EBARUHA ERIKWETORORA - Okw`ikumi-n`ebiri 2011

Hariho ebyahandikirwe biingi ahari aka kaire akuturimu kandi ak`omutaano. Harimu eishomo ry`okutahikirira, okuriyo nikweyongera n`amaani, obutabanguko omu mahanga, hamwe n`okushoberwa okuri kushangwa buri hamwe hoona. Abantu boona nibashaba obuyambi konka obuyambi obwe tihariho ahu buri. Tihakahabagaho enterane eza maani ezirabeireho nk`ezibeireho omwaka ogu. Ekyokugambaho ekikuru n`eibura rya sente hamwe n`ebyentasya omunsi yoona. Nooha owabaire arahurireho amahanga mingi nigakyena kandi naza baanka nyingi zirikukingwa? Omu kushoberwa obwe bariyo nibaronda eky`okumaraho ebi, amahanga goona nigayambana omu by`entasya ahabw`okuba eihanga niribisibwaho erindi.

Vatiakani nayo oburi hati eriyon`ebitahamu. Neyenda ngu hatandikweho ekitongore ky`ensi yoona ky`okureberera eby`entasya by`amahanga goona, “Baanka y`ensi yoona.” “N`obujunanizibwa bw`abantu b`omugigi ogu okureeba kandi bakaikiriza empindahinduka eziriyo nizibaho omunsi okugira ngu buri omwe weena omunsi yoona atungye ekirungi.” Okwe nikwo kihandikirwe omu kihandiiko “ky`orukiiko rw`abanyadiini abakuru omukereziya enkatorika orw`oburinganiza hamwe n`obusingye.” Nikigyenda omu maisho kigira kiti: “omwoyo gwa Babeli gukahwaho. Oburi hati nitwetenga omwoyo gwa Pentekoti, omwoyo gw`okutuura omuka emwe.” (Vatikani Radio, kwaikumi 24, 2011).

Okurugirira ahari nabi Danieli obutegyeki bw`ensi bw`okumarira nibuza kushonshomera ensi yoona kandi bugigyeme okuza omu bumwe. Eki nikirugaho hakurataho ekindi, okuhisya obu buri kintu kyona kiragaitirwe ahansi ya manvuuri emwe mpango. Eby`entesya by`ensi yoona, obutegyeki bw`ensi yoona, ediini y`ensi yoona-buri omwe nayakiirwa buri hamwe hoona.

Abo abaatoreinwe bonka, ekanisa ey`amazima eya Yesu Kristo neguma omu burinzi bwa Rukira boona (Zaaburi 91), kandi amazima ge nigo bweshereko bwabo (Zaaburi 40:11). Omunsi harimu obuhabe bwonka ahabw`okuba obwebembezi bwona nibworobera omugabe w`ensi egi kandi nibukozesibwa amaani g`omubi. Konka okurugirira aha ki Ruhanga yaraganiise, Ruhanga ow`obushoborozi bwona naija kuteraho abantu be oburinganiza obutahwaho: “Eby`oburyo ndyabigira omugoye gw`okugyeresa, n`okuhikiirira nkugire kariisho…” (Isaaya 28:17). Kandi nk`oku kihandikirwe omuri Danieli 7:26-27, Ruhanga ow`omu iguru naija kutandikaho obugabe bwe omu biro by`okuhendera kw`obugabe bw`ensi yoona nikwo millennium etandike (Okushuuruurirwa 11:5). Obwiire butwiriire haihi.