Ebaruha Erikwetorora Okwakashatu 2007

Akatabo “abantu nibabuza Ruhanga agarukamu n'ekigambo” kabaire ak'omugisha munoonga aha bantu bingi omunsi yoona. Okukira munoonga abeishe-emwe abaheereza nibakimpikirira n'ebibuzo bitsya kandi nibanshaba eby'okugarukamu ebiri kushoboroorera abantu boona. Eki okukira munoonga nikiruga omuri abo abari kureeta eziindi nyegyesa hamwe n'okundi kushuuruurirwa. N'okuhitsya n'ahati, tinkaturaga w'eishe-mwe omu iziina oba omu ruteerane ninga shi omu butabo, kandi nikwo kiragume n'omu biro by'omu maisho, shana Ruhanga ku yakukindagiira.

Ba nabi boona abayetsirwe Ruhanga kandi akabeetumira bakaba batakabasa kuzibira ba nabi b'ebishuba ababasize kwimukaho kandi otakabasa ku beerinda. N'entumwa nazo omu bwiire bwazo zikaba zitakabasa kuzibira abegyesa b'ebishuba kandi n'entumwa z'ebishuba nazo zikabasa kureebekaho. Yesu Kristo nawe takabasa kuzibira ba kristo b'ebishuba na banabi b'ebishuba kubaho. N'obu kirabe kiri kityo obwiire bwoona hakaba habaho okwetwa kumwe kwonka okuhkire, okutumwa kumwe haza kwine akakwate n'entebakznisa ya Ruhanga y'okujuna kandi nabwe hakaba hariho obuhereza butari bw'omuringo gumwe butiibwe omu kanisa (1Abakorinso 12+14; Abaefeso 4; a. o).

Hakaba hariho Nooha omwe, Abrahamu omwe, Musa omwe Yoshua omwe n'ebindi n'ebindi. Hakaba hariho Yohana omubatiza omwe, entumwa Petero omwe wenka kandi nabwe hakabo hariho na entumwa Paulo omwe wenka. N'omurugyendo rw'ebyafaayo by'ekanisa, hakaba habaho omuntu omwe weenka owabaire arebeeka n'obuhereza bw'omutaano hamwe n'obuhme bw'obwa Ruhanga. Omuri buri butumwa aha makanisa mushanju (Okushuuruurwa 2+3) maraika omwe weenka niwe ori kworeekwa kandi akaba niwe yagambirwa obutumwa, kandi aheebwa n'ekiragiro ky'okubagana obutumwa bw'obwa Ruhanga nabandi bahereeza ba Ruhanga. (Okushuuruurirwa 1:1-3).

Omu bwiire bwaitu, nk'oku kihamibwe Ruhanga we wenyine, William Branham akaba ari omuntu otumirwe kuruga ahari Ruhanga n'obutumwa bw'okugarura emitima ya baana ahari b'eishenkuru bo okugaruka kwa Kristo kwakabiri kutakabireho. Okwiha Branham natwaarwa omu kitinisa nitubasa kureebaho enyimaho emyaka miingi ei ekigambo kibasize kutwarwa omunsi yoona, kurabira omu kiragiro kya MUKAMA, “…ninyija kukutuma omuzindi ndeembo kuburira ekigambo kyangye…” Kishweera w'omwiguru kuyakuba akitwireho kwiija, enshonga n'emwe yoonka ey'okugira ngu abagore b'okumariira babase kweetwa kurugayo kandi batebekanitsibwe okwiija kwe. Enjiri ya akaire erimu enaama za Ruhanga zoona. Buri nyegyesa yoona ya Baibuli, buri mukoro gwona gwa Baiburi, obuteeka bwa Baiburi bwoona bushemereire kugarurwaho omu kanisa ya Yesu Kristo.

Omu biriebi ebihwire enyegyesa ezitarikwikirizibwa zikajanjazibwa eziri kukwata ahari Matayo 25, omu muriingo nigo gumwe enyimahonk'oku “okushuuruurirwa kw'ebihinda mushanju” kwajanjiire omunsi hamwe n'okutebereza okuri kukwata aha “naama ya kamanyiso ka mushanju” kandi nabwe otwariiremu na 1 Abatesolonika 4 aha bikwatirine n'okugaruk kwa Kristo kndi nabwe n'okushuuruurirwa 10 byona bikajanjazibwa omu bantu. Tihariho n'omwe oshemereire kureeta amagezi gye g'obuntu aha mashomo aga. Buri kimwe kyoona nikizakubaho omu muriingo ogu kihandikirwemu. Ekyo omu muringo nigwo gumwe nikikwata ahari Matayo 25. Nikija kubhao omu bugufu nk'oku MUKAMA yakigambire. Buri kuvunuura kwoona n'omurimo gw'omuzigu. Ruhanga nakora ebintu byoona nk'oku ekigambo kiri kugira kandi tushemereire kukitamu ekitinisa.

Hati obututegyereize n'ekihiika kyiingi ebintu bikuru ebi Ruhanga atwiinire omu ibikiro kandi twine ekihika kyingi ky'okubireeba nibihikirira. Hati abeishe- emwe abanibiha hi obushoboorozi bw'okwikiriza omuzigu kuguma nabakozesa kubi bakareeta envunuura zaabo kugira ngu babase kumara eiriho ry'okureeba ekigambo nikihikirira?

Okutumwa kw'oweish-emwe Branham yatungire kukaba kuri kuti’ “Nk'oku Yohaana omubatiza yatumirwe kutebeekanisa okwiija kwa Kristo kw'okubaanza n'obutumwa obu waheebwa nibwiija kutebeekanisa okwiija kwa Kristo okwa kabiri.” Nk'omuntu owatumirwe kuruga ahari Ruhanga, ow'eishe-emwe Branham akaaburirira enjiri eyijwiire, nk'oku entumwa Paulo yagiburiire. Akaburiira obutumw bwa Ruhanga obwijwiire. Ari kugambira namunoonga abeishe-emwe abahereeza akagira ati, “Otarivunuura kubi ekigambo, otarita ekigambo omu mwanya gutari gwaakyo kandi otarita ekigambo omu bwire butari bwaakyo”.

Omunfumu y'omuri Matayo 25 erikukwata aha baishiki abashugaine ikumi abashohwire kubugana kishwera, enshonga enkuru n'amajuta omu matabaaza kandi hamwe n'okushemeza omu matabaaza. Ow'eishe-emwe Branham akagamba ebi ahari eki, “N'ekyamazima nitwetenga kuriinda amataabaza gaitu gaijwiire … n'okimanya, zaba ni – yaba n’eyaka … Tokagumizamu n'ekyo ekiwaakora (noreeba?), ahabw'okuba omuriro oguri kwaka kuruga omu majuta nigureeta ekiika; n'ahabw'ekyo egyo niyo nshoonga y'okushemeza…mushemeze etabaza zaanyu ahabw'okuba orwiika ruri ahaiguru y'orutaambi… naha bwekyo mushemereire kushemeza etabaza zaanyu kandi tushemereire kwezirika kuhika ahari kuhakanirwa (1963-03-24).

“Hati yetegyereze, obu n'obwiire bw'okushemeza etabaza, kushohora kandi tukatahamu”. (1965-11-27)

“Obutumwa buriijo nibwo bwebembera. Hati, “n'obunaku bw'okushemeza etabaza. Mwimukye mushemeze etabaza zaanyu… reeba kishwera yaija. Mwimukye mushemeze etabaza zaanyu” Kandi kwe bakaimuka bamwe bashanga bateine majuta omu tabaza zaabo. N'oreeba? Kwonka obu n'obwiire bw'okushemeza etabaza”. (1965-04-12). N'omu bwiire bw'ow'eishe-emwe Branham Matayo 25 niyo yabiire eri enshonga nkuru nk'oku nahati kiri omu bwiire bwaitu.

Okwiha nitutunga obutumwa, okwetwa kushohora ebyo byoona ebitari kwikirizana n'ekigaambo kya Ruhanga hamwe n'okutaaha omu kushuuruurirwa kw'ekigambo kya Ruhanga ekijwiire biriyo nibigyeenda omu maisho. Ow'eishe-emwe Branham ajuriize Zekaria 14:7 emirundi nshanju n'etaano, ari kuhamya kandi akarangirira, “Tiburiba nyomushana kandi tiburiba nyekiro, ahakuba n'omumwebazyo omushana guryaajwa”. Akagamba eki arikujuriza obutumwa obuyakwatsibwe. Obwiire bwingi ow'eishe-emwe Branham akaba ayeshongora ka koransi (chorus), “n'omumwebazyo omushana guryajwa, akahaanda kakuza omu kitiinisa omu mazima turyakazoora…” Obwiire obu omwebazyo n'eitumbi biramare ekyo twine okukirekyera Ruhanga.

Omuri Matayo 24 nihatugaambira aha mwambari orikubagana eby'okurya hamwe ne'eka ya Ruhanga. Omuri Matayo 25 nitushoma aha baishiki abashugaine abashohwire kubagana kishwera. Bamwe ahari bo n'abanyabwengye kandi abandi n'abashema. Boona hamwe nibikiririza omu kugaruka kwa Kristo, boona hamwe nibashohora kubugaana kishwera, boona hamwe baine amatabaaza, okumurikirwa omwoyo. Boona bagwejegyera barikutekyereza ngu kishwera akyerereirwe kwiija (2 Petero 3:9). Bwanyima nyekiro omu itumbi habaho orwaari ngu, “Reeba kishwera yaija”. Mushohore tumubugane. Nahabw'ekyo abaishiki boona baimuka kandi bashemeza etabaaza zaabo.

Abaishiki abashugaine ab'obwengye ekyahandikirwe eki nikibakwataho “Kwonka Ruhanga niwe atuhanya naimwe omuri Kristo, kandi akatushukaho amajuta; niwe yaatutaaireho akamanyiso, akatuha omukwato gw'Omwoyo Orikwera omu mitima yaitu.” (2 Abakorinso 1:21-22). Kandi hamwe n'eki, “Kandi naimwe, ku mwaherize kuhurira ekigambo ky'amazima, niyo ngiri y'okujunwa kwanyu, mukaikiriza Yesu, mwahamibwa omuriwe n'akamanyiso k'Omwoyo Orikwera owaaraganisibwe; nigwo mukwato gw'obuhanguzi bwaitu, okuhitsya obu tuributunga, ekitinisa kye kikasiimwa.” (Abaefeso 1:13-14). Okushukwaho kw'ekikatoliki kwonka tikuri kumara abo abarikwikiriza omu mazima baine kwakira ekigambo kya mazima nk'wmbibo y'obwa Ruhanga omu mitima yaabo kandi bateebweho nakamanyiso k'omwoyo Orikwera. Ekigambo ekya mazima hamwe n'Omwoyo wa mazima byoona nibigyendera hamwe.

Omurimo gw'Omwoyo Orikwera gw'okumariira niguza kuba guri omu baishiki abashugaine ab'obwengye. Omu kaire ako konka nibwo abaishiki abashema betegyereza ku bataine mwoyo omu bwijwire bwe. Hati reero obwe nibaza kwija aha baishiki abo bwengye kushaba aha majuta gaabo. Konka nimugira nikibasika kugira ngu omuntu oabatizibwe n'Omwoyo Orikwera omumazima kugira ngu aheereze amajuta g'omwoyo ondaiyo mwikiriza? Ningira ngu tikikabasika! Egi niyo enshonga enkuru: Yesu Kristo wemka niwe Orikubatiza n'omwoyo Orikwera hamwe n'omuriro. We nahikiriza eki Ishe boona yaraganise kandi najweka amani kuruga omu iguru (Matayo 3:11-12; Luka 24:49; Ebyakozirwe 1:1-9). Omu itebezo ry'okubaaanza aha kiro kya Pentekoti entumwa Petero akaragira abaikiriza okubatizibwa omu maize mingi kandi yagaruka yaburira n'aha kubatizibwa n'Omwoyo Orikwera (Ebyakozirwe 2:38-39). Ab'obwengye nibikiriza nk'oku ebyahandikirwe biri kugira. Nibabaatizibwa aha bw'okwiibikwa omu izina rya MUKAMA waitu Yesu Kristo knadi baheebwa n'omwoyo Orikwera nk'ekyokuhamya. Omuri Matayo 25 amazima goona nigaija aha mushana. Abanayabwengye tibarikwohereza bashema ahari Yesu Kristo orikubatiza n'Omwoyo Orikwera shana kandi abo abarikuguza, ahari abo abarikworeka ekishushwani ngu bo nibabasa “kuhereezaho” abandi aha mani g'Omwo Orikwera.

Okwetoroora ensi yoona hariho ebintu bibiri ebirikugyenda omu maisho aha nshonga egi: Hariho abo abarikuguma omu nyegyesa ezigwire nk'oku kiri omu nterane z'abakarizmatiki, ahu abantu barikwetwa kwija omu maisho kwakira omwoyo orikwera batabandize kworekwa okubatizibwa kwenyine okwo mu byahandikirwe okwabaikiriza okw'Omwizina rya MUKAMA waitu Yesu Kristo. Okurugirira omuri za puroguramu zaabo abazntu nibagwa bagarami reero ababemereire enyima babakwata kurungi, reero “abashukirweho amajuta b'omu bwire bw'okumarira” bayombera ahaiguru, “mwaitirwa ahansi y'amani g'Omwoyp Orikwera!” Abashukirweho abe bishuba kandi na banabi b'ebishuba nibaguma omunyegyesa zaabo zigwire kandi tibakuta mutima aha kuhaburwa kandi tibakuhinduka kukuratira nyegyesa za Baibuli. Tibarikuta mutima aha kigambo ekigumaho ebiro n'ebiro kwihaho nibata omutima n'amani mingi aha bumanyiso n'ebyokutangaza. Kandi hariho abo abayeetaniise kandi bagyenda n'ekigambo kya Ruhanga ekishuuruurirwe. Nibarya aha maanu esherekirwe kandi nibashemezebwa Omwoyo owa mazima omu kigambo ekya mazima.

Omu nkora ey'Omwoyo kandi eya maani ey'okumariira, amani ga Ruhanga ku garishuuruurwa okukira obu garashuuruurirwe obwe abaishiki abashema nibwo barimanya ngu tibaratungire mwoyo Orikwera owa mazima omu bwijwire. Nibaza kwoherezibwa ahari abo abarikuguza amajuta. Ahabw'enki “nibagura?” okubatizibwa kw'omwoyo orikwera n'ekiconco kya Ruhanga. Omunterane za bakarizimatiki ekibarikweta “enkora ey'omwoyo” n'okugira obuhereza obw'amani burimu obumanyiso hamwe n'ebyokutangaaza. O'weishe-emwe Braanham taregiseho eki omu butumwa bwe “Abashukirweho amajuta omu biro bya ahamuheru” honka, kwihaho aakaguma arikugamba ahari abo abari kukora obumanyiso hamwe n'ebyokutangaaza eby'amani kandi ngu, ku kyakubaire nikibatsika, nk'oku MUKAMA waitu yagambire, bahabisizemu n'entoore (Matayo 24:24) aabashema omu mazima tibakahikire ahakugira akakwate kamani na MUKAMA. Tibakabwine buryo bwoon abw'okugaruka aha nyegyesa eya Mazima ey'ekanisa ya Yesu Kristo. Tibarabasize kushohora kuruga omu nyegyesa zaabo ezi bayetereireho naha bwekyo nibaza kwoherezibwa ahari abo abariuguza amajuta omu mwanya gw'okwij aahari Yesu Kristo kutinga amajuta g'Omwoyo Orikwera “Ku baabair bagiire kugura, kishwera yaija; abaabaire beeteekateekire baataaha nawe omu nju omu bugyenyi bw'okushwera; orwigi rwakingwa.” (Matayo 25:10).

Abaishiki abashugaine abashema bakongota ahae rwigi orwabaire rwaherize kukingwa bakugira bati, “MUKAMA, MUKAMA, twigurireho” Eky'okugarukamu eki baratungye nikishushwana nekyo ekyahairwe abo abakozire obumanyiso neby'okutangaza ebya maani nk'oku kiri omuri Matayo 7:21-25. Nabo nibagira bati, “MUKAMA, MUKAMA, titurakozire ebi byoona omu eizina ryawe?” Nawe aryabagarukamu ati: “Mundugye omu maisho, tinkabamanyaga”.

Abaishiki ab'obwengye beteekatekyire kuza aha bugyenyi bw'omwana gw'entama (orunyiriri rwa 10). Tibarikukwatahwo ezi nterane z'ekikarizmatiki bo nibikiriza ekigambo kya Ruhanga ekishuuruurirwe kandi nibebemberwa Omwoyo Orikwera omu mazima goona. Nibetegyereza ngu Ruhanga nakora ebintu byoona kurabira omu kigambo kye ekiyaraganitse, nibikiriza ngu Ruhanga yohereize nabi we kurabira omu buhereza bwe ebintu byoona bikagarurwa omu buteeka bwabyo nk'oku ekanisa yabaire eshemereire kuba omu byahandikirwe. Nibagaruka aha kukunda okw'abandize, ahabw'okuba okukunda okw'mazima nikwo kwonka okurizayo. Okwe nikwo kyashuuruurirwe o'weishe-emwe Branham. O'weishe-emwe Paulo nawe akegyesa ati “N'obu naakugamba endimi z'abantu n'eza baamaraika, kwonka ntaine kukunda…” (1 Abakorinso 13).

Buri omwe omuraitwe ashemereire kwebuza ati, “nyetekatekire? Etaabaza yaangye eshemezibwe? Nyine amajuta g'omwoyo omuri inye kandi agari n'anye? Nyine amajuta omutabaaza yangye? Nyineho agandi majuta agu naakubasa kwongyera omu tabaaza yangye? Nintambura na Ruhanga nk'oku Enoka yatambwiire nawe?” Ogwe nigwo muringo gwonk aogu twakubasa kwetekatekyera akaire ako ak'okuggaruka kwa Yesu Kristo kandi tukabasa n'okuza omu kutwarwa.

“Kandi nitubagambira eki, tiukigambiirwe MUKAMA waitu, ngu itwe abahuriire abarishangwa bakiriho aha kiro ky'okwija kwa MUKAMA, tituribandiza abo abaagwejegyeire.

Ahakuba MUKAMA aryayeimukira ashuume naaruga omu iguru agambe munonga n'eiraka rya maraika omukuru n'enzamba ya Ruhanga; kandi abaafeereire omuri Kristo nibo baribanza kuzooka;

Bwanyima naitwe abahuriire abariba bakiriho turyatwarwa abo omu bicu kubugana MUKAM waitu omu kaabunga; tutyo tugume naa MUKAMA ebiro byona.

N'ahabw'ekyo muhuumurizane n'ebigambo ebyo.” (1Abatesolonika. 4:5-8)

Aha bwogwo owatumirwe

Br. Frank

Kuwakuba noyeenda kutuunga aha bitabo byeitu,
nobasa kutuhandikira ahari aduresi egi

Mission center
P.O Box 100707
47707 Krefeld
Germany

Nobaasa kuza ahamutimbagano gwa intaneti ahabwenterane zeitu za buri kwezi omusaande y’okubanza buri kwezi orwamukaaga omumwazyo sha 7:30pm, ahasaande omukasheshe 10:00am. Amatebezo nigahurirwa omu ndimi mushanju z’ensi yoona zitari kushushwana. Enterane ezomuri Zurich nobasa kuzitungira aha mbeho aha saande erikushembayo buri kwezi 2:00pm kandi ziri omurugirimaani hamwe n’omurufaraansa. Yegeite ahaki Ruhanga ariyo nakora hati omuntebekanise ye y’okujunwa!

Homepage: http://www.freie-volksmission.de

© Owabihandiika kandi owabishohoza E.Frank