Ebaruha erikwetoroora - okwa ikumi n`ebiri 1996

Omu bihandiko bitari bimwe na bimwe enyegyesa ezitari omu byahandikirwe zikareetwa omu bantu. Ekihandiiko ekyayohereziibwe kuruga omuri Amerika kyiine omutwe »Ikuruura Ery`akashatu – Enaama ya Ruhanga Enkuru« ekiri kugamba aha nshonga z`akamanyiso ka mushanju, enzamba mushanju hamwe n`enkuba mushanju n`ebindi n`ebindi tikiine musiingi gw`ebyahandikirwe n`akakye. Ka nshabe nyikirizibwe kureka Ekigambo kya Ruhanga kwegambira. Omurundi gumwe omuri byona kishemereire kurangirirwa gye ngu ebintu byonka ebyaraganisiibwe omu Kigambo kya Ruhanga nibyiija kuhikiriira. Ebindi byona n`okutebereza okuhamiire omu butetegyereza. Aga nigo mazima aha bumanyiso.

Omureebi akaba yahandikire aha bumanyiso mukaaga oburi kubaanza kandi n`eki burimu kandi n`oku byabiire hamwe n`okuhikiriira omu Kush., eshu ura 6. Twena hamwe nitwiija kushoma ekicweeka ekikwatireine n`okumaririza akamanyiso ka mushanju, okutandika na Okush. 8 omushororoongo 1:

“Omwana gw`entaama ku yaabambwire akamanyiso ka mushanju, habaho akaceceko omu iguru okumara nk`ekicweka ky`eshaha.

Bwanyima nareeba baamaaika mushanju abeemerera omu maisho ga Ruhanga, kandi baaheebwa enzamba mushanju…

Baamarika mushanju, ababaire baine enzamba mushanju, baayeteekateeka kuzitera.

Maraika ow`okubanza yaateera enzamba ye: haabaho orubaare n`omuriro birimu eshagama, byagwa aha nsi; ekicweka kya kashatu ky`ebiti byasya, n`ekicweka kya kashatu ky`ebiti kyasya, n`obunaatsi bwona obubisi bwasya.

Maraika owa kabiri yaateera eye; ekintu ekirikushusha orushozi ruhango orurikwaka omuriro kyanagwa omu Nyanja; ekicweka kya kashatu ky`enyanja kyahinduka eshagama; n`ekicweka kya kashatu ky`ebihangirwe eby`omu Nyanja ebiine amagara kyafa; kandi n`ekicweka kya kashatu ky`emeeri zoona kyacwekyerezibwa.

Na maraika owa kashatu yaateera; enyonyoozi mpango, erikwaka nk`orumuri, yaagwa neeruga omu iguru; yaagwa ahari kimwe kya kashatu ky`emigyera n`aha nshuro z`amaizi…

Kandi maraika owa kana nawe yaateera eye nzamba, ekicweka kya kashatu ky`eizooba n`ekicweka kya kashatu ky`enyonyozi byateerwa; n`ahabw`ekyo ekicweka kya kashatu ky`okwaka kwabyo kyaba omwirima; eizooba ryarereera kwaka ekicweka kya kashatu kya nyomushana, kandi na nyekiro byaba bityo.

Ku naimukize amaisho naareeba eishamba nirizeereera omu mwanya, naahurira nirigamba n`eiraka rihango riti: Ai bambe! Ai bambe! Abatuura omu nsi baryareeba enaku, ku barihurira amaraka g`enzamba ezi baamaraikaabashatu barikwenda kuteera!” nikiretaho ekyererezi ngu ekikwatireine n`amaraka g`enzamba ishatu ez`aha muheru nigagambwaho, nk`okuturi kureeba kiri kuhamisirizibwa omu Kush. 10:7 n`eiraka erya maraika wa mushanju oriije kugiteera. Kukihamya okurenga okubanganisa, ninshaba kworeka enshonga omu Ruheburaayo Ekigambo shofar, ekiri kuvunuurwa nka »enzamba«, nikikozesebwa omu Kush. 10:7 n`ane nzamba mukaaga hamwe n`omu Kush. 11:15 n`ne nzamba ya mushanju.

Weena orikushoma eshuura ya 8 atiireho omutima kandi obwe ari kushaba kandi Atari kugarukiza aha mushororoongo gw`okubanza hamwe n`akaceceko omu iguru, okuri okwanjura kwonka, kureka akagumizamun`okushoma nateekwa kureeba ebirikubaho hamwe n`okwetegyereza akamanyiso ka mushanju. Okucwerwa embanja okw`enzamba mushanju nikwija kugwa omu mwanya omu bunaku bw`akatabanguko, bwanyima y`okuhendera obuhereza bw`aba nabi babiri. Eki nikihmibwa okurugirira omu Kush. 7:3 ahu turi kushoma, “Mutashiisha ensi nari enyanja n`obu byakuba ebiti, okuhitsya obu turiheza kuta akamanyiso aha buso bw`abahuuku ba Ruhanga waitu…” Ekyo ni OKWE NIKWO MUKAMA ARIKUGIRA omu Kigambo kye kiri kweera. Nangwa teri nzamba y`okubanza eya kubaasa kuteerwa kureka okubambuurwa kwa 144,00 kwaheza kubaho.

Bwanyima y`okuteerwa kw`enzamba ina z`okubanza, enzamba ishatu ez`aha muheru n`okucwa embaanja nizi rangirirwa na »Ai bambe« ishatu aha muheru gw`eshuura ya 8. Omu shuura ya 9 nitushoma tuti,

“Maraika owa kataano yaateera enzamba, naareba enyonyoozi egwire aha nsi okuruga omu iguru, maraika ogwo yaaheebwa ekishumuruzo ky`ekiina ekitaine bugarukiro…” (emishororoongo 1-12).

“Maraika owa mukaaga yaateera enzamba, naahurira eiraka niriruga omu mahembe ana g`eitambiro ry`ezaabu eriri omu maisho ga Ruhanga, nirigambiira maraika owa mukaaga owaabaire aine enzamba, riti: komorora baamaraika bana ababoheirwe aha mugyera Furaati…” (emishorooongo13-21)

Ba maraika mukaaga ab`okubanza omu kaire ako baatiire enzaamba zaabo kandi buri bwanyima y`ekyo hakurataho ekibonabooneso ky`orubanja. Enzamba ya eta katiirwe omu shuura ya 11, omushororoongo gwa 15, nitushangamu ekiraango ahari kyo omu shuura ya 10. Ahabw`okugira ngu eki n`ekintu ky`omutaano, obu maraika w`endagaano aine omuhanganzima ahaiguru y`omutwe gwe ari shuuma, ekiraango ky`omutaano kihiirwe. Aho mukiire ako obu eki kyafaayo kiri kubaho, enzamba mushanju ni ziija kushohoza amaraka gaazo. Ekyo ni OKU NIKWO MUKAMA ARI KUGIRA omu Kigambo kye! Kureka omu kaire ako, obu maraika ogu owa maani aryaata ekigere kye aha nyaanja n`aha nsi nka mukama w`ensi owa bwambere na mbere, Naija kutsinda nk`entare, ako niko kiire obu byona ebiri kushangwa omu Kush. 10 biribaho. Nk`oku embaanja eziindi zoona zahikiriire omu bihandiiko, nikwo kishemereire kuba na omu Kush.10. Tikikabaasa kuhindurwa eky`Omwoyo, titkikabaasa kutebwaho omu muringo ogundi, kishemereire kandi kiriija kuguma kyiine akakwate aku kyahiirwe omu byahandikirwe ebirikweera.

Ahabw`ekyo ekyabaireho ekya amaani, obu ekicu ekirengire eby`obuhangwa kyashuuma kw`ebihiinda mushanju, ow`eishe-emwe Branham akaguma na kijuriza munonga kandi yaakyeta »ebihiinda mushanju«. Nk`oku kyamworekirwe ebiro 22 okw`ikumi n`ebiri, 1962, kandi akaburiirira ebiro 30 okw`ikumi n`biri omuri »Ssebo, obu nibwo bwiire?« (aho ni okubambuura obumanyiso butakabiireho omu kwa kashatu 1963), nagira ati, “Enshonga eyabiire eri eya maani munonga, ngu Aka kigambaho hanu kandi Akoreka ebyo »bihiinda mushanju«, kandi n`omukatabo ka ‘reeba’ hamwe ‘n`amagara’ akabaire karimu okwehinguririza kw`ekicu ky`ekyerereezi, kwonka bakaba batari ku kyetegyereza kandi batakakimanyire, …”. Orupapura rw`amakuru oruri kweetwa »Science and Life« buzimazima nirubaasa kuba rutarayorekire ekyabeireho ekya omu Kush. 10, kureka ekoreka okuboneka kw`abaamaraika mushanju omu muriingo gw`akanyamashonda (Pyramid) ahu Kristo Arikworekwa nka omuramuzi ajwiire ekijwaro kye aha mutwe. Nk`oku hariho hariho ekyahandikirwe kimwe ekiri kugamba aha bihuunda mushanju, ow`eishe-emwe Branham akaaguma naajuriza Okush. 10, naangwa akateera emirundi mushanju aha kituuti kworeka oku ebihiinda mushanju biba. Omu Kush. 10 harimu amaraka mushanju. Kandi ahabw`okugira ngu n`ekyahandikirwe ky`obunabi, ow`eishe-emwe Branham akakira kukikozeseza omu kuhereza kwe, kwonka eki tikiri kwihayo ekishemereire kubaho eky`amaani ekikri omu maisho. Arikugamba aha kubaho kw`ebihiinda mushanju omuri 1963, ow`eishe-emwe Branham akagaitagaita bigyendererwa biingi. Akagaamba aha “okwokiriza kw`okutwaarwa”, “ikuruura ery`akashatu”, okwongyera kuvuga eki ekigaari ogundi murundi (riding this trail once more)”, kwonka tushmereire kukyetegyereza ngu akoreeka ebi biteekateeko byona okubambuura kw`obumanyiso kutakabeireho. Aha muheru gw`obumanyiso akagaamba eki aha kikwatireine na Okush.10, “… hamwe n`ekyo eki yaagambire: tiariho n`omwe owakumanya aha kwiija kwe; nangwa ti bakamanya n`aha naama egi ey`ebihiinda mushanju.” (orupapura rwa 576).

Omu Kush. 10:7 – kandi ekyo n`eky`amakuru ahabw`aitu, nikimanyisa kihango kandi ni kihamiza kimwe, “kwonka omu biro ebi maraika owa mushanju ariteereramu enzamba ye, enaama ya Ruhanga eryahikiirizibwa, nk`Ekigambo ebirungi oku biri ebi yaagambire abaheereza be baanabi.” Nangwa n`obu bunabi oburi kushangwa omu »kitabo ky`obunabi« tiburi bw`okwevunurira nk`omuntu. Ruhanga obutwiire bwona n`omuvunuuzi weye nka We. Eki yaragwiire nikiija kuberaho omu ahu kiine akakwate.

Nitwetegyereza gye obwe turi kureeba ba maraika bana ab`okubaanza bauteera enzamba zabo (eshuura ya 8), bwanyima y`ekyo nitushoma ekirango n`aha nzamba ishatu z`omutaano eziri kumanywa nka »enaku«. Bwanyima y`ekyo nitureeba abandi ba maraika babiri abari kuteera enzamba zabo okurugirira omu shura ya 9. Hona hamwe twine mukaaga. Omwe akisigiireyo. Omu shuura ya 10, omushororoongo gwa 7, - kandi nikwo kiri, kandi nikibaasa kugaruka kugambwa ogundi murundi, n`eky`omugasho, n`eky`aha muheru, - ekyo kintu kikarangirirwa omurundi gw`aha muheru. Omu shuura ya 11, kuruga aha mushororongo gwa 15, nitugambirwa ekirikubaho, obu maraika ogu owa mushanju arikuteera enzamba ye, “maraika owa mushanju yateera enzamba; haabaho amaraka mahango omu iguru nigagira gati: Obukama bw`ensi bwahinduka obwa MUKAMA waitu n`obwa Kristo we, kandi aryaguma aha ngoma ebiro n`ebiro.”

Ogwe weena otari kubaasa kurebera omu byahandikirwe ebiri kwera aba baamaraika mushanju barikutera enzamba mushanju kandi n`ekiribaho omu kaire ako kariyo nikareebwa kaahikire haihi. Ruhanga takigwiire maisho g`omutima gw`okwetegyereza kwanyu. Kandi buri muntu ari kubivunuura omu muriingo gwona ogu yatuunga taritunga kukyenga kuhikire. Tushemereire kureka Ruhanga Ohikiriire kandi n`Ekigambo kye eky`amazima.

Tihariho kagisha na kakye, nangwa tikikwetengyesa na nvunuura yona. Eki ebyahandikirwe ebiri kwera birikugambwa kihikire kandi kishemereire kuheebwa ekitinisa abantu bona.

Kihikiriire nk`oku ekihikiriire kyona kishemereire kuba: Omu Kushuuruurwa 2 hamwe na 3 ba maraika ba makanisa mushanju, ababaire bari entumwa z`omu nsi, nibagambwaho. Aha kikwatireine ahari bo, »eky`okuteera enzamba« nari »enzamba« tibirikugambwaho. Omu Kushuuruurwa, eshuura 8, 9, 10 hamwe na 11, nitworekwa ba maraika mushanju abari omu iguru omu maisho g`ekitebe, abu omu kubambuura akamanyiso ka mushanju nibahebwa enzamba mushanju. Aha nzamba eya aha muheru »enaama ya Ruhanga« neija kuhendera. Aha Kanisa ya Kristo, enaama ya Ruhanga, ekashuruurirwa kurugira kimwe aha kutandika, omu Bayudaaya neija kushuuruurwa kandi ehenderere omu kanya ako. Tihariho Kigambo ekirikugambwa omu Kush. 10 aha kikwatireine »naama nyingi«, kureka nikishangwa omu Kigambo kimwe »enaama ya Ruhanga«. Tihariho n`omwe omu nsi aine obushoboorozi kuhindura kimwe kuba bingi. Ekigambo kya Ruhanga kihikiriire kandi kishemereire kurekwa nk`oku kiri. Omu mugiigi gwitu enaama eza sherekirwe omu Kigambo zikashuuruurirwa omu kitabo ky`okutandika kuhikira kimwe omu kitabo ky`okushuuruurwa okurabira omu ntumwa y`ekanisa eya aha muheru.