EBARUHA EMPIKA HOONA - okwakashatu 1983

Emyeezi ebiri ey`okubanza omu mwaka musya ekaba erimu engyendo z`okuburira engiri aheeru, ezi Ruhanga yaheriire kiwme omugisha. Eky`obusaasi nitubasa kugamba bikye aha bingi ebi Ruhanga Yakozire.

Omu kweezi kw`okubanza, ahabw`embabazi za MUKAMA tukagiraho oruteerane rw`amaani omuri India rwiziremu abantu okuruga haihi na hare. Omushaija omwe okuruga omu Kanisa y`aba full gossipo haihi n`amshuma g`ekibuga kimwe omuri India ekya Trivandrum akaha obujurizi aha muheru gw`oruterane orwizirwemu abant u nka 4000 “tukaba twaragizireho oruterane emyaka 42 enyimaho obu abantu bagamba, kwonka omwaka ogu tutungire enteraane ezi Ruhanga yagambiiremu naitwe okurabira omu Kigambo kye. Batari b`eishe-emwe b`aba hereeza bonka, okwihaho boona ababiire bariho bakehuririra ku byabiire bitari bigambo n`emigane ebirimu busha ebyabaire ni bibagambirwa, okwihaho Ekigambo kya Ruhanga, n`Omwoyo hamwe n`amagra.

Tukabaasa n`okugurira ab`eishe-emwe abari omu mateemba ga India ekyoma ekiri kuteera ebitabo okugira ngu babaase kweshohoreza amatebezo g`oweish-ewe Branham omu rurimi rwaabo. Enterane ezi zikaba omugisha gw`amaani aha bantu baingi – omuri Bombe amagana g`abantu gakahurira Ekigambo kya Ruhanga obariremu n`abasosolodooti babiri kandi boona bakakwatwaho Ekigambo kandi babasa kutaaha omu Mwoyo wa Ruhanga. Omu mazima nikiija kwaana ebijuma biingi.

Orugyendo rwa burigw`izooba rukareeta eby`okutangaaza bingi. Nkaba naagambireho omu bantu biingi enyimaho kwonka gukaba omurundi gw`okubanza omuri Korea okuburira enkumi n`enkumi z`abantu Ekigambo kya Ruhanga omurundi gumwe. Nkabaasa kwetwa abapentekooti, abapaptisiti n`aba methodisti n`aba peredesteriyani kandi gukaba omurundi gwangye gw`okubanza okutayaaya omuri Korea.

Ruhanga akagaruka yaigura orwiigi omuri Tayiwani omu muriingo gw`okutangaaza. Ku twakubaasa kutunga omugisha gw`okuburira aha Rediyo omuri Chaina, hariyo ba`eishe-emwe abetekateekire kuvunuura amatebezo omu rurimi oruchaina. Hariho obundi bukanisa bubiri bukye omuri Japani kandi n`omuri obwo bukanisa MUKAMA ainemu abe abu ariyo nayeeta hati kandi nabwo abaikiriize okuruga omu makanisa gatari gamwe n`agamwe kandi hamwe n`okuruga omuri Seminariyo y`ensi yoona eya Baibuli bakasherura eki Ruhanga abasiize kukora omu bwiire obu. Bamwe aharibo bakantayayira ahari hoteeli.

Ahabw`eby`okweriinda, tindikubaasa kugamba biingi aha bwiire obu ndamare omuri Chaina kwonka nabwe hariho abantu abeteekatekire kuhurira obutumwa bwa Ruhanga. Ow`eishe-emwe akantayayira aha hoteeli kandi yangambira aha byabire nibigyenda omu maisho. Baibuli bagarukire bagihandiika okugira ngu abaikiriza baabse kugishoma. Ekyo ni tukisiira munoonga Ruhanga. Nitwikiriza ngu Ruhanga aine abu yatoriine omuri Chaina kandi ariyo nabeeta kugira ngu barugeyo.