹ, fie kanlinlọ po yẹwhegan lalonọ lọ po te, yè nasọ to nukunbia mẹ to okle po ozán po kakadoi” (OSỌHIA 20:9-10).

Whẹpo ogbẹ̀ madopodo nado bẹ́, whẹdida godo tọn lọ (kẹdẹdi lé Osọhia 20 sọn afọ 11 dọ do) na yí tẹnmẹ. Gbẹtọ he yè ji lẹpo to aihọn he mẹ bọ yé nọ gbẹ̀ to aigba ji na fọ́n bo nasọ sọawuhia to Owhẹdatọ madopodo nukọn. to azán nẹ lọ gbe, owé lẹ na yín hunhun,yè nasọ dawhẹna ome dopodopo kẹdẹdi lé azọn etọn te. po adọgbo po, yè na hun owe ogbẹ̀ tọn to fọnsọnkú awetọ nẹ mẹ. Mẹdelẹ tin he yé wlàn oyin yetọn do owe ogbẹ̀ tọn mẹ, sọlé yè ma tlẹ mọ oyin yetọn to owe ogbẹ̀ tọn Lẹngbọvu lọ tọn mẹ. Owé dopo lọ wẹ ṣigba e hẹn awhànpa vóvó awe. Awhànpa tintan hlan fọnsọnkú tintan podọ awhànpa awetọ hlan fọnsọnkú awetọ. Yè omẹ he yé mọ to owé ogbẹ̀ tọn Lẹngbọvu lọ tọn mẹ lẹ yise nugbo nugbo, whenuena yé tin to ogbẹ̀ to aigba ji, to Jesu Klisti mẹ, mẹhe yé yí kẹdẹdi Whlẹgantọ, enẹwutu wẹ yé mọ ogbẹ̀ madopodo yí. Yé ma yí opagbe azán yetọn lẹ mẹ tọn sè, e sọgan yín dọ yé yín whiwhlá do agùn plipli alọpa-alọpa lẹ mẹ, podọ enẹwutu wẹ yé ma yì alọwle hunwhẹ kọ̀n bo sọ bà owhè fọtọ́n ahọludu Klisti tọn tọn pò. ṣigba omẹ he yise nugbo nugbo to Jesu-Klisti mẹ lẹ bo sọ yí i do basi Whlẹngantọ yetọn titi lẹ wẹ na biọ ogbẹ madopodo mẹ.

Ohó Oklunọ tọn sọ dọho hézéhézé do tukla godo tọn go na mẹhe pò bo na sọawuhia to whẹdida godo mẹ tọn kọ̀n: “Mẹdepope he yè ma mọ yín winwlàn do owe ogbẹ̀ tọn lọ mẹ, yè dọn ẹn yì dlan miyọn hihla mẹ” (OSỌHIA 20:15). Miyọn hihla nọte na “okú awetọ”. Owé Wiwé họnhun talala do ohó he ji, dọmọ “okú po kutomẹ po wẹ yè sọ dọn yì dlan miyọn hihla mẹ. Ehe wẹ okú awetọ” (OSỌHIA 20:14). Whenẹnu Satani po yẹwhegán lalonọ lọ po, po kanlin lọ po ko tin to miyọn hihla whemi tọn mẹ. Dogbọn azán yajiji yetọn tọn dali Owé Wiwe dọ, dọmọ, “Yè na to awufiẹsa mẹ to okle po ozán po kakadoidoi”. E sọgan yín owhè susu. Po avosisa po, Biblu túnmẹtọ lẹ natúnmẹ ohógbè Glẹki tọn “aeoni” whla susu taidi madopodo kavi madopodo mẹ kavi kakadoi. Ṣigba, to nugbo de mẹ ohógbè “aeoni tọn” to didohia whenu ojlẹ de tọn e ma yín madopodo gba.

Sọlé mẹde ma tlẹ sọgan dọ ojlẹ he e na yín, to nukọn yìyì mẹ e na wá jọ bọ ojle lọ na wá doalọte. Ojlẹ ma na tin bà, podọ enẹ lẹ he tin – to “ojlẹ” whenu – ma na tin to ogbẹ̀ madopodo mẹ. Onú nẹlẹ he dó bibẹnu, do na dó vivọ̀nu dandan. E bọawu nado mọdona ohógbè vivẹ he, e yín Biblu tunmẹtọ lẹ gbọn Jiwheyẹwhe dali tá hinhọn do e ji. Núhe tọ́n sọn Jiwheyẹwhe mẹ ma tindo bibẹnu gbede – yé yín madopodo bo nasọ tin to madopodo mẹ tẹgbẹ. Onú nẹlẹ he ko do bibẹnu kavi he yè dá, na tindo opodo to ofi de.

Do ayi e go, yè dọho dó miyọn whemi tọn ji taidi “okú awetọ” lọ. Okú tintan sọawuhia whenuena alindọn mẹde tọn jo agbasa etọn do. Whenuena gbigbọ ogbẹ̀ tọn jó alindọn do wẹ okú awetọ lọ. whenẹnu enẹ he Jiwheyẹwhe dọ to ohó etọn mẹ na yín hinhẹn ṣẹ dọ, “Alidọn he wà ylando, é na kú” (EZEKIẸLI 18:4 po 20 po). E dabla ṣigba nugbo wẹ, ofidepope ma tin to Owé Wiwe lẹ mẹ dọ alindọn gbẹtọ tọn yín maku. Jiwheyẹwhe tọn kẹdẹ, mẹhe yín madopodo,mí hia dọ “…mẹhe yín Huhlọnnọ Donanọ dopo lọ, Ahọlu yé he dugan di ahọlu lẹ tọn, podọ Oklunọ yé he dugan di oklunọ lẹ tọn; mẹhe ewọ dopo kẹdẹ wẹ tindo makú, bo nọnọ hinhọn mẹ, he mẹde ma sọgan sẹpọ” (1TIMỌTI 6:15 po 16 po). Dogbọn nugbo ehe lọ tọn dali, mẹhe to dindin in lẹ bo sọ yín nugbonọ to ayiha yetọn lẹ mẹ do na yígbena ohó Jiwheyẹwhe tọn. Oklunọ podọ Whlẹngatọ míton dọ, dọmọ, “enewutu wẹ Yẹn dọ hlan mì, dọ, mì na kú to ylando mìtọn mẹ: na eyín mì ma yise dọ Yẹn lọ wẹ, mì na kú to ylando mìtọn mẹ” (JOHANU 8:24). Mọse dọhó dogbọn devizọn he Klisti na wà taidi Ovi Gbẹtọ tọn tọn dali, podọ “Yẹwhegan lọ,” dọmọ, “E nasọ wá jọ, alindọn depope he ma yí yẹwhegan lọ sé, wẹ yè na súdo sọn gbẹtọ lẹ mẹ” (DEUTELONOMI 18:15-19; OWALỌ 3:21-23).

Ewọ kẹdẹ mẹ wẹ mí tindo ogbẹ̀ madopodo te. Yé mẹhe mọ ogbẹ̀ madopodo Etọn yí gbọn dọpọ́n nugbo vọji tọn dali lẹ kẹdẹ wẹ sọgan nọgbẹ̀ kakadoi. Ogbẹ̀ Jiwheyẹwhe lọsu tọn wẹ ogbẹ̀ madopodo he sọawúhia to Klisti mẹ to aigbaji fi. Kẹdẹdi lé yè ko dọ do, ogbẹ̀ Jiwheyẹwhe tọn ma do bibẹnu gbede, enẹwutu e ma sọ sọgan do vivọnu gbede adavo madopodo. Mì hia ohó he hézéhézé, “Jiwheyẹwhe na ogbẹ̀ madopodo hlan mí, ogbẹ̀ he tin to Ovi etọn mẹ. Ewọ he tindo Ovi tindo ogbẹ̀; ewọ he ma sọ tindo Ovi Jiwheyẹwhe tọn ma tindo ogbẹ̀ gba” (1JOHANU 5:11-12).

Mí do na mọdona hézéhézé dọ mẹde ma sọgan dọn na yè ji to ylando mẹ bọ é sọ nọgbẹ̀ to ylando mẹ wutu gba. Yè ko dọ owhẹhó ylando tọn whladopo vọ whenuena Klisti ko yí ede do basi ylando na mí, dọ gbọn Ewọ mẹ mí ni do lẹzùn dódó Jiwheyẹwhe tọn (LOMUNU 3:21-26). Yé mẹhe ma yise dọ Jiwheyẹwhe tin to Klisti mẹ bo to whẹgbọ hẹ aihọn hlan Ede, bo to jijona ylando po tasinsiẹn mítọn lẹpo po, bo sọ to mí yí di ovisunnu po oviyọnnu Etọn lẹpo, kẹdẹ wẹ na kú to ylando yetọn lẹ mẹ (JOHANU 8:24).

Yise nugbo to Jesu Klisti, Oklunọ podọ Whlẹngantọ mẹ, ma yín núwiwà agùn tọn de gba, ṣigba apade tito madopodo Jiwheyẹwhe tọn hlan gbẹtọ lẹpo wẹ. Ewọ ṣokẹdẹ mẹ wẹ Jiwheyẹwhe lọsu sọawuhia te, podọ gbọn enẹ mẹ ogbẹ̀ madopodo wá mí de. Enẹwutu, e to dandan nado yise to Klisti mẹ, eyín mẹde jlo na mọ ogbẹ̀ madopodo yí, “…na mẹdepope he yí i sé ma na do dọn, ṣigba é nido tindo ogbẹ̀ madopodo” (JOHANU 3:16). Yè ko gblewhẹdo ewọ he mayise dote to ogbẹ̀ whenu etọn (MALKU 16:16). Mẹhe to ogbẹ̀ to ylando mayise tọn mẹ lẹ klan yede sọn Jiwheyẹwhe go. Eyín hiẹ owéhiatọ lọ jlo na tin po Oklunọ po kakadoi, ma basi i taidi ojlo towe blo podọ gbọn azọn towe lẹ mẹ blo, ṣigba yọn ofligọzọn huhlọnnọ he yè wà to Klisti mẹ, bo din whlẹngan madopodo po gbọjẹ towe po to Jiwheyẹwhe mẹ.

To owhẹdida Ofin Wiwé lọ tọn godo, Jiwheyẹwhe na dá olọn yọ́yọ́ lẹ po aigba yọ́yọ́ lọ po. Yé mẹhe na nọ e mẹ lẹ ma na flín onú hóhó he jọ to ogbẹ̀ whenu yetọn lẹ gbede bà. E nẹ na yín madopodo gigonọ, azọ̀n ma na tin bà, awubla ma na tin bà, awufiẹsa ma na tin bà, okú ma na tin bà, aví ma na tin bà. Donanọ wẹ yé he na nọgbẹ̀ to ayajijẹ daho gigonọ nẹ mẹ kakadoi. To opòdo, nado sẹ̀n Oklunọ to aigba ogbẹ̀nọ tọn ji na yín núhọakuẹ. Hlan yé mẹhe tindo todidó gigonọ he lọ, wẹ opli de na tin na po mẹyinwanna he ko jẹnukọnna mí yì lẹ po. Yé na pé mẹhe yinwanna Oklunọ bo sọ sétonú nẹ lẹ, bo sọ yinwanna yenọzo lẹ. Do ayi e go, wanyin he pégan kẹdẹ – Wanyin Jiwheyẹwhe tọn lọ –wẹ na biọ finẹ.

Yè ko dopa olọn yọ́yọ́ lẹ po aigba yọ́yọ́ lọ po tọn to Alẹnù Hóhó po Yọ́yọ́ po mẹ podọ yé na sọawuhia whenuena ojlẹ na vọ, godo he ahọludu Owhè fọtọ́n tọn ko wá yì bọ whẹdida vivọnu Ofin Wiwé tọn ko ṣẹ. “Nukun ma ko mọ, mọ otó ma ko sè, mọ e ma ko sọ biọ ayiha gbẹtọ tọn mẹ, onú he Jiwheyẹwhe wleawu etọn lẹ na yé he yinwanna ẹn lẹ.“

*********

******

***

*

Vọnu wẹ yè ná owé-pẹvi he. Owé-pẹvi devo he gọna ẹn lẹ sọgan yín sisẹdó hlan mì gbọn kanbiọ dali.

Eyín mẹde jlo na mọdona húmọ dogbọn anádemẹ ohóta devo lẹ tọn dali, aglọn ali na dewe nado wlánwé sẹdo mí blo. Ohóta vivẹ lẹ taidi “Agọjẹdo-Klisti-gotọ lọ” , “Gbẹzán yisenọ tọn to Osọ podọ to Egbe”, “Jiwheyẹwhe po Tito Etọn po hlan Gbẹtọ lẹpo”, “Oplọn Baptẹm tọn po Tenu Núdùdú Oklunọ tọn po…” , “Yè wlán ẹn dọ” po devo devo he sọ tin lẹ po.

To Devizọnwhé ogbẹ lọ blébu tọn to Krefeld, West Germany, mí nọ detọn to German gbè mẹ, podọ to English gbè mẹ podọ to Gungbè mẹ ga. Azọn yise tọn he tin hlan agun lẹpo, podọ hlan mẹdekannujijẹ lẹpo na agbasa Klisti tọn lọ blébu. Núdonukun mítọn wẹ: nado hẹn ohónamẹ Jiwheyẹwhe tọn lẹpo zùn yínyọnẹn podọ nado hẹn nukọn yìyì asiko mítọn tọn wá hinhọn ṣiṣẹ dọdai Biblu tọn tọn mẹ.

Mí na yín homẹhunnọ, eyín mí sọgan yí linzọn na mì.

Finọtẹn mítọn wẹ:

Mission Center
P.O. Box 100707, 47707 Krefeld, Germany
Phone: +49-2151-545151, Fax: +49-2151-951293
Email: volksmission@gmx.de or E.Frank@freie-volksmission.de

Homepage:http://www.freie-volksmission.de

by the author and publisher E. Frank

“Whenuena Owhè fọtọ́n na pé vọ̀, yè na tún Satani dote sọn ganhọ etọn mẹ jẹgbonu, é nasọ tọn yi nado klọ akọta he tin to ada ẹnẹ aigba tọn lẹ mẹ, Gọgi po Magọgi po nado bẹ́ yé pli dopọ hlan awhàn: sọha ye mẹhe tọn taidi tọkẹn ohù tọn” (OSỌHIA 20:7-8). Nújijọ he na jọ to ahọludu Owhè fọtọ́n tọn godo, ṣigba jẹnukọnna fọnsọnkú awetọ po whẹdajan Wiwe lọ po. Ehe to alọ dlẹn do akọta nẹlẹ he nọgbẹ̀ to aigba ji to ahọludu Owhè fọtọ́n tọn whenu ṣigba bo ma do mima to tito daho Jiwheyẹwhe tọn mẹ hlan aihọn lẹpo. Eyin mẹde hia ohó yẹwhegan Ezekiẹli tọn hinhẹn sọn ota etọn 38 po 39 po dagbe dagbe, ebọawu nado mọ kọ̀ndopọ he tin to avun daho huhlọnnọ awe lẹ ṣẹnṣẹn: tintan, avun Amagẹdọni tọn na jọ jẹnukọnna bibẹnu owhè fọtọ́n gé. Awetọ Gọgi po Magọgi po tọn na jọ to vivọnu owhè fọtọ́n tọn. Kọ̀ndopọ daho de tin to Ezekiẹli 39:17-20 po Osọhia 19:17-21 po ṣẹnṣẹn. Nugbo nugbo, yè dọho mẹhe na hoavun hẹ Jelusalẹm lẹ tọn to asiko awe lẹ mẹ. Na Satani na yín bibla to ahọludu Owhè fọtọ́n tọn whenu, onù lẹpo na dóda. Azán he gbe yè tlu i te, tukla daho na sọ bẹ́ po nukun vandomẹ etọn po do mayisenọ lẹ ji.

“Yè sọ hẹji gbọn gbigblo aigba tọn mẹ yì, bo sọ lẹdo osla mẹwiwe lẹ tọn pé, po otò daho yiwanna lọ po: miyọn sọ flẹ sọn Jiwheyẹwhe de sọn olọn mẹ bo hù yè súdo. Yè sọ dọn lẹgba he klọ yé dlan do miyọn hihla po whemi tọn po mẹ, fie kanlinlọ po yẹwhegan lalonọ lọ po te, yè nasọ to nukunbia mẹ to okle po ozán po kakadoi” (OSỌHIA 20:9-10).

Whẹpo ogbẹ̀ madopodo nado bẹ́, whẹdida godo tọn lọ (kẹdẹdi lé Osọhia 20 sọn afọ 11 dọ do) na yí tẹnmẹ. Gbẹtọ he yè ji lẹpo to aihọn he mẹ bọ yé nọ gbẹ̀ to aigba ji na fọ́n bo nasọ sọawuhia to Owhẹdatọ madopodo nukọn. to azán nẹ lọ gbe, owé lẹ na yín hunhun,yè nasọ dawhẹna ome dopodopo kẹdẹdi lé azọn etọn te. po adọgbo po, yè na hun owe ogbẹ̀ tọn to fọnsọnkú awetọ nẹ mẹ. Mẹdelẹ tin he yé wlàn oyin yetọn do owe ogbẹ̀ tọn mẹ, sọlé yè ma tlẹ mọ oyin yetọn to owe ogbẹ̀ tọn Lẹngbọvu lọ tọn mẹ. Owé dopo lọ wẹ ṣigba e hẹn awhànpa vóvó awe. Awhànpa tintan hlan fọnsọnkú tintan podọ awhànpa awetọ hlan fọnsọnkú awetọ. Yè omẹ he yé mọ to owé ogbẹ̀ tọn Lẹngbọvu lọ tọn mẹ lẹ yise nugbo nugbo, whenuena yé tin to ogbẹ̀ to aigba ji, to Jesu Klisti mẹ, mẹhe yé yí kẹdẹdi Whlẹgantọ, enẹwutu wẹ yé mọ ogbẹ̀ madopodo yí. Yé ma yí opagbe azán yetọn lẹ mẹ tọn sè, e sọgan yín dọ yé yín whiwhlá do agùn plipli alọpa-alọpa lẹ mẹ, podọ enẹwutu wẹ yé ma yì alọwle hunwhẹ kọ̀n bo sọ bà owhè fọtọ́n ahọludu Klisti tọn tọn pò. ṣigba omẹ he yise nugbo nugbo to Jesu-Klisti mẹ lẹ bo sọ yí i do basi Whlẹngantọ yetọn titi lẹ wẹ na biọ ogbẹ madopodo mẹ.

Ohó Oklunọ tọn sọ dọho hézéhézé do tukla godo tọn go na mẹhe pò bo na sọawuhia to whẹdida godo mẹ tọn kọ̀n: “Mẹdepope he yè ma mọ yín winwlàn do owe ogbẹ̀ tọn lọ mẹ, yè dọn ẹn yì dlan miyọn hihla mẹ” (OSỌHIA 20:15). Miyọn hihla nọte na “okú awetọ”. Owé Wiwé họnhun talala do ohó he ji, dọmọ “okú po kutomẹ po wẹ yè sọ dọn yì dlan miyọn hihla mẹ. Ehe wẹ okú awetọ” (OSỌHIA 20:14). Whenẹnu Satani po yẹwhegán lalonọ lọ po, po kanlin lọ po ko tin to miyọn hihla whemi tọn mẹ. Dogbọn azán yajiji yetọn tọn dali Owé Wiwe dọ, dọmọ, “Yè na to awufiẹsa mẹ to okle po ozán po kakadoidoi”. E sọgan yín owhè susu. Po avosisa po, Biblu túnmẹtọ lẹ natúnmẹ ohógbè Glẹki tọn “aeoni” whla susu taidi madopodo kavi madopodo mẹ kavi kakadoi. Ṣigba, to nugbo de mẹ ohógbè “aeoni tọn” to didohia whenu ojlẹ de tọn e ma yín madopodo gba.

Sọlé mẹde ma tlẹ sọgan dọ ojlẹ he e na yín, to nukọn yìyì mẹ e na wá jọ bọ ojle lọ na wá doalọte. Ojlẹ ma na tin bà, podọ enẹ lẹ he tin – to “ojlẹ” whenu – ma na tin to ogbẹ̀ madopodo mẹ. Onú nẹlẹ he dó bibẹnu, do na dó vivọ̀nu dandan. E bọawu nado mọdona ohógbè vivẹ he, e yín Biblu tunmẹtọ lẹ gbọn Jiwheyẹwhe dali tá hinhọn do e ji. Núhe tọ́n sọn Jiwheyẹwhe mẹ ma tindo bibẹnu gbede – yé yín madopodo bo nasọ tin to madopodo mẹ tẹgbẹ. Onú nẹlẹ he ko do bibẹnu kavi he yè dá, na tindo opodo to ofi de.

Do ayi e go, yè dọho dó miyọn whemi tọn ji taidi “okú awetọ” lọ. Okú tintan sọawuhia whenuena alindọn mẹde tọn jo agbasa etọn do. Whenuena gbigbọ ogbẹ̀ tọn jó alindọn do wẹ okú awetọ lọ. whenẹnu enẹ he Jiwheyẹwhe dọ to ohó etọn mẹ na yín hinhẹn ṣẹ dọ, “Alidọn he wà ylando, é na kú” (EZEKIẸLI 18:4 po 20 po). E dabla ṣigba nugbo wẹ, ofidepope ma tin to Owé Wiwe lẹ mẹ dọ alindọn gbẹtọ tọn yín maku. Jiwheyẹwhe tọn kẹdẹ, mẹhe yín madopodo,mí hia dọ “…mẹhe yín Huhlọnnọ Donanọ dopo lọ, Ahọlu yé he dugan di ahọlu lẹ tọn, podọ Oklunọ yé he dugan di oklunọ lẹ tọn; mẹhe ewọ dopo kẹdẹ wẹ tindo makú, bo nọnọ hinhọn mẹ, he mẹde ma sọgan sẹpọ” (1TIMỌTI 6:15 po 16 po). Dogbọn nugbo ehe lọ tọn dali, mẹhe to dindin in lẹ bo sọ yín nugbonọ to ayiha yetọn lẹ mẹ do na yígbena ohó Jiwheyẹwhe tọn. Oklunọ podọ Whlẹngatọ míton dọ, dọmọ, “enewutu wẹ Yẹn dọ hlan mì, dọ, mì na kú to ylando mìtọn mẹ: na eyín mì ma yise dọ Yẹn lọ wẹ, mì na kú to ylando mìtọn mẹ” (JOHANU 8:24). Mọse dọhó dogbọn devizọn he Klisti na wà taidi Ovi Gbẹtọ tọn tọn dali, podọ “Yẹwhegan lọ,” dọmọ, “E nasọ wá jọ, alindọn depope he ma yí yẹwhegan lọ sé, wẹ yè na súdo sọn gbẹtọ lẹ mẹ” (DEUTELONOMI 18:15-19; OWALỌ 3:21-23).

Ewọ kẹdẹ mẹ wẹ mí tindo ogbẹ̀ madopodo te. Yé mẹhe mọ ogbẹ̀ madopodo Etọn yí gbọn dọpọ́n nugbo vọji tọn dali lẹ kẹdẹ wẹ sọgan nọgbẹ̀ kakadoi. Ogbẹ̀ Jiwheyẹwhe lọsu tọn wẹ ogbẹ̀ madopodo he sọawúhia to Klisti mẹ to aigbaji fi. Kẹdẹdi lé yè ko dọ do, ogbẹ̀ Jiwheyẹwhe tọn ma do bibẹnu gbede, enẹwutu e ma sọ sọgan do vivọnu gbede adavo madopodo. Mì hia ohó he hézéhézé, “Jiwheyẹwhe na ogbẹ̀ madopodo hlan mí, ogbẹ̀ he tin to Ovi etọn mẹ. Ewọ he tindo Ovi tindo ogbẹ̀; ewọ he ma sọ tindo Ovi Jiwheyẹwhe tọn ma tindo ogbẹ̀ gba” (1JOHANU 5:11-12).

Mí do na mọdona hézéhézé dọ mẹde ma sọgan dọn na yè ji to ylando mẹ bọ é sọ nọgbẹ̀ to ylando mẹ wutu gba. Yè ko dọ owhẹhó ylando tọn whladopo vọ whenuena Klisti ko yí ede do basi ylando na mí, dọ gbọn Ewọ mẹ mí ni do lẹzùn dódó Jiwheyẹwhe tọn (LOMUNU 3:21-26). Yé mẹhe ma yise dọ Jiwheyẹwhe tin to Klisti mẹ bo to whẹgbọ hẹ aihọn hlan Ede, bo to jijona ylando po tasinsiẹn mítọn lẹpo po, bo sọ to mí yí di ovisunnu po oviyọnnu Etọn lẹpo, kẹdẹ wẹ na kú to ylando yetọn lẹ mẹ (JOHANU 8:24).

Yise nugbo to Jesu Klisti, Oklunọ podọ Whlẹngantọ mẹ, ma yín núwiwà agùn tọn de gba, ṣigba apade tito madopodo Jiwheyẹwhe tọn hlan gbẹtọ lẹpo wẹ. Ewọ ṣokẹdẹ mẹ wẹ Jiwheyẹwhe lọsu sọawuhia te, podọ gbọn enẹ mẹ ogbẹ̀ madopodo wá mí de. Enẹwutu, e to dandan nado yise to Klisti mẹ, eyín mẹde jlo na mọ ogbẹ̀ madopodo yí, “…na mẹdepope he yí i sé ma na do dọn, ṣigba é nido tindo ogbẹ̀ madopodo” (JOHANU 3:16). Yè ko gblewhẹdo ewọ he mayise dote to ogbẹ̀ whenu etọn (MALKU 16:16). Mẹhe to ogbẹ̀ to ylando mayise tọn mẹ lẹ klan yede sọn Jiwheyẹwhe go. Eyín hiẹ owéhiatọ lọ jlo na tin po Oklunọ po kakadoi, ma basi i taidi ojlo towe blo podọ gbọn azọn towe lẹ mẹ blo, ṣigba yọn ofligọzọn huhlọnnọ he yè wà to Klisti mẹ, bo din whlẹngan madopodo po gbọjẹ towe po to Jiwheyẹwhe mẹ.

To owhẹdida Ofin Wiwé lọ tọn godo, Jiwheyẹwhe na dá olọn yọ́yọ́ lẹ po aigba yọ́yọ́ lọ po. Yé mẹhe na nọ e mẹ lẹ ma na flín onú hóhó he jọ to ogbẹ̀ whenu yetọn lẹ gbede bà. E nẹ na yín madopodo gigonọ, azọ̀n ma na tin bà, awubla ma na tin bà, awufiẹsa ma na tin bà, okú ma na tin bà, aví ma na tin bà. Donanọ wẹ yé he na nọgbẹ̀ to ayajijẹ daho gigonọ nẹ mẹ kakadoi. To opòdo, nado sẹ̀n Oklunọ to aigba ogbẹ̀nọ tọn ji na yín núhọakuẹ. Hlan yé mẹhe tindo todidó gigonọ he lọ, wẹ opli de na tin na po mẹyinwanna he ko jẹnukọnna mí yì lẹ po. Yé na pé mẹhe yinwanna Oklunọ bo sọ sétonú nẹ lẹ, bo sọ yinwanna yenọzo lẹ. Do ayi e go, wanyin he pégan kẹdẹ – Wanyin Jiwheyẹwhe tọn lọ –  wẹ na biọ finẹ.

Yè ko dopa olọn yọ́yọ́ lẹ po aigba yọ́yọ́ lọ po tọn to Alẹnù Hóhó po Yọ́yọ́ po mẹ podọ yé na sọawuhia whenuena ojlẹ na vọ, godo he ahọludu Owhè fọtọ́n tọn ko wá yì bọ whẹdida vivọnu Ofin Wiwé tọn ko ṣẹ. “Nukun ma ko mọ, mọ otó ma ko sè, mọ e ma ko sọ biọ ayiha gbẹtọ tọn mẹ, onú he Jiwheyẹwhe wleawu etọn lẹ na yé he yinwanna ẹn lẹ.“

*********

******

***

*

Vọnu wẹ yè ná owé-pẹvi he. Owé-pẹvi devo he gọna ẹn lẹ sọgan yín sisẹdó hlan mì gbọn kanbiọ dali.

Eyín mẹde jlo na mọdona húmọ dogbọn anádemẹ ohóta devo lẹ tọn dali, aglọn ali na dewe nado wlánwé sẹdo mí blo. Ohóta vivẹ lẹ taidi “Agọjẹdo-Klisti-gotọ lọ” , “Gbẹzán yisenọ tọn to Osọ podọ to Egbe”, “Jiwheyẹwhe po Tito Etọn po hlan Gbẹtọ lẹpo”, “Oplọn Baptẹm tọn po Tenu Núdùdú Oklunọ tọn po…” , “Yè wlán ẹn dọ” po devo devo he sọ tin lẹ po.

To Devizọnwhé ogbẹ lọ blébu tọn to Krefeld, West Germany, mí nọ detọn to German gbè mẹ, podọ to English gbè mẹ podọ to Gungbè mẹ ga. Azọn yise tọn he tin hlan agun lẹpo, podọ hlan mẹdekannujijẹ lẹpo na agbasa Klisti tọn lọ blébu. Núdonukun mítọn wẹ: nado hẹn ohónamẹ Jiwheyẹwhe tọn lẹpo zùn yínyọnẹn podọ nado hẹn nukọn yìyì asiko mítọn tọn wá hinhọn ṣiṣẹ dọdai Biblu tọn tọn mẹ.

Mí na yín homẹhunnọ, eyín mí sọgan yí linzọn na mì.

Finọtẹn mítọn wẹ:

Mission Center
P.O. Box 100707, 47707 Krefeld, Germany
Phone: +49-2151-545151, Fax: +49-2151-951293
Email: volksmission@gmx.de or E.Frank@freie-volksmission.de

Homepage:http://www.freie-volksmission.de

by the author and publisher E. Frank