EBARUHA ERIKWETORORA okw`ikumi-n`ebiri 2011

Omu kwezi kwa mwenda 2009, nyowe n`ow`eishe-emwe Daniel tukatunga omugisha gw`okubugana ow`eishe-emwe Fred Sothman obu twabaire tutayayiire omuri Jeffersonville. Omu bwiire obwo akaba aine emyaka 93 y`obukuru kandi tukashanga ari omu magara marungi kandi n`omutwe gwe guri kukora gye. Ayekundiire akaha obujurizi bwe aha murimo gwa Ruhanga ogu yarabiize omuri ow`eishe-emwe Branham okukira munonga ahakikwatireine n`ekiconco ky`obwa Ruhanga eky`obutambi. Kandi obwo egi tiyo yabaire eri enshonga nkuru y`oruzindiko rwaitu. Ahanyima y`okugamba omwanya muraingwa, tukabuza ow`eishe-emwe Sothman aharuterane rumwe rw`ow`eishe-emwe Frank hamwe n`ow`eishe-emwe Branham, oru nawe yabaire arimu. Akaijuka kandi yagira ngu ow`eishe-emwe Branham akagambira ow`eishe-emwe Frank ngu “naaza kugaruka Bugirimaani n`obutumwa obu.” Eki, n`obu kirabe kiri kityo, kikaba nikikwata aha ruterane rw`omuri Dallas, Texas, omu mwaka gwa 1958. Ahanyima y`okweyongeryo kubuririza aha ruterane omu kwezi kwa ikumi n`ebiri 1962, ahu ow`eishe-emwe Branham yagumire nagaruka omu kutumwa kwa MUKAMA yahaire ow`eishe-emwe Frank omu kwezi kwa kana 2, 1962, ow`eishe-emwe Sothman akagarukamu ati, “ekyo kihikire. Ago n`amazima.” Tarahamize buhamya bigambo ebyabaire biri omu kutumwa: “Omuhereza wangye, obwiire bwawe bw`eki kibuga nibuza kuba bwahwaho…” kwihaho akagaruka yahamya ogu ow`eishe-emwe Branham akongyera yagira ati: “Rindaho okugabura ebyokurya okuhitsya obu orabitungye byona… Ebyokurya biri omu matebezo gaha ntaambi…” Ahari itwe oru ruzinduko rukaba ruri orw`okushemererwa kandi oruri kugaruramu amaani, namunoonga omu bujurizi obwabaire butekatekirwe oburi kukwata aha ruterane orw`omuri Dallas omu kwezi kwa mukaaga 1958.

Obujurizi obu nibuhebwa ahabw`okuhereza Ruhanga ekitinisa kandi nibwoherezibwa abo abatakaikirize ngu MUKAMA we wenka akegambira okutumwa kandi okutumwa oku kuri okw`omuhendo munonga aha bikwatireine n`entebekanisa ya Ruhanga y`okujuna. Kandi n`obu twabaire tutakagire kutayaaya n`ow`eishe-emwe Sothman, tukaba twaherize kwikiriza obujurizi bw`ow`eishe-emwe waitu n`emitima yaitu yoona kandi tubasize kuhebwa omugisha muhango munonga ahabw`obuhereza bwe okuraba omu myaka yoona.

Ruhanga tahinduka okwihaho aguma nagyenda omu maisho ri kukora emirimo ye y`obwa Ruhanga nk`oku Baibuli biri kukijurira. Manya obwire bw`orimu n`obutumwa bwabwo!

Aha kikwatireine n`okwetwa kwe, ow`eishe-emwe frank tayegamiire munonga aha bujurizi bwaitu kwihaho nabaasa kugamba n`obwesigye bwingi nk`oku Paulo nawe yagambire: “Nimugira ngu twatandika kugaruka kwehimbisa? Nari shi, nitwetenga ebaruha z`okutusiimisa, ezi muhandikiire, nk`oku abandi beetenga? Imwe mwenka niimwe baruha y`okutusiima, ehandikirwe omu mitima yaanyu, erikumanywa kandi ekashomwa abantu boona…” (2 Abakorinso 3:1-2).