EBARUHA EMPIKA HOONA - Okwakashatu 1983

Ahabw`enterane za pasiika eziri kutandika aha rwakataano oruri kweera (Good Friday) nitweeta mweena okuruga haihi na hare, okuruga omu ihanga ryaitu hamwe naheeru y`aihanga, otwariiremu naabo abari kubanganiisa bakerebera hare. Ruhanga omu mazima goona naija kubugana naabo ab`amazima kandi naija kugamba naabo kandi naija kweshuruurira abe nk`omwe owazokire kuruga omu bafu.

Aha muheru gw`omwaka gwa 1983 tukagiraho enteerane nyingi kutandika n`okwikumi n`ebiri ebiro 29. Okwezi kwa ikumi n`ebiri ebiro 28, Ruhanga akandagiira kumuteranira abantu be. We weenka akekorera byoona kandi eki twabiire tutari kuteekateeka ab`eishe-emwe n`ab`eishe-emwe-kazi baingi bakiija kuterana. Za saviisi ezi zikahinduka ezi batakabaasa kweebwa. Tuherize kutaaha omu kicweka ky`aha muheru. N`obuhame bw`okwikiriza, omwaka gw`okwikiriza, omwaka gwa jubili, nigubaasa kurangirirwa. Tihariho n`omwe oshemereire kweita amatu aha ira ry`enzamba ery`aha muheru. Ruhanga atugarukiire ogundi murundi kandi naija kushuruura obusinguzi obuhikire omu kanisa ye. MUKAMA akatandika obuhereza bwe obwe arikujuriza Isaaya 61 kandi yatandika kuburira omwaka gw`okwikirizibwa ogwa MUKAMA. Hati ariyo naretera buri kintu kyona okuhika aha kuhendera. Niwe ntandikiro kandi emariira.

Omukutumwa MUKAMA

Ow`eishe-emwe Frank