Ebaruha erikwetoroora - Okwa kataano/Okwa mukaaga 1998

Bwanyima y`okutaagataaguka kwa Sovient Union, enkora y`ekikomyunisiti ekagwa. Hariho kirimaani emwe ey`ensi yoona etsigiireho erikushaangwa omuri Rooma. Kirimaani Amerika eriyo n`ehwerekyerera munonga buri izooba. Ekyabiire ekitarikubasika emyaka ehingwiire hati kibiire ekya amazima. Omwebembezi wa Amerika ari omu kabi ahabw`omupaango kandi ariyo n`ajumiriirwa omu nsi yoona. Nk`oku omu ihaanga ryiitu turikugira, »Sitaani ahu atakweenda kwegyendera naatumayo omukazi.« hati omuri eki n`enshonga z`omwebembezi hariho biingi. Omwe naashooroorwaho abanyamakuru nk`omurogo kandi naarangirirwa nk`omuzigu w`omwaami Bill Clinton. We aine kumuhwerekyereza. Nitubaasa kugira endeeba endiijo ei twarebamu enshonga egi, kwonka n`ekyeenshonga kushoma omu mpapura ngu mukyaara naanka n`anaanka naakorera dayosiisi y`enkatorika omu Little Rock, Arkansas, Amerika. Omwebembezi Clinton kuba omubaputisiti omukwatura kandi n`okuba munywani wa Billy Graham hamwe na Robert Schuller, nosha takujwaara gye omu nkurakurana eriyo n`ebaho ebiro ebi. Naangwa n`omuri eki ekicweeka ky`obunabi bwa Bibuli buri omu muhaanda, n`ahabw`ekyo kirimaani Amerika eine kuruga omu mwaanya gwayo ereke kirimaani yenyine eya »Abantu ba Buraaya (European Community)« etwaare omurimo gwaayo ogwatebeekanisiibwe kare.

Nabi Danieli akareeba obugabe buna obw`ensi n`okuburikukuratana, oburi kuherurukayo n`obwabarooma. N`ahabw`ekyo, buri kimwe kyona nikijura omu kishushani ky`emperu. Omu nshonga egi, kirimaani w`ensi yoona owa kabiri nk`oku obunabi bwa Bibuli buri naija kukozesa amaani, kugira ngu ensi yoona neija kwetegyereza kirimaani y`okubanza, nk`oku kiri kworekwa omu rurimi rw`obubonero omu kicweka ky`akabiri eky`okushuuruurirwa 13. Amerika eyemereire na Israeli n`ahabw`ekyo babaire ihwa omu mubiri gw`ensi oguri kwebemberwa Rooma. Russia yo okurugirira aha bunabi bwa Bibuli n`ejwekyera omugabe w`omumaambuka erikwegeita n`ensi ya Abaharabu kandi niyo erikugabura ya “eby`okurwanisa by`obutwa” omukyaanga ahabw`obuhuumbi bwa Doola. N`eky`omugasho munonga, obu Omw. Shirinowski atakarugire Moscow kuza Baghdad omu nyonyi y`obw`ananyini akateerwaekishushani n`oruagro rwe rwimukize omu mwanya omu nkora y`okutinisiriza arikugira, »Nimbaretera obusingye!« Obu bushemereire kuba busingye ki?