Ebaruha erikwetorora - Okwakana 2015

Obuhereza bw`oweishe-emwe Branham bukaba buri obwa maani nk`obuhereza bwa Musa, Yohaana Omubatiza, kandi nk`obwe ntumwa Paulo omukikwatireine n`entebekanisa ya Ruhanga y`okujuna. Ekigambo kya Ruhanga ekyarangirirwe entuwa za Ruhanga kitusigirwe, kandi nikyo kimwe ekituri kuburira, ahabw`okuba ekigambo kya Ruhanga kigumaho ebiro byoona (1Petero 1:25) Omuri Petero 3:14-18, entumwa Petero akehanangiriza abaikiriza aha bikwatireine n`okugaruka kwa MUKAMA waitu Yesu Kristo okwaraganitsibwe, okwegyendesereza kugira ngu batashangwa beine ibara ryonaa, kandi bateine ekibarikugaywaho. Akaruga yajuriza n`ebyahandikrwe Paulo omu biyahandikire, kandi yayoreka ngu harimu ebintu bimwe ebigumire kwetegyereza twaherize kukyetegyereza ngu kukiri kuhika aha butumwa obw`omuri Baibuli, tiliri kukwata aha bihandikirwemu ebigumire kwetegyereza ebi Paulo yagambireho buri, nk`oku Petero abigambireho omuri 2 Petero 3:16, ninga shi omu ki oweishe-emwe Branham yagambiere aine ekihika kingi omu mirimo gwa Ruhanga ogw`ahamuheru. Nk`oku kyabaire kiri enyimaho, n`oburi hati hariho abantu abarikutwara ebigambo ebyagambirwe ow`eishe-emwe Branham bakabyiha omu buteeka bwabyo obu yagambirireemu bakehangiramu enyegyesa zaabo ez`ebishuba (Orunyiriri 16).

Ekiragiro eki Paulo yaheire omukozi mugyenzi we omwesigwa- omurri 2 Timoseo 4 kikahebwa ow`eishe-emwe Branham omu mwaka gwa 1933 akiheirwe MUKAMA wenyini omu kworekwa. Buri muhereza wa Ruhanga weena nija kuta ebigambo ebi aha mutima:

“Ninkwehanangiriza omu maisho ga Ruhanga na Kristo, oricwera abahuriire n`abafiire orubanja, kandi ahabw`okugaruka kwe n`obukama bwe, ogume obuurire ekigambo kya Ruhanga, ogambe n`obweziriki omu bunaku oburagiirwe n`obutaragiirwe, ohane oteise, oyehanangirize n`okugumisiriza kandi n`okwegyesa. Ahakuba ebiro biryaija, obu abantu baryanga kuhurira enyegyesa y`amazima; kwonka ahabw`okugira amatu agarikubarya baryayekanyisiza abeegyesa abarikwegyesa nk`okwetenga kwabo oku kuri, beigare amatu ngu batahurira amazima, bahabe, bakuratire ebiteekyerezo by`ebingujano. Kwonka iwe, oyerinde omuri byona, ogumisiririze obusaasi, okore omurimo gw`omubuurizi w`engiri, ohikize kimwe okuheereza kwawe.”

MUKAMA naanye akandagiira kushoma 2 Timoseo 4 omu kwezi kwa kabiri 1980 obu nabiire ndi Marseille France. Omu mwwbazyo ekiro kimwe enyimaho omurundi gw`okubanza nkabuzibwaho eki ebihinda mushanju ebiri omu kushuuruurirwa 10 birikumanyisa. Nkaba ntaine ky`okugarukamu omuri obwo bwiire. Ku nabiire ninshoma 2 Timoseo 4, aho n`aho nketegyereza aha bwenki nabiire nshemereire kushoma ekyo kyahandikirwe: enshemereire kwegyesa n`okuburira ekigambo kyonka; tindikubasa kandi tindikuza kweeta aha by`okuvunuura. Tindikubasa kushaririza omu kigambo ekyo kiri aheru.

Ogwe weena oyetsirwe Ruhanga omu mazima naija kuta omutima aha kwehanangiriza oku Paulo yahandikiire Timoseo “Ninkwehanangiriza omu maisho ga Ruhanga … obuurire ekigambo … !” Buri kitahandikirwe omu kigambo tikishemereire kuba nikiburirwa omu ngiri ey`ebiro n`ebiro. Kandi ogwe weena ori kuburiira ekintu kyoona haza kitari mu byahandikirwe, n`obu yakuba nakweeta ngu n`okushuuruurirwa, nayeta ahansi y`omukyeeno (Abagalatiya 1:8), n`obuyakubeire ari Maraika kuruga omu iguru!

Entumwa Yohaana nawe akatutsigira okurabura oku: “Niinyehanangiriza omuntu weena orikuhurira ebigambo by`omu kitabo eki, nti: Omuntu weena ku aribyongeraho, Ruhanga aryamwongeraho ebibonaboneso ebihandiikirwe omu kitabo eki; kandi omuntu weena ku aricwa aha bigambo eby`omu kitabo ky`obunabi obu, Ruhanga aryamwaka omugabo gwe ogw`aha muti gw`amagara n`ogw`omu rurembo orurikwera, ebihandiikirwe omu kitabo eki.”

Abo boona abari kwikiriza nk`oku ebyahandikirwe birikugira bahairwe omugisha: “Orikushoma ebigambo by`obunabi obu aine omugisha, kandi baine omugisha abarikubihurira, bakata omutima aha bihandiikirwemu; ahabw`okuba obunaku buri haihi.” (Okushuuruurirwa 1:3)