Owé he yè to mimá pé To osùn wiawetọ owhè 
fõ e lán kòtọ (12/2020) mẹ

Ehe sọawúhia mi to ninọ̀mẹ susu mẹ nado yọ́n omẹ Jiwheyẹwhe tọn William Branham họ̀ owhè ao, podọ nado dèkúnnu gbèdidè wẹndagbe pipé Jesu Klisti tọn po azọ́n huhlọn Gbigbọ Jiwheyẹwhe tọn po tọn he kọndopọ́ po odẹ̀hihò hlan azọ̀nnọ lẹ po to opli etọn lẹ mẹ. Na onú he kàn devizọ́n Nọvisunnu Branham tọn, e to vivẹ mẹ na yẹn nido táhinhọ́n do Owé AMỌSI 3:7 tọn ji, dilé ewlọsu ko nọ wà dó, dọ: “Nugbonugbo OKLUNỌ Jiwheyẹwhe ma na wà núde, adavo ewọ dè aṣli etọn hia hlan devi etọn yẹwhegán lẹ.” Núyiwà wiwé he yín onú titegbe de; yẹn biọ osi na onú he Jiwheyẹwhe dọ.

Yè ko dopagbè Mẹflitọ mítọn tọn di yẹwhegán de to Owé DEUTELONOMI 18:15 tọn mẹ, dọmọ: “OKLUNỌ Jiwheyẹwhe na zé yẹwhegán de fọ́n hlan we sọn gblagbla towe mẹ, sọn mẹmẹsunnu towe lẹ mẹ, jijlẹ do ogo é; ewọ wẹ mì na tuntóai hlan.” Apọsteli Pita dọhó do ṣiṣẹ̀ pagbè he lọ tọn ji bo to alọdlẹndo Jesu to Owé OWALỌ 3:22-23 tọn mẹ, dọ: “Mọse dọ hlan otọ́ lẹ nugbonugbo, dọ, OKLUNỌ Jiwheyẹwhe mìtọn na zé yẹwhegán de tite hlan mì to mẹmẹsunnu mìtọn lẹ mẹ, di yẹn hunkọ; ewọ wẹ mì ni yise to onú he é na dọ hlan mì lẹpo mẹ. E nasọ wá jọ, ayiha depope he ma yí yẹwhegán lọ sè, wẹ yè na súdo sọn gbẹtọ lẹ mẹ.” To Owé ISAIA 42:1 tọn mẹ, yè ylọ OKLUNỌ Mẹfligọ̀tọ mítọn dọ devi: “Pọ́n devi ṣie, mẹhe yẹn gọalọna, mẹvivẹ ṣie, mẹhe go hòmẹ ṣie hùn do; yẹn ko yí gbigbọ ṣie do é ji: ewọ nasọ hẹn whẹ̀dida jẹgbonu wá na Kosi lẹ.” Mí mọ ṣiṣẹ̀ etọn to Owé MATIU 12:18 tọn mẹ, dọmọ: “Mì pọ́n, devi ṣie, mẹhe yẹn ko dè; Mẹyinwanna ṣie, mẹhe mẹ yè hẹnhòmẹhùn alidọn ṣie te dagbedagbe: Yẹn na yí gbigbọ ṣie do é ji, ewọ nasọ lá whẹ̀dida hlan Kosi lẹ.”

Yẹwhegán nugbo wẹ devi Jiwheyẹwhe tọn mẹhe mẹ devizọ́n OKLUNỌ tọn nọ to nukọnyì te. Kẹdẹdi yẹwhegán de, é nọ mọ núhe Jiwheyẹwhe to linlẹn nado wà to númimọ mẹ, podọ kẹdẹdi devizọ́nwàtọ de, é nọ hẹn azọ́n lọ jẹgbonuwá to tónusisè de mẹ. Yẹn ko mọ ehe to donu susu to devizọ́n Nọvisunnu Branham tọn mẹ to opli lẹ mẹ. É dọhó ewlọsu tọn di yẹwhegán de podọ ga di devi de. Núhe é mọ to númimọ mẹ kẹdẹdi yẹwhegán de, é hẹn yé jẹgbonu di devi de. Whenuena é to hodẹ̀ hlan awutunọ de, OKLUNỌ nọ do mẹhe omẹ lọ yín he ṣite to nukọn etọn yín to hùkán dẹ̀hiho tọn mẹ hia ẹ, podọ ofie sọn yé tọ́nsọn wá, podọ azọ̀n he yé tindo lẹ. Kẹdẹdi devizọ́nwàtọ de, é hẹn azọ́n lọ jẹgbonu bo sọ sọgan dọ, dọ, na pọ́ndego de, “Yè ko hẹn ahúnmẹzọ̀n towe gbọ na we.” Nọvisunnu Branhan táhinhọ́n do e ji, dọ, devizọ́n nẹ lọ wẹ devizọ́n dopolọ he OKLUNỌ mítọn Whlẹngantọ tindo to asiko Etọn mẹ. Gbọn núdohiamẹ dali, ewọ sọ tindo jlọjẹ nado dọ tádena he kọndopọ́n hẹ devizọ́n ṣie hlan mi to ninọ̀mẹ võvo atọ́n mẹ.

Po osi po hlan númimọ etọn lẹ, Nọvisunnu Branham vọ́ alọdlẹndo nújijọ atọ̀n delẹ to devizọ́n OKLUNỌ mítọn tọn mẹ, dọmọ: Tintan he OKLUNỌ pé Pita, É sọgan dọ hlan ẹn dọmọ, “Hiẹ wẹ Simọni visunnu Jona tọn.” Mọwẹ É sọ sọgan dọ hlan Natanaẹli, dọmọ, “Whẹpo Filipi ylọ we, whenuena hiẹ tin ovotin glọ́, Yẹn ko mọ we.” (JOHANU 1:42-48). Podọ É sọ sọgan dọ hlan yọnnu Samalia tọn to dòtọ̀ kọ̀n dọ, “Na hiẹ ko tindo asú atọ́n dai; podọ mẹhe hiẹ tindo dinvie ma yín asú towe gba.” (JOHANU 4:18).

Núniná dọdai tọn dopolọ yín mimọ bo sọ yín sisè gbọn owhèta devizọ́n Nọvisunnu Branham tọn tọn mẹ. É sọgan dọ whlasusu dogọ́ dọmọ, “LÉ WẸ OKLUNỌ DỌ: …” E sọ nọ wá jọ to ojlẹ dopodopo mẹ kẹdẹdilé é ko mọ dó. Yè ma wlán ẹn poun dọ, “Jesu Klisti dopolọ to osọ́, egbé, mọwẹ podọ kakadoi.” (HEBLU 13:8). Ṣigba to nugbo de mẹ, É ko do Ede hia to ninọ̀mẹ dopolọ, bo whlẹn ylandonọ lẹ, bo tún mẹhe tin to kànbla mẹ lẹ dote, bo sọ hẹnazọ̀gbọna awutunọ lẹ to ojlẹ mítọn mẹ: mọwẹ yẹn sọ mọ dó po nukun ṣie po. Yisenọ mliyọn-mliyọn sọgan dèkúnnu ehe tọn.

To owhè he wáyì lẹ mẹ, whlasusu wẹ mí ko dọhó do devizọ́n Nọvisunnu Branham tọn ji po núhe OKLUNỌ Jiwheyẹwhe ko wà to devizọ́n etọn mẹ po. Egbé, yẹn jlo nado dọhó kleun de do núhe jọ to azán kòatọ́n-nukun-atọ̀ntọ osùn awetọ, owhè fọtọ́n-fẹnẹ-kẹnnẹ e lán atọ̀ntọ (28/02/1963) tọn mẹ, ehe yè ko dohia omẹ Jiwheyẹwhe tọn jẹnukọn. Núhe lọ jọ to Osó he yè ylọ to ogbè Glẹnsi tọn mẹ dọ, “Sunset” to otò Alizona tọn mẹ, yèdọ awàgba kàndeǹukun-awe hunkọ sọn otòdaho he yín Tuksọni tọn mẹ: OKLUNỌ lọ sọawúhia to aslọ huhlọnnọ de tọn mẹ, ehe angẹli ṣinawe tin te. To finẹ, yè dègbè nẹ nado lẹ́gọ̀yì otò Jeffẹsọnvili tọn mẹ, na ojlẹ nado hùn ohiadonu ṣinawe lẹ ko wá wutu. Sọn azán fọtọ̀n-nukun-awetọ osùn atọ̀ntọ, owhè fọtọ́n-fẹnẹ-kẹnnẹ e lán atọ̀ntọ (17/03/1963) tọn mẹ, whenẹnu wẹ omẹ Jiwheyẹwhe tọn lọ dọyẹwhehó do hiadonu ṣinawe lẹ ji.

To otò Amẹlika tọn mẹ, ohójlawéma susu dọhó do aslọ dabla lọ ji. To hójlawéma lẹ mẹ, nújijọ nẹ lọ wẹ ohóta azán lọ tọn, ṣigba to evanjelisi lẹ po yẹwhehódọtọ lẹ po mẹ, mẹnu wẹ payi e go kaka jẹ egbé? Yé omẹ pó tindo titò yetọn lẹ, ṣigba bo ma mọdona núdepope dogbọn núhe Jiwheyẹwhe dopagbè etọn dali. To domamọna onú nẹ lọ tọn mẹ, yé gbẹ́ hónámẹ Jiwheyẹwhe tọn to osi dohlan yédelẹ mẹ, kẹdẹdilé mẹplántọ gbigbọnọ lẹ ko wà dó to whenẹnu (LUKU 7:30). Mọwẹ e nọ to sinsẹ̀n aihọn tọn mẹ to wiwá Klisti tọn tintan mẹ, podọ mọdopolọ wẹ to dinvie, yèdọ jẹnukọnna wiwá Etọn awetọ. Ṣigba kẹdẹdilé OKLUNỌ sẹ́ Yẹwhegán Etọn Johanu hlan to whenẹnu nado hẹn Owéfọ lọ ṣẹ̀ podọ nado hẹn gbẹtọ lẹ wleawuna OKLUNỌ lọ, mọdopolọ wẹ omẹ Jiwheyẹwhe tọn William Branham kẹalọyí devizọ́n etọn do, ehe to núdọ sọn aslọ huhlọnnọ lọ mẹ to azán widopotọ osùn ṣidopotọ, owhè fọtọ́n-fẹnẹ-kantọ̀n e lán wiatọ̀n (11/06/1933) tọn mẹ, to baptẹm tó to Otọ̀ he yè nọ ylọ to ogbè Glẹnsi tọn mẹ dọ, “Ohio River” mẹ, to didọmọ: “Kẹdẹdilé yè sẹ́ Johanu Baptist do jẹnukọnna wiwá Klisti tọn tintan, mọkẹdẹ wẹ yè sẹ́ we do po owẹn de po jẹnukọnna wiwá klisti tọn awetọ.” Egbé, mí sọgan dọ po kandeji de po, dọmọ: Devizọ́n he lọ ko yín bibasi.