E dinde moko nitie puonj ma wacho ni jogo duto ma lemo odiechieng’ mokuongo mar juma to ok e odiechieng’ Sabato, kaka chik dwaro, gin joma nie bath chenro makwedo Kristo. Giwuoyo kuom Fweny 14:6-13 kendo gilando ni, “Ng’ato angata ma timo lamo e odiechieng mokwongo mar juma nigi kido mar ondiek kendo ibiro miye sand mochwere.” Mae en puonj marach ahinya, loko ma ok owinjore, ok mana nikech en miriambo – nikech kuno ok owach gimoro kuom odiechieng mokwongo mar juma – to nikech ogolo paro kuom gima en adiera. Ka wach en wach maduong’ ahinya mana kaka wach ma wuoyo kuom kido mar ondiek, ma en wach mar ranyisi ma achiel kachiel mar jasigu mar Kristo, to mano e gimomiyo onego watim nonro kuom Ndiko duto ma wuoyo kuom wachno kendo e yo ma kamano, gikelo ranyisi ma ng’ato nyalo ng’eyo chuth, ka luwore gi Muma. Loko ndiko moro amora mar ng’ato owuon en tich mar jasigu. Fwenyruok mar adiera mar tiend wach en gima dwarore; owuok mana kuom riwruok mar Ndiko duto ma wuoyo kuome.

Fweny. 13:11-18 chiwo weche ma nyiso gik ma biro timore e kinde mogik kendo bende ni kido mar ondiek en “kwan mar dhano,” to ok kwan mar odiechieng’. kwan mar “dhano manigi teko moloyo” ne osemiwa kwanne: 666. Chakre kinde ma ne idwoke weche Nyasaye, osebedo ka ong’ere ni en VICARIUS FILII DEI kendo en gima loso achiel kachiel kuom loch mar papa.

Onge Ndiko moro amora ma wacho ni ng’ato ma yalo e odiechieng’ mokwongo mar juma (jumapil) kata ngat matimo tich lemo (jumapil) nigi kido mar ondiek. Kendo onge kata sula moro amora ma nyiso e yo moro amora ni jogo duto ma rito Sabato nigi kido mar Nyasaye, kaka ji moko wacho. Magi gin puonj mag dhano kendo, kuom adier, ok gin puonj mag Muma chuth. Kaluwore gi Ndiko, kido mar Nyasaye iketo kuom jomaoyie madier kokalo kuom Roho Maler (2. Korintho 1:21-22; Jo-Efeso 1:13; Jo-Efeso 4:30).

Thor wach ma ji mine Wach owuok e Daniel 7, matindo 25. Kata kamano, ogole oko mar puonj, nikech ochung’ ne kinde giko ma ne oket chon ma oganda Israel ibiro ketogi e lwet jasigu mar Kristo kuom higni adek gi nus bang’ ketho singruok (Daniel. 9:27). “Eka nowachi weche maricho ni ngama Malo chutho minosand joma ler mag ngama malo chutho kendo nopar mondo olok tim piny kod chik minochiwgi e lwete nyaka higa gi higni gi nus higa.” Daniel ne ok oneno gima mulo Kanisa, to ne oneno gima ne dhi timore gi Israel (Daniel 10:14).

Ng’ato owinjore som puonj ka puonj mar Muma duto kendo oweye mana kare ma owinjorego. Kuom ranyisi, ka ng’ato somo Dan. 7:23-27, onyalo neno maler ni oloso kuom kinde mogik mar higni 3 1⁄2 mag sand maduong, bang’ loch mar higni gana achiel gi Kristo chakre: “To pinyruoth duong mar pinje Ruodhi mani e bwo polo duto, nochiwgi ni joma ler mag Ngama malo chutho…” (Matindo 27) Kaluwore gi kinde ma ne omi Israel,e kinde ma bende owuoyo kuom kido mar ondiek, owacho ni: “Kaeri ema idwaroe kinda mar joma ler momako chik Nyasaye gi yie mar Yesu to nawinjo dwol moa e polo ka wacho ni ya “ndik wechegi,ni, nyaka a kawuono, joma tho ka giyie kuom RUOTH gin joma ogwedhi adier, nikech ginyalo yueyo kagiweyo tichgi, ni mar timbegi luwo banggi.“ (Fweny 14:12-13).

Paro ma ji wacho ni odiechieng’ mokwongo mar juma (jumapil) ne ochak gi Kanisa mar Katholik ok en adier. Odiechieng’ mokwongo mar juma ne osebedo odiechieng’ mar romo mar RUOTH marwa mosechier, joote, kod jomaoyie mag kanisa mokwongo. Keto odiechiengni “odiechieng’ chieng’” Kata kamano, owuok kuom jomakia Nyasaye (jokafiri); kuom mano, nying ma ne oyier ni odiechieng’ mokwongo chutho ok en mar Muma, to ok odiechiengno hie. En adier ni sigu ma ne kanisa mar piny ma ne pod dongore ne nigo ne Jo-Yahudi e tieng` mar adek ne medo bedo matek ahinya ma bang’e ne gi kuong’ogi ni gin jogo ma ne onego Kristo kendo ne gidagigi kaachiel gi Sabato. E higa mar 321, kata kapok kanisa mar piny obedoe kaka riwruok, ruoth Constantino nogolo chik ma ne ogeng’o Jo-Yahudi mondo kik orit Sabato kendo noketo odiechieng’ mokwongo mar juma kaka odiechieng’ mar lamo ne gin bende. Kuom jodak duto ma ne ni e Pinyruodh Rumi, ne ochun gi gi jumapil ninyaka gilem chieng`no. Mano e kaka jo Nyasaye ma ne ni e Singruok Machon ne ogol Sabato margi, ma ne oyiernigi gi Nyasaye owuon, ma omiyo ne giweyogi gi pek mar tim makare kendo ne giketogi e bwo sand, darogi, kendo kata tho. Kata kamano, chikni wuok chien e ng’ado bura gi jodong’ kanisa kendo en chik ma ng’ato onego kwed chuth. E yo machielo, onge ng’at ma nigi ratiro mar kelo chachni e yo moro amora ne Kanisa mawuok e ogendni nikech Sabato. Wan chik okotueyowa kuom Sabato kata odiechieng mokwongo mar juma (jumapil), to ne ongwonwa kendo wadak e thuolo kaka nyithind Nyasaye.

Chutho, ng’ato ang’ata ma lando ni odiechieng’ mokuomgo mar juma (jumapil) ni en “odiechieng’ mar RUOTH” en muofu e yor chuny. E singruok machon duto kod singruok manyien, “odiechieng’ mar RUOTH” oler e yore mang’eny (Joel 2:31; Tich Joote 2:20; ao). Owacho ni chieng’ biro lokore mudho kendo dwe biro lokore remo kapok “odiechieng’ mar RUOTH” ochopo. “Odiechieng’ mar RUOTH” biro biro kaka jakuo e otieno (1. Thesolonika. 5:1-3; ao). Fweny 1:10 bende wuoyo kuom wachno, to ok owuo kuom odiechieng’ mokwongo mar juma(jumapil). E chula mar Patmo, Johana ne ok oneno gima ne dhi timore e odiechieng’ mokwongo mar juma (jumapil), to ne oneno gima ne dhi timore e “odiechieng’ mar RUOTH,” kaka olere e sula maluwogi.

En gima ber ahinya ni Nyasaye ne ok dwar kelo Jo-Yahudi ma owir kowuok kuom ogendni, to nyithind Nyasaye ma Roho mar Nyasaye tayo. En adier ni onge ng’at ma onego otem mondo Jo-Yahudi bende obed Jokristo mag ogendni. Kuom adier, onge “Jo-Yahudi ma owir” kata “Jokristo ma ogendni” – nitie mana Jo-Yahudi kod Joogendni ma oyie Muma ma onyuol, nyuol manyien kendo ma osebedo nyithind Nyasaye. Gik moko duto nyaka wegi e chenro mar Nyasaye.

Kata obedo ni jogo ma timo nyasi mar Sabato kaka odiechieng’ mar abiriyo ma Nyasaye oketo timo kamano gi chuny mong’ino kendo gi chuny mar adier, kuom mano gin mana gi andike mar chik, to ok gin gi fwenyruok kuom donjo e yweyo ma ne omi jo Nyasaye kuom ng’uono mare.

Onge gima odong’ mak mana bedo gi geno ni ngato ka ngato owinj tiend gima ne onyis kae gi weche manok. Ok onego ji mang’eny obed jopuonj (Jakobo 3:1). Nyasaye owuon oseketo e Kanisa mare joote, jonabi, kod jopuonj (1. Korintho 12:28; Efeso 4:11) ma sani puonjo mana kaka ne ipuonjo e chakruok mar Jokristo. Puonj ka puonj ma ne ondiki e Muma ne ipuonjo e yor Ndiko. Paulo ne nyalo wacho kuome owuon ni ne okete kaka japuonj (1 Timotheo 2:7; 2 Timotheo 1:11). Kamano bende wang’eyo ni jotich duto mag Nyasaye ma adier ne yalo puonj mar joote kaluwore gi Ndiko, mana kaka ne oket ne Kanisa mar Singruok Manyien. Ng’ato ka ng’ato onego omak matek gima ne owenwa maler kendo ma adier e Ndiko kendo onego wiye owil gi loko moro amora. Ogwedh jayalo ma tiyo kod Wach mar adiera e yo makare kod ji duto ma oyie kod wachno!

Ne nitie kinde ma ne onge Sabato nyaka chop chik ne ochiw. Ne nitie kinde ma Israel ne nigi Sabato. Koro wan e kinde mar Kanisa; bang’e biro loch mar higni gana achiel kod RUOTH e higni gana achiel. RUOTH Nyasaye mondo omi ng’uono ni en kende e ma opuonjo ng’at ma ne opuonj gi Nyasaye kendo en kende e ma owuoyo gi ng’at ma Ruoth owuoyogo kokalo kuom Wachne, ma kende ema chiwo ler. Omiyo ji duto owinj mana gima Roho mar Nyasaye wacho kokalo kuom Wach Nyasaye.

Ka Muma wuoyo maler kamano kuom puonj moro, kata kamano, andike kende ok oromo; gik moko duto kinde duto nyaka fweny gi Roho. Ok en gima winjore waketh sa e tuo mbaka kod mino wach. Ng’at ma ok oyie mondo opuonje gi Wach Nyasaye en ng’at ma ok nyal puonj. Wanyalo mana wacho niya: “Israel kaka oganda Nyasaye ma ne ni e Singruok Machon otim gima Nyasaye nowachonegi. Kendo mondo oganda Nyasaye ma ne ni e Singruok Manyien otim gima ne odong’nwa e Wach chakre ka ne ochako Kanisa mar Singruok Manyien.” Ogwedh oganda Israel kendo ogwedh Kanisa mar Nyasaye ma wuok e pinje duto e nying Ruoth Yesu Kristo!

Wabed gi luor kuom chenro mar Nyasaye mar Kanisa mar Singruok Manyien e yie kod tim kaka oket gi Joote mag RUOTH. “Jogi nosiko e puonj joote, kendo e lalruok kachiel,kendo e ngingo Makati, kendo e lemo.” (Tich Joote 2:42). Amin.

Homepage: http://www.freie-volksmission.de

Oboke mar mbui:

volksmission@gmx.de

kata

E.Frank@freie-volksmission.de

Namba sim: +49-2151/545151

Fax: +49-2151/951293

© Gi jandiko kendo jalony E. Frank

❃❃❃❃❃❃

❃❃❃

❃